影片
港鐵屯門站 B 出口
繼續閱讀
營業時間
星期一至日
07:00 - 22:00
以上資料只供參考, 請與餐廳確認詳情
成日買早餐都唔知買咩好，今次試左呢間一粥麵，不過唔係買粥又唔係買麵🤣🤣今次試左吉烈豬扒，豬扒炸得唔炸，而且唔會好厚粉漿，食落仲有少少肉汁🤤🤤加錢仲有蕃落肉碎通粉，湯底有埋蕃茄粒😻😻
繼續閱讀
未食過一粥面既早餐，決定試試。叫左個肉碎蒸腸粉餐，加一杯熱飲，$25。同埋雞扒炒面烚蛋餐，加個碎腩通，$32.5。腸粉一碟$25，其實都幾貴。但炒面餐就幾抵，好多人叫。由落完單，惡夢就開始啦。腸粉餐係叫號碼既，但雞扒餐係要交飛。問題黎啦，排隊交飛條人龍，十幾個人，排排下腸粉餐可以拎得啦，但係點拎呢，行開又要再排過結果，一等，等左半個鐘，就係為左食個雞扒餐，等到個腸粉都凍晒。交飛果陣，話個雞扒要等，叫我食住隻烚蛋先，轉頭出黎拎。真係火都黎，🤬咁我個餐個炒面呢，冇雞扒都算，炒面都唔俾我，叫我齋食蛋。其實佢d炒面同烚蛋都整好晒，只係出餐既有問題，搞到一獲粥。加左個碎腩通，變左火腿通，同佢講，唔知點解又俾左個碎腩米，咩事呀！雖然佢個腸腸係幾好食，但係，我唔會再幫襯呢間架啦！食個早餐食到成肚火。。。仲要d位迫到，同後面既人背脊貼背脊。
繼續閱讀
秋意濃，終於到左秋天了講起秋冬天，都離不開打邊爐，煲仔飯，BBQ有日坐港鐵見到一粥麵的廣告，熱賣煲仔飯今日就黎一試，款式不多，只有兩款：臘腸滑雞仔飯，豉汁鳳瓜排骨煲仔飯，各$49，呢個價錢就食到煲仔飯，絕對可以一試跟飯+$3可以配一罐可口可樂製作需時，大概等十五分鐘。呢到有送餐服務，係收銀處落單後會被配給一個牌仔放在桌上就會有人送來賣相不錯，但飯稍微濕，不過真係有飯焦雞夠滑, 有埋條臘腸真係好送飯但鳳爪味道就差點
繼續閱讀
原本見有粥麵食，就好想試下。因為下午茶沒有煲仔飯，所以就係午市叫左。結果，煲仔飯無乜料。而且無得叫白飯，只可以係糯米飯，d糯米飯係'削'既，好難入口，完全唔好食。唯一賣點就係夠熱，同有蠟腸，同一條菜。然後等到下午茶，加3蚊有多隻雞翼，幾抵。但細蓉只有3隻雲呑。雲呑尚算不錯，幾好食，但個麵底完全唔得，好重「揀」水味，食落完全無口感，有d失望，而且加7蚊多個渣渣，得個甜字，無其他味。總結，中規中矩，可以再試其他野食。
繼續閱讀
如果假期沒有特別的活動，通常也會到屯門UA看電影. 這天看畢電影後，到了一粥麵吃下午茶. 燒汁雞扒刈包、豉油皇炒麵+ 熱檸水 ($27) 燒汁雞扒刈包 第一次食刈包，味道就如白饅頭一樣，不過刈包則相當鬆軟，可惜是凍的，否則一定好食得多. 內裡的雞扒不算大塊，用上照燒汁來調味，再加上香口花生碎，鹹香的味道是幾惹味的. 豉油皇炒麵 炒麵份量不多，而且只是暖暖的，不好吃. 熱檸水 純粹為解膩而選的. 即烤豬扒包、粟米瘦肉粥+ 熱咖啡 ($28) 家人則選了豬扒包，包面層灑上芝麻，內裡的豬扒還配上生菜絲，賣相都不錯. 以$28 的價位就可以吃到飽，都幾抵食. 下次我也要試試一粥麵的豬扒包餐呢! 屯門屯隆街3號屯門市廣場地下G070-G071號舖
繼續閱讀