三點三冰室

營業中

休息中

今日去開啟德嗰邊，再訪Airside 超級好食茶記，價錢唔貴，性價比好高點解叫三點三冰室呢，可能係因為呢度幾時都可以食到下午茶嘅Menu喇，岩曬鐘意得閒tea 一tea 的你香燒羊架餐$128三大件羊架啖啖肉，配燒汁好好食薯條係波浪形薯條，薯條肉比薯條更加多肉唔想咁熱氣，亦都可以改配焗薯二世祖撈丁$108二世祖梗係要食好啲，就算係出前一丁都要配鮑魚、帶子、冬菇，瑞士汁撈丁甜甜地好滋味雪糕西多士$48晚餐好少何有地方可以食西多士，注意三點三嘅西多士分得好細緻雪糕西多士中間係冇花生醬㗎，要食花生醬餡要叫法蘭西多士滷水雞翼$62滷得好入味，雞肉好淋

不可一不可再係新商場難得找到間冰室,而店舖名啱晒我要食下午茶時間，一於試下。入到坐底後，所有野都係全自助😏，沒問題，睇下餐牌先。 睇完基本都係茶餐廳既食物，少有地飲品有 黑牛白牛之類，咁既然難得，加d 錢都飲下啦，之後叫左蕃茄餐肉通既茶餐+黑牛，同一個焗豬扒飯。上餐都算快既，但上來既通粉就唔算熱，似係擺左一陣咁，點解會咁諗，因為呢頭落完單，唔夠5分鐘就先上個餐肉通，但奄列同方包比餐肉通後上，不過都算啦，茶記你仲想點，佐敦茶記名店都係咁上下。之後成篇重點既黑牛上檯，我當堂嚇一跳然後只能苦笑🤣，個杯成杯都係冰面加半球雪糕，可以飲到既可樂分分鐘少過一罐mini coke 飲左兩三啖已經得返杯冰。其實加錢唔係問題，可以有返d 良心。真係個杯裝到幾多冰就裝咁多，等人飲兩啖完就好走。 最後雖然杯黑牛有d 失望整體食物質素係ok ,焗豬扒飯都唔錯，但往事只能回味，我不會再有勇氣再入店了。

今日同老公嚟啟德AIRSIDE食飯，呢間茶記裝修好有特色，地方大坐得又舒服，仲有招牌鐵板餐～ 落咗單之後已經好快有得食，上菜速度好快～鹽酥花枝丸 $42花枝丸好大粒，外皮炸得幾香，內裏好有咬口，爽口彈牙，仲食到好多魷魚粒粒，外面曬左鹽酥粉好惹味🥘三點三雜扒餐 $108食肉獸最愛，裏面有豬扒🐷，雞扒，司華力腸，煙肉🥓，夠晒厚肉大份～ 加入黑椒汁後吱吱渣渣出晒煙，就係食鐵板餐嘅風味～跟餐配埋日式粟米湯，薯條/焗薯～ 飲品可以半價轉特飲，我選左🍋檸檬百香果茶，清新開胃解膩～ XO醬豬扒炒烏冬 $78炒得幾有鑊氣，豬扒份量都幾多～ 🧀芝心蝦多士（6件） $72賣相幾吸引，蝦多士炸得酥脆，咬開裏面有芝士軟心～ 🐦妙齡乳鴿外皮脆卜卜，內裏熱辣辣和多肉汁，肉質細嫩又唔會太肥，有油香味道又唔會太鹹～

四川宮爆肉丁飯。肉質鮮嫩多汁，配上微辣的宮爆醬汁，將飯菜的口感提升到了另一個層次。飯菜的份量控制得剛剛好，讓人吃得飽又不會覺得沉重。迷你炸饅頭和秘制辣雞翼作為小吃。迷你炸饅頭外皮酥脆，內裡鬆軟，搭配上鮮嫩的豬肉餡料，非常美味。而秘制辣雞翼則是辣味十足，皮脆肉嫩，每一口都充滿了辣椒和香料的風味，非常開胃。妙齡乳鴿的肉質鮮嫩多汁，搭配上酥脆的皮膚，口感絕佳。濃湯海南雞絲米粉的湯底鮮濃，配上滑嫩的雞絲和Q彈的米粉，是一道濃郁的美食享受。蔥花火腿炒蛋則是一道簡單卻美味的家常菜

今日接媽咪收工，無諗過商場既冰室都幾好食，小食都好打卡🥸 仲有懷舊茶記特飲，好多兒時回憶番哂黎！@3.3cafehk -妙齡乳鴿肉質鮮滑不乾柴，油分充足，夠Juicy。-炸饅頭加埋煉奶冇得輸😌另外仲附上黑糖可以蘸。-芝士蝦多士 金黃脆卜卜，以蝦為餡料，食落酥脆，岩哂多人分享。-頭抽乾炒牛河乾炒牛河質地油潤，頭抽味道香濃，但又唔覺膩，食落夾雜住蔥香，非常適合我既口味😍 牛肉都幾香口，口感都ok! 呢碟牛河係我心中都幾高分！-黑牛｜雪糕紅豆冰多款懷舊特飲，記得細細個個陣好鍾意黑牛，姐係可樂加雪糕😜

AIRSIDE 嘅食店眾多，朋友住响附近，幫襯過不同類型嘅食店，但係佢始終 都係喜歡去呢間冰室，因為貪佢有地道平價嘅港式美食，以及進階版嘅豪華美食，就好似佢經常推介嘅二世祖西多士及點都要食系列我哋難得去到呢間冰室，當然要試下朋友推介嘅食品喇😋下午茶時段(14:30-18:00)🥢二世祖西多(鮑魚西多士)$55 厚厚嘅西多士，外面炸得香脆，內裡軟綿，口感唔錯，而且食落唔會好甜，配上沙律菜及Q彈鮑魚，食落有罪惡感🤣，但係完全冇油膩感👍，果然好味😋，推介👍🥢生炸雞髀薯條$48雞皮炸得香脆，肉質彈牙juicy，味道帶有孜然香味，正😋飲品加配價: 凍飲$10 🥤凍咖啡🥤凍奶茶點都要食系列(11:30-21:30)🥢二世祖撈丁(鮑魚 帶子) $102撈丁用上嘅醬油甜香，撈得清爽唔笠身，鮑魚Q彈唔黐牙，帶子大大粒又爽口，撈丁都可以咁豪華，果然係二世祖級別🤩🥢避風塘炒麵 (軟殼蟹 虎蝦)$98 醬油色水靚而且炒得非常惹味乾身並帶微辣，麵質爽口，配料多包括有芽菜、青椒、紅椒、洋蔥及韭黃；虎蝦大大隻超爽彈，軟殼蟹炸得鬆化香脆，推介之選😋飲品加配價：特飲半價🍹龍鳳檸樂(半價$14)咸檸、鮮檸與可樂的組合，飲

朋友很喜歡三點三冰室的焗豬扒飯，蕃茄芝士加烤焗的雙倍濃郁感應該許多人也喜愛吧。香濃的蕃茄芝士剛送上桌就有著濃厚香氣，直接把豬扒加在炒飯和蕃茄芝士裡面一起焗，一湯匙舀下吃得到豬扒與蕃茄醬混著濃濃的芝士、粒粒分明的炒飯享受。咖哩安格斯牛肉飯咖哩香料濃稠，帶點微辣感，富層次迷人香味，安格斯牛肉本身鮮嫩好咬，配上咖哩簡直是絕配，充足的醬汁能讓米飯變得更加濕潤滑順不乾澀，入口散發溫潤的咖哩香，挑起深層的食慾，想多吃幾口飯。每次見到避風塘美食總會點上一盤，老虎蟹避風塘炒麵剛好中我的菜，避風塘軟殼蟹和虎蝦跟炒麵極之合拍，大火快炒沒有油膩感，炒麵乾爽，大量避風塘炸蒜提香，飽滿細緻的軟殼蟹與虎蝦肉感十足，蟹肉、蝦肉散發著自然海味。妙齡乳鴿不愧是三點三冰室主打品項之一，鴿皮底部的油脂在口中化開，鴿肉口感不乾柴，妙齡乳鴿比想中的還要軟嫩，完全是心目中紅燒乳鴿的最佳範本。瑞士雞翼是港式冰室必點的人氣小食，瑞士雞翼滷得入味，雞皮滑溜，雞肉飽滿，細細咀嚼瑞士雞翼，鮮甜濃香的雞汁精華從中一湧而出，隨著肉香縈繞舌尖，甘醇滋味讓人不禁吮指。吃了火辣辣的老虎蟹避風塘炒麵和咖哩安格斯牛肉飯，忽然熱了起來，當然要來杯冰涼的薄

約咗朋友在啟德AIRSIZE (三點三冰室)tea 吓，冰室裝潢新派設計，座位空間寬敞，卡位又多，食好嘢之餘又可以坐得舒舒服服。👍👍❣️黑椒牛仔骨飯焗牛仔骨肉質鮮嫩多汁，搭配濃郁的黑椒醬汁，帶來微辣的香氣。米飯融合了牛仔骨的精華，口感香糯。❣️老虎蟹避風塘炒麵一老虎蝦鮮嫩多汁，搭配軟殼蟹的酥脆口感，炒麵中的每一口都充滿了濃郁的海鮮香氣。麵條彈牙有嚼勁，與蝦和蟹的滋味融合在一起❣️妙齡乳鴿肉質細嫩多汁。皮薄肉厚，咬下去有一種獨特的彈性和滋味。豐盈的肉汁讓肉香更上一層樓，帶有微微的甜味。❣️芝士蝦多士口感酥脆，蝦肉鮮嫩彈牙。外層金黃酥脆，內裡蝦肉鮮美，搭配濃郁的芝士香氣，口感豐富。芝士融化在口中，帶來濃濃的奶香味道。❣️鹽酥花枝丸花枝丸經過炸製後，表面金黃酥脆，內部花枝彈牙鮮嫩多汁，配上適量的鹽酥調味，讓整體味道更加豐富。 ❣️狂牛飲品七喜溝利賓納顏色淡淡粉紅非常耀眼，配上雜果再加上一球士多啤梨味雪糕，飲品加甜品“正”😋

3.3 Cafe in Airside Kowloon CityAirside is a new shopping mall in Kai Tak Kowloon City which is such a good place to walk around. And it’s pet-friendly! The other day we passed by 3.3 Cafe in the basement floor and tried out their grilled beef and shrimp toast. All of the food was so delicious and worthy of its price. Highly recommend! We also ordered the iced red bean drinks with ice cream.🍨 it’s so 80s yet a highlight of the whole meal😋10 out of 10!!

去Airside想食得經濟啲除咗food court仲有呢間冰室選擇。呢間冰室款式多，除咗傳統嘅炒粉麵飯之外，仲有好多小食可以揀㗎。芝心蝦多士$72估唔到茶餐廳都有得食蝦多士，仲要係有芝士夾心嘅添，一口咬落去先係脆脆嘅多士，然後係少少彈牙嘅蝦膠，中間仲要有Creamy流心芝士，沾上沙律醬食就更加邪惡。鰻魚滑蛋炸熱狗 $75賣相勁吸引，原條鰻魚加上滑蛋鋪喺炸熱狗上面，食嘅時候加埋一啲鰻魚燒汁，香口又唔會好乾，好滋味。鰻魚質素OK，雖然唔係話好肥美，但係起碼冇骨唔腥。XO醬虎蝦炒公仔麵$83呢度嘅炒公仔麵炒得好好，有鑊氣之餘唔會好油膩， 公仔麵爽身，唔會太淋摺埋一嚿。XO醬味道恰到好處，唔會好辣，惹味惹咁。加上有4隻虎蝦，新鮮爽口，材料足。焗豬扒飯75焗豬扒飯嘅茄汁味道啱啱好，唔會太酸，仲有全塊菠蘿，酸甜酸甜好醒胃，汁夠多食晒成個飯都夠撈。豬扒已經切件，食得好方便，肉質唔會硬，一般茶餐廳應有嘅水準。雪糕紅豆冰$42去茶餐廳我鍾意食返杯紅豆冰，呢度啲紅豆煲得好淋，又大粒，唔太甜好好飲。

從來寫食評，未試過想寫咗結論再講內容，呢次係第一次😂這次用餐體驗，非常之差勁🥶呢度第一次見到三點三冰室，好奇心驅使，便試吓，總結經驗，非常之差叫咗個3點3雜扒餐和兩個西冷牛扒餐；兩個西冷牛扒出嚟嘅質素完全唔一樣，其中一個成塊肥膏黑椒汁真係不似預期，基本上係豉油汁🥶燒汁也是一般。焗薯完全冇味道，薯條腍啤啤，腸和火腿更加難食🥶即溶咖啡要加錢，但咖啡味道非常一般，比茶餐廳還要差😅餐具攞出嚟也不整潔，非常失望😂唔會再有幫襯

九龍城Airside平民價好食冰室｜三點三冰室新開靚靚商場Airside，連住啟德地鐵站超級方便。今次簡簡單單去咗地下嘅三點三冰室，點知都好多人排隊，好旺！食完就知點解咁多人食，真係又抵食又好味。推薦‼️🍽️人均：$100🕰️時間：週末夜市三點三雜扒餐（豬，雞，司華力腸，煙肉）$108鐵板牛仔骨餐 $118西冷牛扒餐 $128三個鐵板餐都各有千秋，雜扒就勝在量多，啱晒大食嘅朋友😋牛仔骨就好嫩，好juicy。牛扒我揀煎到五成熟，真係啱啱好！推薦大家去試鐵板餐‼️三眼仔香葉肉碎飯 $72成間冰室最popular係依個三眼仔香葉肉碎飯，大大碟有泰式味，好唔錯👍🏻迷你炸饅頭（6件）$36芝心蝦多士（6件） $72兩份炸物都好好味，不過相對上我覺得蝦多士偏油咗少少🤏雪糕紅豆冰紅豆冰有誠意，夠凍雪糕放好耐都冇溶化😆Bible rating: 8/10📍地址：三點三冰室 (九龍城)九龍城啟德協調道2號AIRSIDE B1樓B127號舖

「三點三」就係香港人要鬆一鬆嘅時刻，嚟嘆返個西多士就啱啱好！呢間港式冰室開喺Airside入面，環境企理光猛，唔會俾人一種油淋淋嘅感覺，卡位特別多，坐得舒服！餐牌係比較新式嘅茶記嘢食，配搭都幾吸引，而且價錢又唔會好貴，值得一試！-——————————————🍤◖芝心蝦多士◗ $72一份有六個件，每件多士上面加咗啲蝦滑，夾住啲流心嘅芝士，口感超香脆！放凍咗有少少油膩感，同埋價錢有少少進取～🥓◖三點三雜扒餐◗ $108套餐嘅雜扒有豬雞扒、司華力腸同煙肉，包咗餐湯，配菜可以揀咗薯條，跟多一杯香滑奶茶（+$10），已經好豐富！豬雞扒嘅肉質都軟腍，配上茄汁底嘅蒜蓉醬，味道幾夾；司華力腸帶淡淡煙燻香，咬落脆卜卜；墊底嘅薯條都唔會話索晒啲汁，仲keep到脆卜卜！🥩◖鐵板牛仔骨餐◗ $118呢個套餐揀咗焗薯，配上一杯珍寶檸檬茶（+$19），牛仔骨有五片，整體感覺冇雜扒餐咁抵食！牛仔骨嘅牛味幾濃，帶有少少牛油香；焗薯超大個，裏面有啲沙律醬同煙肉粒；珍寶檸檬茶就冇乜特別，唔會話大杯好多，可以唔使試🙈～🍳◖三眼仔叉燒飯◗ $72餐廳用上日本雞蛋同醬油，用料夠高質！叉燒份量都幾足，白飯上面放咗三大粒太陽蛋，蛋

非一般茶餐廳😛食豪小小。二世祖撈丁（鮑魚，帶子，冬菇）（熱杏霜+$6.00）$108.00並非過時過節先可以對自己好啲啲😍😍一碗大滿足，香港名物。鮑魚，帶子，冬菇都係大大件，足三大隻帶子刺身級數，淨係食餸都非常飽肚。🤰🏻（大辣）老虎蟹避風塘炒麵（軟殼蟹，虎蝦）（熱央走（+6.0））$104.00超大虎蝦加埋軟殼蟹已經佔咗一半，炸得酥脆可口，然後咬落脆卜卜，內外都好有味道，麵底炒得干身均勻。鰻魚滑蛋炸熱狗🌭$57.00炸得酥脆熱狗包包🌭上面鰻魚原條鋪面。中間是炒滑蛋，賣相已經相當震撼。三樣味道好夾，層次分明。要趁熱食。芝心蝦多士（6件）$72.00小巧精緻蝦多士中間是爆醬流心芝士🧀，一口一件，小邪惡選擇。

今晚同家人食飯，揀咗平時一齊比較少食嘅冰室，去咗Airside 新開嘅呢間冰室。裝修環境唔錯，而且乾淨衛生。燒乳鴿 $62冰室連燒乳鴿都有，我哋叫咗一隻試吓，燒得幾皮脆。沙嗲牛西多士$52西多士再加上沙嗲牛肉，絕對是香港嘅味道，沙嗲牛肉惹味可口配上炸得香脆軟綿嘅西多，非常好味又邪惡。西冷牛鐵板餐$128聽住鐵板發出嘅吱吱聲好治癒，未食已經覺得好好味，西冷牛扒都唔會韌，啲黑椒醬汁配埋啲薯菜一齊食，好惹味。頭抽乾炒牛河$78乾炒牛河炒得幾有鑊氣，頭抽豉油香氣十足，牛肉份量唔少，配料如芽菜份量都足。蝦蝦蝦炒飯$82有大蝦，估唔到仲有蝦乾，同埋個炒飯係用蝦醬炒，果然名副其實。個炒飯炒得幾乾爽，粒粒分明，好惹味，都幾有驚喜。