唔使煩，唔使諗，第一次去嘅就揀咗人氣之選「雙層芝士蛋糕Fromage Double」先啦。所謂雙層，係一層好有牛奶味、有啲似雪糕質感嘅半熟芝士蛋糕，同埋一層芝士味較濃嘅烘焙芝士蛋糕，分開兩層食又得，一啖食晒兩層兩隻口感又得，最緊要喺雪櫃拎出嚟之後，唔好急住即刻食，攤返一個鐘先就得。成個cake感覺都係比較light，女仔食完都唔怕膩呀。而價錢就……嗯，220蚊一個。
而Chocolate Double喺原味嘅基礎上加入70%朱古力，將可可豆嘅苦澀同芝士嘅微酸巧妙平衡，餘韻悠長。
仲有另一款朱古力選擇，就係Royale Montagne皇家山峰紅茶朱古力嘞，88蚊9粒。 好似迷你金字塔咁嘅朱古力，混咗可可同大吉嶺茶花，食落口首先係會食到甜甜der朱古力味，但係慢慢接近咬晒成粒之後，啲紅茶香就開始滲出嚟，係餘韻呀！
講定你聽，嚟緊11月1號，佢哋會喺又一城又開間pop-up store呀，到時會有啲淨係得當店限定嘅商品。嗯，cheesecake迷好忙啊！
LeTAO
地址：中環港景街1號國際金融中心1樓1033號鋪
文：Kar、Cathy
隨時接收最新資訊
讚好OpenRice專頁！