我諗都冇乜人未食過上海婆婆🙂，有日喺尖沙咀想搵間企理又好坐🤔嘅餐廳食飯，一於揀isquare嘅上海婆婆336😃。 唔想煩一於食商務四人餐🫂🫂，價錢690蚊都幾抵🤫！ 頭盤四小拼有小排骨、烤麩、肴肉同竹荀。烤麩甜甜地而且好煙韌，係好開胃嘅前菜☺️！肴肉夏天食就爽曬😆，冰涼好似啫哩咁但係又有肉味。 上海小籠包🥇水準有保證，皮薄餡靚多汁，絕對有上海水準🏆！ 砂鍋雲吞雞湯底濃香🐔，雞肉又唔會好柴，煮得啱啱好！菜肉雲吞就粒粒好飽滿，令人好鬼滿足♥️！ 野生椒牛仔肉睇落唔大碟，牛肉🥩非常多。 韶山剁椒魚片食到魚嘅香滑又食到剁椒嘅香辣🔥。 宮保雞丁唔辣嘅，適合香港人口味送飯一流🍚。 最終仲有一個必食嘅豆沙鍋餅！當時都食到差唔多九點，個鍋餅仍然係新鮮出爐🍽️，好有誠意🎖️！外脆內軟為呢一餐飯或上完美句號🎊！ 上海婆婆336呢啲抵食又好味嘅餐廳，大家就留港消費多多支持啦👏！

服務好👍價錢抵👍坐得舒服👍嘅地方食餐飯唔容易🏆「小漁港海鮮舫 鮮蒸‧鮮味火鍋」🌊符合曬以上3點而且仲有海鮮餐！今次我同朋友兩個男人去小漁港食$318海鮮餐撐枱腳。 一開始會上刺身🐟同椒鹽鮮魷🐙。刺身份量係按人數而定，款式好多幾新鮮👍。椒鹽鮮魷😋就畀到驚喜我！絕對係有大排檔水準啊！ 全程係有人幫手蒸🏆，所有時間計到好精準。第一輪蒸海鮮呢最令我驚喜就係馬友🐟。蒸氣鍋最神奇嘅就係唔同海鮮嘅鮮味撈埋一齊，馬友本身重油香☺️，令到同場嘅鮑魚蝦扇貝生色不少！ 第二輪嘅驚喜就係青口🫢！平時食嘅青口都係鬼佬貨雪藏多，呢度嘅青口食落去好新鮮，好奇妙唔識講！ 第三輪嘅蟹又係好靚好新鮮，蟹鋼啲肉脹卜卜好彈牙🦀！ 食完海鮮呢就到蟲草花雞🐓，真係估唔到咁好食！墊係底嘅烏冬入曬味😋，索曬成碟蟲草花雞嘅精華㊙️，估唔到呢間最打海鮮嘅餐廳整蟲草花雞咁好食🎉！ 最後呢仲有個靚靚粥底📸，呢個呢就掛住食冇影相，咁請大家留意我影嘅片。 好欣賞小漁港每款海鮮都做到好新鮮好乾淨👍，服務又好好，而且價錢都好抵😆！好多人話香港餐廳服務唔好又唔抵食，其實香港仲有好多好似「小漁港」🥇嘅高質有誠意嘅餐廳，懇請大家支持！真心推介鍾意食海鮮嘅各位訂座試吓！👏

雲吞做到皮薄餡靚，蝦同肉比例啱啱好，而且調味好正宗。 麵真係好有水準，爽口彈牙，比起我食過嘅竹升麵更好食，令我幾深刻。可惜係有少少梘水味，仍屬可以接受範圍。 湯底好鮮甜，湯底係正宗大地魚湯嘅味道，甚至比一至嘅湯要濃。的確畀足料同花咗心機落去。 可惜服務真係麻麻👎！其實一碗麵雲吞麵連加一接近$80唔算平。但係店員完全不好客不熱情，完全唔會主動斟茶。何洪記有唔少遊客想品嚐，遇到咁嘅服務真係體驗到本地文化！ 希望餐廳可以改善吓，對客人同遊客都主動d熱情d！短期內唔會再食。

旺角去邊區都好方便🚊🚖🚌，約朋友食飯就啱曬。今次就約咗朋友食位於旺角東站moko嘅The Pantry & Chips Republic。呢間餐廳都係主打啲fusion西餐😆，Pancake同其他甜品。 Tiramisu Pancake pancake超大舊👍，將pancake整到tiramisu蛋糕咁嘅味真係好創新☺️，淋埋楓糖漿落去又香甜🍁又有咖啡香☕！一切落去香濃蛋漿標曬出嚟，真係睇到都流口水🤤。 海膽帶子意粉😋係呢度嘅招牌菜，呢兩樣名貴海鮮份量唔少🏆，絕對畀足料！叫得做招牌菜，真係唔係到到有，呢碟fusion意粉真係值得試試！ 漢堡🍔都好有水準！Maple Bacon Cheeseburger 最勁嘅就係maple bacon🤫。哎呀又唔小心講咗個秘密出嚟！Maple bacon令到一個安格斯漢堡多咗一份香甜，係真係又有焦香又有甜。相信係佢哋嘅絕招！🫢 最後大家嚟到一定要試奶昔🥇，我自己好鍾意飲奶昔，又冰涼又有濃厚嘅口感，超正！呢度奶昔有好多味道,我就試咗薄荷朱古力味🍫🌿，下次經過真係會買杯嚟飲。 旺角地點咁方便大家經過或者特登嘅人嚟食都可以，The Pantry & Chips Republic絕對唔會令你失望！👏👌

Butlery 橙色🍊嘅門面又靚又型格，  我喺遠處已經留意到👀，一於試試！裡面環境好舒服☺️，法式風格裝修📸，營造休閒氣氛，但又不失高貴！

講咗甜品先！好人讚Butlery 嘅Pancake🏆, 真係好好食! Banoffee Creme Brulee Pancake📸🥇 厚班戟配拖肥醬、雲呢嗱吉士醬、脆焦糖及水果🤤。個班戟整得好好，夠厚夠鬆軟，而且蛋香味濃。其他配搭份量同味道都啱啱好，錦上添花。🙌超推介🙌

Apple Crumbe French Toast🍎🍞，我本身對蘋果金寶有情意結。烤紅梅酥餅碎👍係Butlery呢道甜品嘅攞分位，為呢一度甜品嘅增加香脆嘅口感。

All Day Brekky 配招牌厚pancake好特別😛，食正餐之餘食埋甜品，一次過滿足兩個願望✌️。

我仲試咗Buttermilk Chicken Waffle👅，呢個配搭我真係第一次見，又係一次過滿足兩個願望。Buttermilk Chicken🍗睇個名都知邪惡，調味的確非常好食，而且真係做到外脆內軟👍。

胃口好好我仲試埋Chicken & Cheese Quesadilla🌮，我一向都鍾意食呢類餡餅，有肉有芝士而且有唔同香料！呢款墨西哥餡餅落咗一種特別嘅香料🤫，我就唔劇透大家自己嚟試下😋。

Butlery無論係食物味道👍、價錢👍、服務餐廳👍及環境👍，都冇咩可以挑剔！真係必食推介！我相信我都好快會再食😅，因為餐牌上仲有好多嘢想試。

「銀咖哩」係香港較為平價抵食嘅日式咖哩飯， 🍛，係學生時代恩物。今次就試下megabox呢間銀咖哩，我都好耐冇去megabox，我印象中呢間都新新地！ 咁多年嚟都冇勇氣試下佢嘅富士山咖哩飯，我今次都冇。 芝士豬扒蛋包咖哩飯🧀🥩🍛，吉列豬扒size正常，配埋芝士真心邪惡。滑滑炒蛋包飯加上銀咖哩自己招牌咖哩汁，食得好開心！$54都真係抵啦！ 招牌吉列豬扒咖哩飯🍛只係$43！分別就係冇蛋同埋冇芝士，份量其實都足夠！ 簡簡單單一餐又好，懷緬一下又好，掛住日式咖哩嘅香味亦都好，銀咖哩真係一個唔錯嘅選擇！🙂

懶人包：泰國名廚主理，豬頸肉串燒，蟹肉炒飯 新城市廣場真係好多嘢行👥，行到攰見到間泰國嘢🇹🇭叫Here Thai Market，一於試試佢。😋Here Thai Market🙆位於新城市廣場三期，喺正無印良品對面。 呢間餐廳來頭唔細📢，好似背後有兩個名廚🎖️🏆指點。唔洗去泰國都可以食到米芝蓮級數泰國菜👑。 豬頸肉串燒🌟水準好高，一上枱有香噴噴👃，令人口水都流埋！呢個串燒配嘅醬汁係MVP🙌，令到豬頸肉串燒提升咗一個層次！必試！👍 蟹肉炒飯🦀有好多蟹肉🦀，睇落好震撼，打卡一流！📸每一啖都食到好香嘅炒飯同彈牙嘅蟹肉，夠曬矜貴！ 羅氏蝦🦐係近年大熱食材，羅氏蝦炒金邊粉🍽️係絕配。大隻多膏嘅羅氏蝦賣相好靚，炒金邊粉裡面仲有細蝦，令到成碟金邊粉都有蝦味！呢個做法第二度未必食到。🤤 食泰國菜我必定會食埋個芒果糯米飯🥭，呢度係採用較為挺身嘅水仙芒，份量好足。令到成餐飯好完滿。

我食過幾次港島海逸君綽酒店自助午餐，今次同大家分享下！😝 食得酒店自助餐大家當然最睇重海鮮🦞🦀🦐🐟，我午餐未係好有胃口食太多海鮮，但咁新鮮咁靚點都要試下！刺身我只係試咗三文魚，好肥美好新鮮，絕對有酒店水準！蟹腳蟹鉗都好有肉地，不過就稍為鹹啲。磯燒鮑魚仔好有驚喜💯，我自己都食咗幾粒！生蠔🦪就幾新鮮幾鮮甜，但唔係好大隻，不過不失！ 大家未必有耐性睇，所以講咗甜品先！有個😛朱古力蛋糕👍我唔知叫咩名，超級好食，極度推薦🤤！另外仲有名廠雪糕，但老實講得一個胃，我都係會揀食蛋糕，因為真係好有水準！我會推薦埋芝士餅同埋芒果拿破崙！如果你真係食得落，食埋個朱古力火鍋啦！ 其他嘢食都有好多款式，中菜亞洲菜西餐沙律，咩都齊！我覺得呢度燒味都幾好食，唔係經常會食酒店嘅燒味，呢度都幾有水準！另外蘑菇湯超級濃味，真係有酒店不惜工本嘅氣派。 但係唯獨有一個唔知咩肉丸❌，真係幾難食，某傢俬牌子肉丸實在將標準定得好高！ 老實講下中午食好少人，攞食物嘅地方有啲細，我估計晚餐自助餐可能會有啲逼！不過食物質素真係唔錯，性價比可以！

懶人包🙆：大埔德國菜/西餐，happy hour，豬手，德國腸拼盤 大埔朋友仔話有間好正嘅德國菜🇩🇪，叫做「Bier & Essen」仲有個中文名叫「德意餐廳」，一於收工一齊去試下👥！餐廳名意思其實就係啤酒🍺同食🍽️，即係爽😎！ 兩個男人收工嚟，梗係happy hour先啦！生啤55蚊杯🍺，加35蚊有粟米片，嘩真係超級底！可惜我有少少唔舒服，唯有飲菠蘿梳打！粟米片都好有誠意，配牛油果醬🥑同香辣蕃茄碎🍅🌶️，好有風味！ 嚟食德國菜，主食必叫「招牌德國咸豬手配酸菜及薯蓉」🇩🇪！豬手烤到脆卜卜😳, 一次落去發現裡面多汁肉嫩🤤, 仲配咗個sour cream 同honey mastard，口感同味道都豐富！👍 再嚟多個「德國腸拼盤」，上菜時真係嚇親😱，超有霸氣！店員話呢個拼盤有七款香腸，我唔係香腸專家，唔係幾分到！有一款我認得出，就係煙肉芝士腸！又有肉味又有好香濃嘅芝士味🧀，如果可以買條返屋企，我即刻買😅。 最後想提提大家，我今次叫嘅呢個份量，兩個男人👥都真係食唔曬！大家嚟試要控制下！計埋有氣嘅啤酒，真係飽到飛起。🎈好多菜式想試，下次再戰！

懶人包：元朗西日式放題🤠、生蠔👍、中拖羅壽司💯、比目魚西京燒🔥、麒麟沙冰生啤😝 日本嘢一定啱食嘅😋，放題仲要生熟都有。次次都大西北朋友就我喺九龍港島食，今次我去元朗同佢食餐飯🐄，同大家介紹位於元朗嘅西日式放題---🌟緣聚🌟。 大家最關心嘅刺身呢，升級咗就可以揀啲名貴啲嘅刺身。日本人最愛鯛魚刺身🐟，呢度提供黑鯛魚刺身，味道鮮甜清爽，真係好少見放題有得食！深海池魚刺身，先嫩肥美，有油香。食呢兩款都抵啊🙆！我唔係非常喜愛三文魚，但呢度三文魚同其他刺身都係新鮮肥美！ 生蠔🦪嘅水準拍得住我近期去過酒店自助餐嘅生蠔，真係估唔到放題都做到呢個質素。😝 我最鍾意放題食壽司🍣試下佢嘅水準，🌟中拖羅壽司🌟係一定要食！件中拖羅刺身絕無欺場，大家睇相就知有幾高質，一定要食返幾件。中拖羅壽司絕對係令升級嘅價錢值回票價！ 🌟比目魚西京燒🌟係驚喜之作😳，燒完嘅魚扒食落充滿油香🤤，但係甜甜哋嘅西京汁，令味道好平衡🤓。雞翼脹卜卜，睇到都流口水👍，又係必試。不過好大件我推薦食一件就夠喇！呢度連鵝肝多士都有！ 麒麟沙冰生啤🍺呢杯打卡啤酒，外表夠曬霸氣，飲落冰爽。可惜天氣未夠凍，如果唔係幾個男人一齊飲盡佢都幾爽🍻！我個朋友就病病哋，呢度係有熱飲提供，真係咩人嘅需要都可以照顧到。 兩個人食都真係試唔曬啊，好食嘅嘢多到我都講唔曬。🥹呢度食物真係絕無欺場💯，飲品放題又人人啱飲，對得住個價錢！真係好適合一班朋友聚會！🫂 大西北嘅朋友唔洗出市區都可以有一個唔錯嘅選擇。😃👍