好耐之前係海港城pop up已經買過，果陣淨係得曲奇，到中環店開，有埋coffee同野食，我基本上已經食過好多次佢哋既曲奇，基本上所有款已經食過晒🤣因為佢啲曲奇真係可以一大件分兩三餐咁食，件件都咁足料好抵食😎 中環店開左我即刻飲埋咖啡 今次再黎食埋d light food🥳 今日同朋友一人點左一杯野飲 必食🫶🏻斑斕cheese cake！ 岩岩出已經食過，今次忍唔住要再食🤣 同之前一樣都係超濃斑斕味，佢既芝士味又唔會遮住，入面係流質，真係好creamy好正2-3個人share岩岩好～呢個無一般食開咁膩🤩 special cookie揀左朱古力榛子醬，係一個超邪惡嘅選擇，一如以往曲奇都係好厚實，比起一般坊間食果啲真係特別滿足，呢啲次次都係食半塊就好飽🤣所以除返開其實都幾抵食 另外叫咗個Tuna Melt，我咁多次以黎都無試過啲熱食～於是今次就試下，真係有驚喜😍 酸種麵包加埋芝士同吞拿魚真係好正，麵包看得啱啱好好鬆脆，然後每咬一啖都拉絲😍平時唔係好識洋蔥，雖然呢個吞拿魚蓉都有啲洋蔥，但係洋蔥味道唔係好濃，加埋個口感同埋芝士太好味，完全可以忽視洋蔥味〰️酸種麵包真係好好食，呢個份量加埋啲薯片呢個價錢好抵食😎 咖啡完全係用嚟中和返甜品，美式完全啱啱好balance嗰種油膩感同甜度，完美嘅組合➰ 佢既曲奇brownie n triple chips都係皇牌，我已經買過5/6次以上，次次都買6-8塊有盒手拎🤣今次堂食就無揀～ 本身想試牛油果既三文治，不過賣曬，睇嚟下次可以再試吓，我太鍾意酸種麵包🤩🤤

呢間未搬前已經食過2次
食過佢焙茶同芝麻味既cheesecake
由於佢真係幾好食又幾抵食
咁岩CWB呢頭我又唔熟有乜其他好既cafe
於是又揀左佢😝信心保證嘛

因為唔知佢搬左同改左名
我行左2轉先搵到佢🥲
原來係搬左去街頭位🤣大家唔好行過呀

講番先 我叫左Flat white
朋友就揀左chocolate mocha😋
係重nutty既啡 正☺️
飲番咖啡果種無比奶味遮住既堅果味 好香🎶
朋友果杯我唔識點評 我唔好亦無試
佢就話好飲既🤣我諗都唔會差得去邊

蛋糕就一款係開心果一款原味
一如既往既好食好食好好食🤩❤️‍🔥
好香濃既開心果又啖啖芝士味
好邪惡又停唔到口☺️
另一款都好好食 都係好濃好creamy ge
不過2揀1要我推薦 我就唔會揀🤣
一定all in!!! I m not a child!
其實我地食完omakase
食到飽一飽都要食 仲要無剩⋯⋯
可想而知有幾咁正😋😋😋
黎到必食必試佢地啲cake ah
一定無失望✌️😏
Ummm 下次可以試吓佢啲正餐😚😚

已經好耐冇去澳門 成日都見到好多人分享呢間雞蛋仔 有段時間仲要排好耐先有得食 最誇張聽過係要兩個鐘？ 好彩我去果陣唔使排隊 見到Menu已經十五十六好多都好想食 不過真係唔肚餓 揀咗最熱門嘅葡撻味 雖然冇之前咁誇張，要等咁耐 但由於都係即叫即制 最起碼要15至20分鐘～ 喺側邊望住佢點樣整 勁重手，整咗勁多葡撻餡入去😆😆✨ 真係完全係值得等架🤤🤤 外脆內嫩 omg 好滑好嫩好creamy😍😍 實係好香燉蛋又好似布甸咁 絕對無失望🫶🏻 下次想試下其他味 但係澳門必食葡撻，一定要試！🥳

喺海港城行街行到有少少肚餓 但係又唔係好想食太多野 咁啱見到呢一間餐廳有位 重點係非常啱打卡igable😳😳😳 揀咗幾款嘢食 當然梗係要嗌打卡必備嘅cocktails 話說前一晚先睇Quinary飲完 大家都知Quinart有幾正 估唔到呢間都有驚喜😍 重點係環境舒適度好過Quinary 同埋cocktails都平啲🤣 值得一讚嘅一定要講～ 如果有咩特別要求可以講 雖然Menu嘅嘢飲show出嚟係咁 但係講到調酒 梗係可以再搞搞啲比例口味😆 朋友話好耐冇飲酒 唔係好想飲但係又想打卡🤨女人通病！ 因為嗰啲含有酒精嘅飲品比較適合打卡😏 門口仲有杯冇乜酒精嘅cocktail 整左比佢打卡☺️ 其實我本身係想試好多人都必叫既 可惜果幾日果部整泡機壞咗🥲 唔緊要⋯⋯我下次再去試 😚😚 環境舒服、又夠靜 如果唔係真係坐咗好耐 我都唔想走😝😝

今日黎開老地方覓食，估唔到發掘左一間寶藏小店✨ 咁岩唔想食面，望到竟然可以轉菜底，即刻點，仲要係通菜😍！配菜揀左蘿蔔、潮汕牛丸、豬腩肉、雲吞同豬大腸😋一定要點佢個潮汕牛丸，超好食，好重牛肉味，好彈牙✨蘿蔔好甜無渣好入味，車仔面必食！豬大腸洗得好乾淨，都係車仔面老朋友黎 重點講一講，佢個秘製辣醬好好味，完全係成碗既精華，我差唔多飲曬碗湯，無味精，鍾意食辣又驚重味精既人必必必食🤩🤩🤩 另外叫左碟好盞鬼小食：荔枝蝦球。真係勁似荔枝🤣好可愛，完全係圖片咁靚靚，仲要炸得好香脆唔油，打卡正正正

今日係PP行完，落左黎莊士頓道覓食，見到呢一間白色嘅新裝修，睇落幾靚，就望下睇下係食啲咩～ 原來係聰嫂甜品🤣呢個名聽過好多次但係一直都未試，咁有緣份一於就坐低試吓！ 揀咗兩款應該都係人氣之選嘅推介。一款就係芒果麗沙，就係芒果加沙冰加爆珠加椰果同小丸子。呢個組合無得輸，芒果夠甜，又多肉，小丸子夠煙靭，椰果大大粒食落就知唔係啲普通平嘢，最正就係啲爆豬好爽，令嗰個口感更有層次😂朋友話第一次食啲咁爽脆既爆珠，好上癮！ 另一款我就覺得好特別、比較少見嘅，士多啤梨西米冰。因為圖片睇落去就係粉紅色，好好奇佢係點。佢嚟到我已經覺得好靚🤣食落係好濃嘅士多啤梨味，最佳埋啲爆珠爽脆嘅口感，仲要係沙冰凍到爽一爽，特別係啊咁熱嘅天氣食落去真係停唔到口😂好快就見底了，真係好彩有貪新鮮、比好奇心吸引咗叫左佢，好好食！！我見好多人都嗌龍眼西米冰，仲有密瓜，我已經好想下次再嚟試吓呢兩款🤣 如果大家食開糖水又想試吓啲新嘢，絕對推介大家過嚟試吓，係會有驚喜既糖水寶藏鋪

呢間啲珍珠係我既top 5😝 唔想飲奶茶我就會揀呢個百香QQ 我一定係走糖 事關珍珠既甜度已經好夠 加埋百香果粒粒酸酸 好正 另外仲有椰果同我最愛既珍珠 成個combo無得輸😚 外賣自取預先係OpenRice撳定比錢 行到去岩岩好拎得 慳番好多時間😆 同埋呢間無論喺任何一間分店 啲水準都係好一致 呢點要讚🎶

呢間唔洗打電話 打極都唔會有人聽🤨 至於我點book到⋯⋯ 就係有日同朋友去第間餐廳經過 屎忽痕就話呢間野好似好好食好難book 我地依家問下囉？ 於是好順利book左 但佢限90分鐘用餐時間😂幾唔好 但佢好食又平 真係吹唔脹😏 其實佢fix menu 所而唔係好使睇有咩食 你淨係要諗使唔使再單點或者開支酒🤣 不過我同朋友都加咗一份牛舌 無記錯係+$100 有4塊架😚推薦要加黎試下呢🤩 佢啲份量係食食吓越食越飽 開頭你睇佢細細份以為唔夠食 點知食開就知 原來好多😂 朋友最近係日本返黎 食唔少壽喜燒同牛 但佢對呢間都有讚無彈 仲話呢個價日本食都無咁多野食 性格比好高！！ 仲要中環既晚餐喎☺️ 我哋睇過午餐同晚餐價錢唔係差太多 食既野都係一模一樣的 所以晚餐真係好抵食 睇圖就知牛有幾靚 啲油脂同牛味幾濃 真係又滑又嫩 入口即融😋😋 總之由開頭食到落尾都係有讚冇彈 我見好多人都話佢啲水準差咗 我未試過一開波食 但係我果晚食就真係覺得好出色 我食嗰間應該係總店😳😳 如果大家經過就記得入去book 性價比超高超抵食✌️