一直以為自己已經寫咗食評… 原來未寫…補番先… 之前見到海老牛乳蝦湯拉麵做買一送一 屋企又無飯食～就約左細佬一齊嚟試 雖然係買一送一，但係佢佢都會收兩次加一嘅錢 埋單$166…平均都要$83一碗，諗諗吓其實都唔係平好多… 湯底偏淡，麵條比較淋，蝦食得出幾新鮮 中間乾嗰塊係芝士😂就咁樣食好麻麻，整溶佢嚟食會好啲… 雞肉普普通通…唔係咁鍾意佢pat南瓜蓉… 整體嚟講食完嘅感想係….下次再食都係叫返佢哋嘅蝦湯拉麵好啲…

喺拉麵group都見過唔少人話丸京拉麵好食 但都有唔少人話成日食完佢地啲拉麵就會肚痾（因為啲叉燒？ 我都想試呢間野好耐 但佢間間分店都係九龍新界 平時都幾唔就腳 難得有日喺附近，lunch就一於嚟試下 12點開門，嚟到岩岩開門唔洗等位 食之前有做下功課呢間店咩湯底好食 有好多人都話清湯好食 我就點左個清湯半熟卵拉麵 唔洗加一都只係$78 Lunch時段有幾款配菜送可以簡一款 我就簡左紫菜 嚟到清湯啲色水好靚好透徹，像落口無油膩感，又唔會好咸，叉燒望落紅紅地 ，我都有啲驚唔夠熟🙈好彩湯夠熱，我都有浸多陣啲叉燒先再食 整體上都算係幾好食，因為平時唔會飲晒醬油湯既我都有飲晒 麵條軟硬適中 蛋 荀都好食 叉燒都ok，食完係無肚痾既🤣 完食！

收工晚餐要食自己～就嚟試呢到既拉麵～ 今個食評分開左2餐～ 因為嚟到既時候已經諗定下次想試咩 就一次過出 第一次食左 GOGYO Kogashi Shoyu Tsukemen $98 嚟到個湯好滾好夠熱 焦香醬油沾麵，個湯真係超濃超掛麵 麵條夠凍，唔會因為個湯太熱食唔到 整體覺得好食又夠飽 Miso Pork Belly $25 期間限定時段7折 食得出即叫即燒，好香燒烤味同味噌好入豚肉味，好食 第二餐食左 LAWAY’S Roasted USDA Prime Beef Consomme Ramen $148 法式牛清湯拉麵，夠晒特別，不過份量較少，個人覺得算好食，湯我都飲晒，不過重口味既我要再食都會係簡番沾麵/再試其他

香港台風拉麵有3間～仲有一間未試就係荃灣既拉麵台風～ 會令我想食晒三間分店既原因係 平，無加一 拉麵份量夠多，唔怕唔夠飽 款式3間分店都各有唔同，夠有新鮮感 平日唔多去荃灣但今日難得嚟到荃灣做野，lunch就決定食佢！ 12點多去到，岩岩好仲有1-2個位，唔洗等位就入到去 去到原來有驚喜，lunch time可以免費送半份小食/野飲 唔想飲汽水既我就簡左雞蛋（佢跟麵都係得半隻，依家送多半隻🤣） 在場聽到有講日文既師傅，同埋有日本客人 嚟食之前有網上做下功課咩味好食 最後就決定食其他拉麵店好小有既「伊台風」 佢係蕃茄湯底再加芝士 仲有啲魚粉喺拉麵上面，撈埋佢就係變左魚介蕃茄湯味 整體上都係好好食又夠飽，完全無失望 食完好滿足

之前夜晚經過呢間野聞到陣好香既燒烤味已經想試左好耐～ 今次lunch就一於試下！ Lunch有幾款飯餐包野飲，包括凍飲都唔洗再加錢 我就叫左泰式串燒配炒飯及雜菜套餐，凍奶茶 再另外加左個冬陰公湯 泰式串燒有牛，豬，雞各一串，呢到連飯同野飲都係70幾蚊 散叫牛豬雞串燒都要$18-$22一串！所以呢個飯性價比真係幾高！ 炒飯味道好食，串燒個人比較鐘意雞同豬，會配沙嗲醬！個醬好好食！ 凍奶茶正常 冬陰公湯味道飲得出甜酸辣，好開胃，好飲！ 不過蝦就應該唔似新鮮蝦，有2隻同幾粒蘑菇喺湯到 Lunch set會再想幫襯

早前用openrice去訂位話主餐牌有75折 不過要用正價叫2杯飲品先有 到場時待應又拎左個Dinner set餐牌過嚟比我地睇 一睇之下覺得Dinner set抵啲同豐富啲就叫左2個set! 4 course dinner menu $298/1 Welcome drink送既簡左一杯有酒精一杯無酒精 無酒精簡左橙汁 有酒精係指定既，好似係orange juice x wine 都幾好飲 頭盤簡左香煎北海道珍寶帶子 配魚子醬同大蝦凱撒沙律 帶子大大粒 口感好食 沙律份量都唔少 帶3隻大蝦，蝦有微辣，都好食 Second course簡左招牌龍蝦湯流心牛角包同爆醬蟹羔流心牛角包+$28 龍蝦湯牛角包切開之後啲湯流晒出嚟，味道好濃郁，切開淨係拍咗影片冇影相，所以放唔到出嚟 蟹膏牛角包入邊啲蟹膏醬就固態啲，無龍蝦湯咁稀，但味道更加好食啲！ 主菜叫咗法式龍蝦汁燴海鮮加酥皮蓋+$10 味道都好好食 好似飲緊個海鮮湯咁，配料好足夠 另一個叫咗手工蛋撻皮 威靈頓牛柳 （8安士）+$38 其實我一直都未食過威靈頓牛柳，今次係第一次食，味道都覺得幾好食，佢有啲醬汁同埋炸蒜，將佢同啲肉一齊食好好食，跟餐隔離仲配咗啲沙律，一樣好食 甜品叫咗法式焦糖燉蛋 配 白松露芝士蛋糕同爆餡開心果流心牛角包 白松露芝士蛋糕細細件，但係食落口都有好香嘅松露味，法式焦糖燉蛋就一般般，正常水準 開心果牛角包切開咗之後入邊仲有好多開心果醬，呢個有啲驚喜，覺得好食，佢哋啲牛角包都整得好好食 整體嚟講呢間嘢食整得都好唔錯，會有下一次！

今次lunch time 時間喺香港仔附近 喺香港仔數一數二好食既日本料理一定有禾彩份～ Lunch time 時段有飯/拉麵套餐 跟餐可以簡多個小食 我就簡左個細刺身 壽司方面叫左三文魚，甜蝦，帶小 三文魚好大好鮮甜，呢間既三文魚係我唯一一間食過覺得鮮甜又好食既三文魚！ 甜蝦好大隻，帶子都好大粒，食落全部都好新鮮！ 呢客海膽好似$158！又多又好食！食落去都食到鮮甜味！呢個價錢絕對無得輸！疫情期間已經停賣左幾年，聽到有賣番即刻未睇價錢照order！ 日式牛肉鍋，湯底好飲，牛肉好食，入邊啲配料有菜有豆腐有菇！都係咁好食 蒲燒鰻魚蛋飯，原條鰻魚，滑蛋炒洋蔥，一樣一流！

想食份量多又抵既拉麵～近排又想食沾麵～ 就簡左呢間中午專做沾麵…夜晚專做拉麵既漁場台風試下～！ 平日下晝一點幾去到，都仲要排隊等位… 台風既拉麵我之前已經食過灣仔果間… 食夠3碗就可以送一隻半熟蛋… 其他分店都可以共用收據！ 店入面既沾麵有3款… 魚介豚骨沾麵$83 魚介豚骨焙煎黑芝麻沾麵$85 魚介豚骨蕃茄海蝦味沾麵$88 我就簡左平日比較少見既魚介豚骨蕃茄海蝦味沾麵！ 麵可以自行選擇凍麵定熱麵 我就簡左凍麵 湯底好濃郁，好夠櫻花蝦，裡面嘅肉都好食 味道又開胃 最後湯同麵都清晒！ 蛋合格 會想再嚟食

嚟到假期屋企人話呢間野好好食想一齊嚟飲茶 食夠$400有免費泊車3個鐘 咁就嚟試下啦～ 因為交通唔太方便既關係， 呢到假期反而無乜人，都係平日番工日子既人多 所以食飯時間去到都唔洗等位 春風得意腸$53 腸粉入面係蝦春卷，脆口又好食，蝦肉飽滿 安格斯霸王$53 即係安格斯牛肉既腸粉，牛肉好滑嫩，配埋佢哋啲豉油好好食 牛肝菌腐皮卷$42 入面係啲菇，點甜辣醬食，好match好好食 宮廷紅棗糕$39 比我想像中好食，口感煙韌，微微紅棗味，奶香味比較重 彩虹鮮蝦餃$52 入面蝦好夠多，但味道比較普通無咩驚喜 櫻花蝦燒賣$42 味道都係普通，同一般酒樓食嘅差唔多 胡椒豬肚雲吞湯$42 呢個價錢嚟講，我覺得都算抵食，雲吞有三粒，個湯都整得好好食，好有奶香味嘅胡椒豬肚湯，落咗啲白果 古法灌湯餃$42 本身啲湯係喺個餃入面，但穿左所以咁🤣好足料，好似食翅咁，但味道比較淡 總體嚟講間野都好食既，下次會再想試其他野

今日同左同事去食佢地口講好食又大份既意粉 去到間店，大部分都係2人枱，得幾張，有啲細 原來仲有一層喺樓上…如果多人就要坐上層啦 野食要先喺收銀叫左比左錢先送上 有意粉，漢堡，沙律 野飲跟餐要加錢 我叫左煙三文魚忌廉扁意粉 同事叫左大蘑菇黑松露忌廉扁意粉同漢堡拼薯條餐 野食就送得唔快…都等左差唔多成25-30分鐘 不過野食嚟到都好足料 同事個漢堡薯條餐到左先，試左啲薯條，落左黑椒同鹽，好夠味，比麥當勞果啲脆同好食，size就差唔多～ 我個意粉最後先到… 煙三文魚忌廉扁意粉 $78 免加一 煙三文魚捲埋左一齊做左個花樣…裡面大概有4-6塊 意粉落左啲蘑菇同煙三文魚碎嚟煮，忌廉汁都好夠多 同事個大蘑菇黑松露忌廉扁意粉，食量細既人可以分到3份，所以我都試左一小份🤣汁一樣好夠，但係味道就單一啲，不過都好食 呢間會想再食