好耐冇食印度嘢, 見到呢間啲相都唔錯, 就同朋友來呢間試試 <<Bombay Chillgoza Prawns>> 一共四隻大蝦, 食得出係新鮮蝦, 而且仲大隻, 炸得非常脆口彈牙, 一隻可以食到三啖, 真係好滿足, 個人就唔鐘意點埋個醬來食, 但朋友就話加埋個醬就更加有層次👍🏻👍🏻 <<Tawa Masala Sea Bass>> 呢條魚真係冇得頂, 肉厚煎得香, 而且加埋D印度香料, 真係一流, 加埋檸檬汁就更加fresh, 個人就鍾意原汁原味, 唔太鐘意點醬, 呢個係全晚最好嘅菜 <<Fish Koliwada>> 第一次食到係外脆, 但入口魚肉就差唔多即溶嘅炸魚, 香料夠味, 食到停唔到口, 但係食之前一定要小心, 因為入面D魚肉真係熱辣辣😜 <<Chicken Makhni>> 濃濃奶香咖哩配滑雞, 咖哩配飯或者薄餅都係一流, 而且雞肉份量多, 足夠3-4人食 <<Garlic Naan>> 3大塊, 蒜蓉味唔會太過濃, 入口又香又軟, 可以配咖哩一齊食, 咖哩加埋蒜蓉味, 真係不得了🤤🤤 <<Mango Lassi>> 比起平時飲開嘅 芒果味會更香濃，唔會好甜，酸酸地好開胃同好refreshing😋 食物質素同價格成正比, 而且仲有好多出面食唔到的印度菜, 絕對唔會失望, 而且位置方便, 食完仲可以去蘭桂坊玩玩😂

咁啱喺荃灣收工就直頭同同事喺度食埋嘢先走，同事介紹我黎食呢間日本菜，兩個人食咗5樣嘢，超級滿足 <<薯仔沙律>> 薯仔沙律係用薯蓉再加入洋蔥、紅蘿蔔、青瓜同雞蛋嚟整成，呢個組合又清新又好味 <<燒喜之次>> 條魚燒得啱啱好，肉質好滑，而且鮮嫩多汁，再配上醬汁，味道更突出 <<海老天婦羅>> 蝦炸得金黃酥脆，同時保留到鮮味同質感。外層香脆，內裡鮮嫩，係我今晚嘅最愛 <<蒲燒鰻魚飯>> 鰻魚燒得好食，配埋蒲燒醬汁恰到好處，飯粒粒分明，好好食 <<牛之拼盤>> 呢個拼盤包括3款唔同嘅串燒，包括牛舌，一口牛同埋牛肉蘆筍，味道各有特色，每一款都展示咗牛肉嘅層次同口感。牛舌爽脆，一口牛好有牛味，牛肉蘆筍感覺清新。成個拼盤都非常出色～ 另外值得一讚係啲員工嘅服務態度好好，而且好貼心，真係值得讚賞

同朋友喺中環行完街就睇睇食咩, 咁岩大家都想食中菜, 就喺附近睇睇有咩食啦～ 就嚟咗呢間試試 地點都幾方便, 中環街市行前多幾步就到。我哋得兩個人, 所以就叫咗1個前菜, 1個餸同1個湯飯, 3個都好有水準 <<黑磚豆腐 $18/ 件>> 賣相一流, 擺盤好有心思 味道方面, 炸到外脆內滑, 好有蒜香味, 而且好有重量, 食完一個就會想食第二個, 絕對有誠意之作～ <<川味脆牛腩 $138>> 唔係好辣, 辣同麻都啱啱好, 唔會蓋過牛味, 而且炸出來牛腩都唔會好嚡, 鐘意食牛腩嘅人都可以試試 <<鮮魚湯海皇芹香脆米泡飯 $188>> 好好味, 湯好好飲, 好有鮮味, 食完好舒服, 有好多蠔同帶子, 非常足料, 配埋脆米真係一流 一鍋夠3-4人食, 我同朋友2個食唔哂～ 下次絕對會再嗌多啲人一齊過嚟食, 可以試多幾款唔同嘅菜式

對於好鍾意食酸酸辣辣嘅我，酸菜魚絕對係其中一個至愛。好耐都冇食過近日留意到香港有一間，就即刻走咗去試吓～ <<老壇酸菜魚>> 一上菜賣相就已經好唔錯，用咗三色辣椒，好大煲，好多料，唔太油同埋唔算太辣。魚肉都好多好滑，酸菜都好多，仲有好多金菇、粉絲同蓮藕片喺底。味道夠濃，只要唔食唔到花椒，都唔會太麻而食唔出味道。可以另外自行再加配料，我哋就加多咗蓮藕片同粉絲，因為呢兩野吸到啲湯真係勁正 2人份量2個人食啱啱好，仲有埋叉電位同叉電線，夠哂細心服務態度都好好

今日難得約到朋友出嚟聚下 食好西是常識吧！特別地選擇左印度菜試吓～ 呢度環境唔錯 位置又坐得舒服～ 同朋友敘舊慢慢傾計就啱晒啦 <<意式白蛤蜊麵 $125>> 扁意粉配上極香濃大蒜味，超有驚喜，而且炒得夠乾身唔多油，食到唔停得口，份量岩岩好 <<香烤雞塊 $140>> 大大舊雞肉充滿香草味，烤得夠適中，唔會太過乾身，配埋烤餅，烤餅微脆重蒜蓉味，加埋一齊真係冇得頂，份量足夠2人份，大大力推薦 環境靜靜地非常舒服，食物質素高，服務態度度又好，又有Cocktail ，可以慢慢坐慢慢傾計，正！

今晚早左收工，同個fd突然想食放題，就簡左兆萬8樓呢間神戶屋，入到去，環境個feel幾好，服務態度都吾錯，有笑容，good! 佢好似韓國咁，會有啲前菜，嘢食選擇都幾多，仲有二客海膽送，正呀 緊係叫刺身先，睇落都幾新鮮，特別推薦牡丹蝦好大隻好肥美，十分滿意 我地見到有得叫飛天通菜，好奇下叫左，又估佢吾到幾野味咼🤣🤣如果唔食得辣嘅朋友仔就吾好試啦！因為佢小辣都幾勁，但好食既！ 另外，叫左熟食炸物，都吾錯，芝士焗蠔，新鮮熱辣辣，好香芝士味，所以叫左幾次，真心正，我朋友食親放題都會叫菠蘿，又估佢吾到勁甜好多水，因為有d勁酸，所以Encore左2次😝 叫左炸物做飯後甜品，香芋波波，炸鮮奶，心太軟等等，雖然心太軟唔係流心，味道ok,我自己都幾鍾意，走個時，店員同我地講有個雪條櫃，大部分都係韓國雪條，超吸引，我同朋友每人都拎左支 今晚放題我同我朋友都好喜出望外，遲下我地有朋友生日，都有機會再黎食，不得不提係d服務員，好主動問我地有冇漏單，又會幫我地追單，超少有，主動我地換碟，呢樣真係好抵讚！

筲箕灣東大街基本上係一條食街, 周圍都係餐廳,今次就黎左潮陣試下! 餐廳裝修走工業風，燈光柔和,係用左黃燈,佢再播啲輕快既音樂,令到整個進餐過程都放鬆,另外餐牌制作都好用心， 介绍左好幾個必食之選。 而我就叫左一個必食之選(牛爽腩),配左個河粉做我當日既下午茶!!河粉好滑好幼, 湯底有牛腩汁 夠味而又唔會太咸,岩岩好, 爽腩咬落肉質吾會硬,但又好有口感, 上面有層薄薄既脂肪,岩岩好半肥瘦,食落口真係好正,味道係會係口裡面久久不散

難得唔洗OT 就一於獎勵自己同男朋友食餐好嘅！之前係銅鑼灣食過呢間lunch 已經念念不忘 所以今日就同男朋友去尖沙咀試下個晚餐 <<香草白酒煮青口配黑松露薯條 $198>> 青口好新鮮 味道鮮甜 個人來講唔鍾意食太大隻嘅青口 呢度的青口size剛好黑松露薯條 外層香脆 薯味香濃 加埋濃郁的黑松露香 唔沾茄汁都一樣咁好食 簡直一流 <<香炒新鮮蜆仔配墨汁青檸扁意粉 $138>> 炒蜆仔夠哂鮮味 呢度嘅墨汁意粉同外面食的不同 因為加左青檸汁同蟹子 味道更加複雜而且有層次高分之作 <<燒美國安格斯西冷扒配黑松露薯蓉 $308>> 12安士牛扒選擇了medium rare 燒得恰到好處 能保留肉汁 非常juicy 肉味濃郁建議可以不沾任何醬汁 加少少鹽同黑胡椒食 咁就可以享受最原汁原味嘅味道 我個人認為原味係最正另外，薯蓉加上香濃嘅黑松露 對於我呢個松露迷 簡直係好味到停唔到口 整體來說 食物同環境都非常高質如果鍾意可以坐吧枱 欣賞一下廚師如何烹調食物也是一種樂趣

之前去完台灣 返到黎一直都好掛住台式火鍋 所以今日就同男朋友嚟試吓養心殿 止住癮先 有多款火鍋湯底可以選擇 為咗可以試到唔同味道選擇左鴛鴦鍋 - 麻辣鍋 及 酸菜白肉鍋 <<麻辣鍋 + 酸菜白肉鍋 $128>> 麻辣鍋我哋揀咗小辣，有好濃郁嘅孜然味同藥材味 蜂巢豆腐同鴨血入哂湯味 酸菜白肉鍋比想像淡，所以食左一陣麻辣鍋 以酸菜白肉鍋緩衝一下重口味嘅感覺 感覺會較清新，酸菜同五花肉嘅味道好夾，清淡嘅湯底，配肉類食材簡直一流，可以食到肉嘅原始風味 <<雪花一口肥牛粒 $138>> 油花分佈唔錯，份量都非常足夠，入口牛味十足記得唔好煮得過耐～肉質就能保持嫩滑 <<台灣翠絲水蓮 $88>> 色澤翠綠，外表好似條繩咁～ 而水蓮嘅口感爽脆 就算煮得耐 都能保持脆口而且吸收哂香濃嘅湯底味道，美味十足 <<老油條 $58>> 勁脆口！而且唔太油膩，只要點一點湯就可以吸收到湯味～ 個人喜愛配上麻辣湯底 夠哂重口味 <<蟹籽墨魚滑 $88>> 入口都幾彈牙，而且墨魚嘅鮮味十足加埋蟹籽更加增強口感～

返工咁辛苦 Lunch有時真係要同同事食好西 平衡下心理～ 呢度環境唔錯 服務員見我同事係孕婦 就主動提供cushion 非常貼心🥰 Lunch Set可以按你自己嘅喜好選擇加唔加頭盤、甜品同飲品，非常彈性 <<8安士肉眼扒配薯角蔬菜 $98>> 牛扒肉質鮮嫩 又夠juicy 牛扒嘅生熟度選擇了medium 煮得恰到好處 能保留原有肉汁可以加少少黑胡椒，就算唔沾汁同芥末醬都已經好好食 充滿香濃的肉味～ <<高級和牛漢堡配沙律薯條 $92>> 我朋友選擇左漢堡 因為孕婦嘅關係 和牛要選全熟 但係絕對冇影響到質素 和牛依然能保持肉汁 而且幾厚實 份量十足配埋香脆薯條 感覺十分飽足 <<蘑菇忌廉湯 +$15>> 口感creamy 味道濃稠 而且非常足料 可以食到一粒粒嘅蘑菇 配埋香脆的蒜蓉多士 正呀！ <<是日甜品 - 朱古力mousse +$18>> 口感軟滑 朱古力味香濃得來又唔算太甜 有輕微嘅苦中帶甜嘅味道 令整體更有層次 <<是日甜品 - Tiramisu +$18>> 口感醇厚 味道唔太甜 每一啖都食到淡淡的咖啡甘澀味 簡直一流 最後同朋友加咗$9要埋餐飲 簡單飲杯凍檸檬茶同埋熱檸水 為呢個豐盛的午餐劃上完美句號 整體來講 無論服務及食物質素都非常高質而且價錢同選擇都豐儉由人 又可以自由加配頭盤、飲品及甜品 一定會再返來encore呀