成日約朋友食飯都簡旺角最方便大家，呢間勁近MTR好方便，一分鐘就到，環境好好大家記得要book位呀！呢間係手工墨西哥料理，超推介墨西哥夾餅同pizza，好好味價錢又合理！下次想試下意粉同小食，見好多枱都食賣相好靚！😚 🌮肉墨西哥夾餅 Chicken Tacos $188 暖暖夾餅好脆，表面有生蕃茄粒同牛油果蓉，好新鮮好食，雞肉份量多仲有用醬汁煮過，好香好滑，外脆內軟口感好好呀，必食！ 🍕格麗塔手工披薩 Margherita Pizza $118 超好味既薄脆pizza！超薄超脆，餅底微甜再配大量芝士，超好味，上面既蕃茄勁新鮮，呢個一定一定要食 🥩眼牛扒 Rib-eye Steak $328 食完兩款好好味既食物，呢款感覺有小小普通，薯條好出色，兩款醬點牛都好味，蒜頭好香好食，但牛扒就一般，建議試其他主菜啦！

好耐冇食小籠包啦！呢昌坐得舒服好岩同屋企人黎食，咕嚕肉係全晚最出色，一定要食呀！😚 🐥 雞絲粉皮 $88 麻醬勁香，粉皮好滑份量多，雞絲唔多但唔乾，愈食愈開胃好正呀 🐷黑醋金薯咕嚕肉 $188 全晚最好味呀！咕嚕肉超好食，用左黑醋味道再濃郁，咕嚕肉炸皮薄但超脆，淋左醬汁食到最尾都係脆卜卜，入面肉質好juicy！必食 🥚賽螃蟹 $148 蛋好滑，但其他更加出色，可試其他！ 🥟招牌小籠包 $68 超多汁，肉質唔會死實實，好味，皮唔係薄但都好味 🥟經典上海生煎 $72 麵包底煎得好香脆！肉質用小籠包一樣好味，不過入面就冇咩汁

通菜街好多好野食，經過見呢間環境幾有feel就試下，二人餐價錢合理，有前菜，主食，小食同飲品，味道樣樣都好，仲要冇味精一D都唔口乾好正呀！最推介蝦餅同船麵，好高質素！ 晚市2人套餐 $398 🐷涼拌酸辣札肉 超大碟既前菜，札肉微酸辣好開胃，沙律好新鮮好味道 🦐泰式手打蝦餅 (3件) 蝦餅同平時食既好唔一樣，超脆一D都唔油，好好味，入面既蝦又好彈好好食，必食呀 🐮招牌燒牛肩胛肉 +$30 肉味香，仲帶有粉紅色， 肉質軟好味 🍜Ann Mama船麵 (牛) +$30 呢個好好味，湯底好濃郁好香肉味，大量肥牛同牛丸，肥牛非常出色，河粉好滑，如果河粉份量再多D就正啦 🍹戀暖青檸蜜 +$8 🍹青檸梳打 $12 飲品正常發揮，好適合食泰國菜

今次係第3次黎食啦，之前食中午覺得好味，今次係第一次試夜晚！主菜好好味！小食之前食過一樣咁出色，又坐得舒服好推介大家黎食呀，喇沙意大利飯勁好味呀，仲有必食炸物，好香脆又唔油，食完成餐完全唔口乾，推介！❤️ 🍛Laksa Seafood Risotto $158 好香好好味，飯粒充滿喇沙醬汁，香香辣辣，份量多，仲有3隻蝦同1隻帶子，海鮮煎得好味，同意大利飯超夾呀，食完好想再食呀！呢個必食！ 🍔Angus Beef Burger $158 Burger 麵包微熱好香牛油味，牛肉Juicy好香牛味，煙肉煎到脆卜卜，加埋芝士同菜一流，仲有好多薯條，新鮮配左辣粉好惹味 🍟Snack Platter $138 好多款小食唔知叫咩好，食小食拼盤就最岩啦，拼盤有薯條，雞翼，春卷同魚餅，全部都好好味，香脆新鮮又唔油 🍹Mocktail $78 兩杯都好靚，Andromeda好香蘋果味，Lyra重荔枝味，各有特色

牛大人好出名，想食好耐啦！去到都好多人食，好有氣氛！食物質素真係好高，好新解又多選擇，出面自助區仲有多款丸類，餃子同菜，鯇魚，鯛魚都好新鮮好味，依家仲做緊夢王推廣，有溏心蛋，布丁同珍珠奶茶好正呀，除左食物，飲品都好正，我地簡左台灣鳳梨雞鍋，雞味好香就咁飲都唔錯呀。呢個值錢質素真係好好，一定會再黎食！😍 極上和牛吃到飽 $328 🐮澳洲和牛牛丸 (免費2粒) 好彈牙又新鮮，和牛真係特別香牛肉味 🥚醬油溏心夢王蛋 (免費1客) 用夢王蛋整既溏心蛋真係特別香，入味又夠溏心好味 🐮澳洲和牛M5牛肩卷 最推介係呢個，牛肉味濃又淋，我地食左好多碟呀 🧃鴨屎香檸檬茶 檸檬茶真係有好多檸檬肉，茶底又香 🍮夢王布丁 食左咁豐富既菜同肉，食個布丁做甜品一流，好滑好香蛋味

出街成日好想試其他國家菜式，因為係屋企真係完全煮唔到呀，呢間價錢好合理份量又大，兩個人食到超飽飽叫埋飲品先 $500，環境好舒服，值得一試！店員仲識小小中文，好親切！🥰 🐥醬燒雞肉 Hariyali Chicken $108 呢款用香料醃成既雞肉，用鐵板上桌特別好味，肉唔乾仲好滑，唔辣岩哂怕辣既朋友仔 🐥牛油雞肉 Butter Chicken $112 每次食印度菜必食！醬汁超適合沾烤餅食，有小小辣，雞肉多又入味，愈食愈過癮，醬汁都比較多，足夠叫兩份烤餅沾黎食 🫓蒜蓉烤餅 Garlic Naan $32 蒜蓉唔算好濃，但餅底烤到好脆 🫓芝士烤餅 Cheese Naan $44 芝士味超出色，入面有厚厚拉絲芝士，仲可以中和咖哩既辣味正 🥔炸薯餅 Potato Cake $88 薯餅中間充滿印度香料，徵辣好香好好食，仲可以沾兩款醬汁，不過就咁食都好正啦 🍹芒果乳酪 Lassi $39 芒果汁帶乳酪味，好岩食辣野飲，酸酸甜甜好味

上網見到呢間餐廳吉列千層豚肉好吸引，芝士流哂出黎好正，我地去到就叫左個三重芝士既吉列千層豚肉，呢個好出色！稻亭烏冬都有驚喜，和牛好味但價錢略高，下次想試下其他炸物，見到評價都高呀，環境坐得舒服，比較暗如果影人就難小小，但食物值得再黎食呀！😍 🐷吉列千層豚肉 (三重芝士) $238 吉列豬扒食得多，呢款入面係疊左幾塊五花肉同大量芝士，食落特別鬆軟！炸粉好薄超脆好味，必食！ 🥚薘松玉子 $108 玉子好長偏薄，但味道非常好，入面仲有芝士，蛋好滑，配埋類似小丸子既醬汁係面好夾好好食 🍜冷稻亭烏冬 $78 超級凍既冷烏冬，烏冬係幼身，夠凍令口感更好 🐮申子海膽和牛燒 $378 成餐飯既重頭戲，今晚想食好小小，叫左個和牛食，雪花好靚，和牛有小小厚度，上桌再燒，入面有蛋黃同飯，配埋醬汁好正，和牛味濃又香，如果價錢再親民D就正啦

睇完韓劇好想試下韓國粥！上網見呢間係韓國廚師感覺會好地道同正宗，果然冇簡錯，試左3款野食，推介大家試下韓國粥同餃子，就算夏天食韓國粥都一樣好好味呀！😍😍下次想試下其他煎餃🤤豚肉都好吸引呀🤤 🍛釜山特色泡菜粥 $118 粥底同港式好唔一樣，好軟綿綿，入面仲有好多配料，有翠玉瓜，泡菜，章魚，有泡菜味道提升左成個粥，食完成個勁飽 🥟煎韓牛餃子 $82 餃子煎得好香脆！入面超足料，啖啖牛肉，牛味香濃入面仲有肉汁，真係想叫多碟好好味呀！ 🍜韓式牛肉烏冬 $118 牛肉好惹味，如果鍾意食清淡朋友仔未必岩，烏冬唔錯！

呢間一直好想試但成日經過都冇位，今次預先book左位，終於食到啦！見幾乎個個都叫蛋漿熔岩炒飯，我地想試左真係好濃芝士好正，仲有openrice好多人介紹炸雞好味，蜜糖牛油味甜甜地好味，炸雞又炸得好食，呢個值得再回頭，同埋份量好大，其實叫兩樣野食都夠3個人食哈哈！但真係記住要book位呀！😚 🧀雞肉蛋漿熔岩炒飯 $188 滿滿既芝士勁吸引，店員係我地面前再用火槍燒香芝士同蛋漿，撈左個飯超好食，好濃芝士味，2-3個人食唔會咁易膩，見好多人叫泡菜味，可能仲好味！ 🐥蜜糖牛油炸雞 $228 超大盤炸雞，炸雞大大件好香脆，我地叫左有骨，成日覺得有骨更有肉味更好食，入面有雞翼，雞鎚，啖啖肉又好juicy，炸雞下面仲有超多薯條，粗薯條好好食，呢個價錢咁大份真係抵食！下次試下蒜蓉味先

朋友要OT要係公司附近食，佢話呢個food court好正，咁岩見到呢間之前係將軍澳食過唔錯，呢個food court同平時好唔同，坐得好舒服，位置好闊！好乾淨，食完好快有人黎執野，朋友係呢附近返工好正，好多好野食，冬陰功湯麵同飲品最出色，要再黎食啦！🤤🤤 🍜Tom Yum Noodle Soup - Chicken $78 酸酸辣辣既冬陰功真係好正，呢碗唔會好辣，食得好過癮，金邊粉吸哂冬陰功既精華，真係好想再食多電，雞肉好滑份量多，好多啖麵都食到肉，食完仲飲埋個湯好正，呢個價錢又平，好推薦！ 🍚Thai Hainanese Chicken Rice $88 食完冬陰功呢個有D普通，雞肉份量多但有小小乾，大家都係試冬陰功啦！ 🐷Grilled Pork Neck $88 豬頸肉本身都好入味，就咁食都好好食，份量又多，呢個推薦！ 🦐Shrimp Cake (2pcs) +$38 蝦餅新鮮炸實好食！係價錢貴左小小 🥭Mango Sticky Rice +$48 芒果同上次係將軍澳食既一樣咁甜呀！勁好味，飯都好好味，做飯後甜品一流呀 🍹Thai Lemon Tea +$20 茶底真係有泰式味道，甜度好好似平日飲品既小甜 🍹Lime Soda +＄35 好好飲，有D似有氣既Lemonade，雖然價錢唔平，但咁大杯都抵呀！