新蒲崗一向都多隱世小店❤️早前經過間小店「秋拾米線」，星期六晚臨近九點都全場爆滿😯食完果然爆場係有原因🤓 . 🍴秋拾豆花撈米線 💰$40 豆花米線唔係好多地方有，估唔到喺呢一度遇上😍豆花配以炸醬、酸菜、花生、辣醬、芫荽✨辣度自由選擇🌶️滑嘟嘟且充滿豆香嘅豆花撈埋彈牙米線，口感一流😋夏天食寧舍開胃😚食得辣的話建議揀再辣啲，更惹味😝 額外加墨魚頭（$8）及豬軟骨（$15），前者爽彈脆口，後者軟腍入味😋 . 🍴秘製酸辣湯米線 💰$37 額外加麻辣雞球（$8）、炸醬（$8）、肥牛（$10） ✨湯底標榜不含味精✅所以味道除咗酸辣之外，更有豬骨嘅香甜😌米線口感彈牙煙靭😛特別一讚麻辣雞球，麻香十足好過癮😆 . 🍴炭燒原塊豬頸肉 💰$48 必食推介‼️大大塊原塊豬頸肉呈上🤪豬頸肉外焦內爽，最重要蘸埋靈魂醬汁—泰式酸辣汁🌶️突出豬頸肉油香之餘又增添惹味感🆙 . 🍴越南炸春卷 💰$24（4件） 用咗米紙做嘅春卷特別香脆，同時又唔會好有油膩感😌一咬開即刻爆餡😝 . 🍴脆炸珍寶韭菜餃 💰$27 超大隻韭菜餃🤪揸得勁香脆，韭菜好香😌

「殿」係大喜屋放題系列當中最高級別🌟旺角MOKO分店由門口裝潢已經盡顯奢華✨有別於一般放題店，佔地數千呎用餐及拎食物都好寬廣🤩除咗裝修，食物上連北海道海膽、拖羅都有得食😍價錢仲要同一般放題唔係爭好遠，難怪閒日夜晚都全場爆滿😛 . 🍣刺身壽司 刺身塊塊勁厚切‼️大愛拖羅可以任食勁爽😆長蟹腳好鮮味🦀壽司有好多特別款式，必食一定係海膽軍艦，標榜北海道海膽好鮮甜🇯🇵拖羅卷物滿蓋肥美拖羅，睇到都流哂口水🤤 . 🍲一品料理 估唔到有避風塘炒蟹&咖哩大頭蝦，好有風味🤪川味珍寶鮮蠔&蒜蓉粉絲蒸扇貝大大隻，加埋辣椒炸蒜好惹味😆花雕醉鮑魚好彈牙，酒香味啱啱好😌必食鵝肝多士，鵝肝超大超厚，油香十足😋 . 🍖自助區熟食 除咗QR CODE落單外，自助區都好多款熟食☺️中式點心、蒸魚、小龍蝦、炸鮮奶等，當中推介小籠包， 咬落去立即爆汁💦仲有多款冷盤及凍海鮮🦐 . 🍰飲料甜品 基本果汁汽水茶飲樣樣齊，珍珠奶茶都有🧋鍾意飲酒的話，啤酒、清酒、梅酒全部任飲🍻最抵飲係日本果汁汽酒，平時街賣都十幾蚊罐，飲返幾罐已經回本😜甜品方面都好多選擇❗️任食Haagen Dazs、Movenpick🍨有🐻最愛榴槤蓉，任食唔嬲😍

「麻辣風雲」向來出名睇得又食得✨糅合川菜及創新元素，提供一個有一個既活力又富有新鮮感嘅菜式❤️當中更有道菜式超有氣派，仙氣逼人🤩 . 🍴荔枝蝦球 💰$108 打卡菜式📸荔枝樹上掛滿一個個「荔枝」，底下中不停有白煙噴出💨原來荔枝係炸蝦球，紅卜卜嘅外型真係做得好神似😆蝦球香脆彈牙，蘸埋特製甜醬好好味😋 . 🍴酸菜魚 💰$268 非常大盤嘅酸菜魚🐟酸度、辣度、麻度都可以選擇，可以任揀自己鍾意嘅口味😌魚肉嫩滑，再配搭芽菜、萵筍、海鮮菇、酸菜，非常足料💯 . 🍴蔥花豬油撈飯 💰$32 豬油豉油額外上，鍾意落幾多就落幾多😛雖然豬油唔係好健康，但加咗落去真係零舍香口🤤再加上面頭炸豬油脆粒，增添口感😋 . 🍹手打檸檬鴨屎香茶 💰$38 食完辣嘢最啱就飲返杯檸檬茶解解辣😉鴨屎香茶底非常清香，加埋檸檬係絕配🍋

位於灣仔新鴻基中心嘅「貊炙」向來走高端韓式燒烤餐廳路線🔥難得Happy Friday，就同朋友食餐好😛 . 餐廳環境燈光昏暗，寧舍情調😌座位好闊落🛋️一坐低先上多款韓式小菜，有泡菜、醃蘿蔔、海帶、芽菜、菠菜✨ . 🍴醬油盛合 💰$185 有醬油蝦、帶子及八爪魚✨醬油蝦大大隻，蝦頭超多膏😍帶子鮮甜，八爪魚爽口彈牙😋 . 🍴鹽磚和牛西冷牛扒 💰$888 和牛油花滿佈，睇到已經心動💓店員主動幫忙燒烤，約七成熟後放喺鹽磚上先rest後切，令肉汁好好鎖緊🥩牛扒本身已經夠靚，簡單用鹽磚吊下味已經好足夠😚和牛入口即融，油香加百里香味四散🤤好味到不得了😆 . 🍴和牛牛舌（鹽燒） 💰$178 牛舌肉香味濃，口感紮實彈牙😋加少少檸檬汁減低油膩感，增添清新爽口感😙 . 🍴海鮮煎蔥餅 💰$168 煎得金黃香脆，粉同餡嘅比例啱啱好😛內裏非常足料，有紅椒、辣椒、魷魚、蝦肉等✨ . 🍴Honey Ice Cream 💰$52 最後食返杯蜂巢軟雪糕，甜甜蜜蜜🍯 . 🍹西柚乳酸梳打、青瓜檸檬梳打 💰$42/杯 食燒肉最啱整返杯梳打飲品😆兩款都唔會好甜，酸酸哋解油膩感唔錯😌

每次唔知食乜好，揀放題就實冇錯😌今次去咗旺角嘅大瀛喜食到飽一飽先走，大滿足🥰 . 🐟刺身 多款剌身選擇✨回本位一定係金槍魚腩，超肥美🤩三文魚好厚切，帶子鮮甜，磯煮鮑魚夠哂彈牙😋刺身融雪處理都唔錯✅ . 🍢燒物串燒 必食燒榴槤🔥大大舊非常香甜😍燒乳鴿平時一隻都幾十蚊，呢到任食勁抵😆鐵板鵝肝好肥美好香口😌臨尾食返個爆汁燒菠蘿，正👍🏻 . 🔥一品料理 川味蒸珍寶鮮蠔大大隻充滿鮮味☺️金蒜蓉粉絲蒸帆立貝好香口惹味😚估唔到連豉汁鱔球都有得食有驚喜🤪芝士黃金醬燒開邊蝦好滋味😙蟹黃海皇粥夠鮮甜😉 . 🍰飲品甜品 基本果汁、汽水、冷泡茶等飲品都齊，想飲返幾杯的話連清酒都有🍶甜品都有多款選擇，回本位一定係任食Haagen Dazs🥰

以為食個海鮮蒸鍋要人均五六百蚊？🐻最近發掘咗個新優惠，$318就食到時令海鮮蒸鍋🦀有齊八款海鮮不特止，臨尾仲有個海鮮粥食😎講緊就係位於太子嘅「小漁港海鮮舫」‼️ . 🐻早幾年年前都食過「小漁港」，印象最深刻一定係游水海鮮，蒸出嚟真係嘩一聲🤩估唔到而家仲要$300就食到，真係抵到爆😍即刻捉埋朋友去開餐😆 . 🌟是日廚師智選套餐 💰$318/位（免加一茶芥） . 🍴刺身拼盤 一開始先嚟個刺身拼盤開開胃，有三文魚、油甘魚、希靈魚、北寄貝、帶子、琵琶蝦✨刺身融雪處理得幾好，媲美日式餐廳質素👍🏻 . 🍴八款時令海鮮 🔸海蝦、鮑魚、馬友 海蝦肉質彈牙又有膏🦐鮑魚鮮甜爽口，馬友魚油香好出😙 🔸蟶子 蒸出嚟原汁原味，味道鮮美👍🏻 🔸沙白、花甲、東風螺 前者兩款貝殼類去沙都做得好好，完全食唔到沙😌特別花甲好爽甜😚東風螺肉質爽嫩，具獨有清甜🐚 🔸肉蟹 揀咗張肉蟹放喺底煲粥，臨尾個粥簡直一絕😍蟹膏融入粥底內，啖啖鮮甜😚肉蟹肉質鮮嫩，而且啖啖肉食得好爽😆 . 🍴時蔬及蟲草花蒸雞 雞肉唔需要特別調味，原汁原味已經夠晒正😋隻雞肥瘦到啱啱好，肉質嫩滑又唔會油腍腍😌雞肉底下仲有烏冬，吸收晒雞汁後超好味😍再食返個時蔬（粟米、南瓜、番薯仔、翠玉瓜、芋頭）啱啱好😙 . 🍴粥底 一開始就會將生米、瑤柱、排骨、肉蟹放入底內，煲足全程臨尾最後食🔥粥底已經煲得好綿，既有剛才蒸嘅海鮮鮮味及肉蟹蟹膏鮮甜😍雖然已經食到好飽，但好味到要食多幾碗😆 . 特別一讚呢度嘅職員非常主動幫忙，基本上成程都係佢哋幫手蒸，🐻完全喺度等食😂除咗$318呢個餐外，仲有其他再高級啲嘅餐，甚至有阿拉斯加蟹食😳搵次約多啲朋友一齊試吓先😙

落足成個星期雨，喺呢種濕立立天氣下好需要一番滋味喚醒味蕾✨位於旺角T.O.P.嘅「柞木炭家」主打高級精緻韓式烤肉🔥啱哂打破雨天陰霾，嘆返個韓牛饗宴😋 . 甫入門內已經見到肉類展示櫃🥩各款靚牛整齊排列，連dry aged都有，睇到都流哂口水🤤餐廳木質裝潢與柔和燈光營造出一種放鬆的氛圍，檯與檯之間有一定距離，夠哂空間同朋友享受美食😌 . 🍴前菜 一坐低先送上多款韓式前菜，比較特別有芝士粟米🧀全部都可以免費添加😙 . 🍴韓牛肉眼 試問塵世間邊個可以睇完呢塊牛而唔心動🥹肉眼呈鮮紅色澤且帶極致大理石紋🥩店員會幫忙以專業手法燒烤，細心問想食幾成熟☺️烤過後外層形成了一層輕微焦糖化外皮，散發迷人香氣🤤揀咗五成熟，切開內裡粉嫩，入口肉質細緻多汁🤩相比和牛脂肪無咁多，所以肉味唔會被脂肪蓋過😋口裡充滿甜美而濃郁牛肉風味，令人陶醉🥰 . 🍴蔥蒜牛舌 店員將牛舌邊烤邊卷入蔥蒜，最終烤成牛舌卷✨入口先係彈牙多汁嘅牛舌，再來蔥蒜辛香，兩者互相交融😚 . 🍴檸檬鹽花牛舌 本身已用檸檬、鹽及黑胡椒調味，所以烤完就咁食都得😌牛舌肉質鮮嫩多汁，口感細膩彈牙😛當中檸檬酸味更突出牛舌肉香，正👍🏻 . 🍴燉牛舌 燉角切牛舌對比燒烤方式，口感上增加了額外軟嫩感，而且好入味好香甜😙醬汁味道又唔會蓋過牛舌本身肉味，平衡得啱啱好😉 . 🍴生蠔牛肉石頭飯 生蠔外形大大隻好飽滿，質感creamy且充滿鮮味🦪再配啖牛肉粒飯無得輸😆石鍋飯仲有🐻最愛嘅飯焦，金黃脆卜卜😚 . 🍴舞動喵 超可愛貓貓甜品🐱每郁一下就「動L～動L～」好搞笑😂其實佢係牛奶布丁再加朱古力餅碎，布丁唔會太甜又有餅碎增加口感😚

以為去扒房就動輒人頭幾百蚊？太子扒房小店「The Steakhaus」幫到你😝人均$200左右，已經有扒有意粉仲有小食😆抵食到你唔信🤭 . 🍴安格斯Prime有骨肉眼 💰$258 肉眼足足成15安士，大大塊😍肉眼充滿肉汁，加埋迷迭香蒜蓉香氣勁吸引😋肉味相當濃郁，二百幾蚊塊呢個質素好抵食😚 . 🍴滿滿蜆肉蝴蝶粉 💰$118 一上枱估唔到蜆肉份量多到咁🫨蝴蝶粉與蜆肉比例近乎一比一🤩忌廉汁加咗啲辣粉，味道辣辣地配埋蜆肉鮮味又幾襯😌 . 🍴甜薯條 💰$38 番薯條炸得好香脆，熱辣辣食啱哂😜味道好香甜😙 . 人均200左右食得飽，質素又高，月尾鋸扒好選擇🤓

食韓燒第一時間一定係諗起「炑八燒烤」🔥雖則唔係任食，單點下肉類質素更高，次次食都保持水準👍🏻首嚐長牛舌燒鰻魚有驚喜🤓 . 一坐低先嚟多款韓式前菜及沙律🥗之後再有爐邊蛋及芝士粟米🌽前菜、爐邊蛋、芝士粟米全部可以免費添加💕 . 🍴長牛舌 💰$198 超長牛舌，足足有成1cm厚🤩牛舌燒至微焦後，口感爽脆且牛味香濃😋簡單用少少鹽及檸檬汁吊味就好足夠😙 . 🍴韓國鰻魚全份 💰$248 大大份鰻魚呈上✨將鰻魚剪開再燒至金黃色，沾上醬汁再燒🔥燒鰻魚皮脆肉嫩，彈牙鮮美😚入口充滿魚油香，醬汁甜味入晒落鰻魚度，同油香好夾🤤 . 🍴外裙肉 💰$158 油花滿佈嘅外裙肉賣相已經好靚仔😚口感鮮嫩且帶有咬勁，油香十足😛 . 🍴香烤豬五花 💰$128 豬五花肥瘦相隔層層分明，燒過後油份迫哂出嚟，所以入口一啲都唔肥膩😝可以蘸韓式燒烤醬包生菜食🤪 . 🍴海鮮煎蔥餅 💰$108 海鮮餅煎得好香脆，餡料同粉底比例啱啱好，入口啖啖都係料😆內有魷魚、蝦肉、韭菜、紅椒等😌 . 🍴韓國薄脆牛角酥 💰$58 牛角酥即係將牛角包壓扁嘅新式食法，由韓國興起🇰🇷🐻都係第一次食，口感介乎牛角包與餅乾之間，既保持牛角包鬆脆口感，又帶餅乾嘅香甜😝配以朱古力醬及雲呢拿雪糕，簡直絕配👍🏻 . 🍶馬格利生米酒 💰$98 味道偏甜，散發米香，飲落好順口易入口😌配燒烤較濃味菜式都唔錯😙

任食火鍋首選，必定無疑係「牛大人」🌟食過咁多次，質素有保證，最重要價錢合理💕近排天氣凍凍地，即刻約埋班朋友「牛大人」見🐮 . 🌟澳洲極上和牛120分鐘吃到飽套餐 💰$328 . 🔥鍋底 台灣濃香蕃茄鍋，充滿蕃茄濃香🍅味道酸酸甜甜，好醒胃😆另一邊眷村白玉酸菜鍋，內裡勁多五花肉、黃芽白、酸菜等配料，好足料👍🏻湯頭酸而不嗆，散發豬骨鮮甜😙 . 🥩肉類 叫得「澳洲極上和牛」套餐，緊係要狂刷最貴嘅牛😆澳洲和牛M5牛肩卷油花滿佈，充滿油香🤤美國SRF極黑牛，結合和牛滿花及安格斯濃郁好味😋手切封門柳，超重肉味且肉汁Juicy💦除咗牛肉外，豬雪花肉片都係必食，肉質爽口，每口散發油香😍 . 🔥火鍋配料 超多配料選擇💕跟餐送嘅澳洲M9和牛牛丸好好味，一口爆汁💦新品鬼馬松露油條即口又得，放湯又得，香脆得嚟又有松露花枝膠彈牙，多重口感😚真味牛肉漿夠彈力😛脆肉鯇魚片鮮美爽口😙 . 🔥台灣直送 牛大人最具特色一定係台灣直送食材🇹🇼連較冷門水蓮都有得食😯多款台灣小食，如鹽酥雞、台灣香腸、甜不辣等🍢再食返碗滷牛肉飯🍚同埋食到幾飽都好，都要食王子麵先滿足🥰 . 🔥甜品 最後可自選一款甜品，揀咗台中仙草凍🇹🇼最近牛大人更與維他命山水豆腐花合作，推出黑白配牌😆估唔到又幾夾，比平時食嘅仙草凍額外多份豆香😌 . 🔥飲品 除咗冷泡茶、汽水、果汁等，今次試埋烏梅汁及酸梅汁😝打邊爐解膩一流👍🏻