一連五日嘅美食博覽今日開鑼，入場除咗可以掃盡中港台日韓等唔同地方嘅美食之外，亦有唔少即場炮製嘅美食飲品，可以畀大家先醫好肚，叉足電再行再掃貨！

Hall 1 最齊！必試手工芋圓同燒物

Hall 1公眾館唔單止係最大嘅展館，亦係最多有賣小食攤檔嘅場館。不過地方雖然大，但第一日現場所見嚟掃貨嘅人唔少，大家又會停低試食，想邊行邊食就要特別小心啦。

解暑冰品類

紅豆冰糕冰（左：什果味，右：榴槤味），什果味有士多啤梨等幾清新，而榴槤味亦香濃，口感介乎於雪糕同雪芭中間，加埋唔太甜嘅紅豆增加口感（和記隆，攤位1C-B34）

土鳳梨冰芋圓，台灣土鳳梨比普通菠蘿酸少少，纖維較多有咬口，大細手工芋圓有唔同口味，酸甜醒神之餘口感豐富（程班長，攤位1A-B06）

即場炒雪糕（朱古力薯片）即場炒嘅雪糕捲成一條條相當吸睛，甜嘅朱古力雪糕同脆嘅薯片夾埋食感幾得意，另外仲有三款口味任揀（老饕食品行，攤位1D-C28）

棉花厚多士（左：韓式柚子，右：石板街），咬開燒過嘅棉花糖，入面就係兩款唔同口味嘅冰凍雪糕（阿波羅，攤位1E-A10）

醫肚小食類

紅燒牛肉麵，台灣風味而且唔大碗留肚試其他嘢（程班長，攤位1A-B06）

韓式魷魚包飯，魷魚唔韌又入味但飯稍嫌過濕（老饕食品行，攤位1D-C28）

一呎長大熱狗（蛋撻王，攤位1B-B28）

韓國窩夫樹（綠園食品，攤位1A-D24）

特色小食類

特色砵仔糕，每日香港新鮮製造，細細件而且多達12種口味，例如芋頭、榴槤、黑芝麻、杞子桂花等，稍嫌綠茶味唔自然，榴槤味亦唔突出（新永興，1C-B27）

各式撻品，由經典酥皮蛋撻到流心芝士撻，甚至榴槤蛋撻都有（蛋撻王，攤位1B-B28）

榴心芝士撻，唔單止有榴槤肉，趁熱仲做到流心效果！（翠山榴槤皇，攤位1A-D20）

串燒/鐵板燒小食

磯燒特大北海道帆立貝，即燒不在話下，仲要加埋黑松露醬，香噴噴（Grand Classic Trading，攤位1A-D17）

北海道芝士帶子，芝士醬用咗馬蘇里拉、英國紅車打同愛曼塔大孔三款芝士，邪惡到一個點（元利行，攤位1E-A32）

高雄烤大魷魚（臺北貿易中心，攤位1C-E18）

龍珠串（老饕食品行，攤位1D-C28）

串燒金蠔（天然食品，攤位1E-B28）

解渴飲品類

喜雪雞尾酒沙冰，有Mojito、椰林風情等五種口味，即開即飲到沙冰口感，冰涼解渴，酒精濃度5%（Prime Food，攤位1D-B28）

ICE YOGURT沙冰，之前開飯仔介紹過嘅益力多唧唧冰，唔洗飛韓國都買到啦（King's (Hong Kong)，攤位1B-E27 ）

泰國海燕椰皇凍（天然食品，攤位1E-B28）

Hall 3 尊貴美食區+公眾館繼續掃街！

上多兩層就係Hall 3，除咗繼續行公眾館之外，仲可以行埋尊貴美食區。裡面以美酒、送酒小食例如火腿同芝士為主，亦有唔少日本空運美食例如急凍和牛同海鮮，再加精緻甜品。不過提提大家，門票分兩種，比較貴嘅套票先入到嚟尊貴美食區，唔係就要額外追加$25啦。

重量級冰涼梳打，有水蜜桃、巨峰提子同青蘋果三款口味，最重要當然係夠·大·杯！（香港凍肉(海產)，尊貴美食區攤位3B-A15）

Little Twin Stars瑞士卷（Kidulteam，尊貴美食區攤位3B-E02）

另一邊公眾館繼續有唔少小食檔畀大家醫肚，食個Tea先走亦得，得咗。

北京片皮鴨（領思集團，公眾館攤位3E-A20）

痴線蝦沙律包（European Gourmet，公眾館攤位3E-C02）

手作珍珠奶茶、芭樂飲品（Color Chacha，公眾館攤位3E-B18）