呢間門面似酒吧嘅川菜，好有feel‼️ 野食款式好多，烤魚、雞煲、打邊爐、酸菜魚、串燒 「麻辣烤魚」 有幾款魚可以揀，職員介紹鴨咀魚肉質較為嫩滑， 條魚嚟到，真係令我哋嘩然 個咀原來係咁長，真係好似鴨咀～～ 先烤到外層有焦香，不過略嫌over-grilled， 有啲位有少少苦‼️ 烤過嘅魚特別香，肉質真係好嫩滑 重點係唔會有幼骨，可以大啖大啖咁食❤️ 麻辣口味岩哂鍾意有層次辣度嘅我🌶️ 2個人食咁大條魚，今次食唔到其他串燒～ 「涼拌萵筍絲」 調味酸酸哋，好開胃， 萵筍絲夠爽口，會令人係咁想食 「燒雞泡魚干」

老字號冰室最近開到嚟觀塘，當然要嚟lunch一lunch‼️ 估唔到2點幾都仲有咁多人嚟lunch, 西冷牛扒價錢一啲都唔貴，只係$78， 仲有啲擺盤添，好有heart❤️ 牛扒嚟到，塊扒煎得好香， 入口仲有肉嘅彈性，並唔係比鬆肉粉醃到又淋又無肉味果種， 牛味雖然並唔係十分濃，但仍然食到牛味， 呢個價錢食到呢個質素，有回頭值🔝🔝🔝 薯菜用左粗薯角，咬問中間嘅薯茸係飽滿柔軟的， 唔係好粉果啲口感，真心好好食，外層又炸得夠脆 🥤充滿懷舊回憶嘅紅豆冰 ，紅豆煮得夠綿， 味道又唔會太甜，啲冰溶哂都唔會溝淡口味 焗肉醬意粉 瑞士雞翼 呢款又係好懷舊嘅味道 啲雞翼都幾大隻

最近見到好多小店都不再，真係唔想見到咁樣‼️ 所以我要支持返本土美食，今日就去食車仔麵🍜 呢間車仔麵有著新穎嘅設計，個名都好有噱頭，即刻舉步入店～～ 除咗有車仔麵，仲有日式拉麵， 我要左3個餸，其中一款係「和風煮豬軟骨」， 呢個真係推薦，煮得好入味， 軟骨軟硬非常適中，骨&肉之間有少少脂肪， 令到成件事唔會乾爭爭❤️ 「咖哩牛柏葉」 食車仔麵必點嘅一個餸，咖哩汁好香 下次可以直接要咖哩汁 今次我要左腩汁+秘製辣汁🌶️ 辣汁一啲都唔野少，我只係叫小辣，但個辣度都好足夠， 同埋唔係死辣，係辣得有層次，仲好香好惹味 「酸齋」 有一點要欣賞的，就係酸齋會分開上❤️ 酸甜度岩岩好，好入味，味道唔會only流於表面‼️ 湯底清而帶有啲甜味～～ 呢度仲有好多款小食，炸韮菜餃係即叫即炸 山楂檸檬茶估唔到有驚喜喎 味道好夾，而且好fresh，仲有啲薏米

揸車去黃埔飲茶最好，包保有車位，而且停車場費係最平的 呢間Club One 博藝會樓底高又闊落，坐得好舒服‼️ 如果係Club One 會員，點心仲有優惠添 叫左幾款點心，出品都唔錯，點心熱辣辣就最好食 「百花釀魚肚」 魚肚吸哂啲汁，好好味、 每次一見到有呢個點心，我都會必叫❤️ 蝦滑口感好爽彈，仲有原隻蝦係入面‼️ 「豉汁蒸鳳爪」 鳳爪非常入味，每隻都比平時食嘅大隻 「濃雞湯野菌西洋菜餃子」 本身想食餃子就叫嚟食， 估唔到係一整窩上每隻餃子都好飽滿， 而且餡料係我鍾意嘅多菜少肉 雞湯都好真材實料～～ 「生煎墨魚餅」 墨魚餅打得好均勻，食得出有口感又夠爽彈， 加左粟米粒，口感更豐富 「擂沙湯圓」 呢個甜品唔係經常可以食到， 外層湯圓夠軟糯，中間流心芝麻勁好食， 今日食到呢個甜品真係好滿足「上海粗炒」 呢個只係半份嘅份量，但份量一啲都唔少， 而且炒得好有鑊氣，勁香

荔枝角有好多地方逛 又有outlet，又有時裝城，又有D2 place， 行足一日都無問題‼️ 同埋原來呢度都有啲隱世悠閒嘅餐廳， 呢間餐廳簡約時尚，每一個角落影相都好靚❤️ 🍵黑松露泡沫蘑菇湯 加入左分子料理元素，看上去更加非一般～ 泡沫都last 到好耐，唔會好快就無哂， 黑松露味勁香，完全同磨菇湯融為一體 🍗水牛城雞翼 終於都食到間好味嘅水牛雞翼 辣+醋岩岩好，辣醋汁完美地包裏每隻雞翼❤️ 雞翼皮仲係脆口的，唔會比個汁整淋左 🥩美國安格斯牛莎朗 三塊牛都燒得勁靚，外層有焦香 Medium岩岩好，好有肉汁，肉質軟嫩有彈性， 沾埋芥末醬，味道更出色‼️ 🐷慢煮西班牙豬鞍架 塊豬鞍都好厚肉，煎到外層金黃色， 切開有肉嘅紋理又有彈性，不過略嫌overcooked左少少， 食落有啲乾，好彩個焦糖蘋果醬救返起🤩

每朝返工匆匆忙忙買個麵包食就搞掂‼️ 有一次發現觀塘有間麵包店，啲麵包係每日即整及新鮮出爐， 買左1個食，好食過連鎖麵包店好多 今日再嚟買，一次過買左4個，幫埋同事買 啲麵包係好有份量的，拎上手就知龍與鳳～～ ✨聽呢間麵包係用日本麵粉 &天然酵母，仲要係每日係店內新鮮出爐， ✨師傅對出品有一定的要求 ✨而且呢度每日嘅麵包都會有少少唔同，所以有時都可以試吓啲新口味‼️ 🥖粿麥合桃提子包 啲合桃都幾多，質感好緊密扎實，亦有一定嘅鬆軟感，唔會好乾好硬，係好食㗎❤️ 🥨火腿芝士包 見到好多人都買呢款，就買比同事， 咸香味好balance，麵包有啲彈性帶鬆軟‼️ 🥯紫薯Q丁包 中間滿滿都是紫薯蓉，仲有QQ嘅麻糬， 麻糬口感係偏軟身，所以同麵包好有融合性， 食得出紫薯蓉無加任何添加糖，係天然紫薯嘅香味 🍞海苔海鹽包 除左有麵包之外，仲有咖啡飲 🥤熱朱古力 呢杯朱古力好有驚喜，入口好細滑， 同時朱古力味非常香濃，唔會好奶， 完全係我鐘意嘅口味

一出𨋢門，並不是華麗設計，而係設計成韓國街邊大排檔嘅風格，充滿韓國地道feel‼️ 餐廳內外都貼滿咗韓星嘅相片及poster ， 比人一種輕鬆自在、毫不拘謹嘅環境❤️ 一定要先嚟個「人蔘雞湯」，啱晒滋補養生嘅我， 未開始飲，已經好香人蔘味，雞湯非常濃郁， 雖然有啲雞油喺面，但完全唔會有油膩感 所以我都好快就清咗兩大碗 「蜜糖芥茉炸雞」 炸衣唔會甩皮甩骨，炸到好鬆脆， 同時好有效咁鎖住肉汁，令到啲雞肉好嫩滑juicy， 重點係個蜜糖芥末醬勁好食呢個醬簡直係加分位❤️ 「韓式豬手」 呢份豬手完全係我杯茶，一啲肥膏都冇，超正 肉質係好有彈性，塊豬皮係Q彈的， 沾埋燒汁，夾埋生菜蒜頭粒一齊食，更加有🇰🇷風味 「芝士王烤排骨」 燒烤汁酸酸甜甜，味道同平時係西餐廳食嘅一樣， 韓式嘅味道比較濃啲，好岩配韓國啤酒🍻 仲有埋熱溶芝士，幸好芝士味唔會太濃， 食落唔會覺得膩‼️ 草莓奶昔 串串上面有一粒韓國士多啤梨，同埋蜂巢， 甚有睇頭 打卡一流‼️ 味道亦100分💯 甜度岩岩好 依間韓式大排檔既有風味，性價比又高， 下次約埋一班朋友嚟吹水，再飲埋啤酒炸彈啱晒🤩

🫕一直都認為芝士火鍋會好膩，今次嘅初嚐打破了我的固有思想 呢度嘅芝士火鍋除左有傳統口味之外，仲有🍅蕃茄味、黑松露味， 初嚐嘅我當然要傳統口味， 芝士唔會好杰，用法包沾上帶有酒香嘅芝士， 味道出奇地有驚喜 一啲都唔膩，酒香能令芝士嘅咸香更突出‼️ 加左西蘭花、蘆筍、炸薯條， 薯條係熱辣辣炸起，配上熱熔芝士勁好食💯 沾咗芝士嘅西蘭花&蘆筍完全無違和感❤️ 「火焰雪山」 呢個冷熱交融嘅經典甜品唔係好多地方有得食， 而最打卡嘅就係會有火焰🔥 將干邑白蘭地點火淋上雪山，非常有睇頭‼️ 外層嘅熔岩係用cream打成，質感好綿滑， 仲有濃濃嘅酒香，酒味都幾濃烈～～ 裡面係雪糕+蛋糕，由忌廉包裹住， 仲有好多水果添 一次可以滿足到多重口感 🎂好多人都係呢間餐廳慶祝生日，由火焰雪山送上祝福😃

每次經過地鐵站都被呢間嘅泡芙香味吸引 原來而家有得買二送二，超級抵‼️ 即刻要同朋友一齊買 「朱古力三重奏」 呢個好岩朱古力控，由外到內都完全感受到濃濃嘅朱古力 仲有合桃增強個口感， 不過呢個就唔可以一路行一路食，會好呢hea 「北海道牛乳布丁」 呢個泡芙好高，我就係比佢豐富內涵吸引左 一層牛乳布丁，再加一層牛乳忌廉， 忌廉入口非常軟滑，好似雪糕咁 而底層嘅布丁感覺同忌廉融為一體‼️ 「朱古力脆皮」 但食落感覺同原味泡芙無咩分別，只是多左一層脆皮朱古力， 我還是喜歡原味泡芙多啲‼️

真係好鍾意打邊爐，烚吓烚吓唔駛諗咁多 呢間已經係我第二次嚟幫襯，最近原來搬咗去尖沙咀‼️ 未食雞煲前，一定要先飲茶壺老火湯， 味道清甜，非常足料好飲 平時食麻辣雞煲食得多，今次轉下新口味， 「茶樹菇雞煲」 其特別之處就係除咗雞之外，仲有茶樹菇食， 茶樹菇嘅清香滲咗落雞度，令啲雞嘅味道無咁單調 食完雞煲再嚟過火鍋湯底， 「花膠翅冬瓜雞湯」 呢個湯非常滋補，花膠翅份量都唔少， 雖然唔係好大群，但呢個價錢食到花膠翅，真係好抵❤️ 而重點係佢嘅海鮮拼盤好有料， 有龍蝦、鮮蝦、鮮鮑、扇貝、桶蠔、膏蟹～ 鮑魚仲郁緊 而我最鍾意就係海蝦，夠大隻，又爽甜 啲火鍋料都好高質， 安格斯牛肉好有肉嘅彈性，牛味又夠濃 大蜆、牛柏葉、龍躉片、海蝦都係一定要encore 再 encore‼️