香烤川魚🌶️
-
呢排落雨斯濕☔️ 滂沱大雨⛈️同微微細雨🌧️輪住落 為咗振奮精神💪 今晚食香辣川魚
-
🐟清江魚清江魚比江團魚貴成百蚊 一分錢一分貨 魚肉肥美 喺窩裏面滾咁耐 魚肉依然嫩滑 香辣汁好惹味齋食條魚跟白飯 同埋有金菇/蘿蔔/雲耳做配菜 大滿足呀😌-
🥗薑汁豆皮芽菜食刀工已經值回票價🤓 豆皮薑片切到絲咁幼 啖啖涼浸浸 只係BB辣
-
🫛薑汁豇豆豇豆呢個名第一次聽 如果講四季豆 應該唔陌生 用薑泥做涼拌 味道幾清新
-
🫘紅豆芋圓仙草$12一碗 料足樣靚 搞乜鬼咁抵食😜
-
🍉西瓜鮮果茶西瓜本身汁多 加啲甜味做水果茶 更好飲好食 底部有好多粒粒西瓜  -
🍋檸檬百香果綠茶  酸酸甜甜 解辣解渴都掂
-
🫔紅糖糍粑
甜品本來要求後上 點知一早嚟咗 擺喺枱成大半個鐘先食 麵包糠外皮仍然香酥🤩 紅糖漿甜滋滋 呢個甜品真係白吃不厭
-
📍烏蠅館
尖沙咀亞士厘道29-39號九龍中心大廈地下G29號舖

🏝將軍澳海旁台式料理🏝 - 今日去左將軍澳海濱一間好多選擇既台式餐廳🍴唔止有台灣滷肉飯同唔同小食🍚仲有燒肉可以選擇🥩環境舒適👍🏼戶外可以吹住海風chill住食嘢😍 - 台式紅燒牛肉麵 古早味湯底非常甘醇🤤牛肉大大件份量多😍而且肉質軟腍有膠質👍🏼刀削麵彈牙有口感🍜 - 海戀蒜蝦籠仔飯 籠仔飯好香荷葉味😋飯粒分明仲有陣陣蛋香👍🏼上面海蝦新鮮爽口🦐 - 松茸燉雞 唔止足料😋仲夠曬火候👍🏼雞湯同松茸味香濃🤤 - 黑松露黃金花枝丸 一份有四粒🤤每一粒上面都有黑松露😍陣陣既松露香加埋口感彈牙既花枝丸👍🏼味道好夾 - 蒜泥白肉 一份有好多片腩肉片🐷好抵食👍🏼而且肥瘦適中又均勻😋醬汁酸酸辣辣好開胃 - 📍戀上台式料理 將軍澳唐俊街21號翩匯坊地下G26號舖

🍴升級版茶餐廳🍴 - 之前喺旺角食過小草十八怪嘅石鍋米線 印象唔錯 今次特登去油麻地分店 嗰度嘅餐牌成日更新 - 🍜石鍋米線 我嘅必吃單品😉 追加水果茶飲亦只係半價 米線湯底選擇多 連刁鑽特色肉骨茶湯🍖蟹黃湯🦀都有 自選餸由三款起跳 雲南米線大箸易夾唔會碎濕濕而且煙靭有彈性 用石鍋上 食到尾都咁熱辣辣㗎😀 - 🧆九製陳皮炸雞 除咗珍寶裝水果茶 一定要追加埋呢個創意炸雞小食 chicken nuggets外皮嘅味道好複雜 甘、甜、鹹、酸 四重奏🎼 - 🍢甜粟米粒 🍢魷魚鬚 🍢羊肉 🍢豆腐皮 串燒價錢相宜 魷魚鬚🐙切粒嚼勁甚佳 粟米🌽小辣小麻勁惹味 每粒用竹籤拮住 少啲心機都唔得 燒豆腐🫔皮好似食薄脆咁 純粹過口癮😬 - 🥣韓式石鍋牛肉飯 牛肉片唔肥 燒汁味道還可以 飯粒飽滿 可惜底下冇飯焦😔 - 📍小草十八怪 油麻地彌敦道525-543A號寧大廈地舖

🫖多才多藝點心小店🥡 - 旺角行完街諗住食啲嘢 平時返工食lunch都唔多機會食點心🥺 見到726隔離呢間點心菜館 即刻心心眼😍 - 🥢咱家脆皮蝦多士 $49 🥢咱家秘製叉燒包 $24 蝦多士用嘅係厚多士 炸得好脆🤩 好似食緊炸饅頭咁 幾正😋 叉燒包冇乜肥豬肉 調味都唔錯☺️ - 🥢齒頰留香脆蘿蔔腸 $38 蘿蔔絲腸粉一啖有曬香脆同滑溜👍🏻 入面炸得乾身 腸粉都幾滑😙 - 🥢月半彎晶瑩鮮蝦餃 (2粒) $22 🥢鮑魚北菇燒賣皇 (2粒) $42 食點心點少得蝦餃燒賣🥳 燒賣皇面頭有粒細鮑魚 好奢侈呀😆 鮑魚仲煮得好入味 值得一試😌 另外蝦餃都係啖啖蝦肉 冇多餘肥豬肉🫡 - 🥘老壇酸菜魚 $228 酸菜魚本身已經有薯粉 仲有大量銀芽雲耳 都抵食喎😇 魚質都唔錯 有咬口唔會太腍😉 - 🥣川芎白芷天麻燉斑骨湯 $58 幾乎每枱枱面都有燉湯 我哋都唔執輸🤣 藥材味濃 湯水連埋大量湯渣 補身又飽肚呀😎 - 📍鋿晶館 旺角彌敦道726號地舖

今日去左中環一間黎巴嫩餐廳既中午半自助餐🍴餐廳佈置充滿異國風情🏺食物好有驚喜👍🏼特別係招牌羊架做得好嫩好多肉汁 -
自助餐區有多種選擇同配料提供👍🏼每一樣都好有前所未有既新鮮感😍當中推薦可以試吓佢地既Cauliflower bil Tahina😋烤椰菜花帶有微微嘅焦香又濕潤🤤另外唔少得試吓佢地既醬😬每一種都係味蕾既新嘗試😋推薦佢地既Mutable😍由煙燻茄子🍆芝麻醬🥄乳酪🧀️楴檬橄欖油🫒多款配料調製而成👍🏼味道豐富又有營養 -
Selection Of Egg揀選左Cheese Omelet同
Shakshuka🥚前者係用左水牛芝士同羊奶芝士整既奄列🤤奄列滑得來散發住輕輕既羊奶香🐑後者係加左阿拉伯香料既蕃茄焗蛋🥚味道甜甜酸酸 -
Shahrazad Mix Grill非常適合食肉獸😋一大盤肉有齊牛肉🐮羊架🐑雞肉🐥份量超多😍特別推薦個羊肉🤤味香肉嫩👍🏼牛肉亦都好多肉汁👍🏼 -
📍Shahrazad Lebanese Dining Lounge & Bar 中環雲咸街75-77號嘉兆商業大廈2樓
-

🇯🇵秘隱高質日式料理店🇯🇵 - 閨蜜係哈日族 捐窿捐罅發掘優質小店 我哋最近去一間開咗超過20年嘅料理店 刺身/天婦羅/串燒/熱葷 樣樣食勻 果然高質👍 - 🍣時令刺身 由廚師發辦 池魚清爽 三件吞拿魚刺身嘅味道由淡至濃 件件入口即溶😚 - 🥠宮崎䐁肝拼䐁肉腸 平時少食內臟 豚肝質感都ok嘅 - 🍢串燒盛合 荔枝豚肉卷very good🤩 燒白鱔灑上柚子鹽之後 冇魚腥 嚼勁依然 - 🌽粟米天婦羅 🐟沙追魚天婦羅 咖喱鹽 炸麵衣酥脆唔油膩 沙追魚配咖喱鹽後味道更鮮 推薦‼️ - 🥒苦瓜炒䐁肉 薄切苦瓜半肥瘦豚肉加蛋炒成半熟蛋片狀 將佢地層層疊疊 食嘅時候一片一片咁 入口清爽 味道微甘 - 🦪清酒煮蜆 酒精全部揮發晒 湯頭味道清甜 花甲肥嘟嘟 最啱一邊吹水💦一邊食 - 🥘海膽濃湯松葉蟹稻庭烏冬 海膽濃湯直頭係流質狀態嘅膏 濃郁爆炸💣 加埋松葉蟹 勁邪惡😈😈 如果有痛風 食佢之前要三思😱 - 📍沃川自家料理 尖沙咀麼地道75號南洋中心UG層5至8號舖

前排百貨公司感謝祭 大家有冇湊下熱鬧呢💸 適逢母親節時間 陪完阿媽血拼 就帶佢嚟食佢最愛嘅日本嘢孝敬下佢😘 - 🍤日本蕃薯南瓜天婦羅 $82 呢間天婦羅做得唔錯 要推薦👍🏻 粉漿唔會太厚 炸得乾身 就算擺耐咗都唔會標油🫡 蔬菜天婦羅都做得夠曬精緻😇 - 🐷汁燒脆豬耳 $38 涼拌豬耳就食得多 做串燒唔算常見🤔 軟骨位經過燒烤更加爽脆 幾特別😙 - 🐮牛舌厚切 $78 去親居酒屋都必嗌嘅厚牛舌🤭 熟度拿捏得好好 一咬啖啖肉汁🤤 - 🍣壽司特上 (八種) $320 分別有呑拿魚腩 三文魚 油甘魚 赤蝦 帶子 海膽 魷魚同赤貝😌 推薦油甘魚 厚切得嚟夠肥美😋 - 🍞法國鵝肝多士 $88 好耐以前食過一次烤鵝肝一直念念不忘 有好深印象😎 佢有咁好豐富嘅油脂 係極度飽滿嘅肥美呀😍 - 📍備長 銅鑼灣軒尼詩道525號澳門逸園中心26樓🎌銅鑼灣好食串燒居酒屋🌸

🍦街坊至愛抵食甜品🍨 - 約咗朋友去奧海城睇戲但又未夠鐘 所以去咗附近行下 揾到呢間街坊老字號甜品同小食鋪 價錢商宜CP值好高😍 - 🍧榴連綿綿冰山 配芒果及椰果 $65 最近又熱番當然要食下刨冰 佢係綿綿冰流派嘅刨冰😋 雖然未去到三位數價位嘅排隊名店咁細膩 但整體都幾綿幾fluffy😙 呢個價位食到綿綿冰仲要有兩款toppings真係好難得❤️ 口味有好多款 我地㨂咗榴連 甜度適中 消暑一流😋 - 🍝雞肉腸肉醬意粉 連餐飲 $45 另外我哋都叫咗個意粉餐一起share 包嘢飲😂 一上碟就比佢嘅份量嚇親 佢都幾大碟 好彩我地兩個人share😗 肉醬意粉係台南風味嘅偏甜 帶少少蕃茄酸 絕對可以做學生哥恩物呀🤣

蘇豪區葡萄牙菜真係多到眼花撩亂🤯 呢間新餐廳幾cozy 老闆又好熱情 bookmark咗要再嚟🙆🏻 - 🐟Robalo Grelhado $348 烤鱸魚 配 洋蔥、橄欖油醬汁、薯仔及甜椒沙律 我好鍾意呢個sea bass嘅肉質 咬落實在有彈性😗 上面鋪滿焦糖化洋蔥 調味單純但好食🥹 另外薯仔煎得脆卜卜 配菜都睇到誠意☺️ - 🐔Half Piri-Piri $180 霹靂霹靂烤雞 (半份) 配 薯條有味飯及沙律 烤雞整得非常惹味 表面有醬汁嘅位置焦香味好過癮😌 配菜嘅飯有啲似海南雞嘅油飯 一個人食真係會好飽🤣 - 🦪Bulhão Pato Mussels $145 葡式煮青口 配 白酒牛油醬汁及自家制麵包 同樣係簡單嘅調味 青口食落夠鮮味🌊 麵包一定要點汁食 汁都撈埋呀‼️ - 🍷Premium Pastel de Nata & Port Wine Baked $65 葡式蛋撻 配 砵酒 葡撻鋪滿肉桂粉 味道又融合得幾好 冇搶味😏 配埋甜度高嘅Port Wine 完美嘅飯後甜品🤭 - 📍ADEGA DO ANTÓNIO THE KING OF PIRI PIRI 中環蘇豪士丹頓街33號金禧大廈地舖

中西合璧·高檔下午茶🍾
-
銅鑼灣確係逛街聖地☺️ 如果想喺酒店high tea慢慢歇腳 印象中 似乎只有利景酒店 最近去嗰度地庫「陳家廚房 」食fusion版tea set
-
⭐️下午茶三層架 $388 (二人用)⭐️
每日供應 如果weekend幫襯 加送兩杯意大利汽酒🥂 茶點由星級師傅悉心炮製 鹹甜點各5款 涵蓋中/越/英/法式 非常豐盛😚 餐廳裝修充滿復古情懷 座位好寬敞舒適吓-
⭐️法/越點心⭐️個人攰攰地加上有啲餓 先食越式風味黑松露沙律碎蛋軟包 然後嚟一件鵝肝多士🥪 閨蜜有sweet tooth 佢嘅「飛佛」係熱情果法式千層酥 同埋香橙金磚小蛋糕🧁-
⭐️中式點心⭐️魚子醬糖心蛋🥚 一匙半隻蛋 一啖就食完 流心蛋黃味道濃郁 仲帶啲煙燻嘅香氣添😉 咁多點心之中 最特別嘅係楊枝甘露布甸🍮-
⭐️英式點心⭐️傳統鬆餅有朱古力味同原味 一共有四個 自家製榛子醬 🌰少甜滑溜 士多啤梨醬🍓甜甜酸酸好開胃
-
☕️鮮奶咖啡
🍵黑加侖子紅茶