平時食飯要有儀式感，生活先有動力㗎嘛。尖沙咀就有呢間藍色花花小店“RUE DU LIBAN”，有種暫時逃離香港嘅異國氣氛。由黎巴嫩人Imran Khaleel開設，主打香港少見嘅黎巴嫩菜。
2024年4月驚喜優惠！全部85折
即日起至2024年4月30日，逢星期一至四所有單點菜式均享9折 (不可與其他優惠、折扣及現金券同時使用) |
“RUE DU LIBAN”法文意指黎巴嫩街道，藍色小店有種外國氣氛。
店內掛滿花花，好啱影相打卡。
嚟到必食黎巴嫩烤肉拼盤!! 仙氣烤爐出場好有煙燻香味，堆滿即烤羊肉、牛肉、雞肉㗎。
黎巴嫩烤肉拼盤飄住煙上枱，好有煙燻香味。
老闆Imran Khaleel亦邀請埃及總廚Maged Makram，以超過40年烹飪經驗；以及踏遍埃及各地鑽研廚藝歷練，於“RUE DU LIBAN”主理擅長嘅地道黎巴嫩菜。
(左)主理人Imran Khaleel、(右)埃及總廚Maged Makram
二人憑豐富經驗，打造滿足視覺、味覺嘅“RUE DU LIBAN”。
黎巴嫩菜中好常見燉肉料理，當地人會將雞肉、羊肉等燉到好軟腍入味，撈飯一流呀。總廚Maged Makram就推出咗呢兩道Chicken Stew雞肉燉菜、Lamb Okra Stew羊肉秋葵燉菜啦。
Chicken Stew雞肉燉菜，白汁撈飯一流。
Lamb Okra Stew羊肉秋葵燉菜，羊肉燉得好軟腍有驚喜。
黎巴嫩菜係地中海健康飲食之一，主要用蔬菜、水果、香草煮製海鮮同肉類，所以喺度都會搵到好多海鮮料理㗎。好似呢道烤海鮮拼盤就有即烤青口、蝦、魷魚、燒魚等。份量好夠幾個人Share，加咗香草去燒特別鮮甜。
烤海鮮拼盤，灑上香草烤製更有風味。
總廚Maged Makram仲出動埋秘密家傳食譜，煮出呢道香烤羊肩。用香草、香料醃羊肩肉後再慢煮，咬落係好柔軟多肉汁，幾有異國風味。
總廚Maged Makram用秘密家傳食譜煮出香烤羊肩。
“RUE DU LIBAN”仲有中東甜品食!! 好出名嘅中東甜品Kunefe最有驚喜，做到傳統外層脆卜卜，又有少少酥脆嘅口感，好值得食呀。
中東甜品Kunefe有驚喜。
另一款甜品有米布甸，好啱鍾意滑嘟嘟、軟綿綿口感嘅人，濃郁奶香好有幸福感。
米布甸滑嘟嘟，又有濃郁奶香。
RUE DU LIBAN
地址: 尖沙咀山林道22-26號地下A號舖