最近Pici嘅尋覓芝味2.0系列喺5月回歸🧀推出全新芝士主題前菜、手工意粉同甜品系列。作為芝士控嘅我一定唔會錯過😋
落好order之後，店員會送上一袋麵包同埋黑醋橄欖油🥖如果麵包可以軟熟啲會更加好🤏🏼
➷
🪐 焗拖米諾流心芝士配麵包脆片

細膩順滑嘅半軟硬芝士會持續受熱🫕令到每𢳂起一羹都做到拉絲嘅感覺😍香脆嘅麵包沾上流心芝士，令人食指大動👍🏼
§
🪐 吞拿魚牛油果他他

新鮮吞拿魚配牛油果簡直係絕配🥑係一款清新開胃嘅前菜！
§
🪐 意式辣肉貓耳朵麵

只要見到有貓耳朵嘅地方，我都一定會叫佢😆超鍾意佢獨特嘅形狀，質地有彈性同嚼勁👍🏼而佢嘅形狀更加容易沾到醬汁，食落會更加入味🤤
§
🪐 四式芝士巴馬火腿扁麵

用咗4種唔同嘅芝士製成🧀配上綠色扁麵，每一啖都食到濃郁嘅芝士味😋加埋巴馬火腿同新鮮既蘆筍一齊食，帶一點咸香，增加咗味道之餘仲增加咗口感嘅層次🤤
§
🪐 巴馬臣芝士意大利雲吞

意大利雲吞每一粒都非常飽滿，一定一定要小心食🫢因為一啖咬落去嘅時候，巴馬臣芝士就會漏晒出黎🤩由於實在太多芝士，所以食多幾粒會有少少膩🤏🏼
§
🪐 布袋芝士蛋糕

以為佢係一個蛋糕，點知原來係一個軟滑芝士黑朱古力撻🥧面層配上榛子醬，略嫌有少少甜🤏🏼食到最尾會有點膩，不過兩個人share就啱啱好😜
§
🪐 提拉米蘇

聽講佢地嘅tiramisu出名好好食🍰可可味濃，蛋糕creamy，一入口就溶化，果然係好令人滿足😋
§
🪐 Italian Passion (Passion fruit, lemon, basil, soda) 🪐 Raspberry & Peach Soda (Raspberry, peach, lemon, ginger ale)

兩杯野飲好清新解膩，食得飽得濟飲返杯就可以順便消消濟🤰🏻➷
如果你都同我一樣係芝士控🧀就一定唔好錯過今個5月Pici嘅尋覓芝味系列，一定會令你流晒口水🤤
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟

一出𨋢就已經感受到佢哋熱鬧嘅氣氛🥳落地大玻璃令到空間感大增，加上佢哋係開放式煮食空間，但又唔會有揮之不去嘅油煙味👍🏼店舖有好多唔同嘅套餐提供，喜歡散叫的話都可以😌
➷
🪐 季節前菜
水雲菜｜汁煮蠔｜吞拿魚他他

先品嘗酸酸地爽口開胃嘅水雲菜，其次就係鮮味十足嘅汁煮蠔🦪醬汁唔會太咸，蠔仔亦唔會太過熟透變老！最後就係吞拿魚他他，用上柚子醬油🍊除咗較為清香之外，仲食到有少少煙燻味道🐟
§
🪐 季節刺身
伊佐木｜油甘魚腩｜吞拿魚拖羅

刺身最緊要新鮮，魚肉夠肥美😋魚香就會突出，魚油脂都會豐富起黎🤩因為魚油都會膩，所以淺嚐一下就啱啱好👍🏼
§
🪐 壽司
牡丹蝦壽司｜黑木魚壽司

比較喜歡佢牡丹蝦上面嘅胡椒調味🧂配合爽口帶甘甜嘅蝦肉係相當合適，味道豐富之餘又唔會搶走原味🦐係個幾特別嘅配搭😋
§
🪐 香煎銀鱈魚

上枱已經聞到陣陣香味😶‍🌫️趁熱要先食魚皮，咁樣就可以食到佢啱啱煎起脆卜卜嘅一刻🤤銀鱈魚嘅魚肉質地嫩滑，亦唔會有腥味👍🏼
§
🪐 雪場蟹腳配意大利粉

啖啖蟹肉結實有咬口，醬汁都充滿濃香蟹肉味🦀令到陪襯嘅貓耳朵同本菇都可以沾到咁濃郁嘅醬汁🥰
§
🪐 美國頂級牛肉

牛香撲鼻😶‍🌫️牛肉非常香嫩軟腍，牛肉味相當突出👍🏼仲散發出陣陣青椒仔嘅香味，整個味道都唔單調！如果再食得濃味啲嘅可以選擇夾蒜片食，又或者輕輕沾少少鹽就夠😜
§
🪐 煙肉香蒜炒飯

炒飯一定要炒到粒粒分明，咁每一粒飯就會入味同香口😌煙肉本身帶有油份🥓從而令到整個飯都會充滿住肉香！
§
🪐 炒什菜

鍾意食呢一款脹卜卜嘅芽菜，食起上嚟好有咬口好爽脆👍🏼配埋佢個胡麻醬食就可以提升到味道！
§
🪐 南瓜湯

呢個南瓜湯同一般飲到較為杰身嘅好唔同🎃佢係比較輕形，而佢仲加入咗蟹嘅元素，所以湯之中仲有好濃厚嘅蟹味😋
➷
食物嘅質素都唔差，下次要試多啲海鮮先得🤣➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟

門外留有些少神秘感🫣點知一入到去已經係勁有氣氛😍店舖雖小但五臟俱全，眼前見到嘅係各種不同嘅酒品🍶如果我屋企有個角落係咁嘅真係開心死🫢環境氣氛令我覺得如果有一班人係度飲飲食食吹水，一定會不醉無歸🤭
➷
🪐 芥末八爪魚

好喜歡佢滲出嚟嗰種芥末香，唔會係食壽司時好攻鼻嗰種😌每次見到有都會忍唔住嗌嚟食😆爽口之餘亦係開胃嘅選擇👍🏼佢嘅份量唔少，可以慢慢食🤪
§
🪐 和風紫菜魷魚鬚

要佐酒，離不開各式各樣嘅炸物🍤揀咗個大人細路都鍾意食嘅魷魚鬚🦑新鮮即炸，香脆可口😋粉漿唔會做得太厚，內裏仲夾住紫菜香，多一番風味🤩§
🪐 自選燒鳥串
食串燒亦少不得呢嗰鳥類自選組合🐔嗌咗雞皮、三角雞胸軟骨、月見汁免治雞肉棒呢三款😍串燒燒至金黃色帶點微焦香😶‍🌫️調味上亦都恰到好處👍🏼特別鍾意食佢個雞胸軟骨，好有咬口🤤
§
🪐 明太子玉子燒

面頭佈滿木魚碎同明太子醬，非常惹味😋切開內裡見到一層層滑嘟嘟嘅玉子🤩味道偏向咸身少少🤏🏼但如果飲咗酒食又會好啲，口味可以食得重啲！
§
🪐 日式鰻魚炒飯

呢個炒飯真係完全夠晒味😍整碟炒飯，粒粒都有鰻魚嘅醬汁黏住，基本上每一口都食到鰻魚香👍🏼而且仲有好多鰻魚肉伴隨住，認真吸引😋
➷
有過百款酒品俾你揀😍手工啤、sake、梅酒等等睇到花多眼亂，就算朋友唔啱飲酒，一樣有無酒精飲品提供🍹有無朋友想同我哋黎飲返杯開心吓🤤
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼 9️⃣🌟

第二次到訪黑樺牛，上次食完之後就好掛住佢啲牛🐮今次準備好個胃決定要食返夠本。印象中同之前分別唔大😌小食選擇係多咗，食店人氣大咗，氣氛都好好🥳
➷
🪐 A5帝王和牛海鮮
✨ 頭盤小食 鬼馬油炸鬼｜口水汁麻辣拼盤｜正宗泰式串燒拼盤
頭盤先送上三款唔同滋味嘅小食😲脆卜卜油炸鬼配蝦膠，油份唔會過多，口感都比較豐富😋麻辣拼盤有牛展、皮蛋同魚皮，微微嘅麻辣香🌶️惹味之選。泰式串燒拼盤集合咗牛雞豬，不過就乾身咗少少🤏🏼淨係頭盤都已經咁多選擇，真係要留返個胃食牛呀🤣 §
✨ 蒜蓉辣椒卜卜蜆粉絲煲
份量都幾多，襯熱食會比較好🍲味道可以再濃返少少。蜆肉無沙，配合粉絲一齊吸盡湯底嘅精華，清甜可口👍🏼 §
✨ 海鮮蒸氣鍋 本地海蝦｜墨魚仔｜九孔鮑｜大船渡岩蠔｜扇貝皇｜蘇格蘭蟶子
用上鰹魚昆布湯底去蒸海鮮，蒸完仲可以用佢黎打邊爐🍲海鮮要食新鮮，咁就唔會有不必要嘅腥味👍🏼雖然佢地大大隻，但每款要蒸嘅時間唔駛太耐⏳否則就會變得好老🫢佢哋自身嗰種鮮甜係我一直都咁鍾意食海鮮嘅原因🦐 §
✨ 野生竹笙松茸菌鍋
揀咗比較濃味嘅呢款松茸菌鍋🍄‍🟫整個鍋都係唔同種類嘅菇菌。呢個餐可以食盡A5熊本黑樺牛🐮例如A5熊本黑樺和牛特上霜降小排、A5熊本黑樺和牛肩胛梅花、A5熊本黑樺和牛牛頸脊等等都係座上客😍唔同部位嘅牛肉，佢哋嘅肉味濃度同肉質都會有輕重之分🧐不過有樣嘢都好一致嘅，就係佢哋嘅油脂分佈，都係咁細緻🤩我自己偏向鍾意食佢哋嘅和牛肩胛梅花，我認為佢係肉香最濃郁嘅一款😶‍🌫️不過無論邊一款都好，如果想食到最好嘅肉質，自己就要好好掌握淥嘅時間😆 另外套餐仲會附送黑樺牛牧場精選層架，可以食到啲較為特色啲嘅火鍋配料🤤例如花雕雞，醃得入味食到啖啖酒香🥃➷ 飲品除咗有各式各樣嘅汽水提供，仲有冷泡茶🍵就算食到飽一飽都可以消消濟喇。最後記得要食埋雪糕甜品，咁先係完滿🤪
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟

都已經唔記得第幾次黎到一遊🫢係我心目中佢算係一間幾老字號嘅居酒屋🏮入內燈光昏黃，留有一種優雅嘅神秘感😌 居酒居選擇必定會多，呢度都唔例外🍣今次就食啲未食過嘅野先😆
➷
🪐 海鮮沙律
用上時令海鮮刺身去做一個開胃前菜沙律🥗伊佐木、赤蝦、三文魚等等都係座上客🐟呢個前菜絕對無負擔，清爽鮮甜👍🏼 §
🪐 白飯魚脆乾
我稱佢為不可能缺少嘅佐酒小食🍻入口脆卜卜嘅魚乾，不帶腥味，只有一種淡淡嘅小魚香😶‍🌫️食吓又一塊食吓又一塊，不如索性出零食version🤪 §
🪐 東洋卷
呢款卷物最特別之處係佢用嚟包住內餡嘅外皮係自家制😲質感口感同pancake皮相似，比較軟熟腍身！包住入面嘅係鰻魚牛油果🥑因為外皮唔厚，所以入口時口感好豐富，全部都係內餡😍順帶一提，拎嘅時候要溫柔啲，襯暖暖地就好食😋 §
🪐 燒雞皮蝦 🪐 燒牛舌 🪐 鹽燒活鰻 🪐 燒魷魚串
佢嘅串燒尤其出色，食到我哋幾個都大讚💯火喉上嘅控制功架、調味嘅配合、選材嘅質素都係值得一讚👍🏼
用上雞皮包住已脫殼嘅蝦🦐加上紫蘇葉，味道帶點特別😋啖啖蝦肉滲透雞油香🤤如果你鍾意食牛舌👅對於佢哋嘅牛舌你應該都會喜歡，厚薄適中🤏🏼入口軟腍又唔乾嚡，加上調味嘅配合，係惹味之選！ 活鰻燒到外脆內軟，魚香十足😶‍🌫️魷魚串爽口彈牙，亦都好啱送酒🍻
§
🪐 海膽蟹肉牛油果卷
海膽同蟹肉係壽司卷嘅面層，內𥚃包住嘅係牛油果同牛蒡🥑物就食得多，牛蒡放入壽司呢個做法又少見，但成件事又幾夾😲除咗口感大增之外，亦唔會搶去主角嘅鮮味👍🏼 §
🪐 特上壽司十貫
可以話係衝擊「鮮」味蕾😍吞拿魚腩、赤身、池魚、伊佐木、赤蝦、帶子、海膽、香蔥吞拿魚腩蓉等等，都係今次十貫壽司會見到嘅野😋魚生新鮮之餘，仲可以食得到佢獨有嘅魚香😶‍🌫️魚油脂亦相當豐富👍🏼人唔太多一齊share食都好滿足🥰 §
🪐 合鴨湯蕎麥麵
食咗咁多生冷嘢，最後緊係整返個熱湯soba埋尾😋蕎麥麵向來感覺都係比較清啲，所以都唔會太有負擔😌野菜配上鴨湯，有肉香得黎又唔油膩👍🏼仲可以暖吓胃，畫上一個完美嘅句號。 §
🪐 一心 純米大吟釀
用上奈良泉水💧配合100%山田錦米，山田錦米係我飲sake嘅偏心之選🫢入口有種甘甜，唔辛口，比較適合初初飲sake嘅你哋🍶當然除咗sake，另外都仲有唔同嘅啤酒燒酌去配襯😍連個生果茶都唔係hea你嫁🍊啱晒女士飲用😆➷ 服務態度食物質素環境氣氛都值得繼續黎encore👍🏼下次繼續同朋友黎食多啲嘢先😋
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟

今次又同朋友一齊去咗灣仔食日式料理😋食店環境寬敞，分咗炭火燒、Omakase同割烹三大區域😲另外仲設有VIP房提供，多啲人想開Party都唔怕影響其他人👍🏼
我地揀咗個ALL-DAY BENCH，總共有十幾款食物🤩非常豐富，有啲擔心食唔晒🤣
➷
🪐 ALL-DAY BENCH MENU

✨ 𝙎𝙥𝙚𝙘𝙞𝙖𝙡
酒漬飽魚｜雜錦魚生他他｜和牛壽喜燒小鍋

鮑魚爽口彈牙，食落有淡淡酒香同鮮甜味😋迷你版嘅和牛壽喜燒🍲分量岩岩好，和牛嫩滑唔嚡口，壽喜燒汁甜度適中👍🏼§
✨ 𝘼𝙥𝙥𝙚𝙩𝙞𝙯𝙚𝙧
燒鱈魚片｜玉子燒｜炸蟹肉可樂餅｜枝豆｜
合桃小女子｜赤飯｜鮟鱇魚肝醬多士

先送上燒鱈魚片同枝豆，再有個精緻嘅日式盒子裝住其餘5款前菜🍱建議先食鮟鱇魚肝醬多士，多士脆身🍞魚肝醬味濃厚😌赤飯，又可以叫佢做紅豆飯🫘甜甜嘅紅豆與糯米一齊煮，鍾意佢軟糯嘅口感🤭炸蟹肉可樂餅炸至金黃色，入面傳出濃郁既蟹肉香，食完一嚿再想食多舊😋佢個玉子燒超滑溜，比起平時食嘅甜咗少少🤏🏼但係我鍾意，因為好有食緊甜品嘅感覺🤣
§
🪐 𝙎𝙖𝙨𝙝𝙞𝙢𝙞
三文魚｜鯛魚｜赤蝦

三文魚油脂豐富但不膩🐟鯛魚爽口清甜，完全唔會有魚腥👍🏼赤蝦肉質嫩滑，入口散發出鮮甜蝦味🦐
§
🪐 𝙎𝙠𝙚𝙬𝙚𝙧𝙨
雞翼｜紫洋蔥｜茄子

餐廳嘅炭火串燒用上備長炭，而燒爐前面有一塊玻璃，就算坐吧枱都感覺唔到油煙味，值得一讚👍🏼由於師傅唔清楚客人嘅口味，所以串燒只會稍作調味，再附上3款調味料，包括炭鹽、黑胡椒同埋七味粉，可以根據自己口味去調味🧂因為用咗備長炭嘅關係，串燒食落有炭火香味😶‍🌫️雞翼嘅雞皮超脆😍內裡肉嫩多汁，完全唔會乾爭爭😋超愛燒茄子嘅我🍆對於依個面頭有櫻花蝦嘅茄子非常滿意🤤柔軟滑嫩嘅質地，加上櫻花蝦，口感同味道都變得更豐富🫢
§
🪐 𝙈𝙖𝙞𝙣
蟹膏蟹肉甲羅焗飯

用料十足，每一啖飯都食到蟹肉同埋蟹膏嘅甜味😋蟹膏嘅香氣撲鼻，惹味度爆燈👍🏼而且仲會加上魚籽增加口感，就算已經飽飽地都不能錯過🫣
§
🪐 𝘿𝙚𝙨𝙨𝙚𝙧𝙩
櫻餅

櫻餅外形精緻🌸糯米粉糰具黏性，又帶有少少彈性，所以咬口會比較重😌紅豆內餡微甜，唔會太腬👍🏼
➷
食完依一餐已經諗定下次黎要試埋其他set😆環境服務一流，性價比高😌可以同埋成班朋友一齊happy一吓🤪
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼🔟🌟

有幸係換咗大廚之後嘅第4日就上到嚟食嘢😋新廚之前係米芝蓮餐廳坐陣，所以對佢都幾有信心😌餐廳坐得舒服，咁我哋就可以慢慢享用呢一餐🍴➷
🪐 南瓜湯配煙肉泡沫

南瓜湯稀杰程度啱啱好，有濃香嘅南瓜味🎃面頭嘅煙肉泡沫成為咗焦點🥓每一口滲透煙肉香氣而又不油膩👍🏼
§
🪐 自家製紅菜頭醃三文魚配橙肉苘香沙律

既有特色又開胃嘅一道前菜😋紅菜頭嘅味道不但無搶走三文魚嘅魚香🐟配合埋微酸嘅橙汁做底，帶動起整個前菜嘅清新感😌咁樣嘅配搭又幾特別！
§
🪐 柚子蜜雞翼

對比之下，佢就唔算得上係好特別嘅一個菜式🤔柚子味夠晒濃厚，略嫌佢咸咗些少🤏🏼
§
🪐 輕煎三文魚配香蔥檸檬牛油汁

三文魚煎得金黃，掌握嘅時間同火喉都好完美💯肉質唔會嚡口，仲依然留有好重嘅魚香😶‍🌫️配上香蔥檸檬牛油汁，味道唔會太搶口蓋過魚味👍🏼
§
🪐 紐西蘭草飼肉眼扒配燒香草牛油焗薯

一上枱就有一陣肉香飄埋黎😌要把握影相嘅時間，否則肉眼扒就會因為殘留嘅熱力而變熟😂佢肉質好嫩滑，容易咬開，肉味非常濃郁🤤大廚煎嘅時候已經放咗少少鹽🧂所以沾唔沾醬汁都得！
§
🪐 牛角窩夫配十勝紅豆醬及抹茶忌廉

抹茶粉嘅味道偏向濃身，所以配返忌廉食可以中和返苦澀味🍵 紅豆甜而不膩，加埋新鮮即製嘅牛角窩夫食就perfect🧇
➷
換咗廚師之後食物都有返水準👍🏼值得一去俾多啲意見佢哋😋
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟

今次同朋友近近地去咗屯門河畔附近嘅一間西餐廳🍴晚飯時間都算多人，最好就book定位唔駛等太耐🤟🏼➷
晚餐有set dinner📒有齊餐湯、沙律菜、主菜同埋薯菜🥔

🪐 忌廉雜菌湯

好濃郁嘅雜菌味🍄‍🟫濃稠質地飲起上嚟口感更豐滿，飽腹感較重🤰🏻§
🪐 BBQ蜜糖烤焗雞翼

有甜甜地嘅蜜糖風味🍯再加埋烤焗嘅香氣，就好似自己BBQ燒嘅一樣😋香脆嘅外皮配上啖啖肉，簡直係絕配👍🏼
§
🪐 BBQ加拿大保濕豬扒配薯條

一聽到個名就決定揀佢🫵🏼因為有時會食到啲豬扒好乾身🤔但見佢寫明保濕，即係一定唔會乾爭爭😆不負所望，豬扒多汁又濕潤，肉質嫩滑，配埋個燒汁，口感更豐富🤤薯條外脆內軟，食完一條又一條🍟但係唔駛驚，因為佢地有免費添食，想食幾多都得😍
§
🪐 松露雜菌忌廉汁意粉

食咗咁多肉，要叫返個素食黎清一清🫢可能我同朋友偏好食比較軟身嘅意粉，所以略嫌佢硬身咗少少🤏🏼意粉結合咗松露嘅香氣同雜菌嘅清香，配上濃郁嘅忌廉汁，非常掛汁👍🏼
§
🪐 焦糖嘉年華

食完正餐，當然要叫個甜品作為美好嘅結尾😌吐司份量適中，啱晒我哋食唔到咁多但又想食嘅女仔🥰吐司面層放咗爆谷同雪糕，再配上焦糖醬，唔會太過甜，飯後食係唔錯嘅選擇😋
§
🪐 巨杯檸檬茶

唔止薯條可以免費添食，連檸檬茶同檸檬水都可以免費添飲🍋不過因為我叫個杯係巨杯，所以根本冇機會添飲到🤣但就可以慢慢嘆。➷
論性價比佢係高嘅，大件抵食之餘質素亦都唔差👍🏼不妨入去走一轉喇！
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟

上水，可以話係一個令到我又愛又恨嘅地方。近幾年上水嘅變化，大家都有目共睹😧由細到大見證住呢個地方好多嘅改變，而家一出上水就好易忟🫢不過亦都多謝呢一間食店，令我對呢個地方仲保留一絲希望💪🏼由無啖好食變成終於有返啲似樣嘅野食🍴
食店係半開放式係商場內，用上粉紅色同白色設計，留有一點少女風格🫣食物選擇都足夠，款式都多，無論係晏晝定夜晚都會有set揀👍🏼甜品更加係每日新鮮製造🍰要留意嘅係佢地嘅廚師推介同新餐單😋 ➷
🪐 龍蝦湯
雖則佢個湯唔係好杰身，但係龍蝦嘅味道依然夠突出又唔會太咸🦞用黎沾佢塊麵包食都唔錯，飲完又唔會有太大嘅飽腹感👍🏼 §
🪐 水牛城炸雞翼
雞翼炸皮唔會太厚，而且仲炸到有咁脆得咁脆😆水牛城汁係另上，唔怕浸到啲皮腍晒😋酸酸辣辣嘅味道食起上黎特別開胃🤤 §
🪐 黑啤乳豬配薯角
見到有乳豬，二話不說一定要嗌🤩1/4嘅份量都唔惹小，如果一個人食的話可能都比較腬，始終佢都有一定嘅油份🫢用上黑啤增加豬皮嘅脆口度，真係脆到嘩一聲😍內裡肥瘦比例好平均，肉質頗滑又唔會乾身👍🏼最後連啲骨都啜到乾乾淨淨😆 §
🪐 美國安格斯肉眼配薯條
超大塊12oz嘅肉眼扒🥩煎得好靚，5成嘅熟成度剛剛好，牛扒切開仲可以見到粉紅色嘅嫩肉🤩肉身唔乾，肉味都幾重，不過都有幾多筋位，鍾意煙煙韌韌嘅口感就啱晒😋 §
🪐 山政小山園焙茶鮮奶 🪐 青檸梳打
飲品係調配方面亦算唔錯，焙茶同鮮奶嘅比例都可以互相平衡☕️仲送上咗一個精緻嘅拉花😍而青檸梳打嘅檸味好出，涼透心滲出淡淡fresh感👍🏼 ➷
今次係我第一次黎食夜晚，之前就食過晏晝，兩次嘅體驗都係唔錯，無論係服務定係食物嘅質素，都係會令我哋encore嘅原因🤪
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟

對上一次黎食，都已經係非常多人，而每次經過都見到好多人等位，所以大家都記得要book位呀📲
店舖用上韓式大排檔嘅設計，亦因為咁成為咗一間有卡打嘅食店📸揀咗坐半室外位置，嗰張膠櫈的確好入型入格😍再一次黎到，緊係要食吓啲新菜式喇🥢➷
🪐 韓式鐵板燒鰻魚

食店所用嘅鰻魚係每日新鮮到貨，亦都係每日處理同劏🔪新鮮厚切嘅鰻魚用上鐵板呈上，經過親手煎烤，肥美嘅鰻魚流出豐厚嘅油份🤩先燒肉個邊，咁就可以避免塊皮痴住鐵板😌入口魚香味頗重，有啲似食燒鱔嘅感覺😋魚皮有脆口之餘仲帶有點煙韌感👍🏼肉身爽脆，配搭秘製鰻魚骨燒汁同紫菜食，份外和味🤤
§
🪐 醬油蟹膏蟹肉拌飯

唔係成日有機會食醬油蟹🦀應該話自己都未必敢成日食🤣但知道佢地都出名食醬油系列，所以就叫咗呢個拌飯試一試🫢拌飯嘅配料唔會太多，避免搶走醬油蟹嘅味道，醬油唔會死咸，又可以帶起蟹肉同蟹膏嘅鮮味😋味道吸引亦惹味，非常唔錯嘅一個體驗👍🏼
§
🪐 新沙洞招牌炸雞 - 韓式柚子

食韓式野當然離不開炸雞🍗今次揀食柚子呢個味，會有啲清新感🍋炸雞算係大嚿，炸皮香脆又唔會太厚粉，入口啖啖肉🤪
§
🪐 草莓牛奶配蜂巢特飲

上次都有飲呢個蜂巢特飲，覺得佢幾特別，所以今次都決定encore🤭原塊蜂巢配上香濃草莓牛奶🍓甜甜地又有特式😋➷
又係好滿足嘅一餐，而呢個滿足話我知，我哋可以再黎第3次👍🏼到時唔知又有啲咩新野食呢🤤
‼️如果你係醬油蟹迷，而家醬油蟹有優惠做緊$198😲一至四全日供應，五六日就只限7點前🕖公眾假期無優惠，不過記得必須要電話訂座📲襯住優惠未完，要食就要襯快喔！
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟