BKK

週末跟朋友去充滿文青氣息嘅PMQ，行下展覽睇下手作做下偽文青！發現原來PMQ呢到都幾多美食，於是就來咗BKK呢間主打泰國東北部嘅美食嘅泰國餐廳到醫下肚啦～✨香辣炒通菜通菜爽脆鮮嫩，夠獲氣而且香辣惹味～✨炭燒和牛串配東北酸辣汁和牛串內裡肉汁豐富，配埋酸酸辣辣東北酸辣汁，好開胃～✨蟹肉炒飯炒飯充滿啖啖嘅蟹肉，鑊氣超夠，食落去好香口～✨芒果糯米飯芒果肉好甜，糯米飯仲係暖笠笠，配埋白色滿瀉嘅椰漿一齊食，好出色～✨Thai Ice Coffee 咖啡有煉奶嘅味道，味道唔會太甜，入口順滑，充滿泰式風味～總括來講，餐廳燈光柔和，環境舒適！主食味道正宗惹味，甜品都正，好適合同朋友一齊傾下計食下飯，真係夠哂Chill～

PMQ呢間泰國餐廳一直都想試，見餐廳環境、裝修都勁用心，亦非常打卡able～大蝦柚子沙律出乎意料之外呢款沙律有海量炸蔥，配搭埋酸酸甜甜既柚子、梅糖醬、大蝦，味道好清新，另外有少量辣椒，所以整體酸酸甜甜而且帶少少辣！炭燒雞肉串沙嗲炭燒雞肉串肉嫩多汁，配搭埋沙嗲醬，與雞肉串燒好match好夾，散發住淡淡炭燒香氣～蟹肉炒飯香噴噴既蟹肉炒飯，幾帶鑊氣，飯粒炒至乾身，口感剛好，而且蟹肉份量十足，大大舊蟹肉，超滿足！街頭椰子雪糕香濃既椰子雪糕混合左粟米、花生、椰肉，層次幾豐富！！另外仲叫左兩杯飲品：Tuk-Tuk Journey ，係店內招牌cocktail之一，味道較獨特；coconut smoothie ，由椰子、芒果、班蘭製成，淡淡班蘭香氣混合水果甜味，整體唔錯～

門口一大個銅鐘，已經好有神聖不可侵犯既感覺，而menu主打曼谷同埋泰國東北部菜。作為酒鬼既我，點少得飲返兩杯呀，佢地有signature cocktails and mocktails眾多選擇，呢d咪係中環要有既vibe囉！👇🏻📌Signature - ▪️ Chargrilled Chicken Satay - ▫️ 先黎個小食「炭燒雞串沙爹」，表面帶少少焦香，食落炭燒味極重，肉質唔會燒到好乾，食落都幾嫩滑，點埋個泰式秘製花生醬，份外惹味。▪️ Crabmeat Fried Rice -▫️ 主食方面先試左個「蟹肉炒飯」，調味唔會太鹹太油，飯底炒得粒粒分明，仲食到一梳梳蟹肉，加埋洋蔥、炸蒜，淋上少少魚露吊一吊味，整體鑊氣十足。▪️ Pad Thai with Prawns - ▫️ 第二道試左個「虎蝦金邊粉」，夠鑊氣之餘，食落鹹甜比例岩岩好，加上虎蝦肉質夠新鮮爽彈，連埋芽菜、花生、羅望子醬，味道唔錯。▪️ Stir Fry Thai Watercress -▫️ 食泰國野一定要嗌埋「香辣炒通菜」先公道，通菜入口相當爽脆，惹味得黎帶點辣勁，過足口癮。▪️ Sago Namkrati -▫️ 甜品試左呢個「

今日出開中環，去咗好耐冇去嘅元創方，行咗陣上面嘅小店，見到A座地下新開咗一間裝修得幾靚嘅泰國餐廳叫BKK，職員都好有禮貌同好熱情咁歡迎我哋，就走咗入去試吓。佢嘅環境都幾靚，裝修充滿泰國特色，我哋揀咗用泰國tuk tuk做主題嘅卡位，座位仿效tuk tuk嘅後座，見到即刻諗返起個泰國旅行。我哋主菜嗌咗烤和牛串配東北酸辣汁、冬陰功湯、虎蝦金邊粉、蟹肉炒飯、泰式蒜蓉炒芥蘭苗，飲品嗌咗Siam Basilico同Coconut Slushie，甜品嗌咗泰式西米。烤和牛串有四串，和牛燒完嘅肉質都仍然好柔軟，配埋酸酸甜甜嘅酸辣汁一齊食好夾，串燒中間夾住嘅洋蔥亦都燒得好甜。冬陰功湯一份嘅份量夠兩個人食，煮得偏酸同偏辣，飲兩啖成條口腔都會充滿酸辣嘅味蕾，配料有幾隻虎蝦、青檸葉、蘑菇同南薑，都幾重口味。炒金邊粉嘅虎蝦有三大隻，咬落去蝦肉爽口，金邊粉亦都甜甜地，配埋花生碎同紅辣椒碎，可以撈或者唔撈，加埋啲青檸汁落去食好開胃。蟹肉炒飯炒到粒粒分明，食到有蛋絲同一嚿嚿嘅蟹肉，幾足料！炒芥蘭苗唔算好油，芥蘭亦都唔苦，每一啖都係香濃嘅蒜頭味。飲品嚟講幾推介杯Siam Basilico，係一杯帶有泰式羅勒葉、青檸、