趁這間餐廳結業前，前來晚餐。 看到餐牌價錢個心即刻離一離，都知唔平，但算啦，反正最後一次。 都是點了3 courses 餐，餐包夠熱嘅，正常水平。 羅未湯，足料嘅，有肉，食道濃郁，帶微辣，不錯。 前菜選了煙三文魚沙律，正常。 蝦薯仔蛋沙律，正常。 主菜友人叫了魚和蝦，配檸檬汁，蝦都大隻嘅，應該ok嘅。 我叫了五成熟牛柳，配鵝肝蒜茸汁，汁唔夠點，味道略淡，鵝肝都煎得香脆，正，略薄。牛柳很厚，邊位略熟，入面都六、七成熟了，可能太厚，不過都焾嘅，唔會柴皮咁，都少少juicy。 飲品叫了chocolate，正常。 總結，太貴了吧，服務同食物質素相當一般，純粹結業前一食。

今晚同咗老婆食依間點心。佢啲款色都幾特別。 春風得意腸。雖然好多酒樓都食到。而佢都做到水準之上。份量都幾大。裏面都脆。但佢比其他特別就係多咗三款汁點嚟食。有正常豉油。有甜酸醬。仲有麻醬。好似食左三個點心咁抵番。 另外叫咗個蝦多士。都係水準之上。10分香脆。但份量略少。 跟住叫咗一個黑松露餃。依個都10分驚喜。賣相就好似星空咁好靚。啲皮做得好唔會淋同爛。唔係得個樣。裏面亦都有好重嘅黑松露味。有啲菇碎咁樣。 其實另外仲叫咗黑金流沙包。都是水準之上。鹹蛋黃墨魚燒賣。墨魚很彈牙。裏面包住鹹蛋黃醬。幾特別。還叫了一個馬拉小籠包。個湯汁有啲似肉骨茶。有熟悉嘅感覺。唔係一般小籠包嘅湯汁。特別得嚟味道都不錯。 總結食得太多普通點心可以試吓依間特色點心。味道唔伏之餘還有驚喜。賣相都不錯。只是價錢略貴。但仍然值得再試

今日慶祝週年諗住食吓啲高檔嘢。見依間餐廳可以整公仔樣炒飯幾啱打卡。 類似柚子醋沙律。酸酸哋。開胃。正常。 魚子蒸蛋。一啖食晒。無乜魚子味。淡淡的蒸蛋。 雞泡魚乾。燒到幾香。食落好似魷魚絲咁。不錯。 龍蝦。有蝦膏香味。新鮮龍蝦一路燒一路郁。肉爽口彈牙。得三舊。 鮑魚。有啲昆布。唔知係鮑魚未熟得透定點。有啲生味。個汁好食。有牛油香草味。配爽口唔靭鮑魚很夾。 鵝肝多士。鵝肝夠大。同多士一比一。但一齊食會比包味搶。反而要就咁食鵝肝 厚切和牛。比想像中簿。入口幾乎即溶。不過都係一舊舊係咁。有啲都有筋。有油香。就咁食已經好正。側邊脆脆越食越苦唔知咩玩法。 龍蝦清湯。清甜嘅面豉湯咁。無乜龍蝦味。麻麻哋。 炒雜菜。有穫氣。正常。 有個櫻花蝦炒飯無影。無乜味。啲飯有啲生硬嘅感覺。 甜品係紅豆燒餅。普普通通。 綠茶雪糕綠茶味都係普通。 總結。食材大部分都新鮮嘅。但份量比較少。味道可以嘅。環境都舒服。價錢就相對下太貴。

今次食咗依間大呀哥推薦嘅餐廳。其實都一直聽聞依間餐廳。終於把心一橫。山長水遠走過嚟lunch。 鵪鶉蛋燒賣。懷舊的味道。豬肉調味夠。個皮唔會蒸到濕晒爛蓉蓉。夠乾身。不錯。 春風得意腸。腸粉皮夠薄夠乾身。味道不錯。十分香脆。 XO醬銀針粉。越食越惹味。雖然無料同有西芹就咁食個粉ok嘅。驚唔夠飽可以叫。 蝦多士。本餐mvp。夠新鮮熱辣夠脆。蝦餅好厚身。調味足夠。咬落去面頭濃濃芝麻味。極香口。完全可以唔使點醬。不過食食吓好似食緊煎堆。 最後萬眾期待嘅西多士。熱辣辣。香脆嘅。好流心嘅。係exactly奶皇包嘅味。不過就只係咁。沒其他好說了。 樽仔奶茶。好茶餐廳奶茶味。正。 總結。係算好食嘅。起碼無一樣係伏。食物價錢還好。份量正常。原來奶茶要24蚊。極貴。收返個讚座位都密。好彩十二點幾都唔使等。都食得過。不過回頭率一般。

繼續覓食中環。今次試了這家台灣餐廳。好早就好多人。 同事叫咗個類似雜錦烏龍麵。佢話湯頭味怪怪的。眼見餸嘅份量極多。麵反而對比下少。啲餸應該正常口味的。始終我無食過。帶返頭盔先。食到最後佢就就咁飲湯。突然又話就咁飲好味。係magic soup 湯麵味道應該類似這個浸住菜同粉絲嘅湯汁。係有啲怪。有啲跌打酒嘅味。不過應該係藥材味。所以啲粉絲同菜都有這浸味。麻麻哋。上面台式牛肉都juicy。味道不錯。個蛋好味。好似有啲花鵰酒味。滷肉飯肉肥瘦適中。鋪到滿。仲有健康雲耳。同蔥酸菜醃蘿蔔等配料可自由加落飯度。細心位加分。 Set包小食。台式香腸。無食開嗰種咁甜。不過都不錯。 蕃薯條。夠大條。好甜。完全唔使點醬。新鮮炸起外脆內軟。份量好多。 又無影到嘢飲。炭燒烏龍奶茶。這個麻麻哋。唔記得咗咩味。總之味道怪怪哋。可能個人口味問題。 總結。環境裝修幾有特色。不過bar枱有啲高或者櫈有啲矮。坐得幾密吓。嘢食份量大。大部分味道正常之上。價錢合理。不錯

第一次食LadyM咸食lunch，入到去仲加埋賽馬元素，非常有趣。 一眾馬迷不能錯過。 叫咗set。依個扁意粉正正常常咁樣啦。微辣。不過完全無料無肉粒。得茄。係好素嘅意粉。份量六/七啖內。 另一個set叫咗黑松露意大利飯。重點可能睇相唔覺。得三啖飯。份量少得驚人。因為飯嘅份量實在太少撈完嗰隻溫泉蛋。浸到碟飯濕晒。淨係食到蛋白味同無味。 無影相但要讚嘅係飲品。凍mocha。可以話係Mingorr飲過數一數二最好飲嘅mocha。有咖啡味之餘又唔會搶晒啲朱古力味。兩樣嘢嘅份量好平衡。甜度適中。夠滑 其實想嚟食LadyM嘅原因就係想試吓set包埋嘅甜品可以揀焙茶千層蛋糕。終於食倒夠晒creamy。rich嘅口感。都係正路嘅焙茶味。驚喜竟然係上面嗰兩粒焙茶啫喱仔。好有茶味。回甘。唔太甜。夾埋個蛋糕一齊食有雙重茶味。有啲誇張。不過都滿意。 總結。有好多馬會職員Yo你。地方舒服每張枱隔好遠。一點都仲有位。食物就只推介蛋糕同mocha。完。

去咗依間飲品店叫了杯香芋拿鐵。間嘢啲嘢飲名會叫到人好尷尬。不過只要你唔尷尬，尷尬嘅就係人地。勇敢的同事order嗰時就叫咗杯嘢嘅全名。佩服 見前面個人叫咗依杯紫色白色啡色嘅嘢飲個樣幾吸引。就試試佢。其實係香芋拿鐵。叫咗少冰。都係比咗半杯冰我。好。算。唔好鬧我。叫我自己沖 飲落去有好真嘅香芋味。同埋有真嘅香芋粒喺入面。第一次飲倒啲咁足料嘅嘢飲。香芋好綿好粉仲要有好多粒。正常甜度唔會係死甜嘅味。撈埋個拿鐵飲再滑啲。另一個層次。成件事好夾得埋。perfect match。雖然唔大杯。唔算平。同埋多冰。但都推薦。

食咗依間餐廳兩次。擺埋一齊寫。 壽司配烏冬set。相當豐富。烏冬唔係彈牙嗰種。壽司正常發揮。塊魚生都幾大塊。估唔到仲有三文魚子另外仲有沙律菜。無乜汁。茶碗蒸。雖然入面無乜料但個蛋都幾滑。調味都不錯。仲有甜品兩粒團子配紅豆。包埋杯餐飲。完滿的一餐。 滑蛋吉列豬扒配飯。除咗沙律同茶碗蒸。仲有個面豉湯。都係正常。吉列豬扒個蛋少咗啲。吉列豬扒炸皮都預咗係焾。豬扒都ok無肥膏。不過個汁就咸咗啲喇。食開重口味嘅Mingorr都覺得咸。 整體係滿足嘅午餐之選。set lunch價錢喺中環嚟講算相宜。不過留意要食就一係喺app拎定飛一係就早啲。因為究極多人。有一次食等咗差唔多一個鐘。我都驚訝自己有咁嘅耐性等。

今次食咗依間餐廳。好似foodcourt嘅中環街市環境幾chill。 點咗個新加坡大蝦喇沙摻摻。好大碗吓。先講吓個喇沙湯。夠晒濃味。少少海鮮味。好香口。湯唔會太稀。帶微辣。可以入選Mingorr食過最好味喇沙湯頭三甲。餸有豆卜（索晒啲湯）正另外有蝦（都爽嘅）。魚蛋（彈牙）。少少糖心嘅蛋。魚片頭（爽口彈牙）。幾條綠色嘢。摻摻就有米粉加粗面。唔會浸到淋晒。每啖都掛滿濃濃喇沙湯。另外無乜牙菜都相當加分 總結係一間有質素嘅餐廳。好食同份量都夠。雖然價錢都唔平。但對得起個品質嘅。

今次去咗依間食海南雞。聽講話好正。 午餐時間排晒隊。外賣有另一條隊。撞正天陰陰仲落起雨上嚟。大家都好堅毅咁等。不怕風吹雨打。終於滿心期待等到入去食。 無錯。係唔差嘅。雞係比出面嗰啲滑。同埋唔會好多肥膏食到成口油。又唔會血淋淋。不錯。但雞唔算太有雞味要靠個醬先好味啲。油飯正正常常。 見佢係set有配嘢飲或湯。見個湯係椰子雞湯好似唔係度度有所以就叫咗。然後聽到下一枱叫已經話無晒。嘩。心諗個湯咁堅？！lunch啱啱開始jar喎。已經無晒。雖然無影相。不過真心有驚喜。好似真係用椰子水煲出嚟咁。完全無味精味。唔油。仲幾鮮甜tim 總結。環境嚟講。啲位好密吓。雞飯。正常之上。椰子雞湯。加咗唔少分。價錢唔算好貴。如果唔使排隊。啲湯仲未賣晒。係可以再嚟嘅。