平時都去旺區搵食，有無諗過東涌都有靚餐廳。“Maison Du Mezze”更係香港少見，由真·黎巴嫩人開嘅黎巴嫩菜，仲有炭爐燒黎巴嫩肉串好惹味。
呢度掛滿乾花、籐燈打造異國度假風，環境設計曾入圍國際餐飲設計大賽㗎，好啱同閨蜜或另一半嚟邊食邊影相。
“Maison Du Mezze”異國的第二個家
點解咁多人鍾意食黎巴嫩菜呢？全因黎巴嫩菜堅持「新鮮」，以新鮮食材、豐富香料煮製多款料理，反映出黎巴嫩人對料理嘅熱情同堅持。
講到最地道黎巴嫩料理，不得不提各種豆蓉、蔬菜蓉，當中鷹嘴豆蓉最為當地人喜愛。“Maison Du Mezze”就有鷹嘴豆蓉拼盤Mix Hummus Platter，一次食到多款口味鷹嘴豆蓉—原味鷹嘴豆蓉、番茜醃菜鷹嘴豆蓉、紅菜頭鷹嘴豆蓉、松露鷹嘴豆蓉，全部都係用天然蔬菜香料調味，零色素㗎。
難得有炭爐烤肉串，索性揀呢款烤肉拼盤Maison Du Mezze Ultimate Mix Grill，可以一班人share烤雞肉串、烤羊肉串、烤雞肉卷、烤羊肉卷，高溫炭燒好juicy㗎。
好多人嚟到都會食海鮮，特別係青口貝類特別鮮甜。呢道藍青口配檸檬蒜蓉汁Blue Mussels，外籍大廚會用蒜蓉開鑊再炒香藍青口，最後加入蜆湯好有海水味。
除咗炭燒肉串，炭燒海鮮都好好食㗎!! 炭燒龍蝦配蔬菜Grilled Lobster就將原隻波士頓龍蝦開邊炭燒鎖住鮮味，龍蝦肉嫩得嚟好彈牙。
想食得豐富啲可揀炭烤海鮮拼盤Grilled Seafood Platter，包括半隻龍蝦、2隻老虎蝦、4隻蠔、盲曹魚、八爪魚。基本上想食嘅海鮮類都喺晒度，好啱飲白酒。
呢度有款甜品名好特別—Umm Ali Pudding，原來係以埃及蘇丹人Lzz Al-Din Aybak之妻— “Umm Ali”命名。
全因Umm Ali創作及發揚呢款甜品，先以忌廉、牛奶加入酥皮，再撒上混合堅果焗製。上層會烤至酥脆焦糖化，下層則濃郁滑順，做到雙重滋味口感。
Maison Du Mezze
地址: 東涌怡東路9號香港東涌世茂喜來登酒店地下G10號舖
電話: 23300131