為避過五一黃金周, 這星期決定留港消費, 同朋友去咗尖東呢間內地人氣燒肉店---西塔老太太烤肉。 餐廳環境企理光鮮, 入座隨即送上多款前菜、配料、秘製醬料, 所有均為免費無限量添加。  今次散點了數款烤物share, 全程由店員即席協助燒烤, 服務貼心。
西塔特色鮮烤鰻魚每日限量 鰻魚去骨切成一件件, 每件都好厚肉, 店員協助將其燒至金黃, 皮脆, 有鰻魚獨有魚鮮味。 分別配上兩set配料搭食:
一) 以紫蘇葉+紫菜包住鰻魚食, 能於清香中吃出鮮味 二) 鰻魚汁加上薑絲, 令鰻魚更為提鮮美味
不過間中有幾件還是連帶幼小魚骨, 食嘅時候要小心 
厚切豬五花 肥大肉厚豬五花原條上, 由店員剪成兩條, 烤到咁上下再切成小塊再燒至金黃色。 表面香口, 肉質稍帶爽口彈牙, 連埋生菜加蒜片夾住一齊食, 有助平衡五花腩嘅油膩, 又能食到油脂肉香。 老太太特色瘦牛 醃製過嘅瘦牛無肥牛咁多脂肪, 但薄切令烤後肉質keep到好林冇渣, 配埋店內特製的芝麻醬, 更加香口美味。 錫紙金針菇 金針菇包中加入了蒜蓉、少量蔥同埋辣椒粒一齊烤, 金菇盡吸調味汁料, 惹味非常。
牛肉石鍋拌飯 拌飯熱辣辣滋滋聲上檯, 配料非常豐富, 有多款蔬菜絲, 牛肉份量唔多, 加入了韓式辣醬再攪拌至平衡, 口感層次相當豐富, 但可惜食唔到脆卜卜飯焦。

有朋自遠方來，當然要招呼一下，當然亦要請佢食飯洗塵，灣仔中華小館是一間得奬的粵菜餐館,裝潢以中式格調為主，高高的樓底令視覺開揚，得奬菜式更是每檯必叫。 前菜滷雞腳，雞腳入味爽口。 紫砂功夫燉湯（位上）：燉蟲草花，用精緻嘅紫砂茶壺上，自斟自飲份外覺得名貴，燉湯鮮甜，蟲草花爽口，是一款提升抵抗力，而且對呼吸度氣管疾病尤其有幫助的滋補湯水。 芝麻鹽焗雞是餐館嘅招牌菜之一，即叫即做，皮脆肉嫩，雞皮上沾滿芝麻，增添香口。 奶油蝦配手抓餅：奶油醬汁有咖喱香味，奶味比較出，厚肉又大隻嘅虎蝦爽口彈牙，手抓餅沾滿醬汁非常美味！ 啫啫唐生菜用瓦煲上，內有唐生菜、肉碎、蝦乾和蝦醬等，店員將材料攪拌均勻，熱辣辣又香噴噴，唐生菜爽脆惹味。 木糖漿水蜜桃香甜爽脆。 雪耳紅棗龍眼肉糖水係餐館奉送的飯後甜品，清爽滋潤。

同事們今約埋一齊去天后食嘢傾計，我當然有參與，估唔到有驚喜，Sooo Oyster是一間有情調的高級餐廳，每日都有新鮮生蠔供應，老闆話因為餐廳位置比較隱世，所以要用高質食材吸引食客，果然！一試難忘！ FRANCE生蠔都好多款選擇，揀咗其中一款。 Gillardeau 爽、脆、甘、甜. 蠔肉肥美結實而呈彈性脆口，蠔味細膩有層次。 招牌蠔湯口感順滑，除咗有濃郁嘅湯底，還有隻肥美飽滿嘅蠔肉。 炭燒黑毛豬扒配時令蔬菜：黑毛豬扒烤得熟度啱啱好，肉質粉嫩有肉汁，完全唔好鞋口，豬扒已經切件，方便進食，啖啖肉好嫩滑，點些香蒜欖油，味道更佳。配菜薯蓉入口creamy,其他蔬菜亦烤得香口。

與同事去尖沙咀見完客，之後搵餐廳食午餐，同事想食粥，去咗海皇粥店，粥店地方整潔，主打傳統廣東粥品，食品新鮮衛生。 生滾粥餐 及第粥：即叫即整，材料有鮮肉丸、肉片、豬心、粉腸、豬肚、豬肝，十分豐富又爽口，粥底綿滑。 炒麵夠鑊氣，麵條彈牙夠味，加咗芽菜和韭菜增加口感。 凍奶茶不太甜，都夠味。 粥品特餐 艇仔粥：因為我哋要求走牛肉，改用豬肉絲，其他仲有魷魚絲、魚片絲、豬皮絲等，先將各款新鮮食材放入碗中，然後撞入滾粥，粥面撒上油條片、蔥花及炸花生，保留傳統風味。 蝦米腸 ：條條賣相飽滿、光滑細緻，口感軟滑，配上蝦米和特製醬油，十分美味！ 凍豆漿不太甜，少許豆香味。 足料糯米雞，打開荷葉，裏面嘅糯米雞的確好足料，除咗糯米飯同肉醬，仲有冬菇、臘腸、雞翼等。糯米夠軟身，能夠吸收到配料的味道，十分惹味。 配送熱豆漿，熱豆漿是無糖，非常健康！

放假先黎落雨！好在而家有好多商場行，今日就約朋友去咗新商場Airside行下，從啟德地鐵站出口行過去就到，方便得嚟最好係唔洗淋雨。行到6樓見有間餐廳叫五匠六釜，餐廳環境光猛，地方夠大，提供中菜，餐牌價錢公道，我哋都話不防一試！ 北京填鴨半隻（包半份摩摩皮）：烤鴨係已經切好，排列整齊放在長碟上，份量都好多，每片鴨都帶皮和肉，厚薄適中，摩摩皮係熱的，撕開後包上鴨件、青瓜、韭黃，再加上填鴨醬好惹味！ 鴨兩食：茄子炒鴨架 炒得都幾有鑊氣，鴨架仲有啲肉，茄子林滑，沾滿濃濃的醬汁好惹味！送飯一流！ 四川擔擔麵（1辣）：湯底濃郁，麵條彈牙，加上花生、肉末、蔥花，無論口感和味道都唔錯。 原來餐廳有推出特飲, 主打鴨屎香檸檬茶，下次再來試試！

放工同事同我去銅鑼灣食飯，瓊天海南雞裝修簡潔，主打海南雞和燉湯。 首先來盅燉湯滋潤下，燉湯係原盅墩咗八小時，真材實料又夠火喉。有多款不同口味選擇。 五指毛桃海底椰北菇燉唐排：材料有五指毛桃、海底椰、冬菇、唐排等，味道香甜，有清肝降火，潤肺止咳功效。 花膠螺頭桂圓湯：材料有花膠、螺頭、瑤柱、桂圓肉等，味道清甜，有滋陰補氣、補腎養顏功效。 醉香花雕雞飯，配油飯（所有飯類均可選配白飯）：選用玫瑰露酒浸雞，食落雞肉嫩滑，酒香濃郁，天氣熱冷食，真的消暑透心涼，粒粒分明的油飯充滿香味。 招牌脫骨海南雞拼無骨豬手飯，配油飯：用無添加激素的文昌雞，皮爽肉嫩，雞味香濃，無骨豬手像燻蹄，皮夠爽彈肉夠香。 油菜青綠林甜。 港式經典紅豆冰：紅豆煮得夠軟，還不會過份甜， 有奶香！ 香濃咖啡紅豆冰：紅豆冰加入咖啡，多咗咖啡香味，味道更香濃。 香辣喇沙湯米粉配雞翼：喇沙湯底都好濃郁，米粉吸收湯汁甚惹味，雞翼皮脆肉嫩好香口。配香甜紅豆冰好味！ 睇到下午茶餐都好抵食，下次再來試吓！

同朋友去銅鑼灣行下，買完野之後，朋友知道附近有間好食又唔貴嘅茶餐廳，提議一齊去食晚餐。四寶食堂裝修時尚，燈光明亮，座位舒適。 晚餐奉送餐湯，蘑菇忌廉湯口感順滑，濃稠適中。 百里香蒜香欖油烤春雞、炒雜菌炸薯條：春雞都好大隻，一上檯就香氣撲鼻，烤雞表面金黃色，雞肉軟腍入味，切開入面滲滿肉汁。雜菌炒得美味香濃，薯條香脆可口。 香煎加拿大豬柳拼板燒紐約雞扒、炸薯條、薯仔沙律：豬柳肉色淡紅有光澤，非常嫩滑，沒有太多肥油脂。雞扒肉質鮮嫩，加埋醬汁香口又惹味，薯仔沙律味道亦不錯。 鮮油多：新鮮烘焗出來的多士夾上冰冷的牛油，烘麪包會被溶化的牛油變成輕軟，而食用時能夠吃出濃厚的牛油的香味。 雪山紅豆冰：啖啖的紅豆香加上順滑的忌廉和濃郁的淡奶香，配搭成美味飲品！ 港式炸雞脾配奇律薯條、沙律，雞脾即叫即炸，皮脆肉嫩有肉汁，薯條外脆內軟的口感令人食不停口。

早前網上見到promotion, 國泰同呢間餐廳做推廣優惠，享用美食同時賺取里數，就訂位試下席前壽喜燒。
餐廳裝修偏和式風格, 全吧檯座位。 套餐 $980/位
先付三點
磯煮鮑魚口感軟林煙韌，鮟康魚肝配上酸汁開胃，蟹膏豆腐入口幼滑。 刺身三點
帆立貝鮮甜厚肉，鰤魚入口爽滑，拖羅入口即溶。 三文魚籽松葉蟹茶碗蒸
蛋味濃郁，入口滑溜，松葉蟹肉鮮甜，三文魚籽好有咬口。 關西風壽喜燒
今次有A4和牛肩胛，A4和牛西冷，A4和牛肉眼，和牛味道濃郁，油脂分布平均，入口即化。 季節野菜盛合
師傳會配搭不同蔬菜，可以減低油膩感。 飲完和牛飲個清湯解下膩。 黑松露和牛炒烏冬
黑松露香氣十足，烏冬幼滑彈牙。 甜品
蜜瓜清甜多汁，芝麻味雪糕濃郁

澳門過百年歷史的麵店梁慶記在港開咗分店，餐廳地方闊落，以傳統手工竹昇麵馳名，同事約咗我今日去試吓。 濠江地道雲吞麵：手打竹昇麵採用澳門傳統做法，堅持人手打製，全用鴨蛋，所以麵條煙韌彈牙，而且沒有鹼水味，雲吞餡用新鮮豬肉製，中間再加一隻蝦仁，食落油潤甘香，肉汁豐富。湯底改用自家煲的豬骨湯，味道濃郁，鮮甜清新。 跟餐炸雲吞和飲品，雲吞炸至金黃色，香脆可口。 凍檸茶不太甜。 葡式咖喱雞扒飯：辣道揀咗小辣，葡式咖喱香濃，雞扒肉嫩，沾滿醬汁好惹味！ 跟餐腩汁生菜配飲品，生菜清綠爽脆，加腩汁味道更佳。 葡式奶茶：用樽裝裝奶茶，原汁原味，飲落茶味香濃回甘，甜度相對較低，適合喜歡濃茶味又怕甜的朋友。 招牌澳門豬扒包：麵包外脆內鬆軟，充滿牛油和洋蔥的香味，而且豬扒肉身軟腍又Juicy，真係一試難忘！ 食完先睇到米芝蓮推介蝦籽撈麵，下次再來試吓！

舊同事轉了新工, 同屬太古坊工作, 趁今日Happy Friday, 相約放工到附近Cafe「BLACK BEAR」相聚食個dinner。 Cafe內嘅木系傢具襯托特色地板, 風格富有現代古典味。食物款式有小食、沙律、意粉主食、各款咖啡、特飲、甜品等...雖然款式唔多, 但味道確實令人回味。
朱古力拿鐵: 拉花精美, 口感絲滑, 朱古力味濃郁不澀, 細味有淡淡咖啡香。
荔枝士多啤梨梳打: 荔枝很重, 有唔少士多啤梨粒, 配搭薄荷葉, 整體清新充滿果香。 所點嘅通粉同意粉都加咗芝士, 可以要求走芝士, 但芝士控嘅我地當然唔會錯過, 加咗芝士令口感更creamy。
香草醬燒三文魚長通粉: 每條長通粉平均沾了creamy香草醬, 香草味濃郁, 配上以三片鹹香煙三文魚卷成花狀, 令賣相更精美吸引。 茄汁大蝦扁意粉: 蝦好爽口, 醬汁creamy夠多, 足夠撈起整碟意粉, 甜酸開胃。 香蕉香桃乳酪芭菲: 乳酪微甜幼滑, 入口即溶, 配有脆脆、底部嘅香甜多汁香桃肉, 味道同層次豐富, 正! 香蕉朱古力牛角色窩夫: 窩夫即焗, 一切嘅時候chok一聲, 有如牛角包酥皮口感, 配上幼滑朱古力醬, 唔會太甜; 香蕉片加咗少少焦糖醬, 味道香甜。