一星期去一至兩次，基本都係叫Flat White + Pecan & Honey Bagel配Cream Cheese。今日見到個Bagel即刻打咗個突，我叫咗個完塊厚切菠蘿油咩？Cream Cheese分三片擺無抹開（琴日嚟都係食同一款Bagel，Cream Cheese係有抹開嘅）。當我拎住個Bagel去收銀處反映時，店員回覆師傅刮Cream Cheese時刮多咗，然後俾咗支膠叉我抹開。但我反映嘅問題唔係刮多咗，係Cream Cheese無抹平同之前嘅做法唔一樣。10月10日我反映食到嘅Bagel好韌就同我講每批Bagel唔同呢批做得煙韌啲。嗰種係隔夜嘅韌並唔係「煙韌」，俾個咁嘅解釋我，我覺得當我白痴。幫襯咁耐，我覺得服務HEA咗（當日我早上十點半到達，兩、三張空圓枱，張張都有食物碎係枱面，我要自己抹枱清理），食物質素差咗（隔夜韌到飛起嘅Bagel、完塊厚切Cream Cheese Bagel），員工HEA咗（大聲吹水大聲笑）。10月10日嗰日見到疑似老闆巡舖，佢狀似好滿意；但作為利園店嘅長期顧客，我對該店嘅服務同食品質素越來越唔滿意。咖啡係好飲，但整體差咗好多，今後唔會再嗌嘢食淨係齋飲嘢。

10點4分到場，人頗多。門口負責接待帶位的女員工開口第一句唔係「早晨」或「你好」，而係「今日係公眾假期，個半鐘交枱，有冇問題？」。未入場就諗住趕客。 向該女員工表示想坐入面，不想坐門口，他隨手將一疊點餐紙揼係枱面，無視客人嘅要求，亦不打算作任何解釋，瀟灑地轉身離去（稍後等位人龍出現，她向人龍解釋店舖分A、B區，各有固定嘅入座條件）。 另有一金棕髮色綁馬尾女員工態度親切，有禮貌（唔該前多謝後）手腳俐落又勤快，挽回不少印象分。 坐底點餐，選擇比預期少。 門口負責接待帶位的女員工（因坐門口直視收銀處同員工咖啡機）一有空便走去沖咖啡整咖啡豆，除口罩食早餐，需要同客人講嘢先戴返口罩，毫無衞生除疫意識。 該女員工其後同等位人士有爭執，向客人發脾氣，聲稱「你再迫我我大不了除衫唔做嘅啫」，非常熟食中心員工FEEL（綁馬尾親切女員工其後出手安撫不滿嘅客人）。 奇葩事項很多，不能盡錄。 總結：食物可以，環境可以，人手不足，送食物嬸嬸有禮貌，綁馬尾女員工態度親切手腳俐落勤快，門口接待女員工需要再培訓。 利申：全自費。不是免費招待或試食。

行完大潭水塘便搭巴士到筲箕灣, 打算買一餅雞蛋仔慰勞自己.
在此店成名前有幫襯過, 當時覺得"皮薄餡靚", 又有蛋香.
雖沒有大坑雞蛋仔伯伯的出品般食完有飽肚的感覺, 但真的很好,
此次重臨便是希望重溫當初那驚艷的感覺.

一底13元, 兩底24元, 買了兩底和家人分享.
一咬下去失望極了, "皮薄餡靚"不再, 蛋香亦欠奉.
雞蛋仔內有很多空洞(氣孔), 一看便知是蛋漿不足.
食時不小心掉了半粒在地上, 馬上有麻雀把它啄起飛走.
我和姐姐不敢"O嘴", 驚嘆於師傅將雞蛋仔真的弄得"又輕又薄".
食完後真的非常懷念大坑雞蛋仔伯伯的出品,
希望週未到大坑時能有緣碰上.

說起來, 很多食店都是這樣子.
辛辛苦苦做起了品牌, 但一成名便偷工減料做壞名聲.
一家好食店即使加價, 若仍能保持水準, 消費者斷不會卻步.
又加價又偷工減料的話, 別人相邀我也不會去.
專程去到卻失望而回, 今後會將此店列入黑名單, 不再惠顧.