今日一個人係中環搵地方食lunch， 突然間想食燒味， 見到呢一間餐廳價錢都OK，試一試～ 油雞、燒肉飯 $46 油雞肉質非常軟滑，絕對唔係「乾柴柴」嗰d, 睇幅圖都會見到，幾咁滑溜🤤 燒肉皮脆，肉的部位食到有淡淡的炭燒香味，都算唔錯！ 有好多店舖都忽略咗燒咪飯既質地， 但飯嘅質地其實好緊要！！ 最怕啲好淋，同埋好濕嘅飯 佢地飯軟硬適中，加埋唔吝嗇嘅薑蔥蓉 咁就啱晒 燒味整體都唔錯，唔算係重口味， 唔會太鹹、太淡， OL們又多一個平靚正選擇 ❤️

餐廳環境好，可能這個時段比較早， 餐廳的人數不多， 所以坐得很舒服。而且待應值得稱讚，招呼不錯。 一坐下已經送上兩碗雪耳紅棗糖水，令人有一種安心感覺。 如果你跟我一樣，有選擇困難症，可以選擇鴛鴦湯底，一邊麻辣、一邊雜菌湯。 首先，雜菌湯底有驚喜，滾起時聞到菇的香味，香濃而且味道剛好。另外麻辣湯底亦有國內的味道。因為疫情關係，大家都不能北上覓食，定必非常想念大陸打邊爐的味道了。這間火爐店就是有這種感覺， 暫時成了我在香港最愛的火鍋店了，大家絕對可以試一試。 食材方面，選擇了刁鑽的腦花、牛心椗，這兩道食材在很多火鍋店都沒了，始終工序比較麻煩，清洗得很乾淨而且十分新鮮。還點了鱔片、鵝腸、牛骨髓。鱔片新鮮爽口，入口有油香，推介！💕 鵝腸和牛骨髓比平日食到的偏粗大，口感非常。最後來一碗紅糖冰粉，解辣之餘，成了完美的句號。 餐廳整體不錯，食物新鮮之餘，而且選擇挺多，價錢不俗。香港餐廳想食到刁鑽的食材選擇不多，這間真的是不錯的選擇。

就朋友住嘅地方，尼到將軍澳食飯傾下計，但Popcorn嘅餐廳好似冇咩好食☹️ 所以行到尼南岸，食完餐廳再喺海邊坐下，其實幾舒服🥰🥰 餐廳既環境絕對值得稱讚，有歐洲既餐廳感覺，而且價錢唔算太貴，食物質素都唔錯！食得出大廚既手藝。值得推介❣️🥳 法式青口鍋 一上枱嘅時候，賣相有驚喜❣️😍 👏🏻 青口海水味幾濃郁，而且每一隻都好肥美，烹調時間剛剛好，所以入口軟滑 * 建議每隻青口都先沾上香濃醬汁再放進口內，口感更香濃軟滑～ 👏🏻 薯條外脆內軟，表面已略有調味，就算唔點茄汁都已經幾好食～ 炭燒豬扒 豬扒燒得表面非常香口，內裡很Juice， ，質素非常高。 豬扒烹調時間同樣拿捏得非常好。豬扒切開時，就會感覺到豬扒油脂分布平均，餐廳入貨質素的確有點心思👏🏻 放進口內時感受到那種豬扒的油香，而且爽口質感，實在不錯🥰🥰

同長者傾計... 佢地到咗退休年齡，​ 雖然身體仲健健康康，但公司都會安排佢哋退休，好多到咗退休年齡嘅長者都唔習慣沒有工作的日子，覺得退休後嘅生活百無聊賴，很想重投社會。 銀杏館為佢哋提供左一個好好嘅就業機會，滿足佢哋打發日神，保留那份存在感🥰​ ​ 下午茶​ 🥬 素食卡邦尼意大利麵​ 每逢初一、十五我都會選擇食齋，所以會用少少心思搵一下有素食嘅餐廳。 呢個素食卡邦尼意粉絕對有驚喜 ❣️​ 芝士味非常香濃，意大利麵有咬，鮮香菇陪襯多一點層次，而且醬汁份量拿捏得非常之好！絕對要試～ 🥰

見到網上評價，淘園火鍋館既評價唔錯。舊式火鍋店買少見少，唔需要太多嘅裝潢，重點係食食物嘅質素，所以佢地存在嘅時候，我哋真係要支持一下 🥰​ ​ 叫左一個皮蛋芫荽湯底，冇咁熱氣～ 芫荽份量一d都唔吝嗇，所以湯底出尼好香。​ ​ 🦐 淘園手打蝦丸 - 餸菜名會加上店舖嘅名，通常都係推介，叫咗果然冇令我失望！蝦丸爽口彈牙，蝦嘅鮮味十足，非常有咬口，蝦丸仲見到一隻隻嘅蝦❣️​ ​ 🐖 花雕豬腦 - 已經唔係好多火鍋店有呢一道菜，如果鍾意食牛骨髓既朋友可以試下，比牛骨髓更入口軟滑，感覺一試難忘🤤 所以我真係好鍾意食豬腦～～ 建議放入火鍋前，再輕輕沾多一次花雕酒，入口會更香滑​ ​ 🐟 白鱔片 - ​ 白鱔片雖然冇脆脘片爽口，但入口會有另外一種油香，略帶爽口，而且鱔片既皮膠質會比較重一些，更加有層次​ ​ 🥒 萵筍 - 打邊爐叫萵筍就最正！ 索左湯嘅精華，如果鍾意食爽口就要快啲夾起，如果你同我一樣鍾意食淋身，放耐少少都唔怕～​ ​ 🐑 山東羊肉片 - 好好食❣️ 雖然羊嘅味道好重，但係又唔會太蘇～ 口感好好，有驚喜！​ ​

每次去深水埗地鐵站一上地面，即刻會聞到好香嘅街頭小食味道😈，真係忍唔住去睇下有咩食🙈🙈 雖然呢段時間係要戴口罩㗎喇～ 不過美食當前真係好難忍，快啲食完，快啲帶返囉～😆😂 今日食咗炸大腸，特登同姐姐講：「炸脆d丫唔該」炸透左之後真係好好味，外脆內軟，保留左少少大腸嘅味道 ❣️加埋甜醬 + 黃芥辣醬 + 少少辣椒醬 咁樣食就最好食～ 好有細個嘅味道呀～ 之前食過魚蛋同埋燒賣，都一般般啦... 如果你鍾意食炸大腸，要試呀！

今日喺牛頭角收工，搵埋朋友食飯，終於可以同尼同朋友傾吓計，唔使成日留係屋企咁悶🤣😂​ ​ 泰式無骨海南雞​ 海南雞入口香滑，又唔會太油膩，雞皮爽口，女仔食都唔怕！☺️​ ​ 生蝦刺身​ 生蝦幾新鮮，點佢搭配嘅醬汁，再加上蒜片同辣椒，好開胃🥢 ​ 泰式炒金邊粉​ 仲有呢個金邊粉送海南雞一流，炒得幾香，份量剛好，味道都唔錯！​ ​ 呢個份量兩個人啱啱好～ 整體食物質素都算唔錯。如果你都想好似我咁，平平地想食個泰國菜，又過開尼呢個價錢都唔錯☺️

Cafe 既環境舒適，位置用咗梳化位，啱晒三五知己一齊坐低傾吓計，而且用玻璃窗自然採光，建議日頭去更加舒服。 cafe 入面擺放左一個遊戲架，所以可以自己去揀遊戲玩，我最鍾意玩broad game～ 難得見到唔同朋友，梗係想坐耐啲啦 😆 玩到攰嘅時候可以叫少少嘢食～ 🥢 自家製手打牛肉漢堡，牛肉煎得好香，而且熱力令到芝士剛剛溶化，賣相同味道一樣，好邪惡～ 佢再配上薯角，薯角香脆、惹味。 🥢 黑松露蘑菇意大利飯 如果食齋嘅朋友可以考慮吓呢個，蘑菇意大利飯配上黑松露，味道唔錯

今天能夠提早收工，決定來這裡朝聖朝聖。 餐廳的裝潢很好，而且食物美味，是一個不錯選擇☺️ 🥢 上壽司卷物拼盤 先來了上壽司卷物拼盤，食物碟的兩角鋪設了金扇貝，加上手握壽司好有藝術感地放在木板上，顯得十分特別和精緻。這個拼盤合共有九件壽司，每一件壽司🍣漲卜卜，材料十分充足。而我最喜愛的是熟蝦壽司，吃下沒有海水味，但每一口也嚐到蝦味，配合飯團，很值得把他們全部放在口內。 🥢 雜錦吉烈拼盤定食 雜錦吉烈拼盤定食，這個炸物，包含了炸魷魚、炸墨魚圈等。每一件炸得也炸得十分香口，喜歡吃炸物的朋友絕對不容錯過。

環境尚算舒適、清潔、乾淨。服務員細心，清潔值得稱讚。所有牛扒上菜時都只是一成熟，所以客人可以自行控制牛扒既生熟程度💖​ ​ 牛柳有肉味較厚身，最重要係有最重要係上牛扒塊石板夠熱，令牛柳能封住肉汁，食落更加豐富。 ​ 牛肩扒則肉質比較細嫩，但相對地牛扒較薄身，兩個對比，本人會鍾意牛肩多d~​ ​ 值得一讚既係調味料夠多，有黑胡椒、蒜蓉、岩鹽同埋牛扒醬汁，飲品比其他店舖豐富，不只是一般可樂，有不二家嘅蜜桃汁、提子汁...... ​ 店舖更另外有提供檸檬水，不用收費。而且沙律吧可以自己攞，仲有白飯、麵豉湯可以供客人任由選擇，而且店舖仲幫客人準備圍裙，好貼心💕