這間餐廳最吸引我的是佢地的招牌Shake Shake海鮮拼盤。 食一次就深深愛上了，佢個卡爾蒜蓉汁非常美味，搭配一大袋海鮮，讓人感到食唔盡的滿足。 餐廳環境光鮮，雖然空間不大，但服務很好，其他的美食也很好味。 海鮮併盤 Combo A $418
可選三款海鮮，自己就揀了小蟶子、海蝦和扇貝。口味就揀了卡爾蒜蓉汁。一大袋裝滿了海鮮，店員幫忙搖勻，所有的配料都沾滿了醬汁，並提供手套以方便食用，不過食物有點燙手。海鮮都非常新鮮爽彈，而卡爾蒜蓉汁的辣味超惹味。還有很多配料，包括司華力腸、粟米和新薯，一個併盤已經非常飽足。黑松露雜菌扁意粉 $118
醬汁非常濃郁，帶有黑松露的香氣。扁意粉煙韌彈牙，加上豐富的雜菌，口感非常豐富，好有水準，而且價格也相當實惠。Simple Kids $68
益力多檸檬梳打的味道清香、酸甜而爽口，非常適合在炎熱的天氣中消暑解渴。Virgin Sangria　$68
由提子汁、薑力汽水和大量水果粒混合而成。這款飲品清爽甜美，幾好飲。

慶祝朋友升職，來這間食好西，意大利餐非常高質，fusion菜式俾到驚喜。而這店好多菜式以水晶蟹入饌，好特別，令有印象深刻。Moscato Biancospino $78
泡沫幼細，味道香甜濃郁，清新香氣，非常易飲。半打法國生蠔 $10隻
來自法國，生蠔唔算大粒，但勝在肉質鮮嫩爽口清甜，有淡淡的海水味好正，滿300蚊特價半打十蚊隻優惠，相當抵食。法式干邑帶子龍蝦濃湯
湯品絕對係精心製作，龍蝦湯口感順滑，龍蝦鮮味濃郁，帶子彈牙鮮甜，干邑加持下好有酒香，絕對係有驚喜不能錯過呀。水晶蟹肉牛油果芒果他他配香芒乳酪汁
蟹肉鮮甜，份量好多，有芒果和牛油果口感豐富，配有香芒乳酪汁酸甜醒胃。蟹肉卡邦尼手打意粉
手打意粉麵條比平時的粗壯，好有咬口，加上卡邦尼沙汁好creamy，非常美味。美國頂級Prime牛肉眼扒
足足十安士的肉眼扒，份量唔少，肉味重，多肉汁和肉質唔韌，食肉獸一定喜歡。配菜有蕃茄和薯角，食完飽肚。芒果奶凍五重奏
有鮮芒果蓉和果醬，奶凍一層層的，底層又是果肉，芒果味十足。法式特濃朱古力蛋糕
朱古力味道香濃，質感緊致，有朱古力粒增加了口感。

近排真係幾喜歡食西班牙菜，原來銅鑼灣都有好多間。依間設有室內和戶外座位。 室內食客滿關係，唯有坐戶外啦。美食有好多選擇，見有好Tapas，可以試試。 蕃茄鯷魚脆包 $75
一客三件，多士香脆，鯷魚柔軟，加上酸甜蕃茄，美味開胃。香脆甜椒煎蟹餅 $128
蟹餅外層香脆，內裡絲絲蟹肉味道鮮美，仲食到甜椒粒增加口感，而醬汁辣辣地幾惹味。茴香茄醬煮藍青口 $138
青口肉唔多， 勝在多隻，味道鮮美，配以茴香番茄醬汁，味道香濃，好食。西班牙海鮮飯 $298
海鮮飯香噴噴，大量海鮮配料令飯好鮮美入味，青口、大蝦和大蜆皆見，仲有蕃茄、青檸檬和橄欖，整體美味。紅絲絨油條配士多啤梨朱古力醬 $88
油條口感酥脆，朱古力醬甜美，充滿芳香的士多啤梨的酸甜味。Red Sangria $98
西班牙特色cocktail，紅酒帶有果香，大量果粒，味道清新。

多次光顧這裡，每一款薄餅都令我讚不絕口。由於食客眾多，很自然地需要等候座位，但這個餐廳的環境營造得明亮清新，並提供了多種美食選擇，包括沙拉、年糕、炸物、特色薄餅和韓式炸雞等等。而且每道菜的份量都十分豐盛，所以約上三五好友來這裡開心享用美食絕對是最好的選擇。這裡的性價比非常高，絕對值得再次光臨。 蜂蜜牛油秘製炸雞 (6件) $118
炸雞外皮為熱辣辣的酥脆口感，內部則保留著豐富的肉汁，入味十足。這份炸雞包含了雞胸肉、雞槌、雞上腿和雞翅膀等多個部位，每一塊都有不同的風味。蘸上蜂蜜牛油粉後，味道更加甜美可口。而且這份六件的份量十分慷慨，非常超值。韓國烤肉薄餅 $148
薄餅的餅底煙韌可口，番茄醬底帶來濃郁的酸甜開胃口感，上面還加上了大量的拉絲蘇里拉芝士，散發著濃厚的芝士香氣。再搭配上香辣的韓式烤牛肉超正。Peach Lime iced tea $48
不會過於甜膩，口感清新怡人。Pink Berry Ade $48
紅莓微酸的粉紅莓莓汽水，口感冰爽清甜。

朋友生日飯想起這間，無論環境、氣氛和食物都咁好，而當中海鮮年糕熱盤更是必食之選，份量雖然多四人分食就剛好，可以未飽肚前嚐到其他美食，煎餅和炸雞來吧，食完真係幾滿足的。
海鮮煎餅 $118
煎餅脆卜卜，海鮮餡料豐富，有蝦仁、魷魚和青椒辣椒等，煎得香口美味。 海鮮原祖炒年糕 $328
大大盆火爐燒住食好食，配料有炸魷魚、年糕、魚糕、蝦仁、小蜆和椰菜，仲有芝士、紫菜飯、新鮮菠蘿粒和泡菜。配以甜辣醬非常美味滿足。 Blueberry Smoothie $45
乳酪味濃郁，藍莓味突出，凍飲好飲。 Blue lemon $34
色澤鮮艷好搶眼，檸檬梳打味道清新。 Strawberry Smoothie $45
士多啤梨味同樣突出，甜度適中好飲。

享受海濱美景，品嚐美食，絕對是一種極致的享受。這間餐廳環境舒適，氣氛浪漫，落地玻璃窗可以讓陽光穿透，室內和室外有座位供應，非常適合與家人朋友一同用餐或慶祝生日。
燒法國鴨胸 $188
鴨胸色澤粉嫩，肉質軟嫩有肉汁，熟度剛好，由於非常厚切，有啖啖肉口感，醬汁唔錯。配菜有香脆薯格、幼身爽嫩蘆筍、車厘茄和南瓜，非常豐富，份量多有飽肚之感。日式豬軟骨墨西哥薄餅 $168
薄餅兩大件，沙律菜相伴下，擺盤優雅。薄餅夾有軟腍入味的猪軟骨和牛油果溶，配埋蕃茄莎莎醬，味道豐富酸甜開開，加埋新鮮沙律菜，健康美味prefect。 Berries Combination $78
藍莓士多啤梨梳打，有酸甜清新口味。Kiwi Lemonade $78
檸檬加奇異果汁梳打，酸甜味道好refresh。

這家新潮的點心店菜式精美味美，不僅點心好吃，其他菜式也很令人滿意。
店內環境光鮮，裝潢新潮且懷舊，令人食得起勁，點菜以 QRcode下單方便快捷，閒來食下都唔錯。

茶位收費 $10/位一龍大滿足 $68 點心多款花多眼亂，每款各一的確滿足。
松露野菌晶瑩餃：餃皮呈紫色，露香氣濃郁，配合野菌餡料，口感豐富；
龍蝦汁墨魚燒賣：口感彈牙，咬落爆汁；
酸菜魚鳳眼餃：微辣花椒味醒胃刺激，餡料蝦肉酸菜，加上魚塊，神還原酸菜魚的味道，好有特色；
筍尖蝦餃皇：蝦餡飽滿，鮮甜彈牙；
豌豆桃子：豌豆味道清淡；
蟹粉菠菜香蝦餃：青綠色的菠菜餃皮，包住三文魚籽和蝦肉餡料，加入上微量蟹粉，用心之作。

一口豆腐 $52
外皮炸粉超薄呈金黃色，豆腐軟滑入口即化，外脆內軟口感強烈，少許椒鹽調味，非常推薦。 黑金流沙包 $38
賣相精美，奶黃內餡豐富，流沙口感十足，非常美味。 鰻魚荷葉飯 $80
飯係粒粒分明，味道清香，配料豐富有雞粒、香菇、蝦仁和蛋料，主角鰻魚肥美厚實，無令人失望，金箔點綴增添貴氣，值得一試。

在觀塘裡云云日本餐廳當中，依間算係最有印象，食物美味足料，價錢親民，而且好多選擇，卷物、刺身、串燒、丼飯、鍋物樣樣都有，環境舒適，可以滿足一晚。 香桃蟹籽沙律 $45
沙律有蘋果絲、青瓜絲、蟹柳、蟹籽、香桃粒，配搭簡單，口感清爽好味食得健康。吉列廣島蠔 $48
炸蠔四隻，吉列酥脆炸粉不厚，蠔肉肥美鮮甜亦唔腥唔油膩，作為小食唔錯。酥炸池魚仔 $48
池魚仔酥炸香脆炸粉不多，細細條但好多條，幾襟食的。明太子醬燒玉子 $26
玉子厚身大條，口感香軟有蛋香，配上鹹香惹味的明太子醬，好味到唔想同人share，建議一人一條。甲羅燒 $68
對住滿滿的蟹膏蟹肉蟹籽，實在無法抗拒。蟹膏咸香撲鼻，撈埋鵪鶉蛋更是啖啖鮮美可口。牛油果軟殼蟹卷 $68
入口遇上牛油果的軟滑，突顯蟹籽的爽脆，加上沙律醬的滋味，一啖咬落去飯卷裡的軟殼蟹超香脆喎，口感實在豐富有層次，清新口味好食。天龍卷 $98
壽司大大件造型似龍，以炙燒三文魚包住天婦羅炸蝦和青瓜，十足配料，口感非常豐富，再加上特製醬汁，好味好味。焦糖燒菠羅 $28
菠蘿新鮮清甜多汁，切得大粒，加上薄薄焦糖外層，脆脆地甜甜地，作為飯後甜品一流。荔枝梳打 $32
味道清甜可口，甜度剛剛好，夏天飲啱晒。

和朋友旺角行街食飯，想食泰菜就想起依間，午市套餐的確抵食。這裡地方寬敞環境舒適，座位闊落，安排近玻璃窗，採光度十足。 美食都好多選擇，水準拍得住九龍城餐館的。 冬蔭公湯
跟餐送的，湯味酸辣好開胃，味道唔錯，湯料有少量菇菌和蕃茄。青木瓜沙律 $42
沙律色彩奪目，青木瓜絲口感爽脆，仲有甘筍豆角多份口感，微酸帶點辣，花生碎香口，非常清新的開胃菜，而且美味又健康。乾炒泰國金邊粉 $52
金邊粉炒得剛好唔會好乾身，索晒酸甜汁好美味，口感煙韌彈牙好好食，仲有魷魚、大蝦、青口、豆乾、蝦乾、芽菜等，配料十足，所以好抵食。香葉肉碎煎蛋飯 $48
煎蛋白飯加堆香葉肉碎，就咁撈飯食好夠味，肉碎香口惹味，豆角口感爽脆，辣椒出奇地唔椒的，都好大碟的。凍泰式奶茶 $10
茶味和奶味比例剛好，唔會太甜，口感滑。珍多冰 $10
好多珍多，冰凍椰漿清甜可口，甜度適中。

蘭桂芳附近有間泰式串燒店，即叫即燒，價格相當吸引。 是日放工和同事經過食一兩串，發覺又幾好味喎，食下食下成為我地晚餐，飲下啤酒食下串燒的確唔錯。 串燒燒得幾好，可媲美九龍城泰國讓店，肉質軟腍而有汁，醬汁惹味，好有炭燒風味，美味之餘難得價錢經濟，絕對值得推介俾朋友呀。

魷魚鬚 $25
魷魚彈牙帶有焦香，配上芫荽酸辣醬，真係辣到有啲想跳舞。配上泰式醬沙，酸辣惹味好食。 白鱔 $60
燒白鱔魚肉結實爽口彈牙，魚皮脆兼油脂豐富亦唔腥，沾上芫荽酸辣醬，滋味滿足。 燒有機露荀 $22
露荀幼身爽脆，以鹽調味，不用點醬都好食，略有少少渣啦。燒菠蘿 $22
一串4粒新鮮清甜菠蘿，粒粒都好大粒，咬落爆汁超juicy，店員幫我加左啲辣汁，又辣又甜食落又幾盞鬼。

柚子海鮮沙律 $75
沙律以木瓜絲和甘筍絲打底，加埋清甜柚子，作為頭盤很不錯。配上海鮮大蝦軟彈、蜆肉及魷魚，豐富了口感，加上泰式酸辣汁酸甜開胃美味。
泰式串燒配炒飯及雜菜$68
雞肉串燒三串，肉質嫩滑多汁，啖啖肉有口感，仲好有炭燒風味。配上沙嗲醬甜甜地十分滋味。炒飯小小咸咸地辣辣地，食落都好惹味，配菜有爽脆的椰菜，食得健康，依個價錢係幾抵食。龍眼冰 $25
食串燒的最佳良伴，清清地甜甜地十分滋潤，杯中仲有好多龍眼肉，足料到呢~