呢個有似啲糯米雞，但外面係葡萄葉。裡面係飯加上鷹嘴豆及香料，作為一個開胃既前菜首選。Dolmeh ($68） 呢碟係串燒牛肉同雞肉，伴上沙律。食落好開胃，牛肉同雞肉都燒得啱啱好。仲有一陣陣藏紅花既味道。Bakatiyari with Salad ($155） 呢個係燉飯，主要材料有羊肉、紅腰豆、以及藏紅花飯。味道好特別，好有新鮮感。Ghormeh Sabzi($158） 好惹味既雞肉串燒，雞肉烤得好juicy。唔會好乾身，而塊薄餅可以當飯咁食。Saffron Joojeh Kabab With Naan($130）點可能唔食甜品，Baghlava係幾特別既甜品。由多層既酥皮加上果仁，塗上蜜糖同玫瑰水整成既甜品。好甜但值得食。($38） 另一個係藏紅花雪糕，第一啖感受到好重既藏紅花味。仲有啲開心果喺雪糕裡面。好正既一個甜品。($68） 一杯藏紅花茶，作為一餐美食既作結。

呢間喺新蒲崗新開既餐廳，餐廳環境光猛。入面既侍應服務態度唔錯，會好主動幫你睇下啲餸黎齊未。 當你要落單果時，會覆單。雖然呢啲係基本要求，但員工要做既都。做得唔錯。潮洲蠔餅 真係估唔到，茶餐廳會做出出色既潮洲蠔餅。做到外脆內軟，送飯一流。如果有多幾個朋友食，share絕對正呀 腐乳炒通菜 越簡單既餸菜就越難整得好食，呢碟炒通菜真係好食。最緊要新鮮既菜加上惹味既腐乳，絕對係晚飯首選。

都唔知幾多年無寫過食評，對上一次都唔記得係幾時。呢日有幸黎到樂富，商場裝修後變得美
侖美奐。不過睇極都唔知食咩好，最後好隨意地入左呢間餐廳。入到門口就係收銀，之後係
一堆好舒服既梳化。但燈光就唔多夠，不過咁又顯得一點浪漫。

回到正題，小弟長久以來已有選擇困難症。今日就試下茄蓉吉列豬扒石鍋飯，個賣相都唔錯
既。香濃既茄蓉配上熱辣辣既石鍋飯，味道又真的不錯。茄蓉唔會太酸，其實仲有啲肉醬。
感覺都幾惹味，食到最尾，竟有少許飯焦。可算係石鍋飯既精粹，而且感覺有點似食煲仔
飯，真係唔錯。

另外，吉列豬扒相當juicy。而且都算幾厚身，絕對唔係市面既薄切豬扒。所配既沙律醬
應該係BB牌(丘比)沙律醬，配上吉豬，真的惹味啊。

喺愚人節既中午，心裡忽然間想食譚仔。雖則譚仔有好多好多既分店，但有啲係三哥，而
有啲就唔係。食過n次，都知三哥既會較非三哥既譚仔好食。咁啱要出MK，所以就黎呢度
解決個午餐啦。

喺呢度食米線，始終係麻辣湯底最吸引到我。因為我鍾意個湯辣得黎又有種令舌頭麻痹既
過隱，因為呢種感覺似乎係三哥既譚仔先搵到。試過喺非三哥既譚仔食一樣既湯底，係得
種死辣既感覺，絕對係痛不欲生。因為得個辣字，就唔係麻辣啦。

配料方面，都係食開雞肉同腩肉，呢兩種係最大路既選擇。三哥既腩肉係肥瘦均勻既，而
且無種韌既hard feeling。反而食過得瘦肉既腩肉，唔通呢啲係腩肉走腩，得番舊肉。
><而雞肉就比較嫩滑，容易入口既。雖然非三哥既雞肉同呢度無乜分別，不過啲餸既份量
就比較少，無咁抵食。三哥既米線會比較好食，硬度適中。我試過食啲好稔既米線，個
感覺真係好難受。 ><整體上，我覺得米線、湯底同配料，都係三哥好食啲。食完個噴火既米線，唔小得杯凍奶茶解辣既。唔係賣花讚花香，呢度既凍奶茶算係數
一數二中好飲。之前聽人講，話呢度既凍奶茶係用豆奶沖既。所以有呢種特別既味道，
可能係呢種第二道飲唔到既味道，令我愛上左凍奶茶啦。因為奶裡面有油分，所以當
你feel到好辣好辣既時候，飲凍奶菜會比飲冰水有效得多。食完呢餐令我頗滿足既午餐，個感覺真係好得多。相信仲有翻兜既機會，因為食物
都算唔錯。而服務都ok啦，如果呀姐可以多啲笑容就好啦。得閒再食碗噴火米線
同飲杯凍奶茶，絕對係人生一大快事。

對於中文頗差的我，也明白甚麼是盛宴。話說呢日同媽子食完飯過黎享受盛宴，但估唔到呢間
店以無布丁為理由而不售盛宴。其實，我們也想到解決方法。可以以其他甜品代替，但店員卻
帶我們"遊花園"，以公司的政策拒絕我們的要求。沒想到一間公司在處理這類突發事情上是多
麼的沒彈性，難度享受盛宴是沒可能的事。結果經過一番爭拗，最後把袖珍芒丸子代替了
袖珍淡奶布丁的一位。但呢個只係惡夢既開始.....

由於無心情幫每道甜品拍照，只好由左上角講起首先係芒果奶凍，其實味道都算合格。奶凍尚算細滑，不過奶味欠奉。而且芒果味也
不算太明顯。但呢個甜品只算係剛剛合格，不值得再提。

之後是芒果凍餅，質感比較硬如石頭一般。難道是解凍時間不足所致，這道也算
是經典。因為我曾未嚐過如此像木糠布丁質感，而內裡卻是忌廉不像忌廉的夾心層。
而芒果比較酸，所以整體上是不及格的。

再來是滑滑燉蛋，是唯一沒有芒果的甜品。蛋香不足，而且不夠細滑，這也不太
重要。但我卻吃到一陣怪味，似係種非筆墨可形容的腥。

第四是粒粒芒果慕絲，對於不太喜歡芒果的我，自然對佢無乜好感。呢個似係人
工化既甜品，奶沒有奶香，芒果味也不太突出。感覺只係加添了香料便端上枱罷了，
見到真的有點想反胃。

接著是袖珍芒晶晶，呢個算係比較好一點既菜式。因為晶晶係無色無味既水晶
條，再加上一球芒果撈球。食下有點透心涼既感覺，呢個算比較好一點既菜式。

而袖珍芒撈河也是差不多，只係把晶晶換成椰汁條，口感無晶晶咁好食。始終
椰味太重，唔啱我口味。

再來係一品芒糍，倒不如叫一口芒糍吧。那芒糍的外皮不太黏，內裡的芒果也
沒太特別可評，打及格分數也合理。

最後的是袖珍芒丸子，是相當難食的菜式。那丸子像剛從冰箱拿出來的，用盡
九牛二虎之力才可咬開。味道真係差得恐怖，令我難以再回頭。

呢個經典既盛宴，令我刻骨銘心。因為由八道不同的菜式所炮製的盛宴，味道竟然如
此，實在令我難以相信。其實88蚊一個盛宴，食完真係得啖笑，因為真係唔值咁既
價位。三十幾蚊就合理啦。

除此以外，呢度既服務生做野有點遊雲feel。做野唔夠積極，面對突發事件既應變
能力奇差。食食下野咁啱聽到個呀伯幫襯許留山成廿年，之後喺度話啲人做野點
唔好。可想而知，許留山既管理方式係未能配合現代既經營方法。日日都要俾人
問候，個心一定唔好受。解決只好由上到下解決管理問題，否則日日只會俾人
插 ><。

猶記得上次識食美女帶我黎Outback食飯，此情此境到現在仍記憶猶新。唔知點解，我個同學
心血來潮話想黎呢度食lunch，我當然唔會拒絕啦。因為佢都想向Chocolate Thunder朝聖，見
識佢既蘆山真面目。廢話小講，呢度既午市套餐既價格相當大眾化，58元起便可享用一個set lunch。
而且已包括麥包、餐湯、主菜及餐飲。呢個價格絕對係合理，相當抵食。

首先奉上麥包，睇完艾晨既食評後。才曉得呢個係麥包，而非黑糖包。隨包附上牛油，為免影響
麥包既味道，我只會加上少許牛油伴包。麵包保持微暖，鬆軟可口。之後奉上沙律，沙律既菜都幾
新鮮。而沙律既醬汁係意大利汁，帶有幾分清新。而且無左千島醬既油膩，相當健康。再來既係
露荀西芹湯，呢個餐湯雖然無乜特別。但呢個湯加上份量十足既忌廉，creamy度十足。不過要喺
健康度扣一點分，始終忌廉味太重都唔係太好。之後到了主菜既環節，我點了的愛麗絲坪燒雞胸已端上到餐枱了。本來是配雞味飯，不過我還想以
薯條作伴菜。慶幸經理可處理小弟麻煩既要求。而雞胸既味道可算是預期之外，雞既肉質嫩滑
相當，食不到一點粗鞋的感覺。而面頭伴上芝士、煙肉等配料。可算是錦上添花的功夫。而伴碟既
粗薯條惹味相當，只需要加一點鹽便可突顯其美味。呢道主菜真係俾到我一種久違的美味，估唔到
簡單既食材都可以製作得那麼美味。最後當然係大家最期待既甜品啦，Chocolate Thunder可算係Outback既招牌菜。可能廚房要處
理繁忙既午餐，因此我地既甜品都延遲左上枱。不過，等待總是令人期待既，所以都唔太在意。
當Chocolate Thunder上枱時，我俾佢既霸氣嚇到。因為真係好有氣勢，其實佢有三層。最
上層係鮮忌廉，中間則係雲呢拿雪糕，而底層係熱果仁朱古力軟餅。個人認為，
應該將三層一齊食，咁樣可以一次過食到三種既滋味。而奉上既朱古力醬也不客氣，絕對有點水浸既感覺。
雖然吃罷這甜品有十足的罪惡感，但為了此刻的快樂也是值得既。食完呢個午餐，真係有相當既滿足感。食品既質素無容置疑，服務亦都值得一讚。當我地吃了主菜後，
經理會問我們對這頓午餐的意見。雖然呢個環節可有可無，不過為了令服務做到最好，這環節是不可
忽視的。只要有美味既Chocolate Thunder同有禮的服務，Outback係可以無限次既翻兜。
現在，應期待下次既Chocolate Thunder。

又係星期二，亦都係我同朋友既約定。唔知點解，我同佢見到呢度食物既outlook唔錯，
就走左入黎。不過，亦都係惡夢既開始。點解係惡夢，下段分解... ><

首先奉上冷冰冰既餐包，個餐包真係教人失望。因為餐包點好食，如果唔係微暖既，
都已經判左死罪...唔好食。真係估唔到連基本都做唔到，由呢個時刻開始。我已經對呢
餐無期望。因為希望越大失望就越大。不過，餐湯又有啲驚喜。南瓜湯整得好creamy，
南瓜味好重。呢個湯都算係合格之上，因為我太鍾意南瓜啦。仲有一個沙律，見到啲材
料唔太新鮮同泛濫既沙律醬，見到都唔想食。送上前菜、餐湯後，就係主菜時間。我既漢堡煎蛋飯端上我的枱面。其實，漢堡都
唔太差既。都係正常既一塊漢堡扒。無乜特別既comment，而煎蛋更加唔使特別講既。
不過個餐既份量少，我食完真係唔知飽既定義是甚麼？呢個餐實在教我失望，我相信一
個男人食完都唔覺飽架。而朋友既非洲燒雞就唔錯，不過佢唔知非洲燒雞既定義是
甚麼。食完那麼樣既主菜後，便是甜品時間。呢日既甜品係草莓奶凍，草莓味比奶味
為重。而且唔夠creamy，結果我要加上凍啡所附加的牛奶調味。調味後既味道又
唔錯。我最欣賞既唔係杯奶凍，而係個幾得意既奶凍杯。食物相當教人失望，感覺有點似俾錢買位。因為新都會既午市係得呢間少人啲，可以
坐得舒服一點。此外，呢度係無服務態度架。有個較年輕既侍應相當無禮，每次落
主菜同收野，都係以"硬著陸"既方式處理。相當擾民。而當我個朋友想加牛奶落
奶凍時，果個侍應問都唔問就收左個牛奶。呢啲服務質素還比茶記差一點，完全
係不知所謂。我相信我都唔會再黎，除非我傻左啦。

黎到最後一站，同行既朋友話想食意大利菜。但始終budget有限，所以就黎左呢度食
港式意大利菜。雖然呢間意粉屋唔算太大，但都算坐得舒服。當服務生問我地要
凍定暖水之後，我地就睇menu叫野食啦。其實，都係有湯、小食、主菜同甜品等
等啦。

小食、餐湯
首先係蒜蓉包，四片左右既份量係啱啱好。蒜蓉同牛油味都好夠，而且香而不膩。最
重要既係新鮮出爐，食過啲凍得黎又硬既蒜蓉包，絕對不是味兒。我地仲order左
南方雞翼，都而家都唔係好明點解叫南方雞翼。我覺得只係普通既炸雞翼再加上
蕃茄汁既雞翼。不過呢個平凡既配搭都幾好食，食落又幾夾。之後就有酥皮周打海皇湯，對於係酥皮fans既我。就一定唔會錯過，因為呢度既
酥皮湯真係有料到既。不過，呢次轉飲海皇湯。值得一讚既係，海皇湯相當足料。有
蝦、青口、帶子、魚、蜆肉等既海鮮。整體上都唔錯，特別係個酥皮。因為真係好鬆
化，同個湯真係幾夾架。]主菜
飲完湯，食完小食就進入主菜既環節。首先上枱既係田園炸雞籃，呢個經典菜式
都食過好幾次。個雞籃有雞胸、雞槌、雞全翼，鍾意食邊part就食邊part。雖然只係
普通既炸雞，不過雞既肉質鮮嫩，而且醃味適中。好食過KFC多多聲。而且伴籃既仲有
薯條，點埋茄汁更添美味。第二道係煙三文魚海鮮pizza，雖然呢道既pizza只有薄批。不過又焗得幾好食，
最重要既係個pizza真係幾足料。當然有煙三文魚，仲有魷魚、蝦、蟹肉、蟹子。
呢個配搭都算可算係海鮮雜錦pizza，如果pizza可以配千島醬就更美味啦。
呢個pizza批焗得鬆脆可口，食落有啲似餅乾既感覺。估唔到，呢個pizza係我
成日食既。下一道追加既係焗三文魚帶子牛油果飯，呢道菜係第一次食。呢個飯既
三文魚份量頗多，再加上牛油果及蘑菇。配上忌廉汁及芝士焗製，個飯既質地
比較黏。不過食落又幾好食，同平時食飯既感覺係兩回事。唔知係唔係意大利
飯既緣故呢？甜品、飲品
食完咁多美食，點都要有甜品作結既。首先端上君度香橙班戟配雪糕，
呢個甜品又幾特別。好有橙香既味道，而且不乏牛油味。呢個pancake雖然
好簡單，不過加上雪糕，可以食到冰火相交既感覺。另一道甜品係馬天尼朱古力焗香蕉金寶配雪糕，呢個甜品好少有得食，今
次可算是頭一回。其實係將香蕉蓉混入朱古力再加上果仁焗製，味道都幾特別，
而且又唔會太甜。整體上，香蕉味好夠而且同朱古力既味都幾夾。唔少得面頭既
一球雪糕，都可以做到冰火相交既效果。真係到最後啦，最後係意式濃情飲品。味道都幾特別，不過我一啲Tiramisu
既味道都搵唔到。只係似朱古力咖啡既特飲，可能我唔太識欣賞啦。呢餐都幾精彩，有經典既產品，亦都有啲季節性既產品。雖然大家各有特色，但
大家crossover得黎又幾夾。而且呢間意粉屋既服務都唔錯，成日都幫我地加水同
收野，真係難得一見。有機會會再翻兜。

其實都無諗過黎呢間食，只不過咁啱喺寶翠園附近。而且又對奶抹點子念念不忘，唔
係既都唔會入黎。回為我諗唔到咩理由入呢度食野，唔係抹茶點子，我一早去左第二
間食。

首先黎既係期待已久既奶抹點子，不過今次就有啲失望。因為個抹茶味比奶味
重。平時飲開既都係奶味重啲既。而且呢次唔夠甜，飲落有啲唔係太好既感覺。
始終呢杯要另外加錢，自然對佢有另一分既期望。好彩，都有底下既點子補救，
唔係既我一定要回水。因為呢杯飲品真係唔值得加錢，同我上次飲既真係差好
遠。因為杯野抹茶味太重，奶味又唔夠。真係教人失望，短期內都唔會再飲。另一個令我頗失望既係香酥雞拼纖康烏冬。香酥雞雖然係新鮮炸既，不過
味道無大塊雞咁好食。雞排無咁鮮嫩，而且醃味唔太重。似係將現成既雞排
炸左再奉客，實在教我失望。再令我失望既唔只呢樣，纖康鳥冬果然無改
錯名。因為質地有啲似魚麵，而且湯底同滾水泡烏冬沒有兩樣。呢個真係
教我失望相當，令我知道五兜野掟落鹹水海無乜分別。最後，食物當然係令我相當的失望。當然，無人揸住支槍迫我入黎食。只
係自已傻左咁入左黎，只可怪自已。慶幸，呢間野無加一服務。因為我一
啲服務都睇唔到，呢度無樣好。只係埋單效率最高，不消幾秒就搞掂。我
相信我短期內都唔會再踏進呢間野既大門。

喺灣仔行完之後，就過黎LCX睇豆腐。行完有啲累，所以就黎呢度食杯Froyo再上路。
原來，我有個fd係第一次食froyo，可能佢會對呢樣食物覺得好新奇。呢間Froyo點
既大杯裝可以揀2種配料同1種糖漿，30蚊一杯。

呢個Froyo既奶味偏重，酸味略嫌不足。不過呢個配搭唔錯既，我鍾意奶味重小小
既Froyo，咁會好食啲。而配料就揀左Oreo同玉米片，糖漿就要左焦糖味。呢
個配搭係我食過算幾match既，食落好脆口，再搭上一啖一啖冰涼既Froyo。實在
係人生一大快事，雖然呢個價位可以食其他食物，不過我覺得咁食都唔錯
既。整體上，有機會都會翻兜既。配料都算幾啱我心水，不過我都係睇住銀包著想，都
係慳啲使好啲。