Book咗2位24號中午1點45分brunch buffet，食足兩個鐘到3點45分。環境舒適、比咗張4人枱，座位有空間，枱同枱之間好寬敞。 野食方面選擇唔多，不過我本身就諗住食佢地個海鮮冷盤，有齊龍蝦、生蠔、蟹腳、蟹鉗、螺、蝦，基本上應有盡有。 海鮮冷盤全部冇限數量，而且refill得都算快，唔洗驚食到隔夜海鮮。龍蝦新鮮多膏、肉質實淨唔鬆散、一口氣食咗5隻。 生蠔唔腥、不過不失。蟹腳同蟹鉗都算多肉、不過有少少雪味、食落都叫可以接受。螺同蝦都普普通通、食一輪可以唔食。 另外餐廳會送每人一隻蒸鮑魚、中式煮法，肉質彈牙唔腥。 熱食有意粉、豬牛雞都有齊、即溶芝士配薯條，味道都係一般般，牛扒有少少韌唔太建議。

下午時段大概3點左右，2人唔洗排隊👍🏻餐廳唔算特格多人。之前經常叫外賣已經覺得好好味👍🏻，今次專登過黎試下門市😀我地2個人叫咗碗柯仔大腸米線，滷肉飯，台灣腸加兩杯飲品🥤，買單價錢合理💯。 侍應生同廚房員工貌似係台灣人🧑🏻‍🍳，餐廳環境氣氛唔錯，有少少背景音樂。🎶 現場2個主食都會熱好多同大碗少少🔥，味道依然保持水準。台灣腸份量剛好亦不會太油膩，大讚👍🏻，有機會大家可以試試。😀😀

星期日中午3點左右入座，基本上唔洗排隊，餐廳唔算多人，樓面坐位一般唔太寬敞，不過裝修同設計都幾有心思。 叫咗一個即叫即炸嘅超大蟹柳加蛋黃醬薯條，蟹柳炸粉有少少鬆散同太油，不過係新鮮炸起加味道唔錯 。個人唔太喜歡薯條太粗。 另外叫咗一碗蔥油雞翼撈公仔麵，蔥油味勁香，雞翼熟度啱啱好嫩口，不會太熟令到肉質太硬。 牛油咖映多士有驚喜，超多牛油，食落唔會太膩，少少甜，多士夠脆唔太燶，十分推薦。 美祿紅豆冰牛奶味較重，美祿唔夠濃，鐘意奶味嘅朋友可以一試。

夜晚大概9點2人入座，店舖基本上冇咩人唔洗排隊。坐位唔太舒服，明明冇人都唔安排我地坐卡位。 叫咗2個一人set，沾麵/拉麵+小食+飲品，300蚊賣單，唔算平。 凍沾麵幾岀色，麵底用粗麵，份量可選擇小中大，麵夠彈牙，食落唔會黐牙，醬汁夠濃夠熱，配凍沾麵溫度啱啱好中和返。 小食蟹餅外脆內軟，炸粉唔會太厚，唯獨餡料冇乜蟹味。 拉麵湯底濃郁，麵都相對彈牙，配溫泉蛋一流。 整體食物質素幾好，位置亦好方便，k11行岀門就見到，會再幫襯。

踏入火鍋店已經可以感受到奢華的宮廷風，由紅色為主打造的裝修配襯獨特的裝飾，為火鍋店添上一番風味。 湯底選上了正宗成都麻辣(微辣)及蕃茄口味。麻辣湯底適合香港人口味，麻香味重，加水後仍然保持香辣味，蕃茄湯底略嫌清淡。 主菜方面，必點限量手切本地牛，牛肉味較重、口感新鮮嫩滑; 潮汕牛筋丸彈牙多汁; 手切牛頸背、牛栢葉、冰球鵝腸照著點菜上的涮燙時間，味道鮮甜。 最後由冰粉和紅糖糍粑甜品作收尾。冰粉加入蘋果、黑糖作配搭，甜而不膩; 紅糖糍粑外脆內軟，襯上同樣的黑糖，個人覺得是必點甜品之一。 總結，體驗感十足。細節位做足，小至特別選用的茶杯及茶葉。價錢合理、人均$400-$500、每碟菜式份量較多。

前陣子看到媒體報導旺角新開的鐵板燒餐廳，感覺環境跟賣相很不錯就預訂了。 一進門基本上快要滿座，如果沒有提前預訂應該很難walk in的。門口是一間台式的手搖水果茶店，進門後待應會帶你坐下，然後就可以開始點餐。一個廚師大概負責十個人，用餐一節的時間大概是兩小時。 我們選擇的是海饌二人前$788，價錢不算太貴，套餐有前菜、沙律、麵豉湯、季節蔬菜。主菜有龍蝦尾、白鱈魚、南非鮑魚、雞扒、美國牛肉薄燒。另外餐廳主打的全日鐵板優惠餐只需$148，價錢十分相宜！ 不得不說，餐廳很有儀式感，餐廳裝修亦很用心。所有海鮮都十分新鮮，烹調方式主要是要黑椒和鹽調味。枱面上有三種醬汁，每款菜式上菜後廚師會提醒如果味道不夠可以沾哪款醬汁，十分細心。 美國牛肉薄燒則用上燒好的蒜和蔥捲在牛肉中間，不用醬汁也很惹味。最後還有炒飯和甜品牛油焦糖燒的吐司，整體十分享受和滿足，推薦給喜歡鐵板燒的朋友們！

Lunch經常去嘅一間cafe，最近menu岀返我最鐘意嘅辣肉腸焗意粉，決定岀個post。 餐廳位於柴灣工業城，相信係柴灣同小西灣返工嘅朋友都一定聽過或者去過。 餐牌選擇唔算多，不過味道出乎意料地岀色。每一碟都好精緻，不過份量略嫌細碟，女仔嘅話應該夠食。 今次點咗辣肉腸焗意粉，一貫地保持水準。lunch比較多人，焗嘅時間大概要等15分鐘左右。肉醬好夠味，意粉亦唔會太淋，個靈魂係辣肉腸，三者配合簡直無可挑剔。 題外話，小小一間cafe窗口位可以望到海，係繁忙嘅工業區上班時間不失為一個lunch抖抖氣嘅地方！

超人氣teddy bear打卡餐廳，ig打卡一流。除咗主食之外，甜品都有熊仔比你打卡，不過最後淨係叫咗主食冇叫甜品。基本上每一個菜式都有熊仔打卡，如果大家淨係想去打卡，我建議order火鍋。兩個set唯一唔同得牛，set 1個和牛明顯高質素d，食落比較嫩滑，油脂分佈比較均勻，性價比高過set 2。豚肉、雞肉就不過不失，可以接受。 湯底: 壽喜燒 Set 1: 特選雜錦盛合 $168 和牛、火之本豚、特選雞肉、什錦丸類、蔬菜 Set 2: 經典雜錦盛合 美國牛頸脊、火之本豚、特選雞肉、什錦丸類、蔬菜 📍くまちゃん温泉 Shop255, 2/F, CityPlaza, 11 Tai Koo Wan Rd, Quarry Bay, Hong Kong ——————————————— Teddy bear was too cute, definitely very ig worthy🥹 the desserts also has a teddy bear on top but we didn’t order. Almost every dish u order will be teddy bear themed and 打卡able, so you don’t have to order hotpot only in order to take pics🥳 comparing the two sets we tried, set 1 was definitely much better in value. The only difference was the choice of beef, but the wagyu in set 2 wasn’t the best quality. There was very little difference in texture and taste between the two types of beef in both sets. The pork and chicken was ok, nothing too good or bad to say about it, was just disappointed with the wagyu meat in set 2. Soup Base: Sukiyaki Soup Set 1: Classic Kumachan Set $168 (US Chuck Flap Tail, Hinomoto Pork, Selected Chicken, Fishy Balls, Assorted Vegetables) Set 2: Special Menkoi Set $228 (Wagyu, Hinomoto Pork, Selected Chicken, Fishy Balls, Assorted Vegetables)

經常食的一間餐廳，通常呢間餐廳淨係會諗起食海南雞飯，不過難得地去堂食緊係要試下其他野。 今次除咗海南雞飯之外仲叫咗馬六娘惹茶薫鴨飯同正宗巴生肉骨茶。茶薫鴨飯配紫菜湯，比想像中靚。味道薰得剛剛好唔會太燶，不過鴨肉偏乾身，唔太夠肉汁，加埋碗湯先勉強食得哂。肉骨茶就一如往常地好濃味，中藥味唔會太搶，推薦！ 感覺海南雞飯各方面都比較岀色，茶薰應該冇下次，不過肉骨茶可以encore！ #dinewithsy #香港美食指南 #打卡餐廳 #美食推薦 #美食打卡 #好西分享 #相機食先 #日常美食 #foodie #hkfoodie #hkfoodblogger #馬六 #西環 #海南雞飯 #肉骨茶

Welcome mocktail飲落甜甜地，應該係碟豆花加燈汁加梳打，好打卡able，溝埋會變咗少女粉紅色。 頭盤海膽多士同和牛後腰肉，好鮮甜同creamy，on top加咗少少黑松露，令成個present高級咗。多士烘得啱啱好，唔會太戟乾同燶，唯一可惜就係份量太少，一啖就食哂。和牛肉質算嫩滑，油脂可以再多少少就perfect。 頭盤係西京銀鱈魚，肉質好實淨唔會一夾就散。外表都剪得好脆，食落有好感。醬汁好特別用紅蘿蔔做材料，沾落有淡淡咸味。 甜品亦好有新鮮感，食落第一啖有少少柚子味，如果你想嘗試不同口味同texture in one dish，不妨試下呢個甜品，絕對有意想不到嘅驚喜。