咖啡空間21

營業中

休息中

店處鰂魚涌地鐵站C出口旁的商廈內，並不顯眼。主力都是賣咖啡三文治等茶點食品，午市兼營西式set-lunch。因無廚房關係，每日只能提供兩款湯及意粉供選擇。今日點了一客龍蝦湯及燒牛肉天使麵。龍蝦湯鮮味唔算濃，反而覺得鹹咗少少。燒牛肉只是平日超市一包包的冷藏貨式，肉香欠奉，質感亦同食火腿無異。醬汁應是在最後淋上，和整碟菜無交流。總結而言，係Café都係食咖啡三文治好D。

食LUNCH過嚟呢間嘢外賣返公司，已經早去少少但都幾多人。叫咗個煙三文魚意粉，$36都幾貴，加多個湯$8。呢間嘢啱啱開嗰陣食過一次，真喺麻麻，份量又少又冇乜嘢食。依家有返啲熱食，個份量又大咗。意粉幾好食，汁同粉都煮得幾好。南瓜湯幾好飲，有啲蒜頭味(可能我鐘意蒜頭味)。如果叫一個湯+一份三文治應該都夠飽~~ ^^如果可以平少少會好啲，$36最少都包一杯飲品啦。

12/3(四) 2:15pm例會前的午餐,忌遠行,多給這店一次機會,吃下其大蝦拿破倫汁意粉$35;大蝦比想像中肥碩彈牙,拿破倫汁的蕃茄味以茄汁為重,而意粉的素質不外如事.下午2時至5時午餐打八折,折後價為廿九大洋.水準總算微跨一小步...

一放工, 去了柯達大廈果頭攞野, 今晚約了朋友8:30的, 見仲有一排先夠鐘, 慢慢找一家cafe坐坐吧. 結果, 在地鐵站口, 香港青年協會地下, 找到呢一間好 Youth 既 Cafe. 地方舒服寬敞, 找了一張大檯坐, 好讓我整理一下戰利品. 再去 order 一件 cake 同 Latte 一杯. Cake 是一個英式Earl Grey茶味既小蛋糕. 包裝得唔錯, 食落個 Earl Grey Tea 味道不過份濃烈, 一邊看書一邊飲咖啡, 偶爾吃一口 cake. 若不是因為我腸胃仍然未100%回復, 不然, 感覺好 relax.地方舒適得黎又少了一種高檔 Cafe 之感覺, 看到有一兩個青年協會的職員幫襯, 有說有笑的, 閒談笑語的, 開心到彈起來的......呢間 Cafe, 好 Young.

22/1(四) 2pm是日的午餐,由同事引領至此.甫踏進店,氣氛輕鬆自在,格局介乎CAFE跟之間,光線昏暗;卻已自助形式售餐,有點吊詭!淺嚐了煙三文魚拿破倫汁意粉$36;而同事則點了客肉醬螺絲粉$32.兩者均沒啥出奇制勝處,無論意粉,醬汁,配料皆枯燥乏味,泛泛之輩...

一直都知道有間cafe喺青協大廈入面, 但冇機會試, 今日約左朋友食飯, 想坐得舒服d食下西餐, 唔想行去太古坊咁遠, 就決定試試呢間!!一入到去, 環境唔錯, 好有feel, 間cafe係以先助形式落order, 其實都冇乜所謂, 1點前去到都已經容易搵到位。叫左個肉醬長通粉配龍蝦湯, 個湯味道香濃, 啱哂我呢d鍾意飲creamy湯嘅人, 而且都幾大碗, 唔錯唔錯!! 個肉醬幾特別, 係用雞肉, 配長通粉, 味道不錯!平時放工嚟呢度飲下野、傾下計都幾好! 問左店員可以包場, 會propose下嚟緊department party喺呢度搞。

今日同事唔舒服，應該食清淡D，佢又帶個朋友一齊食飯，睇完Openrice，見食評話呢度幾清幾淡，就來這裡一試。同事個朋友黎過，話真係幾淡...D 白醬汁，所以要大蝦拿破侖汁Angel Hair。我地分開買，但結果食同樣野，可想而知選擇唔多，濃味更少！食落味道幾好bor！係D 蝦普通D，好耐無食Angel Hair，份量對我尼講係食得飽，所以同事個朋友(係女仔)就有餘。呢度最好係易搵位又清淨，同新相識朋友傾下食下，加多杯即磨Coffee，好快又夠鐘返工。埋單我個份$42，OK 價！望著同事個朋友臨走前個可愛笑容，相信都幾滿意！同事呢？佢要清淡，叫個沙律，一般喇。

這是一家由年青人營運的社會企業, 位於模範里/百福道新起的香港青年協會大廈地下, 一入門口就見到。早餐時間, 堂食的人甚少, 客路看來都是上面青年協會和其他租戶的職員, 故也是外賣客多。外面陽光普照, 餐廳裡就烏燈黑火, 想營造氣氛乎? 有電腦有電視, 又有雜誌睇, 幾好 hea。要了個厚多士 (麥方包) 配藍莓果醬 ($10), 還有一杯咖啡 ($8) 就坐在寬敞舒服的梳化位中等。拿了兩本雜誌, 才覺四周真是太黑, 怎麼看呢? 還是看電視上的娛樂台算了。不久食物送來, 厚多士的確幾厚, 但麥包像是染色而成, 因為吃不到麥粉喔 (也有可能是品質太好麥粉磨的太滑之故?), 不過是幾鬆軟的。果醬是一小盒的包裝貨色, 味道可以預期, 好像還有牛油不過我沒塗。咖啡還好, 我好像見到水吧有咖啡機, 值得一讚; 可是我忘了要走奶, 奶精的味道很怪。其實店門口旁有個雪櫃出售包裝三文治樽裝飲品等物, 那些可能會正常點吧。兩位當值的女生, 服務不算特別殷勤, 當中有位也很年青的 supervisor 正在教她的 junior 處理店務, 不過如果顧客這樣少的話, 也可以暫時先 serve 好個客, 俾多

被裝修吸引,坐位好似幾舒服咁,waiter話冇得訂位,lunch time好多人食等等... 仲以為係好好食既西餐廳...點知今日去食,原來係自助形式,自己排隊買同捧餐... 仲以為係提供set lunch with service既西餐廳! (唔止我地唔知,旁邊另一班人入到黎都問同一個問題: "咩要自己出去買架?!"講番食物,份量頗少(女仔都食唔飽),多汁少材料... 我叫既白汁火腿蟹柳扁意粉,冇油,唔鹹,好健康,不過就好清淡... 同事食既菠蘿火雞長通粉既火雞,細粒到差d見唔到,成碟意粉似食齋茄汁長通粉咁,唔多好食... 青年咖啡味道唔錯,我叫既磨菇湯麻麻地,好"杰",唔夠香...呢度黎一次,試下就算,唔會去第2次... 不過減肥既話就ok,因為有沙律供應,意粉又夠清淡...