今日去太和探朋友，一齊歎下美食加靚酒 我地柯打左2個主食加2杯白酒！ 白酒 好有驚喜，白酒上有煙冒出，好靚打卡一流！不得不讚個酒杯加白酒都好凍，酒帶微酸果香。 慢煮西班牙黑毛豬鞍配焦糖蘋果 賣相與味道同樣吸引，黑毛豬煎得外脆，保留住肉汁，配菜很豐富，有紫薯蓉，青瓜薄片，同青蘋果蓉，可中和黑毛豬嘅油膩感，我每一啖都配不同配菜，清新美味！ 蒜片辣椒蟹肉扁意粉 扁意粉十分彈牙，用料上乘，有好多蟹肉仲有魚子醬，味道帶少少辣，惹味香口！

朋友推介此餐廳因為高質加性價比高！ 我地柯打咗一份午餐再散叫壽司及小食。 午餐：蒲燒原條鰻魚定食，包前菜，沙律同麵豉湯！ 相信冇人估到原條鰻魚足足有成個壽司碟咁長，好誇張鰻魚肉厚又味美，最驚喜係鰻魚底下有流心蛋，蛋汁加甜甜鰻魚汁飯，好味到好感動！ 壽司：散叫左3款 松露油甘魚，蔥粒吞拿魚蓉，鰻魚壽司 全部壽司魚生好新鮮，仲有半價優惠，絕對物超所值！ 茶碗蒸： 蒸得好滑，用料很豐富，有蝦，雞同冬菇 蜆肉烏冬： 個湯底係好濃鰹魚湯，烏冬超滑身，有好多脹卜卜嘅蜆！

一直都好想試吓藝術打印咖啡，與朋友放假一於到K11 Musea 行下街打下卡 我哋柯打咗兩份午餐，凡柯打午餐就可加$38可試吓藝術打印咖啡 每份午餐包沙律： 凱撒沙律：菜很新鮮 風乾火腿田園沙律：用料很豐富，配上火腿的咸香 香煎慢煮三文魚扒： 煎得外脆內嫰，由於慢煮關係，魚肉特別嫩滑！ 波隆肉醬通心粉： 芝士味香濃，煮得剛好彈牙，寬條通心粉好掛汁！ 藝術打印咖啡 好靚嘅藝術打印咖啡，我叫了一杯朱古力底，打印咗色彩繽紛嘅大雄與叮噹，另一杯咖啡底，每杯飲品靚到唔舒得飲 意式提拉米蘇 濃香咖啡味不太甜，一層cream 一層手指蛋糕，甜而不膩，為美滿的一餐作結！

今日同好朋友好好食一餐以慶祝新年🎉 我哋柯打咗兩個午餐包餐湯同沙律另外加錢加多個甜品！ 龍蝦湯 好有驚喜，好香配上熱辣辣餐包，正！ 炭燒日本鹿兒島黑豚肉扒 黑豚扒燒得剛好，肉質鮮嫩，肉味十分香濃！不得不讃薯蓉牛油味濃，仲配有翠肉瓜加甘荀，口感豐富！ 菠菜芝士意大利餛飩配黑松露汁加意大利粉 好香滑嘅黑松露汁配上一口意大利餛飩，充滿了菠菜同芝士嘅味道，一碟有成十五粒！我哋加咗$18有一碗意大利粉，煮得很彈牙可口！ 蘋果批配雲尼拿雪糕 賣相吸引，係較薄身的蘋果批，上面舖上蘋果片，皮底係香脆嘅酥皮，味道唔太甜，與雪糕超夾！

又係觀塘覓食，今次一於食漢堡包加嘆杯靚咖啡！ 瘋狂芝士日本飛驒牛漢堡 厚切半溶芝士，漢堡個包係焗過，十分香脆，配上充滿肉汁牛味香濃嘅漢堡，蕃茄生菜，多重口感，味道一流 吉列豬扒大啡菇滑蛋蓋鐡板拌飯 好大塊嘅吉列豬扒有咸個鐵板咁大，仲要係好厚身，入面有cafe 少見嘅大啡菇，半溶芝士加滑溜蛋包飯，配有香甜粟米，好滿足 紫薯湯 濃濃紫薯甜香滑溜，值得一試！ 綠茶鮮奶加cappuccino 打卡一流，有隻貓木匙羹，咖啡味香濃，仲可免費加不同配料

今日外賣泰菜午餐回家慢慢食！ 我哋柯打咗2個午餐加一個串燒！ 泰式海南雞飯 海南雞好嫩滑，份量十足，配上吸曬雞精華的雞油飯，仲有3款醬汁包括濃濃略帶甜味的黑醬油、薑蓉，以及艷紅的酸辣醬汁，每種蘸下，都讓雞變出不同風味！ 冬蔭功海鮮湯河 我最鍾意食冬蔭功，湯河同湯分開2個碗，冬蔭冬好足料，有蝦，魷魚，青口，秀珍菇，磨菇，車厘茄，酸辣味美。 龍眼冰 有好多龍眼 泰式串燒6串 可以有雞，牛，豬各2串配沙爹汁，香茅味好重，最啱食肉獸！ 每人約100蚊到有小食，主菜加特飲，性價比高！

今日放半日假，放工後緊係tea 一tea 之前在Mega Box 經開好想去試一試！好懷念的日本pancake 今日一於試吓

我同媽咪shopping 完，見到有新品雞蛋班戟，同冬季期間限定飲品，一於柯打試吓！

雞蛋pancake 目玉燒夏威夷班戟
賣相超靚，特製蛋黃流心香濃，白色的蛋白其實係好豐盈的牛奶忌廉漿，一起吃滑溜溜的，夏威夷班戟係實心美式厚班戟，牛油味濃點上金黃蛋漿，正！

士多啤梨梳乎厘班戟
我較喜歡喜歡空氣感十足的梳乎厘班戟配上酸甜心型士多啤梨，幼滑忌廉份量十足，滿佈在整個班戟，班戟鬆軟厚彈，入口富蛋香

胚芽薑味燕麥奶咖啡
胚芽令咖啡口感豐富，薑味與咖啡出奇的夾，好適合冬天飲，暖暖的味道！

愛爾蘭忌廉泡沫咖啡
香濃咖啡配上香滑忌廉，配班戟一流！

好美好嘅tea🤗

好想食台灣野，一於search 下同同事去試下！ 我哋叫咗兩個午餐主食飲品加一個小食！ 1）鹽酥雞滷肉飯 熱辣辣炸得咸香酥脆嘅雞件，有成6-7塊，配上半肥瘦嘅滷肉飯，油香味美，仲有非常入味嘅滷蛋，不得不讚配有清的娃娃菜 2）清燉牛肉麵 賣相一流，湯頭完全唔油膩，好濃郁的牛肉原味，每塊牛展筋肉分明，稔滑肉味香濃，蘿蔔超入味，係好喜出望外的牛肉麵！ 3）玉米起司蛋捲餅 我好鍾意食台灣蛋餅配不同涵料！依度的蛋餅外皮蛋味香濃，包住流心拉絲芝士同粟米，絕對拍得住台灣夜市 4）黑糖珍珠奶茶同百香果綠茶，大大杯好抵飲！ 依間餐廳絕對會encore !

今日一家三口唔想煮餸，一於叫外賣，自己在屋企只係煲個飯，又去買酸菜魚同雞煲加料啦！ 今次醒目一早打定電話柯打外賣，一去到就即攞！老檀酸菜魚二人份加$10 換購價換購重慶雞煲一份！酸菜魚份量大到真的嚇了我一跳，像個面盆，裡面除了魚，還有芽菜，寬粉，蓮藕等等，十分豐富。魚很滑溜，全部魚肉都已起骨，吃起來方便。魚頭係炸過再煮，十分香口味美。酸菜湯底本身是帶酸小辣，好醒胃！ 重慶雞煲煮得麻香惹味，醬汁濃郁，雞件肉質嫰滑，送飯一流！

之前食午餐時，待應姐姐推介晚市外賣，今晚屋企打邊爐一於試吓！ 估唔到2人份量嘅老壇酸菜魚只係$188，係裝滿party 份量鍚紙盤，仲有保鮮紙保包，非常保溫，半個鐘車程都保熱辣辣！另加$10優惠價就可食到重慶麻辣雞煲！ 回到家後，我地用酸菜魚的湯做火鍋湯底，將魚肉慢慢加入鍋中，嫩滑的魚肉吸收咗湯的精華，酸菜魚用料十足，除了酸菜，泡辣椒外，重有芽菜，蓮藕片同水晶粉，味道香濃酸辣，做火鍋湯底，根本唔使點任何醬汁 重慶麻辣雞煲，雞肉煮得十分入味，醬汁麻辣香撲鼻，惹味十足 二百蚊都唔使依個外賣套餐，實在太抵！