之前食過堅尼地城既分店，食唔到French Toast，念念不忘，終於今日有機會試到💪💪💪 因為之前食午餐未消化完，所以淨係叫左兩杯smoothie和French Toast Mango Smoothie和Banana & Mixed Berry Smoothie ，芒果味唔算太濃，普普通通。Banana & Mixed Berry Smoothie，香蕉味幾濃，反而唔係好飲到mixed berry 味道，都係飲咖啡好啲🤣 主角出場，French Toast擺盤好靚，好啱相機食先🤣味道幾好，多士好軟熟，中間既芝士，淡淡芝士香，可以塗在多士一齊食👍 原來仲想試下意粉，不過真係太飽，都係留返下次再試😋

之前睇到報導，話呢間餐廳做到3月尾，即刻搵機會上山頂試試 本身都諗住想叫一個前菜，一個意粉，一個Pizza，見呢個brunch嘅組合都幾好，就試試👍 餐廳送上麵包，就正正常常啦 前菜有四款，有龍蝦湯，兩個沙律，仲有牛仔肉。牛仔肉配吞拿魚醬，都幾好食。龍蝦湯入邊有少許麵粉粒，食落都幾得意，水牛芝士沙律也不錯 我哋原本想試鴨肉醬意粉，可惜已經售罄，試咗另一款豬肉醬意粉，食落去有少少鴨肝醬，意粉嘅質素算係不錯，但係未去到一試難忘嘅境界🤣 選了蕃茄羅勒水牛芝士薄餅，味道都不錯，不過份量比想像中多，所以有一半打包了😝 甜品拼盤，共有三款，芝士蛋糕不錯，有個不知名的卷，普普通通，最有驚喜的是Tiramisu手指餅，濃濃酒香和咖啡味，果真不錯👍 整體而言，都算係一間唔錯嘅餐廳，將來江湖再見💪

咁啱去開炮台山做嘢，又唔想食茶餐廳早餐，見到呢間文青Cafe，睇其他食評都好似唔錯，一於就試吓 呢間Cafe嘅裝修都係光猛簡潔為主，感覺都幾舒服 早餐時間可以選擇all day Breakfast ，貝果，班尼迪克蛋，牛角包，因為我唔想一朝早食得太豐富，所以就冇揀全日早餐，今次就揀咗三文魚忌廉芝士牛角包，至於咖啡，我想飲比較特別少少，所以揀咗竹炭鮮奶咖啡 三文魚忌廉芝士牛角包，我估唔到佢連埋沙律，幾健康，牛角包超鬆化，配料又唔會太多，份量剛剛好 竹炭鮮奶咖啡，個拉花真係幾靚，杯咖啡飲落都幾香，又冇乜苦味，整體感覺舒服 呢間Cafe可以再Encore👍

長沙灣廣場多左好多餐廳，記得呢間餐廳主打健康餐，之前都有幾多好評，所以就試試呢間小店 本身有少少想試喇沙，但係午餐已經食左蒟蒻麵，呢個都係留返下次試🤣 牛頸脊都幾吸引，可惜賣晒，今次唯有試牛面頰配十六穀飯，另一款就試秘制燒春雞配黃薑椰菜花飯 晚餐包餐湯，沙律和飲品，份量都唔少，原本想試下蛋糕，都要留返下一次🤣 牛面頰配十六穀飯，都幾香，牛面頰係幾好食，不過唔係好似平時食既牛面頰，似牛𦟌，我對牛唔太深入了解，所以無問店員確認，而飯就硬左少少🤣 秘制燒春雞配黃薑椰菜花飯，幾有驚喜，幾Juicy，略嫌雞肉份量比較少 整體來說，都係不錯的小店，服務不錯，不過可能因為店舖位置比較偏僻，所以星期五的顧客也不太多，希望有機會再試到其他菜式

又係restaurant week, 俾機會我試下唔同餐廳，好耐之前係牛扒關注組見有人推介，就試下係唔係真係好掂🤣 本身個Dinner set包左，餐湯，前茶，主菜，甜品，HKD 298/人，定價唔算高。另外紅酒都唔少選擇，今次店員的推薦也不錯👍 是日餐湯，南瓜湯，都不錯，比很多西餐廳好 前菜，我們選了2款，椰子蝦和呑拿魚他他，椰子蝦帶點泰式感覺，味道清新。呑拿魚他他就正正常常 主菜，因為呢度主打食牛扒，所以我們加錢轉威靈頓牛柳，是不錯的選擇👍牛柳的生熟程度控制很幾好，唔會太熟，不過略嫌咸味不夠，因為好像沒有加火腿🤣 最後，甜品也不會很甜，為呢餐畫上完美嘅句號 整體來說，呢間餐廳都是不錯的扒房選擇，下次等我試試其他牛扒🥰

新年期間，當然多聚餐🤣天氣凍，打邊爐會係首選 因為訂枱留左6位，所以有2個火鍋底可以揀，第一個鍋底，選了麻辣雞煲，非常惹味，第二個鍋底，選了羊腩煲，份量都唔少，羊肉都幾腍，湯汁都幾濃，不錯不錯👍 我哋分別叫咗豬肉拼盤和牛肉拼盤，擺盤都好精美，其實每次打邊爐，我基本上淨係分到牛肉同豬肉🤣食緊咩部位都係唔知，不過整體嚟講，肉質都算幾好👍 其他火鍋料，味道都算不錯👍 餐廳環境，都幾闊落，空間幾大，我哋食完之後坐低傾偈，餐廳都冇催交枱 餐廳有一間貴賓房，入邊有得唱K，幾特別 整體而言，都算係一間唔錯嘅火鍋店，都可以再光顧💪

公司食飯，老闆指明要食呢間鐵板燒，果真不錯 👍 呢間餐廳有份和食和鐵板燒兩個區域，今次我們主打是鐵板燒 我們選了澳洲鮑魚套餐，有鮑魚，大蝦，蟹棒，清酒煮蜆，佐賀和牛/澳洲和牛，炒雜菜，炒飯，甜品，餐飲，非常豐富 鮑魚超大隻，非常生猛，其他海鮮都非常新鮮。清酒煮蜆，非常清甜😋 燒牛之前，師傅將生的蒜片慢慢炒，炒至金黃色，非常有耐性和心機👍澳洲和牛，牛味濃，而佐賀和牛，油香重，入口即化，兩款都令人回味 師傅知道我鐘意食砂糖多士，額外整多兩份送給我們👍 整體而言，服務不錯，愉快地度過一個晚上🥰

這間餐廳bookmark了很久，終於有機會試 星期五晚上，分了兩段時間，我們選了8點，因為6:30實在太早，通常還未放工🤣 我們來到餐廳時，差不多座無虛席，幸好我們訂了枱，要不然下次才有機會試 這間餐廳主打的是手工意粉，所以我們選了兩款意粉，第一款當然係海膽意粉，呢度嘅主打。第二款我哋揀咗和牛肉醬意粉，另外加多咗個芝士拼盤，甜品當然要試吓Tiramisu 🥰 而家好多餐廳都用QR code落單，我哋落單嘅時候咁啱出現咗少少問題，我哋以為已經落咗單，靜靜地等待食物途中，侍應哥哥突然間問我哋，見我哋好似仲未落單，先至發覺原來佢哋收唔到我哋張單😱😱😱好彩佢問一問，如果唔係等到收舖都冇嘢食🤣🤣🤣 芝士拼盤幾有驚喜，總共有三款芝士，每款芝士都有4塊，底部有1塊多士，三款芝士都好啱我哋口味，最驚喜係藍芝士，加咗少少蜜糖，中和左藍芝士嘅強烈感，算係一道唔錯嘅前菜 之後送上海膽意粉，意粉蛋香味濃，醬汁充滿濃濃的海膽味，意粉掛汁能力高，每啖都食到海膽味道，果然係招牌菜👍👍👍 原本想試牛面頰意粉，可惜售罄了，我哋改試和牛肉醬意粉，諗住係普普通通嘅肉醬意粉，結果超級意想不到地好食，意粉內的肉醬，有不少和牛肉粒，而且意粉上面放了牛扒，整個醬汁既牛肉味超濃，蕃茄的味道唔會搶過牛味，兩者平衡得很好，這道菜，值得推介😋😋😋 甜品，我哋選了Tiramisu，這個有些特別，蛋糕不是很多，忌廉芝士的部份相對比較多，吃起來比較膩一點，如果可以多一些蛋糕部份就好了 整體而言，這間餐廳價錢性價比超高，值得再來👍👍

呢間扒房，一直都係to eat list，終於有機會試😍 雖然今次係食午餐，但係份量一點也不少 三道菜午餐，首先有3款麵包供你選擇，法包，蒜蓉包，洋蔥包，我選了其中兩款，最好食係蒜蓉包，蒜蓉味超濃郁，強力推介。洋蔥包相對地淡味一點，但係都食到一絲絲洋蔥，真材實料👍 第一道菜可以選頭盤車或者龍蝦湯，我選了頭盤車，因為實在太吸引，共有18款可以選擇，味道都很出色，十分滿足😍 主菜選了燒牛肋骨肉，原來係好大份👍差不多是兩人份量🤣 至於甜品，又有甜品車可以選擇，共有6款蛋糕，全部都好想試🤣可惜肚子位置有限 最後加杯凍檸茶，幫助消化☺️ 午餐的份量已經非常滿足，我想下一次再來吃午餐已經足夠🤣

多謝政府既夜繽紛$100優惠，終於試到亞太區50大薄餅大賽全港第二名，果然名不虛傳 Pizza今次試了Testarossa，有意式豬肉腸，開心果，意大利陳醋，薄餅餅抽獎底好軟熟，呢個Pizza同平時我哋食開嘅做法有少少唔同，因為我哋坐得比較近pizza爐，見到佢首先將餅底放入焗爐，焗完之後先放配料，所以配料食落去係凍的，有冰火效果🤣🤣🤣 小食就揀左水牛雞翼，呢個雞翼又同平時食開又有啲唔同，平時水牛雞翼係有好多辣醬，今次的是比較乾身，醬料用左藍芝士，好香濃 意大利餐廳，當然要試吓意粉，紅蝦天使麵，值得推薦，蝦味濃郁，天使麵非常彈牙，擺盤都好精美，下一次都一定會再叫😋 甜品，當然選了Tiramisu，都係必食👍👍 2杯cocktails 無論外表和味道都好正 呢間餐廳絕對會再來👍