話說朝早碌手機個陣見到有媒體介紹🥥椰子糊~
杏仁糊、芝麻糊就食得多，開心果糊都食過，但🥥椰子糊真係未食過，所以即刻save低睇幾時來食😎
點知夜晚同同事係堅尼地城食飯講起，大家都有興趣，所以決定go go go，食飽再去食糖水😝

去到餐廳已經差唔多十點，門口好多人😳
諗住有排等啦，點知咁岩三位可以入得，唔洗等😏

餐廳地方淺窄，一眼睇晒~
枱仔得幾張，但勝在裝飾幾有心思，幾懷舊😚一坐低唔洗睇餐牌已經叫得😎
🥥椰子糊！！！🥥椰子糊 ($25+ $8)
本身椰子糊係熱食，但上枱時只係暖暖地，唔會好熱😗
睇媒體介紹，原來椰子糊由泰國椰絲、晚造糯米同冰糖製成，工序頗多😳

食落幾清新，淡淡嘅🥥椰子味，唔會好濃，又唔會好膩，真心唔錯😋
但食左兩啖，硬係覺得差少少野，見佢有清心丸，就額外加一份清心丸了😎
清心丸軟滑煙韌，幾得意，加埋落椰子糊，冇得頂👍最後埋單，一碗 $33，非常抵食😏
🍴食物特別又高質，💁‍♀️服務正正常常~
但唔係度度都有得食椰子糊，所以絕對會再來😚

今日去完沙頭角睇古跡，係粉嶺解散~
朋友話想食D特色野，行左過來聯和墟，見好多網友都推介呢間泰菜，所以來試下了😎

來到餐廳時係十二點九，所幸唔洗等位，可以直入~
餐廳佈置幾舒服，牆上有壁畫，都有D小擺設😚

坐低睇睇餐牌，諗唔到食乜😂
但見好多網友推介🐷脆豬飯，ok，就試試佢😎
朋友就叫左🐮牛肉船湯粉~🐷泰式脆豬飯 ($58)
本身落單時staff話要等十五分鐘左右，
點知好快就同船麵一齊出😎

🐷脆豬新鮮炸起，卜卜脆😍
🐷豬肉肥瘦度適中，食落好夠味~
如果食多幾件覺得膩，都可以點佢個汁，酸酸甜甜少辣，幾好送飯😋
食緊已經哇哇聲，好有驚喜，唔怪知網友會推介😂

本身唔太肚餓，同埋天氣熱，所以叫左少飯~🐮牛肉船湯粉 ($55)
一上枱，朋友已經覺得份量幾足~
🐮牛丸、牛腩、牛柏葉舖滿金邊粉面~
我試左少少，牛腩幾淋，有牛味😍
湯底甜甜地，幾好飲😍☕️泰式奶茶 ($18)、🍋鹹檸七 ($18)
星期一至五飲品可以加錢叫，
但星期六日、公眾假期得散叫😢

我自己飲🍋鹹檸七~
上枱時係一杯冰底同一罐唔凍嘅七喜，自己倒落杯~
鹹檸七一飲已經好夠鹹檸味，唔洗自己再篤👍
同埋見到杯面好多檸檬粒😂最後兩位埋單 $149，價錢幾正常~
🍴食物好有驚喜😍
💁‍♀️服務正正常常，冇乜特別😂
由食緊期間，到埋完單出餐廳，一路都聽到有客問仲有冇🐔海南雞飯、🐷脆豬飯😳
有機會真係要再來😏

上次來食過一次，覺得秘魯菜有特色得來又幾好食~
所以今次同朋友食飯，就諗起佢了😎
本身book左枱夜晚七點鐘食飯，book枱時唔見有用餐時間限制，
以為正常都起碼有90分鐘用餐時間，點知晏就confirm booking時先話得一個鐘🤷‍♀️

問過朋友，佢地ok，但因為遲左到，所以七點三先入座~
餐廳已經坐滿人😳
餐廳裝修得幾有特色，牆有幅秘魯畫~
不過座位同座位間，好逼🤦‍♀️

一坐低，因為時間限制，所以拿拿臨叫野😂
叫左🐔燒烤醬雞翼、🐮秘魯特色牛肉餡餅、🐔半隻招牌秘魯烤雞同🌽2杯紫粟米汁~🐔燒烤醬雞翼 ($80)
呢個係我最滿意嘅菜~
雞翼皮好脆口，肉質依然嫩滑~
個汁酸酸甜甜，冇得輸👍
最後烤雞個D蕃薯都要點呢個汁食😂🐮秘魯特色牛肉餡餅 ($129)
上次來冇食過呢個，想試，所以今次叫左，點知大伏😢
餡餅一份兩件，入面包住牛肉，冇其他材料~
切開之後發現，點解一件啡色，一件一半啡色，一半焦黑色~
以為係秘魯特色，開頭都冇乜理……
點知同朋友咬有黑色餡個皮，硬到咬唔開🙄
再食黑色餡，覺得好似怪怪地……
就隱晦咁問staff個餡餅點整，點解會一個黑色一個啡色，
個staff只係話個餅係包好炸~
我地再問佢，會唔會係overcook，佢居然答我地冇，係正常嘅😡
但我地望一望隔離枱個碟，人地個餡都係啡色🙄
黑色個件最後冇食到，就咁擺左係自己個碟度……🐔半隻招牌秘魯烤雞 ($147)
呢個係必叫嘅，半隻烤雞跟兩個配菜~
我地揀左🍠蕃薯同🍚蒜香飯~
🐔烤雞半身已經有好足夠嘅香料味，
所以唔點佢個醬都得，反而覺得個醬有少少辣😂
雞皮幾香口，不過雞肉，今次覺得冇之前食咁滑😢

🍠蕃薯有三件，有兩件都唔夠淋，一件係蕃薯蓉~
蕃薯蓉好好食，反而另外兩件蕃薯因為唔夠淋，又冇乜🍯蜜糖點來食，有D乾爭爭😢
個🍚蒜香飯我冇食到，就唔評了😂🌽紫粟米汁 ($60)
一直對呢杯南美飲品好好奇，今次終於試😎
見餐牌寫住由紫粟米、菠蘿同香料製成，應該係自己可以接受嘅？！
點知飲落，好大浸肉桂味，酸酸地😳
可以接受，但唔算好飲🤷‍♀️最後埋單 $524，三個人食特色菜，呢個價錢好抵食！
但🍴食物上，感覺質素同我上次來食個陣比，略為差左……
同埋冇諗過個餡餅咁樣上枱，問起都死撐話正常，冇問題🤷‍♀️
💁‍♀️服務上，可圈可點……
事前book枱冇講用餐時間，用餐當日confirm booking先講……
所幸佢地見當時冇客，比我地繼續坐，冇趕我地走~
另外個餡餅有問題又要死撐😡
除左呢2樣野，落單、問野、上菜都好有效率，同埋幾好笑容……

但基於🐮餡餅呢個不愉快經歷，我覺得我已經冇想再帶fd來呢度嘅意欲🤷‍♀️

忽然好想食上海回鍋肉，搵左一輪，見幾個網友都話呢度幾抵食，就即管試下😎

來到餐廳時剛好七點三，餐廳坐到半滿~
餐廳佈置簡單，幾光猛👍
不過D姐姐鬧緊交，好嘈😖

是但搵個位坐低就即刻睇客飯menu~
其實餐廳有其他湯麵、炒年糕餐，5x-6x蚊，不過自己想食小菜，就冇叫了😂🐷鮮肉小籠包 ($48)
見餐廳牆身貼左個銷量榜，呢個係餐廳銷量第一，見到咁，即刻試😎
小籠包一籠5隻~
包皮有D厚，但肉餡幾大粒，
同埋包入面好多湯，湯幾清👍🐷回鍋肉 + 菜飯 ($82)
回鍋肉好大碟😳
豬肉片好多，仲多過椰菜😳
仲有D辣椒、豆乾一齊炒~
食落味道幾好，唔會太油，都唔辣，送飯一流！

客飯餐會跟一個飯或者菜飯~
菜飯份量適中，但菜粒比較少😢
朋友話食到有牛油味，但我又唔多覺🤦‍♀️🐟銀芽炒鱔糊 ($110)
又係上枱個陣嚇一嚇😂
係人都知鱔貴，冇諗過鱔糊都咁大碟😳
鱔嘅份量好多，食極都仲有😂
芽菜爽脆，成個鱔糊味道香濃，送飯一流~🥤可樂、🥛豆漿
🥛豆漿唔會太凍👍
不過無論係豆味定甜味，味道都比較淡😢最後埋單 $240~
食物質素唔錯，大碟又好食👍
不過服務就麻麻😑
除左一開頭兩個姐姐鬧交，嘈住食客外🤷‍♀️
我地落完單想再加單，姐姐又叫我地搵返原先幫我地落單果個……
同埋見有幾枱客都話落錯單……

之前經過幾次都冇乜留意呢間印度野；
上次行過，停低見餐廳冇乜人，但睇一睇個餐牌，二人餐 $160，幾抵，就mark左要試一次😂

去到餐廳係七點三，餐廳得兩個人等緊外賣，冇堂食客😳
餐廳設計簡單，有個電視，有幾幅印度畫，不過燈光較暗🤦‍♀️一坐低，睇一睇兩人餐個menu，即刻落單😎
個二人餐真係好抵食，$158，加一另計，包小食、燒雞、咖哩、烤餅同飲品~
落單個陣，姐姐講廣東話，仲要幾溫柔👍落完單無耐，好快就上左Papadum同Samosa~
Papadum係右邊淺色個隻~
佢個papadum幾好食，脆得來，胡椒味唔會好重😎

🥔Samosa就係印度咖哩角，入面包左薯蓉、青豆~
一上枱熱辣辣~
外皮脆得來唔會硬，入面嘅薯蓉好好食😋

跟呢兩樣一齊上嘅有薄荷醬同紅色似羅望子醬？！
紅色醬微酸，用來點Papadum同Samosa都好好食👍🐔Tandoori Chicken
燒雞，呢個我本身麻麻地鍾意食~
因為係出面食親都好乾😞

今次呢個一份三件，有一件係比較乾嘅，
另外兩件唔算好乾，都可以，同埋幾夠味~🥘Gosht Masala、Baingan Bharta
咖哩羊幾重羊味，唔會韌~
個咖哩唔辣，用來點naan食幾好~
羊肉份量以呢個價錢計，都算多~

Baingan Bharta
咖哩薯仔椰菜花，呢個真係第一次食😂
冇乜咖哩汁，得底少少，都係唔辣~
🥦椰菜花竟然好食過薯仔😳
🥔D薯仔質感似🍅蕃茄薯仔湯個隻質地🤷‍♀️

Naan，會跟一份原味嘅~
佢份naan熱辣辣得來，唔會好乾爭爭，幾軟熟👍
不過如果有得加錢轉其他naan就perfect啦😏Garlic Naan ($19)
因為想食其他naan，所以額外叫左一份garlic naan~
一上枱個下覺得勁香勁吸引，滿滿嘅蒜蓉香😍
外邊脆脆地，入面好軟熟😎🥭Mango Lassi、🥤可樂
Mango Lassi係個餐包左，唔洗額外加錢嘅~
幾清新，淡淡嘅🥭芒果乳酪味~
如果可以濃少少就好了……

🥤可樂就正正常常~最後埋單 $195，感覺幾抵食~
食物唔錯，比我預期中好😂
服務都正正常常，上菜又上得快👍

行完圍方，發現入面D餐廳多人得來，價錢又唔大眾化之後，就急急腳行返出來搵野食🤦‍♀️
大圍火車站對面成條街都係餐廳，本身屬意越南野，但見好多人，唔知要等幾耐😢
等等下，見隔離日本餐廳唔洗等位，抱著可能中伏（？！）嘅心態入去，點知好有驚喜😂

入到餐廳大概係七點半左右，咁o岩有卡位坐😎
但感覺餐廳比較細，枱同枱之間冇乜空位，中間就係走廊~

夜晚唔覺有set，全部都係散叫嘅~
我地叫左🍣火焰醬油三文魚壽司、🐔餃子雞翼、🐟西京燒比目魚、🐟鰻魚炒飯同🍲自家製叉燒拉麵~🍣火焰醬油三文魚壽司 ($10/ 2件)
呢個係食食下野見到有個廚師推介牌仔，見幾抵就叫了😂
10蚊2件，三文魚仲要燒過，爭鮮都做唔到呢個價😎

🍣壽司一上枱，不得了😳😳😳
🐟三文魚大大件，仲要係魚腩位，油脂豐富😍
好夠味，唔洗再點wasabi豉油👍
性價比極高，所以食完追加多一碟😏🐔餃子雞翼 ($38)
呢個相對其他幾樣食物遜色😢
味道唔會好濃，但只食得出薑味🤷‍♀️
同埋內餡只得肉，冇其他料，感覺一般~🐟西京燒比目魚 ($88)
個魚上枱已經覺得燒得唔錯😋
外皮香口，肉質好滑~
食落好夠味，又唔會好鹹👍🐟鰻魚炒飯 ($72)
一開頭睇個碗，覺得份量有D少😂
結果食完又覺得份量o岩o岩好~

鰻魚大粒，又唔腥😍
有D甘筍粒、蛋、蔥花~
除左有幾粒飯粒冇鰻魚汁，白雪雪，整體炒得都幾均勻~🍲自家製叉燒拉麵 ($65)
🐷叉燒有4塊，有D肥肉，唔會乾柴~
🥚隻蛋煮得熟左D🤦‍♀️
仲有D海帶、粟米同芽菜~
拉麵麵質有咬口，不過豬骨湯底略嫌唔夠濃😢最後埋單連加一，總共 $311~
食物整體唔錯，特別係🍣火焰醬油三文魚壽司同🐟西京燒比目魚😎
服務就正正常常~

未攞米芝蓮推介之前已經想試，不過地方太隔涉😢
攞左米芝蓮必比登推介之後更加想試😂
襯今日係銅鑼灣返學，就來了🙈

餐廳係炮台山AIA後面，餐廳顏色都好sharp，好易搵~
去到餐廳係六點鐘，餐廳居然冇乜人😳入到去，發現餐廳佈置都幾簡單~
一入去係收銀同水吧，兩邊係枱凳，最後係廚房~我地是但揀左個位就坐低，用qr code落單，不過枱都有餐牌~
而且本餐牌幾colourful👍

另外，如果要💧水的話，要出去自助水站自己斟水~🐟炸魚無薯條 ($30)
呢個係我會來呢度嘅最大原因😂
個「薯條」其實係魚肉來，食落好煙韌，份量都幾多😍
佢有五隻醬俾你揀一松露醬、蟹皇醬、雙子醬（明太子、蟹子）、山椒醬、他他醬~
我地揀左🦀蟹皇醬，不過個醬蟹味唔多出，食落似他他醬多D😅🍘年糕 (免費)
呢個年糕係唔洗錢嘅😂
單純見到佢個膠屏風貼住張紙話like佢社交平台就有個年糕送，個promote仲做緊，即like😎
一份2塊，幾大塊😳
見佢係沾左🥚蛋漿先煎嘅，食落甜甜地，不過我唔係咁鍾意 🙈🦐蝦頭油炸蝦球魚麵撈 ($72)
🦐炸蝦球幾煙韌，不過感覺有D似魚蛋😂
蝦頭油魚麵上面有D紅蝦仔😳
第一次食魚麵，質素好煙韌，微微嘅蝦頭油，唔會好重，感覺唔錯😋
佢仲有🍅蕃茄、🧅洋蔥粒俾你解膩👍🍜我要自由點2.0 ($91)
呢個即係車仔麵，自己揀料、湯同麵😎
餸方面，我地揀左🐟魚肉春卷、🐟黃金魚餅、🥦冬菇、🐔雞扒、🐟炸魚皮~
🐟魚肉春卷同黃金魚餅都只係一般般，冇乜特別🤦‍♀️
🐟魚肉春卷仲覺得有D硬……
🥦冬菇幾腍👍
🐔雞扒大塊又幾夠味~
最有驚喜係🐟炸魚皮，份量幾多，而且好酥脆，唔會硬，唔會好鹹，正👍👍👍
🐟湯揀左白雪雪魚湯，但又唔覺好有魚味🤷‍♀️
爽彈魚麵都係好彈牙😋🍹凍奶茶 (+ $9)
多奶少甜少冰，茶味幾濃，但唔會削，唔錯~最後埋單 $193，冇加一~
🍴食物幾特別，可以來試下~
💁‍♀️服務正正常常~

早排見呢個焦糖千層撻爆紅，都有D想試~
但見好似唔係咁易買到，就諗住遲下先，
點知今日比我買得到，不過食完感覺完全唔值🤦‍♀️

係一點五十幾分個陣經過舖頭，見佢牌仔寫千層撻兩點鐘出爐，
諗住都係等多幾分鐘就有撻，就入舖頭睇睇~
點知見到收銀隔離仲有一盤仔，大概十幾個千層撻😳
見買完都唔係即刻食，所以唔等新鮮出爐，就買左3個~
如果想要新鮮出爐，就要係十二點、兩點，或者四點來了~🥧拿破崙焦糖千層撻 ($23)
擺到夜晚先食，賣相🌺花花形咁，係幾靚嘅~
酥皮幾鬆脆，不過好乾，咬完一啖已經想飲水🤦‍♀️
內餡係薄薄嘅🥚蛋漿，唔多食得出🥚蛋味😑
反而焦糖味好夠，仲甜到有D膩😅同朋友食完，大家都覺得 $23呢個價唔值🤦‍♀️
大家不約而同諗起bakehouse個蛋撻，完勝呢個九條街😂

之前見到網媒介紹嘅🍎蘋果西多士，蘋果粒爆滿，好吸睛😳
一直都想來，但奈何時間唔o岩，今日終於同朋友來到打卡了😍

cafe地址係中環閣麟街48號地舖~
但係有少少隱蔽，開頭以為係地舖，點知原來落左半層😂
餐廳設計透明，一眼睇晒~

來到餐廳時係四點鐘左右，前面有對情侶排緊隊~
室內坐滿晒人，室外有一兩張枱仔係空嘅~
抱著唔知室內位要等幾耐，食完就走，唔會留得耐嘅心態下，就坐室外了~
不過今日天氣又熱又焗🥵，所以坐出面都唔係好舒服😢
同埋枱仔好細張，放兩碟野已經覺得好勉強🤦‍♀️

🍩Old Fashioned Donuts ($30)
呢個係朋友叫嘅，一開頭完全冇頭緒點old fashioned法😂
直至來到，先發現係冬甩加左糖漿~
目測好甜，食第一啖都覺得好甜，
但食食下又覺得幾好食🙈🍎Salted Caramel Apple French Toast ($65)
呢個西多係來呢度嘅目的~
但對比網媒影出來嘅爆餡，我地嘅只係普普通通，略為有少少失望😢

賣相幾靚，西多上面有一小粒🧈牛油同🍯焦糖糖漿~
🍎蘋果份量正常，冇話特別多，切開食個陣有D位食唔到蘋果粒😥
但蘋果餡，味道感覺似食緊蘋果批咁😚
西多幾軟熟，食晒半個都唔會好甜好膩，感覺唔錯~🍓Strawberry Cheesecake Latte ($50)
呢杯野打卡一流，上層粉紅，下層啡，幾靚😎
粉紅色係🍓士多啤梨cream，感覺有D似奶昔，都食得出士多啤梨粒~
但唔知同cheesecake有乜關係😂
下面咖啡底，有少少苦，配埋士多啤梨cream飲，唔錯~最後埋單 $145，以中環來講，價錢算幾貼地~
🍴食物來講，大致都唔錯~
但來食蘋果西多的話，千祈唔好期望蘋果會爆餡，如果唔係你會失望😂

💁‍♀️服務方面，感覺唔到有乜服務可言😅
買完食物，staff會俾個牌仔，放係枱面，佢地就會攞食物俾我地~
但我見張枱細，食完冬甩，遞隻碟俾staff想佢收走，佢有收走嘅，但感覺有D唔情願咁😑

同學介紹過呢間D鍋貼好抵食，上一次食過，真心覺得超平靚正😳
今次又係附近返學，一放低過袋就即刻來了😎

來到舖頭係六點半度，門口已經有D人圍住😳上次食燒賣、鍋貼，係用雞皮紙袋仔裝，影相唔多方便😞
今次因為想要個盒仔，就叫左一份🥟生煎鍋貼、一份🐷生煎包了~
但鍋貼同生煎包都o岩o岩賣晒，所以要等佢再煎過，staff都有講明話要等，問我o唔ok~係等緊嘅期間，見到門口都貼左幾張報導😳
冇諗過呢間舖都有D名氣😂大概等左十至十五分鐘左右，生煎包同鍋貼就得了~🐷生煎包、🥟生煎鍋貼 (每份 $12 - 3隻)
買完返課室出面食仲好熱辣辣😍
🥟鍋貼大大隻，外皮香脆~
肉餡大粒，又多菜👍
不過覺得鍋貼底有少少燶😢

🐷生煎包會跟一小包醋~
包皮比較厚身，肉餡份量都ok😊
點醋食，減左D油膩感~
自己感覺鍋貼比生煎包出色😂
但 $12蚊3件呢個價錢，真係好抵😎