剌身拼盤 x 120分鐘晚市火鍋放題 $328/1位 🔶刺身排盤一客 (2位用) 三文魚4切，八瓜魚4切，帆立貝4切，磯煮鮑魚2只，榮螺4只，赤蝦4只三文魚厚切新鮮肥美；八瓜魚爽口彈牙唔韌；鮑魚好入味味道清甜 🌟 評分: 7/10 🔶豚骨湯底+ 番茄湯底 (一人鍋) 湯底一共有八款提供，提供日本名物湯底同香港限定 🔶120分鐘無限量供應： 肉類包括澳洲種穀飼和牛，美國牛板腱，美國SRF極黑牛，美國精選牛肉 ，西班牙栗豚。 每一款牛肉既肉嘅紋理清𥇦，有雪花紋，去除咗多餘既油脂，全部都切到好大片，每一轉order既牛肉都保持到一樣既質素，個人比較推薦澳洲種穀飼和牛。 西班牙栗豚香港火鍋放提店比較少有，比一般嘅豬肉肉質比較爽口，肉味比較濃。 🌟 評分: 8/10 🔶甜品 除咗本地既雪糕品牌 仲有日韓唔同既雪糕甜品可以叫，同埋出面仲有啲自家製嘅撻類，同埋乳酪。 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍 旬彩火鍋 (九龍灣) 九龍灣宏照道38號企業廣場5期MegaBox 10樓5號舖

1. 日本滑蛋牛丼丼 $76 牛肉份量好多，牛肉都好香好腍，配埋滑蛋，，半生熟蛋非常滑溜，多蛋汁浸透到蛋飯層，味醂既甜同滑溜既蛋加埋圓渾日本米非常好食。 🌟 評分: 8/10 2. 星嵐雞肉咖喱湯鳥冬 $98 湯底濃味，系甜咖喱汁，滿滿咖喱汁掛住烏冬一流，烏冬彈牙有咬口，仲好掛汁，而雞肉嫩滑好有雞味，而且一個隔離執做到食完都唔會覺得太膩同埋口渴。 🌟 評分: 8/10 🎖️整體評分🎖️ ❤️ 味道: 8/10 🧡 環境: 8/10 💛 服務: 9/10 💙 性價比: 8/10 📍星嵐 (天后) 天后清風街1A-1B號美城花園大廈地下KL-3號舖

餐廳嘅座位都幾闊落，所以坐耐咗都唔會唔舒服，而且枱與枱之間相隔得好開，就算出去拎嘢都唔會撞到隔離；而出面有唔同類型嘅凍飲有汽水、冰泡茶、同埋涼茶；仲有熱櫃非常貼心，飲品都有好多種類，有維他奶同麥精，仲有紙包茶同涼茶。同埋依家仲每枱會送番薯條一客。 🔸湯底一共有18款口味，種類繁多，揀呿藥膳椰子雞涮涮鍋 椰子鍋椰子味突出，淥牛肉真係吸到椰子清甜味，而且入面仲有啲豆卜，同埋啲雞肉，豆卜一食落去爆曬啲湯汁，加上豆卜既甜味同椰子既清甜好夾，每一啖都係湯既精華。入面仲有好多雞件，啲雞肉非常之滑，而且肉質彈牙，連雞皮都好嫩，啲雞都好大舊下，有唔同部位。 🔸套餐B （7:30pm前離座 $327/正常$408/9:00後$347） 極級Prime Grade安格斯牛頸脊、西班牙伊比利亞黑毛豬、Prime Grade美國安格斯牛肉，同埋西班牙無激素豬肉片任食，成日主力就係食呢幾款牛肉，推薦呢個套餐，性價比最高。 Prime Grade美國安格斯牛肉好大片，而且睇落都好靚，有脂肪紋絡，牛味香濃，肉質比較有咬口。 極級Prime Grade安格斯牛頸脊仲更加重牛味，而肉質比普通Prime Grade嫩少少。 西班牙無激素豬肉片偏瘦但唔鞋，而食落冇乜豬騷味，有咬口。 西班牙伊比利亞黑毛豬偏肥，冇豬騷味，口感鮮嫩，食到豬既油脂既香味，肥而不膩。 🌟 評分: 8/10 🔸丸/滑類有12款 揀咗手工三寶，同埋手工黑松露墨魚滑。三寶有豬肉丸、牛丸同埋墨魚丸；手工黑松露墨魚滑食落好香濃黑松露味，墨魚滑好彈牙。 🌟 評分: 7/10 🔸火鍋配料類 叫咗芝士包同響鈴芝士包實物比圖片靚，入面係好香濃既芝士，仲要係流心。響鈴正常。 🌟 評分: 7/10 🔸甜品 每人都會送Häagen-Dazs/Movenpick雪糕一個。 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍馬祖無限時台灣養生涮涮鍋 (旺角) 旺角彌敦道628號瓊華中心11樓

1. 黑白雞 (海南雞＋醬油雞) 配油飯 雞雜冬瓜湯 海南雞已經去咗骨啖啖肉，雞肉好鮮嫩，而且好有雞油香，雞皮好爽口。冬瓜湯好清甜，湯入面有雞雜，雞雜食落好爽口，冇怪味；醬油雞雞皮既醬汁已經好入味，連雞肉都食到少少醬油香味，可以唔洗點任何醬汁，今日本身已經好惹味，即使醃咗咁耐醬油，雞肉依然都係咁嫩。 🌟 評分: 8/10 2. 叉燒飯 配油飯 魚札湯 每一嚿都好厚切，而且食落口有炭燒既香味，肥瘦均勻，肉質好鬆軟，好有黑豉油味，叉燒係半肥瘦，同埋焦邊；油飯好香雞油同炸蒜味，可以揀多飯同少飯。魚丸湯魚丸好彈牙，湯好清甜。 🌟 評分: 7/10 3. 小食拼盤（雞翼、泰式魚餅、脆炸鳳尾蝦春卷、豬肉串) 雞翼：炸到香脆可口，但係雞翼仲喺保持到有肉汁，而且唔鞋；魚餅：炸到好香脆，入面有好多芫荽，啖啖魚肉，配上泰式辣醬甜甜辣辣好惹味；脆炸鳳尾蝦春卷：入面有滿滿嘅蝦肉，蟹肉好鮮甜彈牙，而且春卷皮好薄，食落好滿足；豬肉串：係將豬肉整成腸，豬肉好香有肉汁。 🌟 評分: 8/10 4. 咖央油條配薄荷朱古力雪糕 咖央將方包改為油炸鬼，油條中間查咗好多咖央醬，估唔到油條同咖央係咁夾，比普通咖央多咗浸油味同埋更加脆，配上薄荷雪糕雪糕食，一冷一熱好特別，而薄荷雪糕同咖央醬好夾。 🌟 評分: 8/10 5. 開心果椰子奶昔 奶昔飲落好香椰子味，好似飲緊好濃郁嘅椰奶，仲飲到打到好碎咗冰粒，估唔到椰子動開心果係咁夾，飲到底好香開心果味，整體杯奶昔好有層次。 🌟 評分: 8/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍蘇山雞飯 (長沙灣) 長沙灣元州街411號義華大廈地舖 #hkoverfood_長沙灣

1. 自家製叉燒日本滑蛋飯 $62 蛋同叉燒既份量都好多，舖滿成個飯，滑蛋用左4.3牛奶去炒，入口非常嫩滑，好香香既奶味同蛋味；叉燒方面不過不失唔會鞋，同埋都幾腍同香，加埋香蔥同秘制甜豉油，令成個味道更豐富。 🌟 評分: 8/10 2. 自家製叉燒鮮忌廉豬骨湯意粉 配4.3牛奶炒日本滑蛋 鮮牛油多士 $56 意粉彈牙，唔會好似出面啲湯意粉一夾就散，而且湯底豬骨味好香濃，有啲感覺似係拉麵湯底；滑蛋好滑，有好多蛋汁，而且食落都好香蛋味，多士烘到好脆，上面仲加咗牛油去烘。 🌟 評分: 7/10 3. 熱茶走 🌟 評分: 8/10

1. 鐵板紐西蘭肉眼扒 (180g) $128 肉眼扒上枱熱辣辣滋滋聲，扒底下有6條粗既扭紋薯條，餐廳非常細心會燒汁另上，令到薯條冇俾醬汁整到腍曬，同時冇因為啲蒸氣搞到肉眼扒太熟；肉眼扒大約7成熟，好香牛味，而且比出面嘅鐵板牛扒厚身，肉質正常，完全唔韌，而燒汁同牛扒好夾，吊起到牛味，令味道更有變化。 🌟評分: 7/10 2. 鐵板煎霜降一口牛 $68 入面有洋蔥同埋啲菇吸收晒成個醬汁，啲菇係呢個小食嘅精華，非常之啱餸飯一齊食，牛肉非常之腍，呢隻腍係自然係腍唔係用鬆肉粉個隻，牛味更加濃，食落有肉汁好惹味。 🌟評分: 8/10 3. 三色丼 - 三文魚·蟹籽·油甘魚 $138 三文魚非常之厚切，而且係近魚腩既部位，所以非常肥美，味道非常鮮甜；油甘魚亦都係厚切，口感鮮嫩，完全唔腥，而且又冇筋；蟹籽份量好多，每一啖都食到蟹籽嘅爽脆，令到啲飯增加左口感。 🌟評分: 8/10 4. 明太子海苔飯 $18 上面有好大啖明太子，配上海苔飯，食落鹹鹹香香，帶少少辣嘅後勁，飯粒粒分明。 🌟評分: 7/10 🎖️整體評分🎖️ ❤️ 味道: 7.5/10 🧡 環境: 8/10 💛 服務: 8/10 💙 性價比: 8/10 📍京都食堂 (將軍澳) 將軍澳康城路1號The LOHAS康城3樓319號舖 #hkoverfood_將軍澳

1. 黑毛和牛腹前小排 $248 黑毛和牛腹前小排油花好靚，油脂分布非常豐富，一咬就開，入口即化，食落多汁又有牛味。肉質嫩口而肉汁豐富，燒肉汁味道到位。 🌟 評分: 8/10 2. 黑毛豚脛肉 $88 有6片䐁脛肉為一碟，上面加上少少黑椒調味，食落冇豬騷味，肉質爽而不膩，有豬既油香。 🌟 評分: 7/10 3. 黑毛和牛上肋骨中肉 $198 牛上肋骨中肉 腌得好夠味，醬汁帶少少甜味，加上少少葱花中和返，牛味非常之濃，肉質鮮嫩好淋身，比其他燒肉店既牛肋條更高質素，暫時食過最好食之一，一咬爆曬啲肉汁，必叫之一。 🌟 評分: 9/10 4. 大判燒！黑毛和牛西冷 $178 必叫名物！黑毛和牛西冷有好靚既雪花紋，上面加咗啲醬汁甜甜地，中和和牛既油膩感，接近入口即溶既油脂感，牛味亦都夠重，醬汁吊起左牛既香味，食既時候要點埋溫泉蛋食，有啲似壽喜燒。 🌟 評分: 9/10 5. 黑毛和牛腹柳小排 $148 腹柳小排油花分佈均勻，雪花紋分佈好平均，表面加上一浸醬汁去燒，肉質軟嫩細膩，油脂香四溢。 🌟 評分: 8/10 6. KAKURA牛肉飯 $98 牛肉燒到好香，牛肉唔鞋唔乾，蘸上惹味醬汁燒製，味道濃郁。牛肉飯係用日本珍珠米，粒粒都好有咬口。啲醬汁同溫泉既蛋汁渗到飯裡，輕輕攪拌，讓人胃口大開。 🌟 評分: 7.5/10 7. 甜品 (贈送) 每位食客都會送上甜品一客，有杏仁豆腐配朱古力雪米糍/泡芙；杏仁豆腐好滑，甜度啱啱好，好香濃杏仁味；朱古力雪米糍既皮好煙韌，而且好薄，入面係好香濃既朱古力雪糕。 🌟 評分: 7.5/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍YAKINIKU KAKURA (Tower 535) (銅鑼灣) 銅鑼灣謝斐道535號Tower 535 1樓101-102號舖

1. 印度薄餅 (M) $159 呢個係一個印度加意大利既Fushion菜，上面有啲三色椒同埋烤雞，仲有啲沙律醬加上上面，個餅底係薄批焗得好香口，非常之鬆脆，啲材料既味道都好夾，成個味道好一體化。 🌟 評分: 8/10 2. 去骨牛油烤雞 $115 這款常見的經典印度菜，牛油味令醬汁變得更香更creamy，蕃茄的酸甜味道為菜式增添多重滋味，雞肉也很嫩滑。甜甜地但完全唔辣，而雞肉有好多件，全部都係好嫩滑。 🌟 評分: 8/10 3. 牛油烤餅 $28 牛油烤餅都幾大塊，熱辣辣上枱，餅皮厚薄適中，好香牛油味同酥脆,點加哩同埋香油雞個汁都係冇得頂。 🌟 評分: 8/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 8/10 📍Pizza Max Bistro (佐敦) 佐敦上海街22號地舖

1. 櫻花蝦味增拉麵 $88
拉麵入面有2片叉燒，叉燒好大片好腍有焦香味；䐁角煮好厚切，肥瘦均勻，有油香好入味；拉麵冇鹼水味，麵質地好彈牙；湯底方面好香濃味增味同蝦味，鹹度啱啱好。雞蛋有
一隻，而且好唐心。
🌟 評分: 8/10

2. 醬燒牛肉丼 $93
表面鋪滿牛肉同埋大量葱花，牛肉醃左醬油去燒，燒到表面少少焦香，食落甜甜鹹鹹好入味，啲米飯好軟熟，非常之惹味既丼飯。
🌟 評分: 8/10

3. 冷豆腐 $32
豆腐表面有好多京蔥絲，豆腐浸住係啲濃郁既鰹魚高湯到，豆腐炸到好香脆入面好嫩滑，豆腐吸滿滿高湯既清華。
🌟 評分: 8/10

4. 和風餃子 $38
大約有6隻，餃子皮好薄，入面係好飽滿肉餡，外皮煎到金黃色好香脆，配上和風汁好好味，唔需要沾醋已經好好食。
🌟 評分: 8/10

🎖️整體評分🎖️
❤️ 味道: 8/10
🧡 環境: 8/10
💛 服務: 8/10
💙 性價比: 8/10

📍幸屋 (灣仔)
灣仔機利臣街5-9A號維昌大廈地舖

餐廳有大量既唔同類型既Board Game 俾大家揀嚟玩，老闆仲會親自教大家點玩，同埋推薦遊戲俾大家；而座位方面都坐得舒服，非常之啱一班朋友約埋一齊食飯聚舊；不過由於餐廳位子有限，入嚟前需要預先打電話訂枱預約。 1. 韓式牛肋條 （套餐 $139） 牛肋條好腍，而且炆得好入味，份量有兩條；而飯方面整咗個鴨仔形，非常得意，飯粒好軟熟，可以伴上醬汁一齊食，飯入面仲有啲蘑菇。 🌟 評分: 7/10 2. 卡邦尼煙三文魚螺絲粉 （套餐 $139） 煙三文魚有三大片，食落好鹹香，卡邦尼汁包裹住每一粒既螺絲粉，螺絲粉口感偏腍，不過份量非常充易。 🌟 評分: 6/10 3. 芝士薯條 $62 呢個薯條個醬似係芝士同魚柳包個他他醬既秘制混合，有鹹香之餘又酸酸甜甜，味道濃郁惹味，又唔會覺得油膩，反而幾開胃，薯條口炸到金黃香脆，裡面口感綿密，配個醬食真係一流。 🌟 評分: 8/10 4. 芒果乳酸沙冰 （套餐 +$12） 芒果味好濃，飲落酸酸甜甜好開胃好清新，啲冰打到好綿密，而且份量好多，飲到最後都好濃芒果味。 🌟 評分: 8/10 5. 濃情朱古力 （套餐 +$12） 朱古力味好香濃，而且唔會話好甜。 🌟 評分: 6/10 🎖️整體評分🎖️ ❤️ 味道: 7/10 🧡 環境: 8/10 💛 服務: 8/10 💙 性價比: 8/10 📍 AnyMomentCafé (旺角) 旺角登打士街36號恆威商業中心9樓