成日喺社交平台見到韓國啲cafe有動L布甸兔兔，估唔到香港而家都有啦！
哈豆屹立觀塘多年，由台灣人主理，久仰大名，今次終於有機會試吓啦～店內有唔少台灣名勝、電視嘅手繪壁畫，最impressive係cashier後面嘅粉筆畫！除咗新嘅兔兔甜品之外，主食嘅選擇都幾多，當日所見非常受附近打工仔歡迎🕺🏿▫️ 豐盛台灣牛肉湯麵（$78）
食台灣嘢一定唔少得嘅牛肉麵～除咗牛𦟌，仲有香菇貢丸、花枝丸、滷蛋同蔬菜，名符其實好豐盛👀呢個價錢好抵食！
牛𦟌筋肉分明，軟稔入味，有3大片厚切。麵條口感滑嫩Q彈，比平時常見嘅刀削麵幼身。湯頭係偏清淡嘅牛骨湯，帶有陣陣藥材香味，鹹度適中
配埋鮮甜嘅蘿蔔，整體味道幾舒服，但如果你偏好濃味，可能蕃茄湯或者飯類會啱你多啲▫️ 椒鹽排骨肉燥飯（$84）
肉燥顏色好油亮，入口鹹甜鹹甜。出面好多肉燥飯啲豬肉都會整得太碎，呢份嘅肉粒大小就預得幾好，口感好實在，而肉燥嘅份量都啱啱好夠撈晒成個飯。排骨嘅椒鹽味好重好香口，外皮夠脆，個別一兩嚿脂肪比較多，但整體份量好夠誠意✨▫️ 逢甲鹹酥雞（$52）
外層炸得酥脆，炸粉好薄
加咗指天椒粉，辣辣地幾惹味🌶️
入面嘅雞肉夠厚肉而且唔乾～▫️ 抖起來~兔刨冰（$118）
🐇動L動L~勁ɪɢ-ᴀʙʟᴇ啱晒想打卡嘅你🤳🏻✨份量真係好大，可以2-4人share👭
兔兔布甸係好少見嘅桂花口味🌸味道偏清香，如果牛奶味重啲就更加好。另外刨冰係用低糖嘅仙草水製作，味道好fresh唔會太甜，幾啱濕熱嘅夏天。芋圓有咬口，地瓜圓同紫薯圓味道再重啲會更好🙌🏻

最近同朋友慶生explore咗旺角呢間cafe，最引人注目係門口嘅窮撚賣咖啡燈牌🩵店內用餐區分咗一樓同二樓，一樓光線明亮，而且有水泥石枱同石牆影相；二樓就比較安靜同闊落，適合一班人聚餐🥂食物同飲品嘅選擇夠多 而且質素相當唔錯！
◽️蟹肉明太子西班牙蛋餅（$98）
蛋餅超厚身，切開入面竟然有滿滿嘅蛋汁同芝士😍！蛋餅入面有蟹肉同薯仔粒做餡料，配埋飛魚子粒粒口感同味道都好豐富～至於明太子醬嘅味道就比較淡，個人覺得呢個組合似玉子燒多過西班牙蛋餅，不過相信fusion做法都係餐廳嘅特色嚟嘅～◽️慢煮牛面頰 港式沙嗲汁煎腸粉（$158）
沙嗲汁好濃而且超重花生香🥜✨腸粉煎到個邊脆脆地，入口煙韌。牛面頰肉軟冧，配沙嗲汁勁惹味，一行四人都覺得呢碟好有驚喜！◽️法式黃酒油封鴨脾 麻辣奶油意粉（$148）
個意粉係真係麻辣㗎唔係講笑🔥食落有花椒嘅辛香，調味頗有川菜風味，同意粉又幾夾喎！而且意粉都好掛汁，忍唔住一啖接一啖咁食🤤
油封鴨脾就不過不失，大大隻幾有誠意，肉好嫩滑，但可以更加入味。◽️牛油蒜香大蝦帶子牛油果蓉多士（$108）
相對比較classic嘅cafe菜式，但用料一啲都唔hea。蝦同帶子都好大隻而且肉質新鮮，仲用咗三文魚籽同蒜粒嚟調味。牛油果蓉搽得好厚，仲有粒粒果肉。多士則用咗sourdough，烘得香脆亦唔會好難咬。 ◽️是拉差甜酸辣醬炸雞翼（$88）
大約有8-10隻單骨雞翼，估唔到份量咁多😆雞翼細細隻唔算好多肉，勝在外皮炸得香脆，配是拉差醬微微帶辣好香口，如果醬汁再多少少會更好！◽️髒髒牛角包窩夫（$72）
Grind Size嘅必食甜品🥐croffle熱辣辣並灑上滿滿嘅朱古力粉，入口非常酥脆 ，配上溶溶地嘅雪糕超正喔🤤 ◽️濃爆72% Real朱古力鮮奶（$56）
朱古力奶味道濃郁尤其重奶味，甜度適中，口感濃稠但唔漿喉👍🏻◽️黑芝麻鮮奶（$52）
鮮奶同黑芝麻醬係分開serve，比客人自己adjust濃淡度
朋友表示味道淡咗啲🥹建議一開頭唔好落咁多奶住◽️焦糖燉蛋咖啡（$46）
好似越南蛋咖啡，賣相好靚仔，朋友表示好飲！

最近K11 Art Mall開咗間主打慢煮熟成牛嘅新店，原來係同層HOW to live well嘅新副線，仲係日本牌子𝗢𝗦𝗔𝗠𝗨 𝗚𝗢𝗢𝗗𝗦嘅主題餐廳添！店內有OG牆身同佈置畀人打卡，相信fans嚟應該會幾開心，但講返食物就有唔少改善空間😬◽️慢煮熟成牛肉並盛90g配紅酒照燒汁&蘭王蛋 （$98）
牛肉嘅份量比想像中少，實際只有5薄片，而且肥膏比較多。而且淋上醬汁之前嘅賣相認真麻麻🫣...牛肉呈粉紅色，但咬落有啲韌口唔夠嫩，而且亦冇乜牛肉香，同期望中幾大落差😪
紅酒照燒汁濃稠，偏鹹咗少少，蘭王蛋蛋汁稍稍中和鹹味，而且令飯同牛肉嘅口感順滑返啲。
另外牛丼其實係以「肉+飯+醬/忌廉」嘅組合自選，自由度較大，亦可配合返個人喜好去組合。個別肉類、飯類要加錢upgrade好合理，但連主打嘅蛋同忌廉都要加錢就有少少驚訝🫣◽️秘製熟成牛辣肉醬配炸薯條（+$38）
醬汁辣辣地幾惹味，伴有好多牛肉粒，啲肉粒好散好碎，用薯條好難沾🥹不過後尾攞咗啲肉醬去撈飯都唔錯😂薯條熱辣辣好香脆，可借部分係空心😬
整體嚟講無論食物賣相、味道、定係服務都非常一般，同喺social media上面見到嘅有啲落差。雖然食物嘅單價唔算好貴，但質素真係比較似canteen，希望之後會有改進吧～

泰國菜香港人成日都食 唔知依善菜你又有冇食過呢？
依善係泰國東北部內陸地區⛰️鄰近老撾
比起一般泰菜 依善菜會運用更多炭燒、香科、同醃漬
啱晒我呢啲重口人士呢🤤
位於上環嘅𝐂𝐡𝐚𝐜𝐡𝐚𝐰𝐚𝐧 係全香港第一間依善菜餐廳
餐廳係由舊樓改建 除咗地下仲有樓上閣樓
而餐廳更加保留咗舊式階磚地板同窗框
配上懷舊嘅東南亞碗碟別有一番風情🌅
Staff好熱情咁介紹menu 間中仲會過嚟答下嗲
成間餐廳嘅氣氛好jeng🌟 ◽️Larp Bet鴨肉碎生菜包沙律（$148）
多數生菜包都係用豬肉 呢度有鴨肉選擇比較特別
肉碎嘅份量好多 加埋大量炸豬皮
反而覺得啲生菜太少太細塊唔夠包😂
入口辣辣地 仲伴有洋蔥 好香口又開胃
雖然老實講唔係好食得出佢係鴨肉 但味道同口感係good嘅！   ◽️Khor Moo Yung 蒜香烤豬頸肉（$168）
好好味！！私心推介一定要叫嘅item🔖
豬頸肉每一塊啲邊都烤到脆脆地
入口好惹味好重炭燒香🔥
而肉質係keep到juicy 油脂感恰到好處
配埋伴碟嘅甜酸汁會忍唔住一舊接一舊咁食🤤 ◽️Phad Thai泰式大蝦豆腐炒金邊粉($158)
Phad Thai炒得夠鑊氣而且重蛋香
麵身濕潤 配甜羅望子醬 味道酸甜清爽
幾足料有成5，6隻大蝦🦐蝦肉彈牙有鮮味
整體份量比較少 share食可能要配多一兩個小菜啦◽️Thai Milk Tea Bingsu泰式珍珠奶茶刨冰（$88)
一啲都唔傳統但好有驚喜嘅甜品❣️
Exactly就係飲緊嗰杯泰式奶茶嘅味道再濃dd
好似直接將兩三杯奶茶倒落刨冰度咁😳
甜係理所當然嘅 但因為有冰中和返個比例
所以食落香濃得嚟又唔算好漏喎
刨冰嘅口感綿密 入口即溶 冇乜顆粒感
伴有珍珠增添fusion感 亦令刨冰冇咁單調
珍珠偏稔身 甜度同份量適中

其中一間觀塘區最中意嘅咖啡店 𝙻𝚞𝚗𝚐𝚘 話說佢哋係長沙灣開左大啲、富有工業風嘅分店 但我都係比較中意九龍灣店嗰種擠逼同簡約 今次外帶左佢地嘅bagel sandwich 好中意「鬼佬菠蘿包」外賣紙袋(*´꒳`*) . . Chicken with wasabi mayo bagel sandwich ($58) 即使經過十幾分鐘路程bagel依然熱身脆口 面頭鋪左芝麻同罌粟籽 增加口感亦令bagel帶有淡淡芝麻香 Bagel唔算好煙韌 比較似麵包口感🤔 餡方面有雞肉片、火箭菜同wasabi黃蛋醬 雞肉三片左右 厚度同大小都正常 作為bagel餡幾適量 啱啱好每啖都有肉 肉質都算嫩滑 而且有調過味唔會好寡 醬汁有wasabi嘅微辣同香味 但唔會嗆鼻 醒胃得尼又非常好入口 而爽脆嘅火箭菜就中和翻醬汁嘅膩感

終於食到觀塘嘅慢煮屋啦 相信附近嘅打工仔都唔會陌生啦 位於駱駝漆三期11樓 主打慢煮日式飯麵 雖然環境有啲迫 但好多食過嘅朋友都大讚質素好好 lunch hour成日都full house 仲可以免費加飯加汁等 非常親民 . 1️⃣ 慢煮火炙牛腹扒丼（$88） 外賣都排得咁靚 好有誠意👍🏻 肉量亦好驚喜 相信係比足一塊牛腹扒嘅量 大約三至五成熟 肉質軟嫩易咬 亦唔怕太頂胃 牛味香濃 邊位火炙嘅煙燻感加埋照燒汁令牛肉惹味度倍增 面頭仲鋪左胡椒同炸蒜 味道嘅層次感更加豐富 . 2️⃣ 慢煮三文魚配牛油果丼（$82） 大概有6-7舊三文魚粒 非常足料 煮到三成熟 外層微脆內裏柔軟 食落有油脂香 檸檬汁中和三文魚嘅腥味同膩感 亦令人更開胃 牛油果大約係半個嘅份量 切成塊方便拌飯 熟成度啱啱好 唔會太生或者太溶 溫泉蛋整得好靚仔 伴有日式醬油 加埋蟹籽 食落充滿鹹香 另外仲有火龍果同蕃茄做配菜 為個飯增加鮮味

之前因為告急而認識左尼間係K11嘅茶飲店 去次飲過覺得唔錯 價錢少貴 但考慮番佢個地理位置其實差唔多 今次經過決定再幫襯試下佢地嘅奶蓋茶🤤 . 圖中👇🏻👇🏻👇🏻 1️⃣ 日本焙茶奶蓋（$35） 2️⃣ 桂花烏龍奶蓋（$35） 鮮萃茶底冇加糖 份量都算大杯 芝士奶蓋好厚！稠度適中 口感好綿滑 食落好重奶香 芝士鹹香就淡啲 唔會有好膩嘅感覺 係近期最中意嘅奶蓋之一🥰 兩個茶底都不過不失 焙茶味道濃香 茶香會係口腔停留 桂花烏龍好清香 茶澀同回甘都較弱 另外奶蓋茶嘅杯蓋開口太大 而家尼個時勢有少少唔方便 希望可以改善🙇🏻‍♀️

位於厚福街嘅拉麵黃店🍜 座位比一般拉麵店多 人流都幾快 店員好細心 會主動提供髮夾橡筋比長頭髮嘅客人 Menu好簡單得三款 只係塊肉煮法嘅分別（第三款係兩種肉都有） 同朋友兩款都叫左 基本上試曬個menu啦🤣 . 圖中👇🏻👇🏻👇🏻 慢煮豬肩肉 / 火炙豬腩肉拉麵（$88） 湯底統一係魚介豚骨湯 口感好濃厚 魚介香得尼唔腥 豬骨味就係慢慢滲出尼而且越食越香濃 食亦完唔會有好口乾好鹹嘅感覺 慢煮豬肩肉肉質非常軟稔 肉味勁香🤤 火炙豬腩肉比較似一般嘅日式叉燒 有少少燶邊 不過唔夠惹味 而且脂肪偏多 兩款比我會中意前者多啲 麵質冇得揀 但係我中意嘅韌口口感 掛湯力幾高 食落好入味 麵量適中 溏心蛋要+$10 但我覺得值得一試 好重醬油嘅香甜 蛋白軟嫩 蛋黃流心

冇左晚市堂食 大家更加要支持黃店 因為好多小店其實做唔到外賣 就算做到生意額都差好遠 撐住小店啊💪🏻 . 番到尼好多寶藏嘅駱駝漆大廈 今次介紹嘅係泰式fusion小店 The Cool Cousins 雖然話係泰式 但小店最多人食嘅其實係Burger 價格唔算平 但質素同份量就絕對值回票價🤩 . 圖中👇🏻👇🏻👇🏻 1️⃣ 經典美式Mac’n cheese牛肉漢堡（$135） 第一次見Mac’n cheese用喺burger入面 估唔到兩者好夾 完全冇違和感 芝士比一般mac’n cheese嘅淡啲同light啲 食落就冇咁膩 通粉偏細粒 份量適中 唔會搶左漢堡扒嘅風頭 口感微韌 配合其他食材令個包口感好豐富 牛肉漢堡排亦好出色 煎得啱啱好 好稔易咬開 充滿肉汁 加上自家bbq醬令牛肉嘅香味更上一層樓🤤 另外仲有煎脆嘅煙肉同焦糖洋蔥 鹹甜嘅配搭平衡得好好 係食到最後有少少膩 麵包好厚而且有烘過 食到最尾都能保持脆口 跟餐薯條全部都好長好大條 可惜唔夠脆 沙律用咗羽衣甘藍等等嘅蔬菜配黑醋汁 可以減低食漢堡嘅膩感 包餐飲 飲品選擇幾多 凍飲汽水都唔洗加錢 整體cp值極高 係回頭之選啊🤩 . . 2️⃣ 烤大啡菇黑松露芝士醬牛肉漢堡（$105） 個人中意尼款多人啲🤤比mac n cheese更加大份🤭 大啡菇好大塊 同牛肉一樣厚 個汁嘅黑松露味超香濃 昇華左大啡菇嘅菌香 唔算好漏 係一咬會滴到周圍都係狼狽左啲🤣 尼個包嘅漢堡排肉香更加明顯 食得出鮮味 肉質彈牙 好多肉汁好juicy 其他食材有生蕃茄片、洋蔥片同羽衣甘藍 蔬菜同啲汁分得好開 所以keep到爽脆唔會淋晒

朗豪坊以前一芳個位開左間新嘅飲品店 灰白色調加埋幾何裝飾 簡約得尼好吸睛✨ 巴枱放左三個虹吸壺 可以見到staff即場煮茶壓茶 飲品主打果茶類 但季節限定飲品實在太吸引😛 . 圖中👇🏻👇🏻👇🏻 燒棉花糖玉桂可可（$42） 熱辣辣好適合尼幾日咁凍嘅天氣❄️ 面層嘅棉花糖用火槍炙燒過 好重焦香又冇咁甜 棉花糖入口即化 上面仲鋪左玉桂粉同餅乾碎 口感好豐富 可可係由可可粉加黑朱古力開成 所以澀味都幾重 唔死甜之餘仲有少少苦 半溶嘅棉花糖就完美平衡番個甜度 我自己就覺得朱古力味可以再濃啲 口感醇厚唔漿口 加埋肉桂粉飲到個人暖笠笠☺️