火鍋店會現場有專人手為食客煮製火鍋。我哋叫咗個火焰三椰雞鍋，店員親自為我地起鍋，先將雞件略炒加埋有好多椰子肉 香氣四溢。之後再灑上酒，然後一把火點燃，瞬間燃起陣陣火焰，讓整個用餐體驗增添了一絲刺激感。 再加入新鮮的椰青、椰皇和椰子雞湯，燉煮出濃郁的椰子風味。當湯底煮滾後，店員還會貼心地幫我們隔油，確保我們享受到最純淨的湯底。 火鍋店還提供多款特色火鍋配料。他們的牛骨牛汁丸鮮嫩多汁，入口彈牙，絕對是肉食愛好者的首選。我好喜歡海鮮，所以試左他們的鮮蝦雲吞，鮮甜彈牙。手打的黑松露墨魚丸則帶著獨特的香氣，讓您一試難忘。此外，他們還提供雜菌拼盤和蜂巢豆腐，都好新鮮。 由於太肚餓，所以再叫左一些小食。他們的泰式蝦餅外脆內嫩，搭配特製的泰式醬汁，絕對是下酒的好點心。阿波尾手羽先則是燒得外皮香脆，吃起來鮮嫩多汁，真係滿足我既味蕾。 這間火鍋店的火鍋美味，還有多款精選配料和小食，食野時又可以享受舒適乾淨的用餐環境。

尋日響Mozy Café and Bar 食咗個好高質既晚餐
環境夠晒Chill 又relax
一邊食野一邊聽住英文歌曲一邊beer beer 佢
真係好正😊


店員推介左幾款店內特式食物：


澳洲牛肩肉配無花果多士
澳洲牛肩肉 充滿牛嘅香味 切成薄片 十分鮮嫩
配上新鮮無花果 格外清新 加埋香脆嘅意大利香草包


蘋果木煙燻西班牙黑毛豬鞍扒
呢度菜好令人驚艷
店員帶住一個充滿着煙霧的透明玻璃器皿
入面煙霧瀰漫 充滿神秘感
原來呢啲就係蘋果木製造出嚟嘅煙熏效果


經過煙燻嘅西班牙黑毛豬鞍扒 味道獨特
店員建議我哋先試吓黑毛豬安扒嘅原味道
切開係粉嫩嘅顏色 果然肉味香濃 入口軟腍
之後再連同碟底嘅蘋果蓉一齊食，又有另一番口感同滋味
清新嘅蘋果蓉 蘋果嘅甜味突顯出豬肉嘅香味
豬鞍扒上仲鋪滿左藜麥 好健康
仲有啲配菜添


香煎帶子櫻花蝦意大利飯
櫻花蝦乾嘅鹹香味，魚籽嘅鮮甜味
加入煮得軟糯又creamy嘅意大利飯
意大利飯混入咗鮮嫩露筍 有幾重口感嘅享受
加埋煎香左大大粒嘅帶子 鮮甜又爽口
好夾呀


16小時慢煮黑毛豬三層肉意大利麵
店主用咗慢煮嘅方法去炮製 伊比利亞黑毛豬腩
咁樣做可以保留食物嘅原汁原味 減少咗水份嘅流失
食落口比一般嘅肉更軟腍
三層肉嘅外皮超級香脆 其餘嘅肉質軟腍 好味
意大利麵入口彈牙配上煙燻蕃茄醬，嫩露筍
仲有巴馬臣芝士
真係流晒口水


放咗工之後同朋友嚟摸吓酒杯底 黎杯Orion Draft
食吓美食 咁又過咗一個美嘅晚上☺️

最近行街見到依間上海菜開左好多分店 今日行過上環分店 就心血來潮走入去試吓 叫左三款食品 當然要試一試餐廳嘅招牌生煎包 生煎包外皮好薄 包底煎到好香脆 脆卜卜咁 咬落去包入邊嘅肉汁鮮甜 爭啲噴到周圍都係 真係好多汁 包入邊嘅肉餡肥瘦均勻 生煎包上面仲加咗好多黑芝麻 咬落去陣陣芝麻香味 再加埋香蔥 真係幾好食 麻醬手撕雞絲粉皮 份量幾大 麻醬味好香濃 醬料好多 有好多好清新嘅青瓜絲 粉皮晶凝通透 店員話啲雞肉係用新鮮的三黃雞 用人手撕肉製成 特別有口感 另外再叫咗個鮮雞湯小雲吞 湯底係用左十多隻三黃雞熬煮 唔怪得知咁鮮味 小雲吞嘅份量都幾多 好有咬口 小雲吞嘅肉餡調味都調得幾好 少少的空間坐滿左食客 有堂食客人 有外賣客人 咁好食 唔怪之得咁好生意

嘩，食飯嘅朋友，我今日要同大家分享我喺上環發現一間健康食堂！佢係一間夏威夷波奇飯店叫Poking，地址係上環蘇杭街121號，裝修簡單乾淨企理，有種日式食堂既感覺。我話你知，呢度真係有驚喜！絕對係打卡必選😍 首先，我要講下Poking嘅特式。佢主打健康同多款自選嘅食物。你可以自己揀選喜歡口味自由配搭，食材新鮮即叫即煮，我一手機落單就見到店員即刻入去煮同準備。無需擔心份量問題，大大碗夠晒飽肚。 我試咗兩款人氣菜式。第一款係Signature Bowl - Thai Good Day，真係食落好fresh好開胃！香煎雞扒、新鮮蝦、新鮮菠蘿、中華沙律、甘筍絲同花生碎，全部放喺壽司飯底上，再淋上泰式沙律醬，我眨吓眼已經食晒成碗 飲品方面，我揀咗抹茶高蛋白飲。抹茶味好濃，我第一次試蛋白飲，感覺好健康又唔會好甜，同個signature bowl係絶配 我朋友就揀咗warm bowl - 香煎三文魚柳飯。我見好香所以分咗啲黎試，三文魚柳睇得出有心機慢煎，食落少鹽少油，配埋香口嘅菇粒，同健康糙米飯，實在好味又營養豐富。食完之後會令你想再黎encore多幾次。 最後，我又試咗南瓜湯。南瓜湯滑口又微甜，飲落有啖啖南瓜絲。 朋友叫既熱蜂蜜柚子特飲正常，喝落酸酸甜甜好解渴。 總括而言，我覺得喺Poking嘅食飯體驗非常唔錯！健康同自選嘅食物、新鮮嘅材料同友善嘅員工，全部都令我留下好嘅印象。如果你想食到飽肚又健康嘅一餐，我絕對推薦你去Poking試下，記得要試埋杯蛋白飲！相信亦都好適合健身一族☺️去完shopping可以順便食吓嘢

最近聽到朋友同我講話佢食過一個好抵食嘅任食火鍋，仲要係泰式添好似好少見到，所以今日就等我去試吓啦 叫咗個泰.初夏之雞煲 +牛板腱火鍋放題 首先入座前就揀選湯底先叫咗個椰汁雞湯底同埋芫荽皮蛋湯底 椰汁雞湯底係酸酸地好開胃好清新 芫荽皮蛋湯夠正宗 雖然係任食，但係啲牛肉都好新鮮 顏色超靚 而每一次落單店員都送足夠嘅份量俾我哋 肉類就係經手機落單 仲有好多唔同種類嘅特色飲品同埋熟食添呀 精選牛板腱 澳洲250日穀飼卡樂Beef 兩種牛都好有牛味 肥瘦均勻 牛胸爽比較少見好特別 開頭以為佢係肥膏 原來食落係好爽脆架 充滿豐富嘅骨膠原 西班牙栗心豚肉片 - 豬嘅味道都好濃郁 仲可以任叫酒嫩雞件 不過太多嘢食我哋冇叫到 大堂外面仲擺放咗自助任食區 有各種蔬菜丸類 選擇好多 特色飲品方面，我哋叫咗青檸梳打 凍檸茶 龍眼冰 仲有榴連雪香 全部製作都係好有誠意架 都好好飲🤤 熟食方面 叫咗串燒有牛豬雞選擇 仲有泰式豬手 炸各種丸類 個豬手滷得好入味，腍晒好味 串燒都好有特色 泰式雞煲個味道同傳統嘅雞煲唔同 係有啲酸酸辣辣 幾開胃 雞煲都係可以任食㗎😍😍 再唔夠，仲可以再出去自助區嗰度攞香茅茶 泰式甜品、炸物 、西式甜品、仲有好多唔同款嘅雪條可供選擇 好豐富 真係要餓幾日唔食嘢先得呀😂 啲嘢食嘅質素真係好高，款款都好味 店員嘅服務好好會不時為客人加湯底 收走啲碗碟嘅速度亦都好快 值得encore！

烤魚返大陸就食得多 今次喺香港揀咗間食烤魚嘅餐廳 原來都係咁正宗架 烤魚首先選擇咗魚嘅品種先 我哋就揀咗江團魚 佢嘅肉質肥美 油份重 仲有膠原蛋白添 食好嘢之餘 仲有美容功效😝😝😝 口味方面叫咗 鮮九葉花椒BB豆花 BB辣 花椒味道好香 仲有好多芫荽😍 湯汁入邊仲有青瓜片 木耳 豆花同埋紅薯粉 好好奇豆花係咩 食落口都幾似豆腐 滑捋捋咁 連埋其他配料 吸收了湯汁 特別好食 江團魚真係好肥美又嫩滑 啖啖肉 冇乜骨 另外再叫咗個萵筍 份量都幾大 放入烤魚鍋入邊 又係同個烤魚好夾嘅 食食下見到枱角有個好吸引嘅圖片 蒜蓉牛油燒澳洲龍蝦 🦞 價錢又唔貴喎，所以叫返碟嚟試吓 一上枱見到佢差唔多成隻手掌咁大 啖啖肉 好新鮮 龍蝦上邊鋪滿蒜蓉 仲有陣陣牛油香味 店員話龍蝦足一斤㗎 最後順便叫埋杯啤酒 啤一啤佢 🍻 大滿足😌

今日專登去到上環柏延坊頂樓嘅「冒喜」,試下呢間以四川成都風味見稱嘅特色冒菜。冒菜俗稱「冒鍋」,源自四川成都一種獨特嘅蒸煮小吃。冒菜主要由蔬菜、肉類或者海鮮等食材組成,以麻辣鮮香嘅高湯為底,放入眾多配料一同慢慢煮至入味。其特點就係湯頭濃郁,入口麻辣鮮香,菜餚種類繁多,而且質地各異。 一入門就被店舖華麗嘅大理石裝潢同埋舒適整潔嘅環境所吸引,去洗手間嘅走廊仲閃閃發光，好似一間高級酒吧ge打卡位。點菜方式係類似港式嘅車仔麵，首先可以揀有唔同配料數量嘅套餐，再揀選配料，主食同湯底。 我點左一個吉祥套餐，有六款食材，包括「貴州丁家脆哨」，姐係豬油渣，外表金黃酥脆，慢慢炸至金黃色，真係又脆又香，停唔到口/「潮汕蒜香墨魚丸」爽滑彈牙，蒜香味撲鼻而來/「魚腐」口感細緻綿密/「豬大腸」入口即溶,肥而不膩,又吸收了湯汁嘅鮮味/「冰豆腐」吸晒啲湯汁，仲有「滑牛肉」，湯底我揀咗貴州臭豆豉辣湯配上番薯粉，少少辣但好香好開胃。 我朋友都揀左吉祥套餐：「潮汕牛肉丸」彈牙多汁無得頂/「蟹籽蟹粉丸」/「滑雞片」/「胡椒豬肚」軟嫩，層次豐富/仲有「牛黃猴」爽滑彈牙/「萵苣」，湯底方面揀左秘製香辣湯配土豆粉，望落好似好辣，但其實好香好入味。 除咗呢啲，我地仲叫左酸梅青檸烏龍茶同洛神花山楂蘋果解解辣，飲品不過不失。 我哋仲點咗樣小食「秘製滕椒魚皮」，魚皮好厚又爽滑，加埋秘製藤椒，食到唔停口。最後仲叫左「桂花蜜烏梅冰粉」清新爽口，裏面酸酸甜甜好開胃。 總括嚟講,冒喜嘅菜式真係令我驚喜，四川麻辣加上潮汕風味、裝潢別致環境舒適，加埋價錢合理，絕對值得一試。

好喜歡吃泰國菜的我又出動了 這次找到位於大圍的小店 座落於比較寧靜的內街 感覺好像度假呢 門外的裝修令人感覺身在泰國🇹🇭 內𥚃的佈置也是呢 天花上掛著泰拳短褲 印有不同的泰國字句的板子和紙雨傘 還有牆上的畫作 加上餐廳嘅座無虛席 真的會讓人想起到泰國旅行的點滴 叫了一個阿叔船麵 這個在泰國很有特色的麵食 真係必點呢 配料選擇了牛肉 濃濃的船麵湯底 店家加了蒜蓉，增添了蒜蓉嘅香味 牛肉原來用了牛腩 好腍又入味 加埋肉丸豬皮 真係好豐富 另外叫了一個好豐富嘅sharing platter 有香茅魚露雞翼 魚餅 雞棗 炸豬皮 當日蝦餅太受歡迎所以售罄了 但還是很想吃 所以店員安排每款小食各加一件 雞翼經過油炸，但唔會很油膩 有濃濃嘅香茅魚露味道 好入味 炸豬皮脆卜卜 吃不停口 魚餅肉質彈牙 雞棗 外層包上腐皮 外脆內軟 有濃濃嘅雞肉香味 飲品就叫了一杯青檸可樂 加咗青檸嘅可樂 特別好飲 一杯香茅班蘭特飲 香茅班蘭味香濃 入口清新 不會太甜 忍唔住要朋友在門外為我打卡 咁樣又渡過咗一個悠閒嘅假期☺️

前排我偶然經過石塘坊附近,竟然發現了一間隱世的泰式餐廳 - 一於入去試吓有幾誇張。 走進餐廳,我立即被悠閒自在的泰式氛圍所吸引 - 簡約大方的泰式裝修,配上英文歌曲,彷彿瞬間置身泰國。充足的冷氣更是大加分。 我急不及待咁打開咗menu睇啊睇。除咗有好多正餐選擇之外,連酒水飲品都十分有特色。 開胃菜方面,我叫左一碗細嘅椰汁雞湯。濃郁嘅椰味同好多雞肉，加埋香茅,絕對係高質。 之後我又叫左一道唔係度度見到的泰式蟹肉奄列,外脆內嫩嘅蛋餅完全扣住咗嗰肥美鮮甜嘅蟹肉，食到唔停口。 另外又叫左個唔係度度有的炸魚青芒沙律,啖啖肉的魚片配上酸甜可口嘅芒果,再加埋花生同其他香料，酸酸甜甜有少少辣,整體味道層次豐富,非常開胃。 雖然怕熱氣，但最後都忍唔住叫埋個鹹蛋魷魚同甜品叫左個泰式千層糕。鹹蛋魷魚咸香爽口,彈牙有勁,配啤酒絕佳; 而泰式千層糕係我最出奇的，綿密軟糯,得黎一啲都唔痴牙，配上咸咸地又甜甜地的椰椰漿，忍唔住食完一件又一件。 這次意外的泰風之旅,不論是餐廳環境、菜品定係服務,都給我留下了深刻的印象

我自己好鍾意傳統特色嘢 最近比一間好有本地情懷裝修嘅茶餐廳吸引住 店舖裝潢以「麻雀板」綠色為主，每一張枱嘅枱面枱面設計都係仿麻雀板寫上「東、南、西、北」 牆上仲有懷舊風插畫+ 新派霓紅燈 估唔到茶餐廳都可以打卡 忍唔住影咗幾張相😂😂 食左個晚市中式小菜套餐 套餐包括白飯，例湯飲品 揀咗個西蘭花炒蝦球鮮魷 小菜即叫即炒 鑊氣十足 蝦球同鮮魷都好爽口彈牙 西蘭花夠晒爽甜 例湯係青紅蘿蔔湯 好清甜 再叫左個清湯牛腩河 係呢間餐廳嘅王牌推介 清湯腩湯底清甜 無油又不膩 忍唔住飲咗幾啖 牛腩肥瘦均勻 好腍 牛味香濃 加錢仲可以要油菜 芥蘭好新鮮 睇返啲介紹，原來店主的祖母靠賣牛腩麵養活一家，將煮得一手好清湯腩的家傳手藝延續至今, 如今已是第3代喇 仲有兩隻瑞士雞翼 雞翼大大隻瑞士汁好入味 甜甜地 啱晒餸飯 鹹檸七個鹹檸都好有本地特色 鹹香味十足 希望香港呢啲傳統手藝得以保留 可以繼續傳承落去啦