位於沙田好運中心嘅Y Pasta🍝
店面裝修滿滿田園文青風，十分有格調
一排玻璃窗引入自然光，配合店內柔和嘅背景音樂，足以Chill住渡過一下午 
座位之間寬闊，櫈底有空間安放隨身物品，整體感覺好放鬆舒適❤️香濃野菌湯🥣
菇味濃郁，帶點香草味道點綴。
每啖入口都充滿野菌顆粒，口感順滑。QB明太子帆立貝意粉 $168
帆立貝表面燒至微焦，令鮮味濃縮在表面；咬落中心仍然保持肉質鮮嫩
明太子醬鮮味而微鹹，令意粉主體更有味道🤤純牛肉醬手製寬帶麵 $148
品嚐出手工意粉嘅特式美味，口感煙韌、微微彈牙。
寬帶麵面積較大，令口感更為豐富，亦都可以更好掛汁
茄汁肉醬只是配角但味道不錯焙茶栗子巴斯克芝士蛋糕 $25
焙茶味極之濃厚，頂層mousse口感柔滑，底層巴斯克芝士蛋糕結實而焦香。
栗子擠花偏甜，中和焙茶甘味，恰到好處。

想食西樹泡芙真係好方便
好多地鐵站都已經有分店😍
今次係沙田站同朋友路過一食🌸櫻花布丁泡芙 $33 期間限定口味，呼應日本櫻花季節❤️
櫻花朱古力裝飾十分精緻的骰，粉紅色糖霜點綴更有意境
櫻花布丁軟綿微甜，滲出淡淡櫻花味道🥭芒果乳酪泡芙 $32 大大粒芒果果肉，份量十足，芒果味爆燈
配合一貫好味嘅奶油、酥脆鬆化嘅泡芙，作為甜點十分不錯🍵抹茶紅豆泡芙 $29 提起抹茶令人聯想起日本宇治
抹茶奶油食落充滿甘與茶澀，好有傳統抹茶嘅感覺
紅豆＆奶油甜甜地，可以中和返抹茶嘅甘味

第一次幫襯長發商場嘅魚眾不同酸菜魚🐟
店鋪入面都幾新淨光鮮，座位空間充足唔逼狹
平日晚市唔洗等位可以直接入座 今次試左一人份系列，有唔同主菜、湯底、配菜配搭，
主食可以選擇米線、白飯或薯粉。
價錢只係$70-80，相當抵食👍🏻 老壇酸菜湯鱸魚片$73
配料揀左豆腐皮、娃娃菜，另外加墨魚丸$15凍鴛鴦$7 鱸魚片口感軟滑，入口即溶，魚肉鮮味唔腥。
去骨處理得好，完全冇去漏魚骨。 老壇酸菜湯底微酸偏辣，豆腐皮同娃娃菜吸收到湯底精華，越食越開胃🤤
米線分開上，個人傾向撈埋落湯食，可以吸收多D湯汁嘅酸辣味
加左個個凍飲 幾啱解下辣🌶️ 麻辣濃湯鯛魚片 $73
配料揀左豆卜、金針菇，另外加牛丸$15凍奶茶$7
鯛魚片十分爽口，食落好有口感，肉質彈牙，魚片仲會連埋少少魚皮。
麻辣濃湯稠杰濃厚，表面鋪左少量辣椒、香蒜，食落香口酥麻
米飯口感尚可，相比之下唔適合伴湯食。 整體黎講，一人餐份量已經足以食到好飽🤤
魚肉片嫩滑冇骨，值得一試👍
環境闊落，位置坐得好舒服。
冇用餐時間嘅限制，可以慢慢食。
除左酸菜魚之外，仲有其他選擇例如水煮牛肉、打邊爐、小炒，下次會過再黎試其他菜式😋

食完晚飯之後想食甜品🍧，行出街口有兩三間甜品舖，但係都大排長龍。
見到呢間芋圓環境唔錯，感覺好似cafe，位置寬闊，所以就諗住入去試吓。
入到去店員幾熱情，同我哋介紹有咩食。
最後嗌左招牌仙草冰2號同3號，兩碗嘢都係仙草冰分別唔大，如果想試其他口味嘅話，店員推介試蔗糖挫冰同暖湯系列。
招牌2號既配料主要係薏仁、芋圓、芋頭球同珍珠。
每碗仙草冰都會附送一個奶油球，加完令到成碗芋圓賣相更加靚同埋入味。配料到算多，堆到個碗好滿。最欣賞係個芋頭球綿密，而且夠甜撈埋啲薏仁，最好食😋。
不過，個人認為芋圓可以再甜啲，單獨食芋圓嘅時候好似冇乜味，但整體嘅甜度都足夠既。 招牌3號配料主要係紅豆、芋圓、芋頭球同珍珠。
同招牌2號唯一唔同嘅地方就係多咗紅豆🙈，兩碗嘢嘅味道都差唔多，其實應該試吓其他口味。
不過紅豆整體嚟講比薏仁甜，都幾好食。
整體嚟講，份量都足夠，尤其是芋圓唔係剩係得幾粒，不過可以再甜啲。
下次食完飯想搵地方chill下都應該會再嚟，環境真係幾好。

夜媽媽係屯門碼頭附近想食宵夜，除左行去龍門居，近近地行去兆禧都唔錯。
呢間小店係兆禧食坊入面，無乜位坐。外賣會食得舒服啲，但野食質素好，全部都係即叫即整，熱辣辣😋
每個飯都包碗味噌湯，價錢都合理，下次經過應該都會再幫襯👍 鰻魚炒飯勁推，無諗過會有咁大塊鰻魚。
最驚喜係啲炒飯入面會有細鰻魚粒，將成個炒飯既層次上升。
個炒飯超邪惡，每啖都好入味，好似有少少芝士味。
不過一個人食曬既話到尾會有啲油膩，最好同人share食😚
洋蔥牛肉溫泉蛋飯
都好食既，不過無鰻魚飯咁驚喜。
牛肉汁同啲蛋汁撈埋飯食一流，加埋啲洋蔥腍腍地係不錯既。
個牛正常發揮，都幾有牛味😂。 每個飯包碗味噌湯，碗湯不過不失，唔係純用粉沖，都有啲配料嘅，食完鰻魚飯飲碗湯可以解下油膩。

Villa Villa位於唔多起眼嘅北角錦屏街後街，第一次幫趁都係因為有人介紹，試過之後發現真係幾好食，值得介紹俾人👍🏻

餐廳係足球主題⚽，牆身掛滿波衫＆足球精品。
餐廳入面嘅環境適合朋友聚餐聯誼，每枱空間充足，係背景音樂下傾偈都唔會騷擾到隔離枱。
如果人多的話建議預早Book定位。

Order 左個二人餐$398另加1，二人餐都幾抵食，入面嘅雙重芝士Pizza 同黃金炒薯條都係餐廳top 5餐點🤤🥣 🦞法式龍蝦湯口感濃厚，有顆粒感。配有自家製意式香草包。 🍕雙重芝士pizza 配煙三文魚
由拉絲芝士以及粒粒芝士組成雙重芝士pizza，黑色墨汁薄餅底勁香脆，中間有微微酸甜嘅茄醬，最頂層係軟滑嘅煙三文魚。
無論係口感以及味道都好有層次🤤🐷美國極黑毛豬配松露意大利飯 口感極之Creamy，松露味融入忌廉之中，每一啖飯都有淡淡香味。
黑毛豬咬落鬆軟彈牙，意大利飯吸夠湯汁，米心軟硬程度適合大眾。
整體黎講都幾好味。🍟黃金炒薯條 重點推薦，鹹蛋黃包覆每條薯條，口感穌化，滿滿鹹蛋黃風味而唔會過鹹，令人欲罷不能。🐓芝麻雞翼 $58 雞翼表皮鬆脆，內裡肉嫰。味道微辣微鹹，有香料及芝麻味道點綴。 🍹玫瑰花蜜乳酸 $48 乳酸特飲系列全部都有大泡泡裝飾，玩味十足，綿密泡泡放置一段時間都冇消散，食得又玩得
玫瑰花蜜滲出淡淡花香，清雅微甜配上乳酸，配搭幾特別
🍹芒果乳酸 $38
香濃芒果味，配上乳酸會有點偏甜。

總結黎講，餐廳嘅環境幾有情調，食物質素同份量都值得好評，算係一間好味隱世餐廳❤️

西九龍food court 好多美食選擇
今次俾韓式炸雞 HaHa Chicken 吸引左
勁多款炸雞口味，有辣有唔辣
仲有極邪惡嘅皇牌芝士炸雞
一個炸雞餐$50都唔洗，真係好抵食🤤🍗甜辣炸雞餐 $48 甜甜辣辣好味又開胃，辣度係微辣，唔食得辣都唔怕
炸雞都幾大件，咬落肉質juicy
跟餐配一個飯&汽水 一人份量已經好夠飽🧄 🍗蒜香醬油炸雞餐 $48 醬油味濃，食到尾會有蒜香餘韻🍚卡邦尼飯口感creamy，味道偏淡 安東雞飯味道則較鹹🧀 🐔芝士炸雞(3件) $38 想試多少少炸雞口味，額外order左芝士炸雞
芝粉極濃厚，咬落重重嘅芝士味，芝士控一定超滿足🧀 🦑芝士酥炸魷魚(半份) $39 同樣嘅芝士味，炸魷魚口感都唔錯

👍🏻總結兩個人食埋單 $200 已經食到兩個套餐、三款口味炸雞、一個小食
飽到差D食唔曬，性價比真係好高，飽肚之餘亦帶來味覺滿足👍🏻

新城市一田入面原來有幾間食肆
今次就試左以鐵板牛扒為主嘅野郎Steak 餐廳做緊優惠，order鐵板系列免費升級做套餐，成件事好豐富同滿足🤤 美國橫隔肌 $128/150g
封門柳切成粒狀咁煎，係鐵板上面仲有空間自己調節幾成熟
肉質嫰而且牛味較濃，配上牛油味道更有層次 紐西蘭牛柳 $98/150g
牛柳份量唔錯，有相當厚度，肉質較為結實，同黑椒汁都幾夾 羅宋湯都幾足料，味道酸甜，發現入面有牛肉粒都幾驚喜
白飯鋪有紫菜絲點綴下 煙燻雞肉腸兩條 $20 座位有吧檯同圓檯，室內座位比較隱蔽 戶外都有比較開揚嘅長檯，天氣涼係出面食都幾chill

平日收工係圍方行街，突然想食雞煲🐔
位於隆亨商場嘅川味雞，都只係十分鐘路程，就決定去食 去到唔洗等位，店入面都幾光猛同闊落
店員好好招呼👍🏻 重慶麻辣雞煲(全隻) $268
因為怕太辣所以只係叫左小辣
上菜發現色香味俱全，配料好足 煲到咁上下店員會幫手料理個雞煲
再建議我地點食，感覺服務同態度都滿分❤️ 雞件好入味，小辣嘅辣度好輕微
試得到香料同醬油味
雞煲份量好足 雞湯紅薯粉 ＄28
紅薯粉口感彈牙，雞煲配雞湯紅薯粉都唔錯 仲可以用雞煲火鍋嘅方式去煮紅薯粉
應該會更吸雞咪更惹味🤤 絲苗白飯 ＄15
雞煲太好味，叫多個白飯
相比之下白飯幾夾雞煲
而薯粉可能夾烤魚多少少 柚子梳打 $26

係奧海城行完街，真係不妨行多幾分鐘去大角咀搵下小店，難保有意外收獲！🤤
餐廳入面有濃厚嘅日式風情，而且空間充足，整體環境舒服
原本以為呢間餐廳淨係主打吉列及串揚菜式，估唔到刺身壽司嘅用料＆處理都非常出色👍🏻🥗和風刺身沙律 $68
刺身味道鮮甜，而且種類都唔少，三文魚、吞拿魚、帶子、八爪魚等等
沙律口感清爽，夾埋一齊食別有風味，或者單嚐沙律清清口腔都唔錯。 🐮壽喜牛肉鍋 $140
天氣開始凍，最啱食壽喜燒，暖粒粒
壽喜牛肉鍋連埋小火爐，可以邊食邊加熱
肥牛另外上菜按自己喜好淥熟，可以見到肥牛質素都唔差
豆腐、菇類等配料令壽喜燒更加完滿
配埋烏東，滿滿飽肚感 🍢隨機雜錦串揚拼盤 (10本) $138
餐廳主打串揚，有隨機拼盤揀，可以方便一眾選擇困難嘅朋友
順時針介紹：秋葵、免治鷄肉、豚肉蘆筍卷、日本南瓜、多春魚、雞脾菇、冬菇、日本茄子、芝心竹輪卷、日本迷你甜薯
串揚即叫即炸，上枱果時仲係微暖，外皮酥脆而內裡保持嫩口唔乾身
千祈要趁熱食，放太耐炸皮口感會冇咁好🍣時令壽司拼盤 (10件) $228
單係賣相已經好吸引，握壽司緊緻唔鬆散，壽司飯份量剛好
食得出每一件都係高質享受
三文魚＆帶子都好鮮味
🐟拖羅仲要入口即溶，食落有少少感動 🍹生榨西柚梳打 $22
半個新鮮西柚＋梳打，可以自己榨汁幾特別＆有新鮮感
西柚酸味同梳打微苦幾夾，飲落幾清新🍹白桃乳酸梳打 $18
白桃乳酸味道偏濃偏甜

總結而言，係一間各種料理都十分出色而且有驚喜嘅餐廳，值得推薦❤️