在紅磡區吃好午餐是一件很容易的事，因為四處也是小店，基本上每天都可以試新餐廳，
今天和同事選擇了新開的日本餐廳 - 活道樂居酒屋。
必嘉街先後已經進駐了數間日本餐店，想不到一年時間又多一間新餐廳，所以決定去試一試。午餐menu選擇有很多，午餐連氣水和麵豉湯，價錢十分相宜，
和同事最後選了魚生飯和豚肉生彊燒，相信基本可以試出廚師的功夫了。三色魚生飯份量很多，雖然只叫三色，但除了三文魚，章紅魚，甜蝦外，還有蟹子和卷蛋。
$58的價錢絕不欺場，而三文魚亦超級厚切，厚度是章紅魚double，每樣刺身也不過不失，沒有太強的雪味。豚肉生彊燒份量非常多，味道適中，不會過甜，送飯一流。

整體無論刺身或熟食也在水平之上，價錢亦只需~$60
可惜的是這條街上亦有其他選擇，相信如果要留住食客的胃，要加把勁才可以！

約好左幾個好姊妹係星期日出黎傾計。星期日約係又一城係有少少冒險架，所以我就捱義氣早少少去搵位啦!

一早就諗好要食好耐冇食過既Habitu，四點幾去到，竟然排頭位，我自己都嚇親！排左10分鐘島，有張大長枱ready，但我地想坐耐d，又唔想同人搭枱，就同店員講我地想坐獨立枱。等多左10分鐘島，就坐低島喇！望下餐牌，咦！有少少變左喎！加左價，同埋冇左我好想食既雙色Nachos⋯有少少失望添T^T不過大部分咖啡都冇咩點變。

每人例牌叫左杯咖啡，我今次想簡簡單單飲杯玫瑰咖啡($50)，兩個朋友就分別叫左杯凍「伯爵茶咖啡」($55)同埋Latte Macchiato($42)。大家都有少少餓，但又唔想食太多怕夜d食唔落晚飯，於是就叫左兩個Green Bite，一個係「喜馬拉雅海鹽薯條配香脆雜菜」($68)，另一個係「有機雜菜醬配Pita薄脆拼盤」($98)。

唔洗十分鐘所有野都黎齊晒喇。

個薯條味道非常普通，最搞笑係原來個海鹽佢真係另外係櫃桶攞樽鹽你自己扭落去就算⋯仲有⋯說好的香脆雜菜呢？？個Pita脆片一攞上黎就知中伏Orz
佢有三個雜菜醬—一個係野菌醬，感覺同普通沙律醬差唔多；一個係紅椒醬，普通；一個係pesto⋯但明明佢話係茄子pesto黎架喎，我就唔係好食得出喇⋯至於所謂既拼盤呢其實就係純粹擺一堆好raw既蔬菜伴碟，再加多塊麵包咁囉⋯d脆片就非常差！太厚，又唔夠脆，同埋份量係非常少⋯比100蚊食碟咁既野，真係會好失望囉T^T好彩d咖啡都仲保持番水準，不過伴碟塊杏仁曲奇好似一早做好左好耐咁，好唔新鮮。我地一直坐一直傾傾傾傾左兩個幾鐘。期間叫侍應比左杯水我地，佢地都好爽手。雖然之後都係要自己「自助加水」，但坐左咁耐都冇人催我地加單，或者趕我地走，都算係一個傾計既好地方。我地走既時候都接近晚飯時段，但都仲見島有空枱，仲要冇人排隊添。

總括而言，小食變得好冇誠意，質素有待提升。可幸既係，咖啡種類同味道都冇變，希望可以keep島啦！

呢度都不失為一個傾計既好地方，可能下次淨係想飲杯咖啡，又或者晚餐時段搵唔島位既話，就只order d安全野，例如all day breakfast或者fish and chip，都仲可以比多次機會既。

一直都好奇怪Friends Italian Restaurant 和 Go Inside有什麼分別, 為什麼OPENRICE會有兩個不同的餐廳, 它們一同SHARE一個廚房的, 雖然不太明白, 不過間中也會支持此店, 全因為它是一間社企. 它主要請聾啞人士作為服務員,所以於點菜時要有較大的耐性,確保大家溝通明白

午餐大約由$50 - $130 不等, 選擇有很多, 套餐包括餐湯,主菜和飲品(凍飲唔洗加錢架)今日個餐湯真.難飲.....睇落似磨菇湯,實際係有綠豆,似足中式既綠豆粥,如果加糖會似綠豆沙.....
最後連平時唔浪費既我都飲唔到落去...真係太奇怪了呢個雞排拼薯菜SET只係$56, 係火車站拎埋COUPON 仲要-10蚊..有咁多薯菜好底食.
雞排好大塊煎到岩岩好,好滑. 特別係薯角,好熱岩岩炸好.

雖然呢間只係一間普通西餐廳,但既然係社企,食物又唔難食,當然要再黎啦!!!

發現好耐無食越南野,睇FACEBOOK見好多人都話邦美蜀係同區算好味,
所以決定去試一試,由於兩個人唔叫得多野,基本上都係有菜有肉,均衡飲食XD

最後叫了一個火車頭湯河和馬拉盞椰菜苗,兩碟份量都好大碟,完全夠晒兩個人食火車頭湯河 - 平時見到都必叫,因為咩都可以試D,岩晒為食友.
簡單黎講即係大雜燴河粉,有牛丸,牛柏葉,牛展,熟牛肉(正常出面應該比生牛肉),牛腩.
用料豐富,絕對夠2人食,所以價錢都係2人價,$83一碗,唔計佢比左熟牛肉而唔係生牛肉,成碗都好好味.
湯底淆得好入味, 牛丸好彈牙,有牛味, 牛柏葉好爽口,唔似出面"拿"到淋晒,至於牛展同牛肉就比較差, 牛展並無咬口,牛肉亦只係熟牛肉.牛腩亦都好味,炆到好淋好入味. 總括不過不失啦.至於個菜呢...我覺得完全係敗北, 菜炒得好硬,椰菜亦唔新鮮,好多都已經發黑而且好污濁
其實椰菜本身已經唔係難洗,但都搞成咁,完全影響食慾

總而言之, 我覺得有其他更好的選擇,唔會想再食.....

聽人講左好耐韓國雪花冰好食過台灣個D，終於有機會試到了。呢度係正教育路，好易搵，星期五既然無人排隊，同為食友立即沖入去搵番個位。入面好大冷氣，怕凍既預備多件衫啦，不過後來店員好好人，聽到我地講凍都即刻較細冷氣去。

一入去見到除左雪花冰，仲有Ｄ糖漿蘋果，蛋糕，不過緊係試左雪花冰先啦，幸左好耐架啦，雖然都唔知佢係咪正宗，不過無關係的，只要係韓國出名就當然試左先算

之前聽過朋友話OREA雪花冰好食，又見到摩卡咖啡雪花冰寫住新推出，最後就點左兩個冰試下。(其實想叫一個，見人地一個已經好大個，不過有最低消費$30，只好一人點一個冰食)摩卡咖啡雪花冰上面有好多咖啡粉，仲有幾粒咖啡Jelly，咖啡豆同牛奶雪糕，樣樣野都好好味，鍾意咖啡既唔好錯過。OREO雪花冰更加係朋友無介紹錯，我自己鍾意呢個多Ｄ，冰上有勁多OREO碎，仲有一球OREO雪糕，平時去食自助餐拎雪糕都已經好鍾意勁加OREO碎既我，呢度完全滿足到我。食到最後得番Ｄ冰都仲有好勁既牛奶味，唔似傳統刨冰咁DRY，食到最後無晒味。
P.S.食食下時唔小心掉左支叉落地，待應好細心，講都唔洗講就已經比過支新我，底讚！