如果你嘅家庭聚會有小朋友，氣氛會開心好多，但每次諗去邊食飯都係一大難題。香港親子餐廳唔算多，想親子時間鋸扒、飲吓啤酒更加係難事。近排九龍灣就新開咗「比利時啤酒屋FRITES」，係少見嘅親子比利時餐廳，特設Kids Area 畀小朋友放電，大人終於可以放鬆吓。
FRITES 係經典啤酒屋設計。
其實FRITES 喺中環、灣仔、銅鑼灣同鰂魚涌都有分店，今次喺九龍灣開分店，真係九龍人福音。除咗店家嘅牛扒、青口高人氣外，Kids Area 都好受家庭客歡迎，放滿玩具畀小朋友玩外，地板亦鋪上軟墊確保安全。逢週末仲可以舉辦兒童派對，可以致電店家查詢喔！
大部分座位都望到Kid Area，地板亦鋪上軟墊，非常安全。
仲有小朋友專屬菜單𠻹！
(左上) 迷你漢堡包、(右上) 意大利肉醬意粉、(下) 迷你炸魚柳
九龍灣新店優惠！
只要網上訂座時輸入「NEWFRITES」優惠碼，即享最低5折！
| 新店優惠詳情 |
星期一至五（17:00至21:00） | 單點餐牌 7 折 |
星期六及日（全日） | 單點餐牌 5 折 |
一週精選
除咗新店優惠，FRITES 每日都有唔同優惠推介，揀啱日子去更加抵食！
編輯個人就特別鍾意「週四慢煮燒烤豬肋骨」同週末嘅「任食美國黑安格斯西冷之夜」，因為性價比最高！而且仲有美國USDA 認證，確保高品質。
星期四半價 慢煮文化
慢煮真係好花時間，豬扒要2至3 小時先慢煮好，所以坊間慢主菜式一般較貴。今次半價就食到1公斤美國USDA豬肋骨背，肉質特別軟嫩外，慢煮仲保持到肉材營養，加埋香脆鮮炸的幼薯條，大班人一齊Share 超有氣氛。
慢煮1公斤煙燻美國USDA優質幼嫩豬肋骨背
週末任食 美國黑安格斯西冷
留意返，牛扒係任食！係任食呀！HK$270 可以任食西冷，梗係最抵嘅優惠啦。而且仲唔係一般牛扒，係得到美國USDA 認證嘅高級西冷。牛隻腰脊頂位佈滿大理石油花，加埋阿根廷香草醬點綴，微鹹酸仲無咁易膩。
美國USDA 黑安格斯西冷扒
親子餐廳都有酒飲 種類超多
FRITES 最好就係有埋Kid Area，就算帶著小朋友都可以任佢玩，自己就小酌兩杯輕鬆吓。呢度酒類超多，啤酒、香檳、紅酒、白酒同烈酒都有，店家仲由比利時引入各種特別的啤酒，超過80款口味揀。
超過80款啤酒揀。
FRITES Belgium on Tap
地址: 九龍灣海濱道77號海濱匯1樓3號舖
電話: 27810262