喺日本食完個蟹之後 都係覺得爭少少 返到嚟香港拉咗朋友陪我去食多餐蟹 成日去銅鑼灣經過都好想試 不過咁多年來都冇入過去 今次係個好機會 一入到去就見到魚缸入邊一大堆蟹迎接我哋 坐低睇餐牌見到佢有個set係同國泰嘅Asia Miles合作 $20就有1分 一向儲開miles嘅我 見到咁多嘢食又咁抵就order咗呢一個set Order 後好快就上沙律 櫻花蝦沙律配柚子醋汁 清新嘅沙律配上香口嘅櫻花蝦 再加埋柚子汁酸酸地 喺一個開胃嘅前菜 前菜三點 有鰻魚青瓜漬海帶 ，呢個我覺得三本之中最平凡嘅一款 但係青瓜海帶，酸酸meimei 令人開胃嘅 慢煮紅酒鵝肝 呢個我個人覺得有啲驚喜 平時如果出去食嘅鵝肝多數係煎 咁樣係香口 但係呢一個鵝肝係慢煮 感覺keep到浸鵝肝味 但係好似食緊牛油咁 質感好柔軟 焗田螺上邊有一沙律醬芝士 我最欣賞佢嘅長汁😂又肥又好食 刺身四點 有松葉蟹腳、吞拿魚、吞拿魚腩同油甘魚 所有嘢都新鮮 但我覺得常溫左dddddd 如果有少少凍對我黎講更加好好食 再上就係 武士蠔 體積比較細隻 但好厚身 鮮味會重啲 譏燒鮑魚 好腍 鮑魚嘅鮮味都好重 松葉蟹肉三文魚籽蒸蛋 都係一般嘅蒸蛋 唔會唔好食 蒸北海道活毛蟹 肉質好鮮甜 仲要好多肉 蟹蓋上邊有滿滿嘅蟹膏 我哋第一口就就咁食 味道好濃郁 跟住第二個方法我哋就將佢撈埋落啲蟹肉度食 口感層次更豐富🫶🏻 跟住再黎龍蝦尾野菜天婦羅 個人又係好鍾意 首先佢炸到唔係好油 炸粉又唔會好厚 佢嘅龍蝦肉好口，好有口感 除咗龍蝦好食之外，佢炸嘅蔬菜都好好食 而鹿兒島A5薄燒露筍和牛卷呢個我都覺得好好食 和牛冇燒過咗龍 好香牛味之餘個質地仲要好腍 露筍吸哂牛肉既汁 正！ 仲有松葉蟹肉煮飯/松葉蟹肉湯麵俾我哋選擇 我就揀咗蟹肉麵 佢嘅外貌已經好精緻 唔係好大份啱好 味道我就覺得還可以 之後既鯛魚白湯呢個又係令人滿意嘅 個湯煲到好濃好白 好有鮮味 最後嘅甜點係綠茶布甸 由於我麻麻哋綠茶 所以冇乜太大感覺🫶🏻 另外好值得一讚呢度嘅服務好好 好有禮貌 間唔時過嚟睇吓我哋有咩需要

樓上餐廳其實好值得發掘，灣仔呢間出名食牛扒，之前已經食過，今晚再encore 環境昏暗有情調，同高級餐廳無誤，午餐同晚餐都有set menu，黎到扒房一定要食牛扒 頭盤有凱撒沙律，簡簡單單作前菜 是日餐湯係手打香草蕃茄湯，酸酸甜甜非常開胃 仲有特製百里香牛油餐包 主菜必點係平鐵牛扒，230g份量已經足夠，再配上任食薯條，薯條幼身夠脆，即叫即炸 至於美國平鐵牛扒，從中間切開，5熟到是非常準確，內裡肉質嫩紅色，非常滋味 烤雞配阿根廷青醬，非常欣賞旁邊自家製的醬汁，味道帶點辣但非常惹味，兩塊雞肉肉質好嫩，配上青醬是另一番風味

其中一間我鍾意既天麩羅店🫶🏻 佢嘅炸蛋 我覺得好出色 太耐冇食！咁啱又喺灣仔見到呢間 又咁啱差唔多放工時間即刻搵個朋友一齊食 去到發現佢哋而家推緊牡蠣海老天丼 個蠔除咗一啲腥味都冇 佢炸完之後唔會覺得佢好油 仲要咬落去好Juicy 好好食！ 而呢間最signature既江戶前天丼 亦都係我最愛 入邊有一條成隻手咁長嘅天穴（應該係鰻魚） 炸完之後 肉質仍然保持到好滑 冇骨 超讚！ 我哋加咗一隻貴少少嘅蝦 我覺得蝦味真係比較重啲 係好食嘅！ 最重要係佢個雞蛋 炸完之後入邊仲係流心 正！ 店嘅裝修木系為主 簡約舒適 仲要位於利東街 唔同節日都會有唔同嘅佈置 所以你呢一度 一舉兩得 又可以食好嘢 就可以喺出邊打卡😍

雖然就嚟返泰國 都好想食泰國菜 搵到裕民坊有一間開咗冇耐嘅東來泰館 朋友話幾好食 所以去試吓 餐廳嘅裝修格局好舒服 最欣賞係有一排窗邊嘅位置 可以見到出邊嘅環境 感覺上冇咁侷促 . 我哋兩個人嗌左二人餐 點好菜之後就上咗冬陰功 唔知道大家知唔知道冬陰功有分開清湯同埋加椰汁嘅湯底 個人比較鍾意清湯 而東羅正好就係清湯湯底 佢嘅湯底應該用咗大蝦殼或者頭去煲 好鮮蝦味 最驚喜係有一隻大蝦喺入邊 而且仲要好爽口 . 個set入邊可以嗌兩個前菜，兩個煮食同兩杯嘢飲 前菜方面，我哋叫咗黃金雞翼 呢個好好食 好邪惡嘅蛋黃，再加上好脆嘅雞翼🫶🏻 而生菜包，感覺上佢冇咁油膩 比較清一啲 . 主菜嘅燒雞 燒得好香口 而且好入味 我同朋友最欣賞咖喱軟殼蟹 咖喱椰汁味好重 軟殼蟹油炸到好脆口 👍🏻👍🏻👍🏻 . 而且呢度價錢唔係好貴 加上環境幾好 唔錯

馬仔四季火鍋 - #九龍城 一間好想試好耐嘅沙嗲湯底火鍋店🫶🏻 個沙嗲湯底好香濃 仲有陣陣花生香味… 煲左好耐都唔係好黐底 . 公仔麵，掛哂沙嗲湯底嘅精華 不得了既！ 同埋我欣賞個湯底唔係好咸 又唔會越食越咸 唔錯！ 喺配料方面！（我掛住食嘢，唔記得影其他相） 老實 牛我唔覺得有啲咩特別 $300（細份） 另外，佢嘅配料仲可以雙併！ 價錢又唔係好貴 我哋嗌咗豬潤，鯇魚腩，脆皮腸同埋炸魚皮.. 我自己就覺得炸魚皮一般，但其他配料都唔錯 欣賞！ . *口味個個不同

眾所周知九龍城應該都係食泰國菜出名 而係芸芸嘅泰國菜 朋友竟然帶我去食川菜 食完之後覺得有驚喜！ 價錢唔貴，份量大大份！最重要係好食！ 會回頭再食🫶🏻 酸菜魚 有兩款選擇 一款係普通啲嘅魚而另一款就係龍躉 雖然我哋揀咗普通啲嘅一款 但係魚質感好滑🫶🏻 而入邊有滿滿嘅水晶粉同萵筍 真係吸晒酸菜魚汁 好入味！ 而呢一個酸菜魚湯，亦唔係好油 （感覺上冇咁邪惡） 酸度啱啱好 唔會偏鹹 （但個人鍾意食辣可以再辣啲😂😂😂） 份量仲要好大份 CP值好高！ 口水雞有半隻咁多 嗰張麻辣適中！肉質都幾滑 雞件大大舊 食落口啖啖肉 👍🏻👍🏻👍🏻👍🏻👍🏻 手撕包菜呢一個，我覺得味道比我平時喺出邊食嘅酸少少 但係冇咁辣 好開胃

與好友相聚，大家都好想食中菜 所以揀咗間靚景嘅米芝蓮中菜廳 呢度除左靚景之外 裝修都好有格調 第一道菜就上咗焦糖豚肉豚肉叉燒+海蜇+蘆筍白肉卷 個人好鍾意個叉燒，有淡淡的焦糖味肉質鬆軟，非常好食 而海蜇口感爽口 酸辣海參竹笙海皇羹 感覺上好似酸辣湯咁樣 有帶子同蝦仁喺入邊 十分足料 酸湯蟶子皇 配咗萵筍 可以平衡返酸湯嘅酸味 底下有薯粉 吸咗湯嘅精華 而聖子鮮甜爽口 意大利黑醋松板肉 呢個豚肉肉質好彈牙 味道酸酸甜甜 好開胃 玻璃脆皮貴妃雞 雞肉juicy 最欣賞佢嘅皮好似紙咁薄又好脆口 芒蝦煎鮮淮山 我第一次食煎淮山，估唔到個口感可以咁爽口 香蔥雞油蒸馬友 馬友嘅肉質幾滑 沒有Overcooked 最後黎個砂鍋鮑魚焗飯 最有特色嘅係經理會喺我哋面前烹調呢一個飯 經理先爆香蔥 之後再加入飯及鮑魚等配料 炒飯好乾身粒粒分明 非常惹味 主食完晒之後 最後就係到甜品 薑茶水中花配芝麻卷 簡直係一個完美嘅配搭 師傅手工好好將舊豆腐切到好似花咁樣 未食，已經覺得非常精美 而薑茶清淡得來，帶有陣陣嘅薑味又唔會太甜，非常好 而芝麻卷 每啖都有香嘅芝麻味。超讚👍🏻

呢一間係觀塘好出名食疏乎厘嘅西餐廳 好多朋友都send OpenRice俾我叫我一齊食 又的確真係好好食 佢嘅麻糬疏乎厘pancake的確值得食既 嗰塊麻糬口感煙煙韌韌仲有清淡嘅椰子味👍🏻👍🏻👍🏻 而佢嘅pancake好重蛋味，又有口感。 除咗疏乎厘之外，其實佢其他甜品都好多人推介 除咗甜品好食之外，佢哋嘅主菜都好好食 好食到我哋兩個女仔叫咗叫咗四樣嘢食，其中三樣係意粉，但係朋友就覺得意粉硬咗少少，我就覺得可以。 但係味道全部都係水準之上！ 而佢嘅雞翼每一次去我哋都會叫 炸得好香脆，肉質好Juicy 再加埋好邪惡嘅鹹蛋醬,正🤤🤤 但係個場可能長期好多人，所以就比較嘈少少。所以每次我都揀冇咁多人嘅時候去食

近期呢間好似好大熱食醬油蟹既韓店 . 而呢一度長期都係爆 所以建議嚟之前要訂位同埋留蟹 呢度嘅醬油蟹我覺得係好食 但係又未至於去到下次嚟我又會再叫 一set有兩隻蟹 再加送一碗紫菜飯 將蟹膏撈埋紫菜飯食 真係冇得輸 芝士排骨 芝士控既我好開心 排骨又好入味 呢個好食 豆腐泡菜湯 都係唔錯嘅 炒辣豬肉 呢個好惹味 送飯一流 最後仲叫咗個冷麵 我覺得呢一個要一開始就要食左先 因為個湯底酸酸地 咁樣會令到成餐飯更加開胃 呢度嘅嘢份量都幾大碟 我哋都叫多咗 除咗以上食品仲有燒肉，如果下次嚟嘅時候我相信可以嘗試一下

朋友好好知我好想食湯粉 專登帶我嚟食好西！ 碗叉燒鴨河 個湯底好香濃 鴨又香又大舊都唔係重點..我重點去左佢個河粉到 個粉同平時食開唔同 無咁粗 又薄d..食落口好滑 好好味！🤤 另外，重點都唔係喺主菜 D小碟無諗過咁好食！ 我自己好鍾情於豬脷 痴線 咁厚都好入味 仲要無豬嘅腥味 呢個 我真心想叫朋友唔好食 比哂我食 另外個韭菜係我比較鍾意 油鹽水大蜆，個湯好鮮 蜆大隻肥美 最常見到淨係得蒜頭嘅避風塘 呢度仲加埋辣椒炸 真係第一次見 味道更加香 雖然係咁但係又唔會搶咗蟹既鮮 呢一度坐得都幾舒服 最重要一點呢度嘅服務員好熱情 成日走過來睇吓我哋飲晒啲水味又幫我哋收嘢 👍🏻👍🏻👍🏻👍🏻