媽媽生日。心血來潮帶佢試新嘢。先唔講嘢食。服務一流。👍🏻 知道媽媽生日。一坐低就有侍應姐姐講生日快樂。氹到媽媽已經好開心。然後好驚喜咁午餐平過晚餐🤣🤣毫不猶豫咁揀左$780一位嘅鐵板燒餐。再加左一份晚餐好hit嘅魚翅。真係好期待呀🥰🥰 所有野嘅味道都好好。好驚喜。廚師哥哥又好nice笑容滿滿。媽媽真係好開心。到最後仲有自家製雪糕。熄燈唱生日歌。儀式感滿滿🥰🥰🥰好有愛。 Ps 每道菜都會有人介紹材料。侍應哥哥又自己留意到我好凍。仲俾左件披肩我☺️☺️☺️。今日餐飯係我食過最開心嘅飯。大大力推。。。🥰🥰

將軍澳又有一間打卡餐廳啦。最近新開。行過想試好多次。quota留左係聖誕節🎄。😁😁 坐半開放式位。依家呢個天氣真係一流呀！聖誕節天氣又好。藍天白雲。店內裝潢又好靚。好鍾意。🥰🥰 因為岩岩運動完。都唔敢太邪惡。叫左一份餐再加個pizza🤣🤣。叫左法式海鮮鍋配蒜蓉包。有前菜，湯，主菜，甜品。另外仲有有汽酒同餐酒。咖啡茶。 法國🇫🇷空運到港嘅生蠔。鮮甜。🥰🥰個湯好得意。有藍色嘅泡泡係上面。蒜蓉包又香又脆。個薯蓉好似有啲蒜香油係上面。好正。🤣🤣。海鮮鍋好吸眼球。海鮮好豐富。個汁幾惹味。最驚喜係個pizza😂😂😂。海鮮好足料。正。 甜品係我最愛嘅Tiramisu!配咖啡！勁開心! 廚師都有出嚟打招呼。🤣🤣🤣。我覺得好warm。🥰🥰 聽講遲吓會有新menu。一定要再去試下。

家傳戶曉喜記避風塘炒辣蟹，我黎啦🤣🤣 聽過呢間餐廳好多次。但由於我極少去港島區，所以就一直無緣～ 今次屋企人約灣仔食飯我就提議去喜記啦😬 五大一細就浩浩蕩蕩去食飯，店面裝修舊色風格，就算未聽過佢大名都知係老字號！仲有大大幅有蔡瀾提筆嘅「蟹皇」字畫🦀。 因為我地第一次黎食，所以就叫左店員介紹，咁佢地主打做海鮮同小菜，就叫左： 避風糖炒辣蟹 油鹽水浸蜆
椒鹽九肚魚 蒜蓉粉絲蒸大元貝 椒鹽特大瀨尿蝦 沙薑鷄腳 招牌蟹油炒麵 鹹肉九菜花

海鮮真係無得輸。又足料又新鮮😁😁。處理得好好，隻蟹成塊面咁大。好驚喜。 隻賴尿蝦成節手臂咁長，超正。 蒜蓉粉絲蒸任務野都係我最愛。🤣🤣。 無令我失望。果然係海鮮老店，小炒都好夠獲氣，值得推薦👍🏻

好開心呀。今晚食韓燒放題。好耐之前食過一次成日都想再食係因為佢真係樣樣食材都好新鮮😁😁原本都驚佢keep唔到。點知。。都仲咁正😁😁 講下啲海鮮。蝦。生蠔。扇貝。樣樣都新鮮。又大隻。每款肉類都算多。我encore左個羊脾肉好多次。🤣🤣好開心。豬大腸又肥又厚。燒到脆脆地💯 蔬菜款式都好多，最開心係有得燒菠蘿。。。可惜食到最後菠蘿無再加啦。。🥲早知拎多少少。。 另外都有6款醬俾你揀。總一款岩你架！🤣🤣飲品方面都有十幾款呀。。真係好多選擇😁😁😁雪糕同雪條都好有誠意呀。。都有5,6款你揀。。🍦🍨 最後聽到遲吓會有得自己夾大頭蝦😃😃😃好期待呀。。。早知我遲啲先食啦🤣🤣個個水池好靚呀。。 可惜依家無蝦🦐。。

突然好想食濃味野。諗起想食土耳其菜，但係荃灣😂😂。我又睇openrice。同上次食刨冰一樣。又見到呢到之前有篇食評寫到好差，我又本住試下啦。話晒附近無得揀。 
試野唔叫咁多住😂點左兩樣。 。地皇雞。 呢個應該算係印度菜？點解我之前係印度餐廳食過。不過可以呀。佢嘅咖哩入面香料好多，但味道偏辣，雞肉煮到鬆軟晒。 
。羊膝飯。
我本身都幾鍾意食羊。呢到羊羶味唔重，肉質都好滑，香料味煮到入晒去，唔錯！算係幾滿意。🥰 為咗寫食評我有八掛問下店員姐姐，點解呢間店咁多其他菜系？搞到我都真係有啲亂。😅。 我有啲以為自己食緊印度野。 佢都解釋返呢個幾個菜系味道較類近，而且呢到既廚師叔叔都想將啲好食、就算不同菜系既野都放入去咁上下。 雖然味道上唔差。但本住想食土耳其菜嘅我。 食完都覺得係印度野多過土耳其野。😂。希望都留意下啦。特別如果係追求100％正宗，就唔太推薦。我覺得佢既味道係明顯調過更岩香港人食，因為如果食過正宗既印度＆土耳其菜，其實真係好好好濃味。

朋友介紹一齊去試。星期六。人多。但餐廳好大好寬敞。當日已經下午3點左右都要等20張枱。但同壽司郞一樣。中間好多拎咗飛走咗。所以都算好快有位。 餐牌有set有散叫小食。我哋一人一個餐。組合可以自選前菜加主菜。主菜加甜品。或三樣要晒。 。烤味噌漬挪威三文魚柳加Tiramisu。 三文魚柳好大件。好入味。配菜都好驚喜。薯蓉。同粟米仔都好食到要同朋友分享。😂😂。💯我最愛嘅Tirasimu好大件。係出面正常蛋糕size。Tiramisu好creamy中間係蛋糕而唔係手指餅。💯 。南瓜湯。龍蒿明太子忌廉大蝦扁意粉。 成份意粉都撈到醬汁。蝦都好大隻。好爽口。好creamy。睇到都想食一啖。😂😂。南瓜湯我無飲到。應該係正常南瓜湯🎃。 飲品方面我哋叫左。哈密瓜牛奶氮氣咖啡。冷壓奇異果青瓜羽衣甘藍蜂蜜。咖啡第一啖好苦😂帶少少哈密瓜香。飲多幾啖咖啡同奶完美結合左！非常好飲。另一杯應該係賣健康嘅飲品。🤣🤣 整體黎講。好值得試。加上如果平日少啲人。扮偽文青不是夢。成間野新裝修。木系色調。餐廳入面又有植物裝飾。環境真係唔錯🥰🥰

是日睇完小黃人🤣🤣已經唔知食咩。加上出發前掃左太安樓一轉。所以決定食少少🤏🏻😂😂。 行左一圈終於揀到佢Banchan and cook😊係見openrice好多人比評語就入去做下白老鼠。我哋8點40分先到。佢9點閂。店員姐姐接收埋我哋做last order。好好人😁😁 叫咗兩杯野同一份炸雞。😁😁 我係openrice見到有一杯有三色丸嘅。點知店員話係上一季嘅特飲🥲，結果我就叫做今季嘅夏日特飲西瓜🍉。另一杯係mocha。 。西瓜🍉特飲。 打卡好一般。有4粒西瓜係入面。係加西瓜味糖漿。可以唔試。除非你非西瓜不飲🤣🤣 好味: 😋😋 。蒜香味炸雞🍗無骨。 係好多汁嘅炸雞。每一件都勁多醬。雞皮都算脆。我個人幾鍾意。佢個底有薯條。味道可以。係脆嘅。仲有年糕。好飽肚。 好味: 😋😋😋😋 呢餐我會當宵夜咁睇。算可以呀。。加上夜晚就閂又無咩人。環境都舒服呀。。某啲枱仲有花花裝飾。🥰🥰

Staycation的晚餐係尖沙咀行黎行去。。。兩個人都唔知食咩。唔知點解就入左去。牛匠石燒。其實時間唔算太夜。但得幾枱人仔。 坐低叫完餐。一份牛🐂。一份🐖。侍應姐姐排俾我哋一人一條圍裙。 重點係個個飯！大家望下兩張圖就知。。。其實除非你係好鍾意食飯團。如果唔係叫返飯😂😂因為用料係一樣架。。我一個人仲要KO兩個飯團。太多啦。。俾左舊對面嗰個😂😂 至於啲肉。我哋點嘅係普通貨識。咁佢燒完都香噴噴嘅。食得一餐飽飯。石燒同網燒分別係。石燒啲肉會濕身啲。啲油無流走到。。 BTW,燒到一半，侍應姐姐分俾我哋一人一粒。牛油。豬油。話會燒得香啲。😌。咁做咩唔一開始俾我哋喎😂😂😂。 雖然比3分。但其實叫普通貨仔佢都係好評嘅😉

最近係葵芳返工。一直都係去葵廣掃街。有時想搵間靚靚哋嘅cafe食下都唔覺有。點知今日為咗捉隻比卡超意外發現到ROSIE😁😁佢嘅小清新令人覺得好驚喜呀。。 我聽到佢哋同其他客人講最近先開始試業。我覺得我好幸運。🥰。間cafe係木系顏色為主。成個感覺好舒服。有一種入咗去都覺得自己清新咗嘅感覺。 佢哋嘅餐牌都好特別。餐牌都係自己設計。好有心思。入面嘅字就自己手寫。 因為係一個人的午餐。我只可以叫一杯飲品同一份主食。我叫左一杯Bluebottle jelly同一份黑豚肉肉醬意粉🍝。 我坐左係角落位。我睇到佢哋嘅咖啡師傅好認真咁整每杯飲品。每杯我都想拎黎打卡。因為每杯都好靚。好岩打卡🤣🤣。另外我好驚飲到花奶或奶精，好好彩咁佢哋係用鮮奶㗎。。😁😁令到我對我杯飲品有啲期待。杯咖啡一黎到我即刻心心眼😍杯咖啡好特別。係藍色，白色，啡色。好靚。香滑。我叫左少冰。所以飲到最後咖啡味都有保持住。😁 午餐個意粉🍝。話說對唔食牛嘅人士呢講。除咗自己煮。基本上係好難係出面食到肉醬意粉。因為多數用牛肉。呢個我一見到即點。然後又好期待😚。一黎到。個侍應哥哥溫馨提示我小心隻碟有啲熱。😊。好靚個意粉。又有一片片芝士薄片。。。份量女仔食岩岩好。。 整體呢講。有機會我會自己或帶朋友黎食。因為佢係除咗打卡以外。我覺得食物味道質素都唔錯嘅。係愉快嘅午餐。

今日2點左右有時間食個飯。之後3點又要去上堂。決定係附近搵嘢食😁。呢間cafe之前試過一次。打卡過花花latte。今次想試下其他。如果人少。間餐廳係有唔少打卡位。另外如果怕熱嘅人就最好坐入啲。太近門口嘅位。一開始都係好熱。雖然有把風扇吹下。 一個人嘅chill time，叫左一杯Tiramisu 咖啡同一份蟹肉牛油果莎莎醬包。 杯咖啡名聽落好似好甜好肥。但其實還好。係上面個層tiramisu cream有甜味。咖啡嘅苦味同佢好夾。如果驚肥。可以自己整走少少cream。杯頂手指餅會浸到少少咖啡。我咬左啖。但見到餅上面嘅糖粒我放棄左佢🤣🤣。但佢本身係無罪嘅。 講下個主菜包包。內裡蟹肉好足料。牛油果莎莎醬內有洋蔥。我個人唔多鍾意洋蔥。個醬嘅洋蔥有啲大粒對我嚟講。所以我有撩走特別大粒嘅。整體個醬係好食嘅。酸酸甜甜咁。個包就有啲乾同少少🤏🏻硬。如果可以整熱或軟身少少🤏🏻我覺得我會開心啲。差啲唔記得糖心蛋。佢係好食嘅😌😌 原本我一個人霸住張大枱。因為之前未full，食食下開始人多。我就拎杯咖啡坐左出去。無諗過係咁chill。可能因為3號風。坐出面唔太熱。又有風。個景都幾好呀。 另外。我本身係少少怕狗嘅。大狗好驚。但無諗到今次一個人去食。我發現我已經唔太怕狗仔。我仲可以同佢玩。🤣🤣係我嘅意外收獲。