期待已久既烤肉😚要左$698既特價三人餐 餐廳座位寬敞，坐得舒服，仲有包廂，令我有番左深圳食野既感覺🤣店員仲時不時會過黎客串幫手燒埋一份，而且仲會溫馨提示咩肉配咩醬汁添，絕對非香港一般韓燒可以媲美 西塔老太太招牌糖醋麻醬，上之前店員仲超貼心問我地要唔要走芫荽👍 前菜薯仔沙律口感細膩綿密，入面仲有紅蘿蔔同栗米碎碎 老太太特色肥牛-烤出黎甜甜地，配上麻醬，生菜來個生菜包肉，完全清新不膩 橫隔膜-鮮嫩多汁，就算全熟都唔會太柴 錫紙金菇-提前醃味辣辣地超好食，相當有驚喜 最欣賞係送左一堆解膩既小食-泡菜、沙律、醃蘿蔔等，而且仲係任添🤩咁食幾多烤肉都唔怕膩啦

天氣轉凍就好想食熱辣辣既野，所以今晚同屋企人去食麻辣酸菜魚，我地要左小麻小辣，再加鴨血($35)、娃娃菜($28)和萵笋片($28) 招牌酸菜魚($328)超大份，兩至三人share就最岩，魚片上既時候已經全熟，非常鮮甜嫩滑，應該是因為魚比較新鮮的緣故，完全沒有平時食酸菜魚既魚腥味 值得一提既係呢度飲品選擇好多，令人選擇困難症 最後要左芝滋珍奶(少甜 少冰 寒天晶球+$6)有厚厚既奶蓋，有珍珠仲有寒天，煙煙韌韌，配重口味既麻辣酸菜魚絕對係一流🤣 餐廳除左酸菜魚仲有好多燒烤可以揀，我每次必點既烤羊肉串(2串）$36 肥瘦相間，有羊味但唔膻

今日帶老豆食佢最愛既BBQ 特登揀左間OR多好評既尖沙咀懷舊串燒店，餐廳佈置似日本居酒屋，而且餐牌上串燒種類都幾多 蒜蓉燒廣島生蠔（$78 有3隻）都算大隻，肥美肉厚，燒得juicy，重蒜蓉味所以食落香口 自家製雪梨水十分清甜解膩，配上燒物十分之夾 日本霜降和牛牛味重，而且燒得完全唔油膩，雖然只係點左兩串肉但餐廳都比左個熱石板我地保溫暖住🥹咁就唔驚凍可以慢慢嘆 食左肉都要食番d菜balance番，串燒我必點既一定係燒茄子，口感好好，多汁juicy

想食健康d所以我地要左個番茄濃湯海鮮鍋（$168），撈底發現相當多料豐富，有勁多海蝦、青口、墨魚仔、番茄、薯仔等，而且海蝦食得出唔係用雪藏貨，都幾大隻新鮮，令人好驚喜，湯底飲落鮮甜清新 美國頂級手切封門柳$238 牌上還有提示只涮20秒好溫馨🤣這個牛味重，而且份量很足 ，滿滿的舖左一碟，厚度剛好，吃起來很有嚼勁 鴨血（$58）嫩滑有彈性，味道鮮甜香濃 澳洲羊肉卷（$128）切成薄片，羶味少，油花分佈均勻，肥瘦比例極佳，輕輕一涮口感一流 海鮮也是限量供應，我們本來想點蟶子皇可是沒有了，最後換成了日本大扇貝（$88）很鮮甜，而且完全沒有腥味

為左慶祝生日特登book左間高質鐵板燒lunch 一齊食,餐廳就係尖沙咀金馬倫道好易搵 今次lunch time 仲有得坐中間睇師傅表演😍每上一道菜，師傅都超有心思介紹食材同食法👍🏻 我地今次要左個lunch套餐，但都已經好豐富，有齊刺身，前菜，燒虎蝦、和牛，鵝肝同炒飯，仲有甜品結尾好滿足！ 睇圖都見到食材有幾新鮮，特別係肉類同海鮮 比大家睇下隻虎蝦有幾大隻，入口蝦肉爽口彈牙，勁鮮甜，最欣賞師傅完全唔會浪費，連蝦膏都整成醬汁同牛油烹煮，原汁原味 香煎鵝肝-鵝肝煎得岩岩好，外脆內軟，入口即溶，再加埋意大利黑醋解膩 鐵板炒飯加入大量櫻花蝦，酸梅，木魚絲，白飯魚等炒成，乾身且粒粒分明，食到一半仲可以加入鰹魚湯變身茶漬飯，口感更鮮美😆 鹿兒島黑毛豬肩配上鮮菇，蘆筍，蓮藕片等，入口juicy

之前已經聽朋友介紹過呢間位於銅鑼灣既高質鐵板燒，朋友食過一次大讚食材夠曬新鮮，師傅有經驗，服務態度好，而且lunch set 最抵食，最平$328 已經包前菜沙律，刺身，鮑魚加三選一海鮮，鐵板炒飯／冷烏冬 更重要係無論坐咩位都可以欣賞到師傅係你面前親自烹調，用餐體驗一流 季節沙律新鮮開胃 鮑魚超生猛，睇住佢郁郁下，肉質嫩口，加埋昆布湯汁更清新 原隻龍蝦肉質結實爽甜，啖啖肉，甜味突出 要左五成熟既和牛薄燒肉嫩多汁，加埋蔥花更惹味 元貝厚肉有韌性，邊邊煎得焦香 鐵板炒飯粒粒分明，炒得乾身，完全冇過多既油份，而且用料豐富 呢餐絕對物超所值，會推薦比其他朋友🤤

山林道The Nate 不嬲好多正既餐廳，試左幾間都冇失望，今日去埋2樓發現間超正既日式餐廳 餐廳係開放式廚房＋吧枱既設計，廚師即叫即燒，令人放心 前菜有水母刺身＋海膽豆腐＋牛舌，左至右味道由淡至濃，水母食落口爽爽地，海膽豆腐味濃開胃，汁煮牛舌好腍好入味 天婦羅有炸青椒，蝦和蠔，以面粉裹裡薄薄一層，雖然係炸物但不油膩 炭燒串燒-白鱔燒得香脆，阿波尾燒雞翼鮮嫩多汁，牛脷厚身有咬口，雞肉大葱惹味 而我最愛既日本時令生蠔非常鮮甜，有淡淡海水味但不腥，仲有花瓣點綴 Shabushabu最岩冬天食暖笠笠，黑毛和牛肥瘦相間雪花靚，在昆布湯底輕輕一涮即可食到濃濃牛味 甜品哈密瓜清甜惹味

知道上環新開左全港首間英式中菜，主打英國唐人街既特色中菜，就特登搵左個weekend 去試下 餐廳裝修簡潔，座位闊落，坐得好舒服，而且仲設有室外座位，岩曬一班朋友過黎傾計 中午時份有al la carte 同weekend brunch ($399)咁我地當然係叫weekend 先有既brunch set, starter 可以揀點心/Chef's appetizer 同朋友一齊叫就可以試勻兩個 點心用傳統大蒸籠上，蝦餃同燒賣食落都好新鮮，同行朋友話潮州粉果皮薄餡靚，富有層次 跟餐仲有香酥鴨，比起北京填鴨冇咩肥肉，口感皮脆肉酥，以葱白、青瓜絲、甜面醬等佐食，肉嫩皮香 有別於香港大部份餐廳，1908 上菜節奏更貼近西方，侍應會觀察你進食進度再一道道慢慢上 主食咕嚕肉配白飯仲有宮保蝦球炒飯，我個人幾鐘意呢個炒蛋飯底，冇白飯咁悶但唔會似一般炒飯咁油膩熱氣 蝦球大大隻十分飽滿😍口感十足；而咕嚕肉則外脆內香軟，酸酸甜甜好開胃 飲品方面我要左杯lemongrasa mojitos 酒精味唔算重，非常清新易入口 朋友點既粉紅色cocktail 係suzie wong，飲得出玫瑰既清香同荔枝既清甜，推薦🍹👍🏻

今日媽咪生日，就帶左佢去屋企附近既小曼谷，因為知道呢間小曼谷超受街坊歡迎，所以我地一家6點正就入座，唔洗好耐餐廳就已經滿座 全家人都好鍾意食海鮮，呢個海鮮孖寶就岩哂😆我地要左一份牛油蒜蓉大蟶子同美國生蠔，輕輕調味已經好好食😍 值得讚既係餐廳上菜超快，我地落單唔洗15分鐘就上曬 芒果蟹肉炒飯有鑊氣但唔會太鹹，仲食到粒粒香甜芒果，清新又醒胃，非常推薦 另一個泰國經典菜Phad Thai 有幾隻大蝦, 河粉口感Q彈，淋上檸檬調味更減膩 最後叫埋個芒果糯米飯就perfect ☺️

今日去咗稻埕飯店同屋企人食晚飯，呢一間餐廳可以話係最推薦比大家嘅餐廳之一👍🏻 首先嚟咗前菜：話梅小山藥，話梅酸酸甜甜，淮山好爽口，兩碟都唔夠食😋 白滷水九孔鮑魚亦都很彈牙，鮑魚下面亦都墊了一塊腐皮，非常特別。 之後有蟹肉蛋白泡泡脆米金湯，打泡泡嘅口感入口軟淋淋，南瓜味亦都好香濃，加上蟹柳作為搭配，成碗湯非常之豐富😋 主菜方面首先有鹽酥波士頓龍蝦脆角金瓜，入邊有秋葵、脆米、南瓜、龍蝦等等，全部都係脆卜卜，龍蝦亦都很容易脫肉，味道很不錯！ 跟住就係黑松露鮮百合花，感覺非常新鮮，食落嘅感覺就好似薯蓉咁，佢嘅味道香香甜甜再加上黑松露嘅香味，簡直係絕配😍 鐵板香煎一口鵝肝牛小排熱辣辣，肉質鬆軟，鮮美多汁，絕對係我至愛❤️❤️❤️ 八斗子炒飯非常足料，飯粒粒分明，用咗蟹子、帶子、肉鬆等等去炒，最重要嘅係超大隻蝦，係味道定係賣相都好好！ 值得一提嘅係餐廳服務態度非常好，而且好有禮貌，招呼周到。餐廳佈置亦好適合打卡，好值得一試！