係旺角shopping 完，就緊係醫下個肚！依間餐廳個名咁特別，裝修又靚，一於試吓啦！ 我哋柯打咗兩個主菜，分別係意粉同pizza! 蒜片鹹魚茄子鮑魚炒意大利麵 見到成個又中式又西式的配搭好特別，配料有炒得好香嘅蒜片，鹹魚粒，切到粒狀的茄子令茄子口感好似肉粒，仲有煎到金黃香口嘅鮑魚，配料與扁意大利麵超夾，惹味可口！ 泰式肉碎豬頸肉比薩 自家製嘅pizza 係薄批，有泰式香料肉碎加豬頸肉，配料豐富，厚厚芝士與泰式酸辣風味，令人有驚喜嘅美味pizza

今日去銅鑼灣做野，平時我會在百樂中心食lunch,剛好有人派傳單見大約一百蚊到包湯加特色飲品，都幾抵，所以試吓！ 餐湯係超正嘅龍蝦湯，十分驚喜！ 本地蕃茄香草春雞 雖然半只雞份量，但超大份，用了好多新鮮番茄來做醬汁，春雞烤得鮮嫩多汁，雞下鋪滿薯角🤗 香草烤焗鱸魚配日式芝麻醬 同樣份量十足，焗鱸魚不單很厚肉，焗到外皮好脆，魚肉保持肉汁，必點之選 迷你隨機小食拼盤 跟午餐加$58，有司華力腸，魚手指，洋蔥圈，魷魚圈，薯角，十分豐盛！ 午餐可免費飲特色咖啡，朱古力或部分特飲，十分超值，平時其他餐廳起碼要加廿蚊。 我哋點左凍哌嘅骰子咖啡，係香濃咖啡伴上咖啡啫喱，同埋香滑鮮奶咖啡！ 依間餐廳絕對值得推介！ 雖然半只雞但份量

今日同事妹妹食晚飯，一於依間新餐廳！ 我哋柯打兩款晚市小炒套餐，仲可以半價加配台式飲品！ 蒜片黃花魚 製作需時，但絕對值得等，黃花魚嘅外皮炸得卜卜脆熱辣辣，魚肉十分鮮嫩多汁，魚上鋪脆香嘅蒜片，醬汁為帶甜甜的豉油與魚的鮮味很夾！ 剁椒蒸魚頭 以大魚魚頭，以特色調味料剁辣椒，一同蒸熟即可。剁椒魚頭味整得少少辣、偏鹹鮮，色香味俱全，尤其係魚面珠燈係最正！ 香竽/草莓珍珠奶茶 我哋分別柯打咗令人懷念嘅台式飲品加珍珠，我較喜歡香竽珍珠！

古今係我係銅鑼灣嘅居酒屋首選，因為無論串燒同手卷都用心製作，冇得輸，耐唔耐要食一次🤗 西京燒銀鱈魚 銀鱈魚燒得外魚脆內軟，肉質細緻、油脂豐厚、好多汁，用簡單的味噌醬醃漬後，甜甜鹹鹹的西京燒味道，超正！ 串燒雞軟骨及雞中翼 所有串燒係慢工出細貨，但絕對值得等。雞軟骨燒到卜卜脆，咸香惹味，送酒一流！燒雞中翼燒到外皮超脆，另外十分细心將雞翼骨拆開方便食用 蜘蛛 賣相超靚，用料豐富，其實係軟殼蟹，蟹柳，牛油果，青瓜卷物，多重口感的味覺享受！

今日同妹妹食晚飯，原來新都城都有德美壽司，一於去試吓！ 雖然有二人餐，仲有晩市套餐添，價錢較為相宜，但我地好想散叫好好惠勞自己再加一個晚市套餐！ 豚肉生羌燒定食 性價高超高$78 包埋麵豉湯，沙律，份量多味美味，食到停唔到口！ 加州卷 雖然用料同其他壽司店差唔多，但可見其用心，係青瓜，所有青瓜係切成好幼嘅絲，仲有牛油果條，令加州卷的口感很豐富，每款配料食感層次很分明。 牛肉壽喜燒 牛肉煮得嫩滑配上滑蛋，用料豐富，送飯一流。 免治雞肉串燒 燒得焦香，免治雞肉帯有粒粒雞軟骨，正！

今日左尖沙咀做完野，六點鐘要好好惠勞自己！德美壽司係我喜愛嘅壽司店之一！ 由於剛剛六點剛開鋪，快落單先，之前嚟過七點後開始超多人！ 加州卷 雖然用料同其他壽司店差唔多，但可見其用心，係青瓜，所有青瓜係切成好幼嘅絲，令加州卷的口感很豐富，每款配料食感層次很分明 黃金汁焗蠔 好大隻有成個手掌心咁大，面層鋪上麵包糠，黃金汁係似千島醬，與豐滿嘅蠔十分夾！ 串燒：全部都燒得香口有炭燒焦香 牛舌 用料上乘係牛脷芯，厚度適中，燒得鮮嫰！ 雞翼 竟然將中間嘅骨切開，好細心，可以有儀態地食！ 青椒仔 有木魚絲配青椒仔，令鮮味提升！ 仲有三色糕甜品送，為美好嘅一餐作結！

同媽咪行完將軍澳DONKI 後，一路海邊行，唔想食貴貴餐廳，發現依間店有好多人在門口等外賣，一於試吓！ 我哋叫咗一個$168 嘅2人餐有pizza 又有燒雞！ 半隻燒雞 唔係好大隻，燒得肉質鮮嫩唔乾，我哋揀咗OMG秘製辣椒醬(普通），唔太辣好香口惹味 煙鴨胸pizza 我哋揀咗較特別的口味，海鮮醬與煙鴨胸味道好夾，仲配上青瓜同京蔥，好有片皮鴨風味！ 雞翼2隻 最驚喜係雞翼因為超好味，炭燒香味濃，味道帶少少甜香。 薯條 粗身薯條份量超多，熱辣辣，配埋帶少少辣嘅調味粉，超正！仲有脆卜卜的蒜蓉包，真係好滿足

今日同媽媽食lunch，緊係食好D！ 我哋柯打了兩個lunch set ,加咗一個沙律一個餐湯！ 磨菇湯：好香濃又滑，仲有粒粒磨菇，好正 沙律：菜好新鮮，仲有藍莓同紅莓，十分開胃 春武里府是拉差醬雞腿肉比薩個名夠曬長 雞脾肉好滑，原來是拉差醬同pizza 好夾，食唔出有辣味，反而好惹味，pizza 上鋪上薄薄一層黑松露薯蓉，有雙重口感，又軟又香，正 XO醬燒帶子長通粉 自家製XO醬見到粒粒蝦米同瑤柱絲，微辣與帶子的味道超夾，鮮甜嘅帶子煎得香口，長通粉煮得彈牙！ 蜂蜜紅茶：茶濃少甜，飲得好舒服！

放工后，肚餓到飛起，與同事一齊食漢堡包加薯條填下肚！ 我地緊係一人一漢堡包再加薯條加雞翼！ 熱帶之堡 個漢堡係外軟內脆的牛油烤拱，用料十足，有厚厚的手打漢堡，牛肉味濃又爆汁，有芝士，原片生菜蕃茄，煙肉配上千島醬，再加我最愛嘅菠蘿，因為菠蘿嘅酸甜剛好中和啖啖肉嘅油膩感！ 白菌之堡 主打白菌加松露醬汁，我偷食了一啖，同樣味美！ 肉汁芝士薯條 每條薯條都掛上半溶嘅濃芝士加肉汁，好邪惡！ 忌廉蘑菇雞冀 雞翼已去骨，裏面釀咗忌廉磨菇，香口惹味！

今日係鱷魚恤大廈做完facial,聞到好香嘅蛋糕味，一於試吓古早味蛋糕！ 我好貪心柯打咗兩款一咸一甜，外賣回家好好下午茶！ 先試食咸味的鹹蛋黃芝士古早蛋糕大熱，蛋糕質地鬆軟又濕潤，厚度十足，雞蛋味香濃，蛋糕中間有流心芝士及粒粒鹹蛋黃，芝士與鹹蛋黃的咸香出奇地夾，不過就較漏。 本身係綠茶控的我很喜歡紅豆綠茶蛋糕，因為綠茶味超濃，唔太甜，蛋糕中有紅豆粒，鬆軟的質感帶著濃厚的蛋香，蛋糕面上鋪上香脆杏仁片，口感一流！