係附近做完野就去搵下野食，行下見到呢間裝修幾特別既cafe就諗住去試下，入到去先知原來係mirror Jer開既餐廳，因為有寫住Jer推介既食物🤣今日係平日，好彩早少少到就唔駛排隊🤭 食物選擇都有好多唔同類別，不過唔記得左影個餐牌，我地揀左推介既卡邦尼意粉和燒雞半隻，仲有2杯expresso tonic。 個環境真係睇得出花左好多心思，好有藝術性既油畫再加一棵仿真度好高既樹，成個設計好襯同好舒服。 主菜嘅卡邦尼意粉，配上蘭雞蛋，拌埋一齊食好香好好味，質素好不錯， 煙肉好香口好味🤤 半隻燒雞加薯條，薯條係中幼條，粗幼適中，好脆口，不俗。 燒雞好嫩滑夠入味，都幾好味喎。估唔到2款推介既都唔錯，可以encore。 Expresso tonic 都好好飲，少少酸既檸檬味配上咖啡，好正🤤 食完主菜又見到甜品好似好靚好吸引，叫多左個仙人掌，個仙人掌主要係朱古力，朱古力控既我好欣賞，店員有提過呢款比較甜，但對我黎講都唔會太甜，可接受既甜度😍加上個造型真係好精緻，好滿足既一餐。加埋個背景影相真係好靚😍 本身諗住明星開既餐廳可以都係sell名氣，但原來環境味道都唔錯喎，值得一試🤤

今日屯門公路塞車，返到屯門已經8點，老公話唔好煮飯啦，所以兩個人就去左市中心搵野食。
我地都一段時間無食過台灣野，所以就揀左座落屯門市廣場3樓的茶木。茶木的門口裝修好靚，8點幾都仲係坐滿人，可能大家屯門人都塞車唔想煮，哈哈。點知轉個灣仲要排隊，咁多人食質素應該唔錯。入面的座位好闊落，唔會因為多客而將d座位密度增加去做多d生意，👍座位d餐具同紙巾都擺放得好整齊，感覺好乾淨。而一杯杯的水就要食客就自己需要出去拎，夠晒環保
我好似大鄉里咁返睇個menu，老公已經掃描左QR code點餐，哈哈，原來宜家都係自助的系統點餐，幾多錢，點左咩都一目了然，唔使好似以前咁記住要叫d咩。其實menu都幾精美，我都影左d相。
老公就點左個招牌的台式牛肉麵。黎到放上檯已經留曬口水，d牛肉好大舊，而且份量唔惹少。d麵好彈牙，好有咬口。個湯都好有牛味，似係煲左好耐的牛肉湯，一啖湯頭一啖面，一啖牛肉，台式牛肉麵的最高境界。D牛腩仲要煲到好淋，一咬就碎，老人家無牙都食到，真系低讚！至於我就點左碗肉燥飯，加個雜果甜酸肉。呢個等的時間相對比較長，前後差不多20mins，原來個甜酸肉係收到order即刻做ga。
首先不得不讚係個飯粒粒分明，而且真系有飯香，坊間的一般茶餐廳完全無得比。
之後係個甜酸肉，咬落去係脆口，熱辣辣，仲要舊舊有肉汁，真系無得彈！
下次再去我應該都係繼續食呢個，哈哈哈。最後再叫多左個茶木最出色的窩夫甜品兩個人share，窩夫好脆，而且唔會好甜，配上上面的鮮果同埋個士多啤梨味的雪糕，窩夫的熱脆加上雪糕的冰涼軟綿綿，再一次衝擊我的味蕾，抵讚！如果你想食台式料理，茶木確實係一個性價比極高的選擇！

今日同朋友食飯，又揀左最鍾意既打邊爐，去左旺中帶靜既何文田度搵食搵左呢間食評唔錯既試一試。 而家推出好多唔同既套餐，都幾抵，有海鮮套餐、牛類套餐等等，我地偏好牛肉就揀左牛肉套餐，因為食牛肉為主就揀左個麻辣鴛鴦鍋底，再揀左蝦肉雲吞，蝦膠，皇帝菜同珊瑚蚌。 地方寬敞舒服，岩同朋友聚餐。 個湯鍋好香辣味，入面仲有豆腐同鴨血，全部都好入味，辣度唔算好強。 個牛套餐真係一上枱嚇親，咁大碟，仲有隻大大牛既造型，打卡真係一流，個牛套餐有3款唔同既牛，各有特色，都好有牛味，加埋麻辣湯底真係yummy☺️ 雲吞同蝦膠都唔錯，雲吞大大粒，絕不欺場。 因為牛套餐都大份，都食到好飽好滿足🤭🤭🤭🤭

今日約左舊同事食飯，要搵間坐得舒服又好味既餐廳，今次搵到間係長沙灣既鐵板燒餐廳，可以慢慢燒慢慢食 地方闊落，格調不俗既。 我地就主要睇二人套餐，有幾款都幾吸引，我地揀左鳥海山套餐，好豐富呀，有刺身、鵝肝、龍蝦、鮑魚等等….期待 先黎個頭盤刺身，待應好細心講解同進食次序，除左三文魚刺身都dressing左，感覺好fresh。 跟住到鵝肝多士，夠香口又juicy。 到重頭戲既海鮮，鮑魚同活龍蝦，份量都唔少，2款都燒到香口但又好嫩滑，好多汁，好好味🤭🤭🤭 跟住到牛肉薄燒，都係好juicy 最後食埋個充料炒飯，就夠哂飽肚又滿足。 整體都非常滿意，食得好開心既一餐。

今日難得放假就去chill 1 chill, 去左呢間環境唔錯既餐廳嘆早餐，可以望住戶外花園，感覺好relax。 呢度既早餐都係好豐富，仲可以選擇brunch，好多唔同選擇😍 我最後擇左 bakery + 5sides，食物就揀左蟹肉，三文魚，黑松露炒蛋，羽衣甘藍同蘑菇沙律，麵包揀左酸種麵包同朱古力包。聽到都覺得好豐盛既早餐😜😜😜 我叫左杯dirty, 平日既話就唔需要額外加錢，咖啡味唔酸，再配藍莓乾，醒神。 因為係即叫即製作，所以要少少時間去整。好豐富既配搭，有菜、包同海鮮❤️ 羽衣甘藍有驚喜，本身都偏草青味，但加左dressing令到成件事好fresh又無草青味👍🏻 個炒蛋份量都唔少，好滑身 蟹肉配青檸汁，鮮甜。我配蛋加埋個蛋一齊食，自製蟹肉蛋多士🤭🤭yummy 蘑菇沙律都不錯 整體無論食物、環境等都好滿意👍🏻

同事介紹呢度有間burger，大件同埋係即叫即制，咁就試佢一試啦。 間餐廳門面行純白清新路線，burger款式有牛肉，蝦堡同比較特別既西檸雞。我地今次就揀左牛肉同蝦堡，西檸雞就留返下次再試。 漢堡加$20就可以跟薯條/蕃薯條+飲品，我地分別叫左薯條同蕃薯條，咁2樣都可以試下嘛。我地再加埋雞翼，🤣🤣🤣🤣正。 呢度可以有QR code落單，入埋code可以有折。 我地落完單，店員就即時製作我地個burger, 新鮮熱辣辣咁，好正🤭🤭 我個蝦堡好好味，有啲泰式辣醬配搭，同埋個蝦餅都唔細，用料十足呀🤣🤣 我地加左$20就再豐富啲，有埋薯條果d。薯條同蕃薯條都係粗身，我自己就偏愛蕃薯條，甜甜地好味道。 雞翼都好juice😜😜😜 同事無推介錯😜🤣

好耐無約朋友仔食放題，今日放肆一下去食個放題，揀左呢個幾多好評既日韓放題。 入到去好多動漫既擺設🤭🤭 個放題都有唔同類型既食物，有刺身、壽司、炸物、日式料理等等。 真係好耐無食放題，仲記得以前係用紙仔落單，而家用手機落單真係方便好多。 飲品類型都有唔少，有汽水、啤酒、茶類，任君選擇。 一黎到就整返個刺身拼盤，各款刺身都有，d蝦都大大隻，刺身厚度岩岩好。 仲有個打邊爐，肥牛壽喜鍋，有得烚下烚下都幾開心。 仲叫左d熟食，例如牛舌、羊架、燒蝦等等，味道都唔錯。 壽司就細細件，咁可以試多啲唔同既款式。 仲甜品時間，叫左個榴彈炸彈，好香既榴連味，yummy😆 食得落仲可以去拎雪條食😁😁但已經好飽無食到… 滿足既一餐

今日放工同朋友去周圍搵下野食，去左尖沙咀山林道搵下邊個坐得舒服又好味既餐廳，最後㨂左呢間深海樓上餐廳。 餐廳設計簡約，地方位置都寬敞，可以同朋友仔舒舒服服食餐飯。 呢度雖然個名係oyster & steak, 但其實仲有其他唔同類型既食物，例如串燒、刺身、燒魚等等。 我地揀左個深海魚套餐，包生蠔、刺身、牛扒，豐富既。 佢仲有啲廚師推介食物，我地都額外加左creamy既美國珍珠蠔。 刺身有3款，不錯。生蠔🦪creamy。 鵝肝多士，有個可愛既造型。juicy 牛扒都好有牛味 拉麵就係幼幼的 再配杯解渴梳打。 滿足既一餐。

天寒地冬就想打邊爐，同朋友揀呢個肉蒲團餐廳，可以任食放肆地食🤭🤭🤭🤭一睇個名就知岩哂食肉獸 任食餐有4款既set, 我地揀左M5和牛餐。加錢仲可以任飲啤酒😏 位置都闊敝😌😌可以舒服咁打邊爐 頭盤會有唔同款既牛可以試下邊隻好味再order, 呢度會有張紙仔寫埋邊款牛，咁就仲知邊隻好味再encore. 試左好多唔同款既牛，我地重點叫M5和牛，有濃濃既牛味。仲叫左海鮮😄 成枱都係肉肉肉…真係肉蒲團🤣🤣🤣 仲有好多唔款既丸，菜等等可以自己去夾。 仲有唔少選擇既汽水同茶 打完邊爐仲有haagen dazs雪糕作結尾。 飽同好溫暖既一晚🤭 原來而家加$20就可以升級， 好抵咁

今日天氣咁凍，真係要搵餐好味暖下個胃，去左尖沙咀厚福街搵食，想食下熱辣辣既野食就揀左呢間居酒屋。 餐牌都有唔同類型既食物，例如刺身、串燒、天婦羅同主食類如海膽炒飯，每樣野睇落都幾好味咁…仲有是日推介… 雖然天氣有啲凍，但都想叫個刺身拼盤，再叫左好多唔同款既串燒，有推介既厚身牛舌，明太子雞翼，荔枝豬肉，冬菇，芝士翠肉瓜等等，好豐富既晚餐，仲叫左明太子玉子燒（究竟有幾愛明太子..），再加多個海膽海鮮炒飯。 六款刺身拼盤，唔錯 明太子釀雞翼，好香口，滿滿明太子，好滿足。 明太子王子燒，個玉子燒好軟滑，好味道。 豐富既串燒，個厚切牛舌真係好juicy，好好味，果然無推介錯。其他串燒都唔錯。 食埋個海膽炒飯就飽哂。滿足一餐。