閒日星期二，book咗位，六點半去到，地理位置都ok容易搵。 店舖喺二樓，大廈入口位於金馬倫道，紅茶對面，報紙檔旁邊有電梯上去👍。 一去到 服務員就介紹 有個promotion，係全枱人有幾多副眼鏡，就有某啲優惠，眼鏡越多，優惠越高，idea幾有趣😜。 因為個眼鏡gimmick，送咗個海鮮拼盤🤭，跟住我哋嗌咗個椰子雞煲，牛肉拼盤，六個大人食咗 $1700，食物水準中上，啲海鮮夠新鮮😋，收費不太化算嘅係飲品類別🤐。 服務員都幾主動勤快同埋helpful， 整體感覺良好，有機會下次再嚟😎。

之前見某網絡平台做promote，買咗3個大人一個小朋友，合共618蚊。去到現場要補加一收費(俾cash 110蚊)。 5月1號揀選咗十二點半至兩點半時段，早咗少少嚟到，但係餐廳服務員一定要十二點半先至開閘，門口出面細細嘅走廊位，迫滿曬等候嘅客人，但係職員都唔變通一吓，畀人早少少入內等， 沙甸魚嘅感覺，真係好似難民營咁。 我哋入到去發現 店舖比較細， 座位好逼夾，用qr code點餐，有豬牛雞、 海鮮、熟食、麵食， 飲品就自己拎，大約有around十款飲品，有一兩款係有酒精。 啲食物質素都ok，海鮮都新鮮，又有蠔同埋帶子， 魷魚等等。 上菜時間就耐少少，平均你都要等十分鐘才收到你order嘅食物， 臨尾每人有一支雪條。 職員都好勤快， 大致上服務都ok， 美中不足嘅係 店內真係好大油煙，成間舖矇查查，充滿曬煙，冷氣又唔多夠，熱騰騰咁 。 總括來講，食物係ok，但係環境配套就真係一般 ，人均消費180蚊 cp值just so so.

星期日大約十二點鐘到，兩個大人一個小朋友， 定量餐要埋咗單先，然後就入內坐 低。 我哋三個餐， 兩個豚肉定量餐+一個羊肉定兩餐，$334埋單 。湯底嗌咗麻辣湯底，藥膳湯底， 同埋豬骨豆腐湯底，另外餐枱上已有幾支 後備湯底喺枱上面， 自助加湯。 定量餐包一碟肉，另自己可以去拎熟食冷盤 炒飯、碗仔翅、炸物，有甜品區 軟雪糕 有3種雪糕味道供選擇。 食物大致上都ok，對細食嘅我哋都覺得唔錯，同埋蔬菜新鮮，有好多種類揀 ，例如有西洋菜、羽衣甘藍、波菜.... overall cp值高，有機會下次再嚟。

星期六 十二點半到達，book咗位， 我哋七個大人一個小朋友，因為 有人有membership 所以才食吓，佢個舖位上手係做吉野家， 入面不算好大， 我哋被安排坐單邊梳化位置， 午飯時段都見九成座位滿。印象中佢哋嘅食物係比較大份，但現在唔知係咪物價貴，定還是調整咗迎合香港人胃size， 現場見較為細碟🤔，我哋嗌咗五樣嘢，包括海鮮拼盤， 蝦長通粉，rips and chicken wings，迷你漢堡 配薯格 ，仲有唔記得影相嘅墨西哥夾餅，食物味道冇咩驚喜🤫， 個ribs啲肉好淋， 啱曬老人家食 或者小朋友食。😆 店員都幾親切，會主動加水，然後問下你食物味道如何，前前後後問咗兩三次😅。 另外，當然唔少得嘅係每枱睇下你係唔係member，然後遊說你加入做member，不過我見隔離枱情況都唔hard sell，你話考慮下，佢都會行開。 我哋用餐中途 🤨突然間火警鐘 誤鳴，但係店員就冇主動解釋原因 🤐，過咗一排，先至有staff嚟話可能係有人喺商場廁所食煙造成。 😏8人共食咗$1100，cp值一般啦。

見某網絡平台有做特價， 所以預先購票，復活節假期 入嚟食lunch buffet。 未到buffet開始時間，reception 已有一條人龍等候，我哋三個 大人一個小朋友，被安排坐圓枱，入座率得五成，大把位剩下😅。buffet跟一般酒店一樣，有甜品區 .....小朋友至愛😍嘅 朱古力噴泉， 熟食區，麵食，刺身， 中式點心 ， 冷盤沙律， 嘢飲係蘋果汁 或者 咖啡奶茶(自助，自己拎杯去斟)， 美中不足🤫係冇汽水，較為特別嘅係🤗要推大玻璃門出戶外，有廚師喺燒烤爐即席 😬整bbq串燒， 雞翼，燒粟米 畀客人。 全個自助餐 最好味係燒羊扒🤩。 唯一可以挑剔嘅係 餐廳可能人手緊拙🫣， 我見啲廚師要輪流企不同崗位， 十個位置得七個廚師😏， 所以有陣時雪糕櫃/壽司bar嘅廚師會走咗去另外一邊負責其他煮食，咁變咗 要客人等一陣，先至有人serve你，有時見有啲客人以為係自助雪糕櫃，自己打開雪糕櫃玻璃門，再拎匙羹去忽雪糕食🙄， 其實係有staff幫你😑。 刺身位置有時就冇壽司師傅， 等咗一輪後，有啲客人都放棄咗😵。 總括嚟講，有特價嘅話cp值係ok ，食物質素不過不失，可以去東涌行下outlet，再順便食個自助餐。

星期日中午 一點嚟到商場， 見呢間餐廳門口有人等位 ， 應該不會太伏，所以就揀呢間食。 我哋都要等咗10分鐘才有位， 一入去，畀咗張大圓枱我哋，我哋四個大人一個小朋友 ，座位都排得比較迫，用手機點餐， 餐廳給人哋感覺比較污糟，枱邊發曬黑色 🤢毛菌，地下又有垃圾， 立黐黐😵。 我哋點咗 午餐: 蒸倉魚配飯， 同埋麻婆豆腐飯， 包咗兩杯熱飲，另外叫蕃茄火腿通粉， 麻辣牛肉米線，另再加一碟炒飯，cp值最高就係個蒸倉魚🤫， size比想像中大，味道都可以， 其他食物就真係好一般， 不要抱期望 ，一般茶餐廳級數🤐。 埋單好似食咗大約四百蚊。

平日放學時段下午三點幾經過，平時日日行過，都冇試過， 阿女心血來潮 就話 想試下~ 呢間舖頭嘅 位置就對正大圍火車站外圍，的士站隔離 ，人來人往😏，相信舖租都唔會平得去邊 🤑。 喺我哋order之前 有兩三個order ， 由於即叫即整，所以都等咗大約8至10分鐘才有得食。 我哋order咗個原味格仔餅 (23蚊)， 格仔餅賣相都ok，中間都係一般餡料，練奶+花生醬+牛油， 格仔餅外皮不太軟不太硬，有少少脆，但係就冇乜蛋嘅香味， cp值尚可吧😎。 我見其他客人點餐都係要原味， 其實佢menu仲有其他較特別嘅味道， 唔知係咪因為其他味道係貴啲 嘅關係，所以就令人卻步🤫， 我唔見有人點。

星期一夜晚人流較少， 我哋兩個人 ， 不需要等位，差不多全部嘢都自助。用qr code點餐，水都係自己出去吧檯度攞 。 我哋叫咗all day breakfast，另加$25煙三文魚，同埋意大利飯+凍朱古力， 食物及沙律菜 都夠新鮮， 水煮蛋煮得幾好， 好滑溜😍 ，意大利飯就賣相麻麻哋🤐 但味道都算ok ， 好creamy。 同埋餐廳有吉位，唔使限時， 坐耐啲都得。如果係假期，就應該冇咁休閒，要趕住食完還枱。 我哋埋單連加一收$397。 🩷🧡💛💚💙🩵💜🤎❤️

復活節假期第一日入咗嚟西貢燒烤，我哋大約一點半嚟到 ，成個場應該坐到幾百人，入座率得二成，都好冷清下，不怪得新聞話啲人北上消費，本港食肆冷清。 入到去坐低， 開咗個燒烤爐之後，就自己攞嘢食 ，餐廳嘅食物正常味道，最好味應該係個豬頸肉😋。 😌值得寫呢篇食評嘅係因為啲服務員，佢哋真係一絕😒，企喺門口嘅阿姐服務員串咀到爆，用"指揮嘅態度"去叫顧客買咗票先，完全冇服務質素可言😡。跟住坐喺燒烤場內有一個服務員，類似係負責包好啲炭，同埋執好啲枱+ 負責起好個bbq爐 ，佢見我哋個bbq爐燒嘢食嗰陣比較大煙就過嚟望，用極不友善 ，接近係指責你嘅態度😤，喺度話我哋做乜燒嘢食咁大煙， 大大聲咁 exactly 講 :「咁大煙點樣燒嘢食?!🤬」 跟住指指點點咗一輪之後 ，就走開咗 ，態度真係奇差，令人O曬嘴😨。 不久我聽到隔離枱啲嬸嬸坐低咗冇耐，就好勞氣話出面服務員，又係話其差態度， 直情想鬧佢咁濟 😟。 呢間嘢其實食物係冇問題，配套亦ok，位置都ok，唯一差嘅就係服務員， 畀人人印象非常之差，佢哋真係有好大嘅進步空間囉😂， 真係唔知係唔係老細有默認咗佢哋要咁樣服務 🤭🤐。 其實bbq場都 接近 無服務可言，通常所有嘢由拎食物開始已經係自助，真係唔明點解會俾人咁嘅印象🤨。 三個人(兩大一細)，九百蚊埋單，都唔係好低消費啫， 要咁樣受氣唔多值囉。

星期六下晝四點到達山頂凌霄閣 ，餐廳嘅位置係搭完纜車，一出嚟 行咗幾步，經過手信店舖，就即刻見到哩間餐廳，它位置係絕佳。 我哋畀佢啲食物相吸引咗，入咗去😅。 我哋本來係為咗件西多士 入嚟，點知佢話冇曬麵包，賣曬，咁咪唯有叫其他啦😒， 其實好奇怪~佢定位係茶餐廳😮‍💨舖面啲photo主打都係西多士，奶醬多士咁，居然冇曬麵包🤔。 另外，因用qr code點餐， 局限咗飲品冇得嗌少甜少冰 ，(其實好多用qr code點餐嘅餐廳，個app入面都可以備註)，我就問一問個服務員， 嗰位肥肥哋嘅服務員哥哥(唔係著卹衫)，非常之helpful👍， 幫我哋人手落單，備註少甜少冰。 著住卹衫嗰兩位看似高級啲嘅服務員就好冷漠，西口西面咁，兩位只企喺門口附近，不停望住店出面，完全唔多理店舖入面嘅嘢。 我哋嗌咗兩杯凍飲 (阿華田珍珠，另一杯係紅豆冰珍珠)， 兩杯凍飲加起係接近100蚊，再加50蚊嘅洋蔥圈配花生醬奶油pancake ，食物味道就真係一般啦~係大x樂/大x活嘅級數， 價錢就山頂價錢，唯一值得讚嘅就係個肥哥哥侍應夠nice和主動💖，埋單係大約 $150。