影片
營業時間
星期一至日
11:00 - 02:00
以上資料只供參考, 請與餐廳確認詳情
各位新年好~~哩2個月又聖誕又新年又過年咁, 我地做零售既真係忙到爆燈呀所以一放假就周圍飲飲食食 又加D朋友聚會團年飯咁食左好多好野想同大家分享, 但都冇時間呀...哈哈而家過完年冇咁忙即刻同大家報告下^^首先係哩間我好滿意既卡邦尼一來我地下午去, 過左午餐時間, 客人唔算多窗外有好好既陽光照入, 環境感覺好清幽好Holiday mood先黎個玉米濃湯, 口感夠厚身好多餐館過左個午市D湯就會加水溝到淡晒哩個完全OK, 而且仲帶少少打碎既粟米粒, 好有口感男友既羅宋湯冇咁突出, 但係合格既, 同埋唔算辣羊架, 好香蒜香味熟度五成就係五成, 控制得好好肉質好嫩滑, 完全冇筋少少酥, 我好鍾意羊酥味,如果一D酥味都冇我會覺得唔係食緊羊但我明白太酥有D朋友會食唔到所以佢少少酥好正, 我諗多數朋友都食到燒豬肋骨燒汁應該係佢地自己調既, 除左燒汁本身既甜香仲多左層香草同黑胡椒既微辣非常惹味肉質係比教軟身, 男友覺得太淋, 我就好鍾意, 牙力冇佢咁好...哈哈題外話, 用餐時有對老人家入黎, 一個用輪椅, 一個用柺杖服務員一見到立即主動去幫忙態度仲好好, 一D都冇話嫌麻煩, 有講有笑咁加大分^^
繼續閱讀
好重口味， 大部份嘢食都好咸， 性價比好低， 尤其是嗰個鳳冇骨鳳爪超級難食， 廚師好似冇咗味覺感， 一係就要攞錯調味料， 又貴又唔好食 ， 而且唔係我個人意見， 我同六個朋友一齊嚟， 大家都覺得好難食， 完全唔明點解 openrice 有咁多個like
繼續閱讀
今個拍拖紀念日，我同男友去咗呢間轉角西餐廳食飯，環境幾好，夠寬敞又唔會太迫，方便談心，仲好有英式復古小店風格!!我們點了2個set dinner,分別是T骨牛扒和三文魚，個set包埋餐湯同甜品。T骨成數煎都剛剛好，外層脆口，保留住肉汁，一啲都唔乾。而三文魚個擺法好有睇頭，肉同皮分開，魚煎得香口，唔會太熟；而塊皮焗到好脆，配埋個汁，好夾。最欣賞係個菇配埋啲意大利飯，上面仲有一層芝士，方便一切，成層一齊芝士菇飯放入口，大滿足！餐湯揀咗南瓜湯和黑松露白菌湯，兩款都好夠味，唔會太水汪汪。甜品blueberry 奶凍非常滑，唔會太甜，配埋blueberry醬剛剛好。
繼續閱讀
是日在舒適的環境中，吃了一餐豐富晚餐！走進卡邦尼小館，便可感受到當中的懷舊色彩：棗紅色的皮櫈、木製的餐桌、紅色的磚牆、發出柔柔黃光的燈泡、精緻的尤如教堂玻璃窗的吊燈等等。我們坐在靠近落地玻璃窗的卡位中，座位舒適。桌上有一彩色杯子燭台，燭光搖曳，頗有情調。晚餐的選擇挺多的，主菜裏有黑毛豬、安格斯牛扒、三文魚、紐西蘭羊鞍等。首先送來的是沙律。餐單上有有三款沙律可供選擇，我們分別選擇了芒果雞肉乳酪沙律和粟米蘋果雞蛋沙律。芒果雞肉乳酪沙律還是頭一次吃到，味道十分好，令人一試難忘！沙律菜上沾滿濃稠的芒果乳酪醬汁，賣相吸引。味道酸甜而不膩，加上蔬菜新鮮爽口，很開胃。而朋友點的粟米蘋果雞蛋沙律也不錯，粟米粒混著沙律醬酸甜開胃，薄薄的蘋果片清新，雞蛋香滑。餐湯是黑松露菌忌廉湯。黑松露味道香濃，鹹淡適中。還可以吃到細碎的蘑菇粒。加入了忌廉，增添了滑溜的口感，與鬆軟的餐包同吃，十分配搭。芝士焗大菇意大利飯拼脆皮三文魚 這個主菜，名字夠長夠氣勢。三文魚厚切，約有3cm的厚度。魚肉鮮美，配著酥脆的魚皮，口感豐富。令人驚喜的是金黃色的芝士焗大菇，中間包裹著軟綿的意大利飯，可以吃到表面香脆，內裡滿滿的芝士味，大菇亦調味恰當，口感軟滑。炸軟殼蟹墨汁意大利粉 軟殼蟹炸得鬆脆，炸粉不厚身，很有蟹的鮮味，只曷份量略少。墨汁意粉呈烏黑色，滲透了濃郁的墨魚汁。意粉份量很多，質感軟身，是我喜歡的口感，滿滿是墨魚的鮮美。最後要了一壼熱芒果桃茶和甜品。芒果桃茶桃味宜人，微甘中帶點甜，可以解滯。香濃的朱古力由心太軟裡緩慢流出， 朱古力甜中帶少少苦，份量略多，我最後食不完。一小球雲尼拿雪糕，則被我輕鬆K.O.提拉米蘇蛋糕，咖啡味不重，正合我心意，蛋糕質感綿滑，入口即融。總括來說，餐廳氣氛很好，店員亦服務殷勤，而且食物質素令人滿意。
繼續閱讀
近年發現元朗區西餐選擇多左之外，質素相對有驚喜，價格合理。呢間餐廳地方很大很舒服，店內有酒紅色梳化卡位，配大窗戶空間感十足，座位不會有迫峽感覺。選上Set dinner ，有沙津 ，湯，主菜，甜品及飲品 (價位由$178 - $298)<芒果雞肉乳酪沙津>味道甜甜的，不會帶酸，雞肉肉質紮實，蔬菜新鮮，作為前菜很醒胃!<凱薩沙津>蔬菜新鮮爽脆，調味岩岩好，一人份量剛剛好，加埋脆麵包粒同脆煙肉粒，芝士同蕃茄很豐富。餐包暖暖鬆軟，有兩款分別有麥包、黑芝麻包，配香滑牛油，再飲黑松露餐湯，香氣撲鼻，味道恰度好處，湯品很香滑，粒粒菇菌令成個湯充滿口感，湯又夠熱，值得一讚。<芝士焗大菇意大利飯拼脆皮三文魚 $238>賣相吸引魚皮咸香薄脆，脆卜卜不油膩大菇充滿水份，配意大利飯頂層用芝士包著，意大利飯味道creamy跟芝士很配合三文魚味道鮮甜，稍微覺得乾左少少<扒美國T骨牛扒配紅酒汁 $298>T骨扒很大塊，點了7成熟，保持微粉嫩，肉質又嫩又香，而且很有口感，不會鬆鬆的 !餐飲整體黎講是值得推介~
繼續閱讀