今日想食日本鐵板燒 於是上openrice搵到一間「龍亭」日本菜，餐廳外面裝修別樹一格，好似冇一個正式嘅入口，見評價都唔錯呢次就去試下喇。 去到佐敦見到好大隻字寫住龍亭但係就搵唔到入口，我要上openrice先搵得返個入口。 入到去中午十二點舖頭啱啱開，唔使等位，店員有禮貌咁介紹今日有兩個餐，分別係588同788，58係五個菜，788係七個菜，今日我哋就揀咗七個菜另外再叫多杯麒麟啤。 前菜煙三文魚黑醋沙律 煙三文魚包住啲用黑醋浸過嘅沙律菜，食物層次分明，先有煙燻味之後就到菜嘅鮮味。 黑魚子溫泉蛋 呢個估唔到咁好味，溫泉蛋係暖暖地配上鹹鹹哋嘅黑魚子食落鮮味十足。 鐵板海鮮方面我揀咗帶子同埋白鱔 帶子上面有黑魚子另外下面有翠玉瓜帶子煎到啱啱熟入面juicy，外面焦香，白鱔方面就好似係燒咁樣，香脆多汁，冇咩泥味。另外上面嘅泡泡係咸咸地，好特別，聽店員講可以清味蕾。 肉類方便我揀咗A5和牛柳 和牛有牛肉汁，配上手磨嘅山葵，仲有炸香嘅蒜片，香口得嚟又有層次，好食果然係招牌菜。 海鮮炒飯 飯入面有脆粒，飯上面有三文魚子，食落有幾種口感，而且啲飯有醬油香，好味又飽肚 豆腐海帶麵豉湯 豆腐係介左花嘅、麵豉湯亦都香濃 甜品係食雪糕 豆腐雪糕配上紫薯爆珠，可以清返個味蕾。 麒麟啤酒係生啤，夠凍好味 每次上菜店員都有講菜式，配上係咩國家嘅材料，係高級餐廳嘅質素。 價錢方面一個人一人餐就788，麒麟啤88蚊，一個人食咗950蚊度，正宗鐵板燒，價錢對得住質素。

啱啱去完新加坡旅行 懷念食新加坡菜，今日經過圍方，上openrice睇下，見到chatterbox cafe ，於是同朋友去試下 今日晏晝六點半去到，唔使等位，職員好快安排座位比我哋入去坐，餐廳有啲花花草草裝飾，坐落好舒服。 今日晚市入到去食二人套餐$338 前菜 新加坡魚餅 新加坡魚餅有魚香魚餅煎過、佢係配埋多士食，食落唔太油，又有魚餅香味，唔錯。 蠔油小棠菜 小棠菜都有好多，配上蠔油食，餐前食菜開胃。 咖哩脆薄餅（+$25） 新加坡咖哩香濃，薄餅脆口，仲有青瓜同紅蘿蔔條，配上咖哩醬好夾。 主菜 大蝦喇沙+$40 喇沙湯香濃，大蝦有三隻，另外有好多魚片及豆腐卜、芽菜，索曬香濃嘅湯汁，配上米線，好好味。 肉骨茶配飯+$20 肉骨茶有白胡椒香，豬骨有四舊，有大量豆卜及金菇，仲有油炸鬼，配上一碟辣椒甜豉油，湯有胡椒香味另外亦都有豬骨香味，好食。 飲品 凍味綠恐龍（+$28） 依杯尾綠恐龍好震撼，用大量味綠粉配上煉奶，表面仲有朱古力波波，不過飲到尾雖然有啲甜，但整體嚟講好味嘅。 班蘭咖啡牛奶（$28） 班蘭咖啡，但班蘭味唔算濃，但咖啡味濃，唔錯。 甜品 原個椰皇配椰子雪糕（$98） 呢個椰子雪糕真係好食，雪糕有椰子肉，超香椰肉味，仲有合桃、荔枝，配上甜甜嘅雪糕，呢個一定要叫。 埋單 全餐620幾蚊，同朋友飲嘢傾計呢個價錢係值得，仲有正宗嘅新加坡菜，推薦鍾意食新加坡菜嘅朋友嚟試下。下次我會嚟呢度試埋海南雞飯，因為餐廳文章介紹係文華酒店旗下嘅分店，我見抬枱都有叫不過今日唔想食雞就冇叫喇。

📍ASOK THAI GARDEN (荃灣) 荃灣楊屋道1號荃新天地UG樓UG37號舖 ============================== 餐廳位於荃新天地天橋入口旁邊，由荃灣站或荃灣西站行天橋過去都好方便，餐廳門口佈置到好似泰國度假屋🏖️，入餐廳會經過一條佈滿碎石ge 玄關，好有一種一秒穿越左去泰國ge 感覺😎 餐廳裝修簡約但每一個位置都有花心思佈置，所以無論坐邊個位都可以影到靚相📸，除咗環境靚之外，食物擺盤都好有心思👍🏻，係一定要比相機食左先📸📸 ============================== 🦐冬陰功大頭蝦湯 冬陰功湯底好香濃蝦味，不會太辣而大頭蝦非常新鮮，肉質彈牙 🦐泰式生蝦刺身 生蝦刺身非常新鮮，配上蒜頭辣椒及醬汁非常好味，好食過日本刺身🤣 🍛紅咖喱雞飯 咖喱類除了雞，還有薯仔、茄子、蘆筍、辣椒等等多種蔬菜🥬 白飯滲着淡淡斑斕葉香味，淨係食白飯都好好味🤣 🦀泰北蟹肉金湯烏龍麵🍜 金湯是帶甜味的咖喱汁配上烏龍麵味道非常夾，吃烏龍麵時配上炸芋頭、蟹肉及青檸，味道非常豐富有層次👍🏻 🍵泰式綠茶奶茶 抹茶味道非常香濃，但不苦整體味道偏甜，正好可以解辣🌶️ 🍨焦糖榴槤撻配雪糕 榴槤雪糕非常好吃，每一啖都好似吃新鮮榴槤一樣😍😍 焦糖榴槤撻就似吃燒溶了的榴槤一樣非常好味，但甜品本身係嗅唔到榴槤味，要食入口先會味道爆發出來，所以唔洗怕上菜時有味道會尷尬😝

📍泓一拉麵 (太子) 太子汝州街21號英來大廈地下E號舖 ============================== 餐廳距離太子站大約2分鐘位置非常方便，呢間麵店係紅磡總店ge 新分店，係紅磡已經想試，但次次都排哂長龍，今次係太分店終於有機會可以試下喇 ============================== 豚雞白湯拉麵 湯底好濃雞湯味，拉麵質地軟硬適中，溏心蛋一定要試，蛋黃剛剛好半熟而且好香醬油味 地雞醬油拉麵 雞胸係有輕微煙燻味道，質地好滑 醬油味湯底好出色

📍YKY自家麵 (旺角) 旺角花園街5號鴻威大廈2座地舖 ============================== 餐廳距離旺角站大約6分鐘位置非常方便，餐廳主打自家製麵條，有各種不同粗幼麵條可以選擇，湯底都有6款，仲可以選擇不同辣度，感覺有d似譚仔🫢 ============================== 滑雞手功麵 呢碗麵我揀左轉麵配胡椒味湯底，寬麵最初有d偏硬身似刀削麵質地，湯底胡椒味濃但唔辣，可以另外再揀加辣 雞肉份量多而且軟滑，味道唔錯 手撕雞涼麵 呢碗麵就揀左中麵，麵質較寬麵軟身，碗埋麻醬口感好滑，加埋雞絲青瓜絲味道唔錯👍🏻 純豬肉手工餡餅 餡餅外層係酥皮，入面係超多份量ge 豬肉絲，唔算辣但味道唔錯

今日收工同朋友約咗美孚食野，去咗「富臨皇宮」度食晚餐。 美孚嘅富臨就喺葵涌道隔離，位置十分方便。 環境方面：入面好大，燈光光猛，坐得好舒適，富臨入面仲有位置可以進入「吉田」超市買凍肉，好有趣。 店員方面：招呼好好，有禮貌，主動潷湯，將啲湯渣分好，上菜又會介紹有啲咩材料，叫餸時又會推介菜式。 食物方面：叫左三樣野 乳豬例牌 乳豬皮好酥脆、鬆化好似食薯片咁，乳豬肉入味，肥廋適中，好耐無食過咁鬆化嘅乳豬啦。 羊腩煲（大份） 羊腩有20舊度，配菜方便有粉葛、支竹、馬蹄、薑、蒜仔，羊腩入味得嚟又淋，羊腩部位大部分連皮連肉，食落口感豐富，先係食到南乳腐乳汁，之後食到羊皮再係脂肪跟住到羊肉，咬碎嘅肉汁充滿哂成個口腔，鍾意食羊嘅朋友一定要試，呢個羊腩煲又大煲又好味，我比95分以上呀。 水鴨湯 水鴨湯材料有雞、鴨、雞腳、廋肉、青橄欖、湯十分入味，飲完都唔會口渴，好明顯係真材實料，推介畀鍾意飲湯嘅朋友呀。 總括黎講：今餐食咗六百幾蚊，我個人覺得就好抵食喇，羊腩煲收$268份量一定比出面多，超級推薦。

今日一個人去深水埗食晏就，一路都想試下蘭州拉麵，見openrice都有介紹西九龍中心8樓美食廣場入面都有「蘭州拉麵」於是就去試下喇 環境方面 係食街嚟嘅，椅子係打斜坐，坐得十分之唔舒服。 食店方面 都係當外賣咁食，叫完之後就攞飛仔等攞餐。 食物方面 叫咗碗傳統蘭州牛肉麵小辣，拉麵係手拉嘅，咬落夠彈下有麥香味，湯底方面用牛肉同蘿蔔淆出嚟，另外少少13香味道，配菜有蔥，牛肉方面都有6-7塊，肉味香濃，整體碗麵好好食，另外仲叫咗支豆漿，包裝好特別，係用透明袋裝住嘅，然後用扭開個蓋就就咁啜嚟飲，豆味香濃，似係鮮制豆漿。 總括而言 今餐食咗41蚊我覺得好抵食，推介畀鍾意食蘭州拉麵嘅朋友試下。

今日放假帶埋主子去馬灣行街，行到夜晚喺海濱長廊見到有一間餐廳「oma's kitchen」，係食德國菜嘅，於是就帶埋主子入去一齊食喇。 環境方面 餐廳對住個沙灘，有枱擺喺外面，雙腳已經掂到沙嘅，並望住青馬大橋夜景，十分浪漫，餐廳裝修方面，典型舊式西餐廳，有聖誕佈置，適合情侶週年紀念。 店員方面 店員十分有禮，主動遞水，亦會介紹餐牌，落單係用qr code。 菜式方面 主要係食德國菜「炸豬手，腸仔，啤酒」，其次係西餐「牛扒羊扒豬扒，炸魚薯條」 今晚叫左 德式焗包 麵包係自製嘅，有兩款唔同口味，一款依士味比較重，另一款係好多果仁嘅，兩款麵包都好鬆軟，配埋橄欖油黑醋同牛油。 薯仔沙律菜 薯仔係用德國芥辣醬同埋沙律醬撈過，並將薯仔擺喺沙律菜面，沙律菜有生洋蔥，羅馬菜，蕃茄粒，撈埋薯仔沙律食好夾。 德式焗飯 好奇想試下德式焗飯係咩味道，原來德息焗飯係指用白汁芝士焗過啲炒飯，炒飯係用煙肉炒嘅，每粒飯都有煙肉油香味，粒粒分明，飯粒有飯香味，配埋濃厚嘅白汁以及芝士，好食。 紅酒燴羊膝 紅酒燴羊膝，低下佢有薯蓉，肉汁已經有羊肉嘅香味，羊肉本身紋到夠淋，肉容易撕開，有羊味之餘配埋肉汁，好夾，羊肉本身亦都夠juicy。 mocha 朱古力咖啡，正常水準，無特別驚奇。 總括黎講：今餐食咗五百幾蚊，係呢個環境度食仲要食咁多款菜，價錢公道，推薦鍾意浪漫或者紀念日嘅朋友嚟試下喇。

今日喺旺角行街，行到夜晚搵間泰國嘢試下，於是上openrice睇到彌敦道近始創中心有一間叫「泰屋」嘅泰國菜。於是就上去試下喇。 店員方面 我未到6點就上到去，職員佢哋仲食緊晚餐，但係都有招呼我地，並且有介紹下啲菜式，感覺唔錯。 環境方面 有一塊落地大玻璃，望落加大環境感覺，裝修係泰國木系風格，但枱同枱之間比較窄，坐得迫少少 食物方面 燒豬頸肉沙律（$88） 我見餐牌有兩隻燒豬頸肉，第一隻係燒豬頸肉，第二隻係燒豬頸肉沙律，本身以為燒豬頸肉沙律係將啲豬頸肉擺喺沙律上面，但原來係將啲燒過嘅豬頸肉撈咗啲沙律汁，沙律汁係甜甜酸酸辣辣有生洋蔥、青蔥，食落較為清爽，豬頸肉本身燒過亦都有豬肉香味，加埋一齊就無咁膩。 冬陰功湯小（$92） 一份湯入面有兩隻大頭蝦，配料方便有菇、蕃茄粒，一份湯都分到細四碗，飲落唔算辣，味道較酸，湯有蝦嘅鮮味，隻蝦咬落都好新鮮蝦膏味好突出。 泰屋鴛鴦農夫包（$178） 上網睇都好多人叫，所以叫黎試下，佢係軟麵包，入面放滿哂黃咖哩，咖哩上面有蟹肉、魷魚、蝦肉，將個麵包切開，再點啲咖哩汁嚟食，每一啖都食到有蟹肉同魷魚，味道層次好豐富，首先食到係咖哩嘅香甜味，之後就到蟹肉嘅鮮味，再咬落去就係麵包嘅香味，正！ 凍椰青（$48） 凍椰青都好大個，椰子肉甜，椰汁香，解膩一流。 總括黎講：今餐食咗450幾蚊，喺旺角嚟講唔算貴，食物質素ok，推介比鍾意食泰國菜嘅朋友試下。

今日喺大埔收工，同朋友一齊想鋸扒，於是就搵到舊墟一間專食牛扒嘅餐廳 [OX Steak Lounge ] 地理位置方便，喺太和站行過去大概十分鐘，附近都有幾間酒吧。 門面方面裝修好別緻，喺附近一個較平民嘅地方突然有一間高級嘅餐廳，所以好突出，餐廳出面呢有一啲金斧頭牛扒做裝飾。 內在環境 餐廳唔算大大概容納30人左右，同源裝修好疊字有好多個金色嘅牛頭掛喺牆上面，感覺好高級，另外餐廳亦會播放啲西式音樂。 店員方面 店員十分有禮對餐廳餐牌熟悉，問佢嘅牛扒出自邊度等等到答到。 食物 牛骨牛油配自製麵包（$38） 牛油香滑，有濃郁嘅牛油味，麵包係法包，焗到好脆口，配埋牛油食好開胃。 是日餐湯（南瓜煙肉忌廉濃湯）（$58） 南瓜蓉係用新鮮南瓜打出黎配上煙肉粒，每一啖都好香口。 和牛自制千層麵（$218） 番茄味濃郁，入面有牛肉鮮味，自家制嘅麵有麥香味，配埋香口嘅芝士，多種豐富嘅口感好滿足。 香烤大啡菇（$38）& 焗新薯（$38） 大啡菇菇味好濃冇特別調味好明顯係新鮮嘅菇食落好香口，焗蕃薯用少量鹽同胡椒調味，食落似薯蓉。 威靈頓牛扒（$398） 威靈頓牛扒外層酥脆中間有鵝肝另外有黑松露菇醬牛柳夠淋有牛肉香味，配菜方便有薯蓉、紅蘿蔔、原個蒜頭，呢個十分高質果然係鎮店之寶。 黑松露薯條（Free) 薯條係幼身薯條，新鮮炸起香脆，配埋茄汁同埋黑松露沙律醬，送酒唔錯。 雞尾酒 Well doen （$92） 入面有橙汁、馬天利酒，配埋濃味食物好夾。 O（$98） 入面有Gin酒，薄荷葉，菠蘿，好清新。 今餐食左千幾蚊，餐廳環境用餐舒適，食物質素高，慶祝節日一流