Aedes wine & pasta bar 價錢💲: $128/ $68/ $168/ $158/ $48 好味程度😋: 4.3/5 服務🍴: 4/5 環境🗾: 3.7/5 性價比🥢: 4.3/5 回頭率😚: 4/5 - 係跑馬地的一條小路上面，呢間handmade pasta bar平日都坐滿人，可以見到佢幾受歡迎。感覺好似外國小餐館咁，細細地幾溫馨，而店員服務都唔錯。叫餐之前，佢地會先來介紹每款意粉，有d有薯仔成分，有d係乾意粉，出面都比較少見。價錢非常實惠，一百幾蚊就有一個啦！ - ✅Italian cold cut selection. 咁多coldcut都只係百幾蚊😱有3款，分別係parma ham, mortadella ham,同埋coppa ham。mortadella ham似火腿咁，味道比較淡。parma ham係中間程度的濃味，而最濃的係coppa ham。鹹香味濃鬱，帶小小煙熏味，而油脂豐富😎parma ham就味道比較均匀 - ✅✅Zucchini croquettes with garlic mayonnaise. Croquette外脆内軟，一粒粒停唔到口。裏面的薯蓉超級綿密順滑，督入去感受到個軟綿的質感🤩雖然有小小zucchini，但都係被薯蓉的狀態驚艷到。garlic mayonnaise唔會太重蒜蓉味，搶左focus，而係令人覺得開胃又上癮😚 - ✅✅Homemade pappardelle bolognese. Pappardelle係濶麵，好似1/3條千層麵咁粗，帶d咬口！每一塊都充斥住肉醬，味道香濃😋肉醬用牛肉+豬肉做成，好多肉碎，加埋番茄蓉，酸甜酸甜，茄味唔淡。呢個意粉好食d! - ✅Homemade scialatielli. Scialatielli好似粗版的烏冬咁，口感偏硬，唔係好煙靭，要咬耐d時間🤔但我中意硬的意粉就覺得唔錯。配料只有腸仔粒粒，但呢隻腸仔都幾有肉香的。加埋羊奶芝士，味道都夠但唔會好creamy😬 - ✅✅Homemade chocolate gelato. 朱古力gelato係意想不到咁濃！一定係用dark chocolate做成，甜度好低，每一啖都好似食緊一塊塊朱古力咁樣😍感覺呢到的gelato質感好綿密，奶的成分相對上低，一d都唔膩，好推薦叫！ - 整體每樣都好食！但份量真係比較小，肚餓起上來覺得2個人可以食3個意粉🍝 手工意粉真係寧舍不同！

Mobin 價錢💲: $65/ $78/ $198 好味程度😋: 3.7/5 服務🍴: 3.7/5 環境🗾: 3.7/5 性價比🥢: 3.4/5 回頭率😚: 3.4/5 - 知道mobin一路都好出名，而家係逸東酒店地下開左新分店，當然要去試試！夜晚去到可以叫好多酒類/下酒菜。主打墨西哥菜的佢地當然都有墨西哥脆片等菜式。 - 🆗三文魚他他。底下有酸種麵包墊住，麵包好軟熟的。上面係牛油果mix三文魚醬，牛油果味> 三文魚😳 好多餡會爆出來。 - ✅芝士粟米肉鬆餡餅。墨西哥X台灣的fusion菜！餡餅薄脆，入面夾住甜甜的肉鬆芝士，小似蛋餅，所以味道唔會差🤪 加d牛油果/番茄醬，成件事墨西哥左！ - ✅烤香腸肉醬慢煮蛋手工意粉。手工意粉煙煙韌韌，帶d蛋香，好有咬口☺️ 肉醬有好多菇係入面，味道唔會太酸，但意粉有啲難掛汁。溫泉蛋有啲稀，撈勻一齊好滑。腸仔片都係正常。 - ✅✅Tequila cheesecake. 呢個係超超超好食！newyork cheese cake來好軟熟，口感好smooth，本身會膩的cheesecake加左tequila汁淋面，中和左芝士蛋糕的甜同漏😆 佢真係濃酒味，係有小小烈酒的後勁😚 同埋cheesecake面有用火槍燒過，食落有燒香的味😎 - 價錢小貴，因為份量唔多，適合少d人一齊來。個cheesek超級有驚喜，來到必點呀😍

滾餃 價錢💲: $60/ $64 (雙拼10隻) 好味程度😋: 4.3/5 服務🍴: 3.7/5 環境🗾: 3.4/5 性價比🥢: 3.7/5 回頭率😚: 4/5 - 好一陣子無去食餃子了。今次來到觀塘呢間好多好評的餃子店，星期日唔開，平日都好多人去食。一入到去已經見到好多姐姐係到包餃子啦！平時有時都見到佢地的餃子會係團購到出現。但即整一定好食d！ - ✅✅煎餃 ✅湯餃 湯餃同煎餃上面，我個人比較中意煎餃。湯餃選擇左豬骨湯，淡淡地，食完唔會好口渴，但唔特別個湯底😳反而煎餃煎得armarm好，有脆邊脆底，同時保留到餃子皮部分的煙靭感，唔會變左好似炸，都好香口😚 - ✅✅蒜芯鮮蝦/ 黑松露芝士 ✅泡菜/蘑菇煙肉芝士 餃子口味我地湯餃煎餃都係要左雙拼！一場去到就要食曬佢🤪分別叫左泡菜、蘑菇煙肉芝士、蒜芯鮮蝦、黑松露芝士，全部都係d比較特別的口味。佢地的餃子大小適中，皮偏薄同晶瑩剔透，可以見到d入面的餡料。入口亦都好滑溜。 - 蒜芯爽脆小小辛香，包落餃子到味道好突出惹味🤤 同埋蝦肉都好明顯大粒。 黑松露芝士真係超濃松露味道，同埋芝士唔會過多☺️ 泡菜味道都好出，但略嫌味道太搶。 蘑菇煙肉芝士都唔錯的，有啲似食緊蘑菇煙肉芝士衣服🤣fusion！ - 另外其實都食左葱油拌麵，麵條唔會過軟，而葱油都唔膩。但味道上無餃子咁特別。所以都係推薦食多幾隻餃子！無失望的餃子店，想再去食！佢哋會係各樣嘢都armarm好的餃子，好均衡😍

Pause It 價錢💲: $98/ $108/ $38/ $42 好味程度😋: 3.7/5 服務🍴: 3.7/5 環境🗾: 3.7/5 性價比🥢: 4/5 回頭率😚: 3.4/5 - Pause it好似已經開左好耐，但我一直未有機會試過。知道佢哋的咖啡同拉花都好出名，而又係旺角搬左大舖，係forest下面，所以經過就去試試先！白色木系cafe，簡約設計，幾空曠。 - ✅南瓜慢煮雞胸肉意大利飯。呢個比起burger出色d。意大利飯濕潤度armarm好。南瓜汁口味會淡d，但有粒粒南瓜肉🤤每粒飯都好飽滿！覺得最好食的係雞胸！好嫩！一d都唔鞋，有啲香草調味已經好食。 - 🆗牛肉芝士漢堡配薯條。正正常常的burger🙈包有牛油烘過，有生菜🍅芝士。漢堡扒夠厚的但入面有d乾，冇乜肉汁🤐肉味夠，但肉質都比較粗糙。 - 🆗菠蘿特飲。菠蘿汁+梳打水，一定係好飲+fresh😳 同埋唔甜。 - ✅✅黑芝麻拿鐵。獨角獸🦄️的拉花靚到令人佩服🤩 飲落非常濃芝麻味又好滑。個底濃到好似芝麻糊！ - 食完覺得之後真係飲品出色d，食物正正常常，價錢合理。來飲杯啡，欣賞下佢哋咖啡師的拉花手勢就最好不過啦😌

Slow cow 價錢💲: $88+38+28+5+6/ $88 好味程度😋: 3.4/5 服務🍴: 3.7/5 環境🗾: 3.7/5 性價比🥢: 3.4/5 回頭率😚: 3/5 - 幾個多月前好多人post呢個牛肉飯。個日唔知食乜好隨意入左去，點知平日夜晚八點到就賣曬慢煮熟成牛肉，搞到要加錢食牛。基本上得5款肉類選擇，但醬汁同配搭就可以自選。以為性價比唔錯，但成出來都唔平，同想象中有落差。 - 🆗頂級美國三角脊扒牛肉。呢隻牛肉望上去確實唔錯，粉嫩粉嫩，肉質都細緻。可惜食落無咩牛味，係唔鞋的，但唔係好覺食緊牛🤐 不太建議…蒜香醬油炒飯係幾香的，飯粒都分明，不過唔係港式有鑊氣個啲，只係有啲醬油mix埋一齊。加隻蛋黃影相靚d，都令飯底更濕潤😌咖哩蛋黃醬幾好食，係濃味之選，咖哩味濃得來會有小小creamy感☺️ - ✅慢煮北海道四元豚。肉類來講呢個豬比🐮更出色！因為覺得豬類係更難整到嫩。而佢就係做到，同埋有豬味，但唔騷的😆加d炸蒜配下好食！上面的cream作用不大。呢個揀左芥末籽肉汁，配肉類酸酸may，小小芥末籽的辛香🥳 - 性價比一般，食完唔係好飽🤣唔滿足。同埋d肉肉都係正常。

火夫 價錢💲: $138+$50/ $138+$10 好味程度😋: 4.3/5 服務🍴: 3.7/5 環境🗾: 3.7/5 性價比🥢: 4/5 (lunch) 回頭率😚: 4/5 - 火夫出名左好耐，可以用openrice book方便左好多！平日lunch最抵食，要返工就weekend lunch啦，午市有set平好多。食完都覺得好好食，想再去食其他麵🤭 - ✅雞肝多士就好似鵝肝醬咁，配烘到脆脆的多士好夾，肝味又濃郁😆 枝豆春卷顛覆左我唔食豆的習慣，脆脆的春捲皮卷住啲豆，容易接受好多！麥粒味增青瓜可以蓋過青瓜的草青味，鹹鹹地又有口感。以頭盤份量來講，都好多。 - ✅✅炸蟹肉牡蠣。加$2好抵🤣牡蠣大隻肥美，保持水嫩又唔乾。本身已經好鮮味，加埋面頭大量蟹肉更加豐富，必叫🤤 - ✅✅生蒜牛柳。呢個因為炸左所以唔係好食到d牛肉。但佢地的粉漿唔算太厚，係關西炸穿個隻，小小鬆化的。不過佢好好食係因為個醬汁🤪 呢個生蒜汁好濃味！蒜香濃到會口臭🤣 - ✅雞腿大葉卷。接受紫蘇葉的先好叫！紫蘇包住雞肉去炸，味道係可以想像的。但雞肉有調味，肉質都唔鞋☺️ - ✅✅蜜瓜牛卷。呢個係今次唯一一串燒物。食完呢個好後悔無再加其他款食！因為牛肉烤完仍然保持嫩口，入口充滿油脂香牛味🐮蜜瓜的清甜juicy中和左肉的肥膩，一入口咬開已經爆汁😍 - ✅虎蝦濃湯麵。第一次食一定一定叫呢個！濃到好似蝦汁的base，口感難免有啲一patpat。拉麵其實唔係太軟，仲好掛汁。蝦味濃到好似用咗唔知幾多隻蝦嘅膏熬成咁🥳蝦控一定鍾意。虎蝦大隻，外圍全部都係櫻花🦐，雙重蝦感受。但略嫌個外層好厚同埋隻蝦肉質唔夠結實彈牙😉 - ✅✅豆乳麻辣擔擔冷麵。食完d串燒，呢個冷麵就啱晒，好清爽😋 豆乳湯入口細滑，麵條煙韌，一吸入的時候可以吸埋大量湯汁。仲有d青瓜增加爽脆口感。怕豆乳湯會好清淡，所以有d擔擔的微辣，惹味又夠凍，好正🤩 - 虎蝦麵一直都被讚到超級好食。食完之後覺得湯底確實唔錯，但蝦麻麻地。再去會選擇其他麵食。呢個貴得來一定要有人share先食到😳但啲炸串/串燒都好有驚喜，juicyy‼️ - #piggyfoodiein紅磡

城寨風味 價錢💲: $98/ $198/ $168 好味程度😋: 4/5 服務🍴: 3.4/5 環境🗾: 3.7/5 性價比🥢: 3.4/5 回頭率😚: 3.7/5 - 去九龍城唔單止可以食泰國菜！雖然九龍城廣場好似長期做唔起，但入面有間幾高質素的中菜，可以帶屋企人一試！入面裝修小小古色古香，完全係食中菜的環境。餐牌上的選擇唔少，有d要打來book定，價錢唔平，份量都成正比。 - ✅麻辣鮑魚仔。鮑魚仔一共8隻，都唔會太細。每隻都唔會好韌，容易咬得開。係調味上係鮑汁再加麻辣味，完全無違和感☺️ - ✅帶子賽螃蟹。要成$200的一道菜，但真材實料，有好多帶子粒🤓 帶子有彈性又鮮甜。賽螃蟹好下飯，炒蛋白撈埋蛋黃好滑溜。本身味道比較淡，加小小醋有提鮮作用😋 - ✅✅砂鍋鮑汁瑤柱炒飯。呢個好好食🤤砂鍋上確保溫度可以保存得耐d，keep住熱辣辣。同埋底部有d飯焦，幾香口。鮑汁充分包裹住每一粒飯，唔會太濕一patpat，夠晒味😜 入面有鮑魚粒、雞粒、冬菇、菜、蘿蔔等。鮑魚粒食落口有鮮味，辨認到！😌 - 整體呢三樣嘢都唔差。如果多人來可以試到多d款就好啦！

Lawry’s The Prime Rib 價錢💲: $1788/2 people 好味程度😋: 4.7/5! 服務🍴: 4.4/5 環境🗾: 4.7/5 性價比🥢: 3.4/5 回頭率😚: 3.7/5 - 好多人生日都會去呢間慶祝。有80年歷史的lawrys prime rib食完覺得成個體驗都好高質。首先餐廳環境高貴優雅，用紅色金色做主題，圓拱形的屋頂中有天窗，樓底高得來，側邊圍住個圓圈都有好多落地窗，採光好好。空間感十足，四周又安靜。侍應會推出架牛扒車出來係你面前切。生日的話仲會送即影即有❤️ - ✅油封龍蝦。龍蝦肉質爽彈，啖啖肉，有鮮甜味👍🏻配小小椰菜花碎可以清清味蕾。另外仲有好的骰的車厘茄裝着魚子醬，魚子的鹹鮮同車厘茄的酸甜味唔會互相搶大家味道☺️ - ✅✅冰旋翡翠沙律。估唔到連沙律都可以咁高質，係食過最好食的沙律🥗 侍應會係你面前用一個雪到冰的兜撈，入口保持好冰凍。同埋d生菜特別爽脆，可以asmr的程度😱調味類似係個酸的千島醬，好開胃再加埋脆脆的麵包粒🤩 - ✅酥皮法式洋蔥湯。焗起熱辣辣，酥皮超級脆同鬆化，濃濃的牛油香，完全無酥皮疊埋的黏咁。🧅湯好甜又濃郁，好飲😗之後會上個荔枝雪芭比你清清味蕾，係天然的荔枝呀來，清甜！ - ✅✅✅Lawry cut roasted prime rib. 邊邊位偏熟，好似牛𦟌咁，但腍啲。中間先係重點，係前所未有的軟嫩，雖然顏色好粉紅，但5成啱啱好，肉好嫩，切落去毫無難度😋咬落好軟熟，鬆軟，冇筋冇渣，有啲啲肥膏肥美啲。肉味都好濃郁，係純正的牛肉味🤤 雖然california cut唔洗加錢，但望落佢的部份係冇lawry cut咁平均，口感厚度都明顯係lawrys cut略勝一籌🤭但女仔可能會覺得太多。呢到的燒牛肉同自助餐的完全係兩回事！ - ✅Cream corn/ spanich. 個人更鍾意菠菜！因為粟米本身甜，所以配cream會有啲膩。 - 🆗Blue berry cheesecake. 都唔錯。🫐大粒又甜。cheesecake好軟滑creamy😌 但送的strawberry cake就麻麻地，好甜🫣 - 係好滿足的一餐，高度評價！就算唔係restaurant week食都覺得ok，成個環境體驗食物質素都正正！

紅館 價錢💲: $699+1 好味程度😋: 4/5 服務🍴: 3.7/5 環境🗾: 3.7/5 性價比🥢: 3.7/5 回頭率😚: 3.7/5 - 位於干諾道中中國農業大廈下面竟然有一間西餐，入口係大廈的旁邊，有d神秘得來估唔到都有唔少人食。佢地仲有幾張outdoor位置，幾有外國的感覺。佢地呢排做緊的呢個2人餐discount，性價比幾高，味道都唔錯。入面雖然唔係裝橫好grand個d，但都幾cozy😌 - ✅呢個沙律用火箭菜加黑醋，巴馬火腿比得好多🤓每一啖都有ham+菜，咸香味覆蓋左火箭菜d苦味。 - ✅呢個他他鋪係麵包上面，麵包輕微烤過脆脆地，一粒粒的牛肉他他mix埋酸菜，好開胃🤩牛肉他他無筋，但保留到生肉的口感。 - ✅✅黑松露蘑菇湯係出奇地出色！蘑菇湯濃鬱得來唔會太傑，入面有好多蘑菇粒，飲落係一堆菇用blender打出來😍cream的比例唔會好多。加埋一片片的黑松露，高級感up. - ✅蒜蓉辣椒海蝦扁意粉。基本上就係重蒜味的橄欖油意粉，好香口，亦唔會好乾。不過味道會比較單調，就係蒜味。海蝦係一般冰凍個d貨🧐 - ✅紅館姜母鴨。用上一隻鴨腿，係西式煮法上面就好似油封鴨咁。皮小小脆，入面d鴨肉一絲絲，但唔會太乾。最特別係呢個醬汁好fusion，姜母鴨的感覺，有d台式感覺，滋補的味道，好濃姜味😝不過用湯汁墊底會令到皮容易d軟。 - ✅牛面頰肉炆到好軟，入口即化，唔會有一絲絲肉渣的情況。小小筋位的部份都已經腍晒。薯蓉都夠綿滑。 - ✅芒果拿破侖夠脆，入面有大量芒果肉，而係呢個時候芒果未係咁當做的已經好甜👍🏻鮮果芝士撻面頭係青提子。撻皮牛油味香，硬脆厚實的。同多汁的水果好match！ - 呢個餐抵食在每道菜都可以x2，變左每人有一款頭盤、一碗湯、一碟意粉、一碟主菜同一款甜品。味道唔錯，氣氛都ok😋

Moyo 價錢💲: $178/ $178/ $298 好味程度😋: 4/5 服務🍴: 3.7/5 環境🗾: 3.4/5 性價比🥢: 3.4/5 回頭率😚: 3.4/5 - 係元創方對面鴨巴甸街到有間韓國fusion小店，平日都幾多人食下野飲下酒。不過因為訂左位，所以唔洗等！有d菜式可以選擇half，而佢哋的portion都比較細，所以2人去都唔會太難叫。 - ✅Burrata & figs.呢個burrata好香奶味，係我印象中食過最香的burrata🤓 加埋甜醋同無花果，兩者的甜味都同burrata好夾，帶出左奶香芝士的味道。 - ✅✅Moyo bossam. 2個人share啱啱好的size。豬腩肉半肥瘦，入口唔會好膩，每塊都切得好平均厚度。煎到香之餘，再火炙過個面😚 配埋泡菜同酸洋蔥食，完全無油膩感。佢哋的泡菜好食！爽脆又夠酸🤤 - ✅Sea urchin rice. 想來完全係被呢個飯吸引！海膽的份量好澎拜，單獨食會食到海膽新鮮，有鮮甜味，都幾creamy。但撈埋一齊食，因為都有更多的紫菜份量，所以紫菜味會蓋過海膽的味道，令到好似食緊紫菜飯咁🫢 但佢唔係唔好食的。 - 今次叫的個3樣嘢都唔錯，係性價比低d。為左打卡個海膽飯，都冇後悔既🤣