正所謂夏日炎炎正好眠，喺郁下都覺得攰嘅炎夏，嚟一杯清爽消暑嘅特飲就即刻醒返哂！今次唔洗「葡萄」日本人啦，因為香港星巴克嚟緊都會推出兩款汽滋樂（Fizzio），幫大家打打氣。另外今年亦有星巴克月餅，包括全新嘅流心焦糖咖啡口味！

兩款即將喺6月29號於指定分店發售嘅汽滋樂，唔單止揉合清新水果同花香嘅清新，仲有氣泡嘅Sparkling口感，冰涼醒神！芙蓉花檸檬汽滋樂用咗原朵清新鮮甜嘅芙蓉花，配搭輕柔檸檬香味，再加少少薑味做Highlight。

另一款紅莓西柚泡沫汽滋樂就以濃郁清新的紅莓果香，加埋非常有熱帶氣息嘅西柚氣泡，最後加上一層厚厚嘅香甜泡沫，層次豐富。而且兩款汽滋樂嘅粉紅色都好Sharp，相機食先都特別透心涼。

幫大家喺炎夏消暑之餘，星巴克亦準備咗月餅畀大家喺共度中秋佳節。全新流心焦糖咖啡口味嘅焦糖流心餡睇圖都覺得非常誘人！另外仲有經典嘅日式焙茶桂花，同大熱嘅抹茶紅豆兩款口味。一盒有齊濃郁焦糖、清新花香，同香甜紅豆嘅滋味，仲唔係一次過滿足哂三個願望？

info
星巴克全新汽滋樂
2016年6月29日起於指定星巴克分店*限量發售

星巴克月餅
2016年6月29日起至8月14日於全線星巴克分店優先預購