影片
港鐵長沙灣站 B 出口, 步行約6分鐘
繼續閱讀
營業時間
星期一至日
11:00 - 21:30
以上資料只供參考, 請與餐廳確認詳情
招牌菜
叫了個脆脆魚生菜包，唔脆可能因為外賣，但係個味道唔好吃，無味既d肉，唔講都唔知係吃緊魚。跟住個大蝦冬蔭功湯…d大蝦腥..干..想講都成八十蚊個湯，真係救命，勁鹹，鹹到我飲左兩大杯水。一個無味，一個勁鹹…..服左食左一小半已經唔想食，既然係小店價錢貴就算，但係質量都要比得上掛，真係可以話係食魚無魚味，食蝦無蝦味。真係後悔不如叫樓下餐廳五十蚊個生菜包好吃好多。呢間絕對係我食咁多間泰菜最難食勁一間。。。
繼續閱讀
叫外賣預左填飽個肚就算，但點知有驚喜，碟碟都幾好味，係生菜包啲肉碎油左啲，唔夠乾身，其他無得彈。來到碟碟都熱騰騰，相信同係店舖食無差，兩家人都食得好開心，真心推介
繼續閱讀
經推介下，到了這個小屋苑的新開泰菜小店。來之前看過菜單，覺得菜式較為特別，平日較少見的泰菜款，可能是泰西混合？先叫了兩道蔬菜為主的前菜：金柚大蝦沙律配熱情果醬，味道清新，尤其微微酸甜的汁較特別，很開胃馬拉盞炒椰菜苗，味濃，椰菜苗要炒至軟硬適中不容易，這次是不錯的 主菜來了！！串燒 (差不多各叫一款) 慢煮燒烤乳豬配焦糖菠蘿串燒的孓然粉若落得稍多會變得苦，這些是剛好，香而不苦未吃過這款小烤豬，聽聞是西班牙做法。皮是超薄，很脆！那些焦糖菠蘿，及點著吃的汁，酸酸甜的，降低了豬的滯口感最後純粹因為口痕，叫了泰風味椒鹽鴨舌要特別讚的，是蝦片，薄、香、脆，但丁點炸過了的感覺也沒有整體而言，除了菜式款有驚喜，味道也有驚喜！
繼續閱讀
今日去探朋友，麗翠苑係一個好新嘅居屋屋苑，喺麗閣邨同長沙灣邨中間。屋苑新的商場入面大部分都未入伙或未租出，見到一樓有間新開的泰國嘢，喺疫症下要新開一間飲食餐廳真係唔容易，所以想入去試吓！HAHA其實附近都無咩嘢食。哩度睇落似家庭式經營的餐廳，有兩個小朋友在落角玩耍，一兩個侍應，裝修簡潔新淨，餐牌都簡單易明，有做泰式粉面客飯，價錢相宜都係$4x-5x包埋嘢飲，可能疫症下又或者屋苑太新，晚市未見太多食客。既然出得嚟食飯，咁就叫多少少嘢食，我哋三個人叫咗五個餸一個湯炸蝦餅 - 熱辣辣好脆口、彈牙，個醬都唔錯，好食👍🏼椒鹽雞軟骨 - 好香口!!! 好好食👍🏼 夠大份，啱哂一邊傾計一路食。馬拉盞通菜 - 我鍾意佢用個煲上菜，滋滋聲熱辣辣，夠誠意生菜包 - 食泰國嘢必叫食物 份量足，味道ok，菜都好多塊重點推介:::::泰式慢煮燒乳豬配焦糖菠蘿個名好長，哈哈我特登記低咗，因為哩個真係我由細到大食過咁多乳豬之中最好食嘅一隻!!!!!真心!!!乳豬個皮脆就緊咖啦，但佢唔止係皮脆咁簡單，佢啲肉係嫩滑到一個點.....好正🤤可能係因為用「慢煮」嘅方法， 真係勁好食! 焦糖菠蘿都做得唔錯，微熱的焦糖加上好juicy嘅菠蘿好配合！雖然價錢高少少但我覺得係值回票價而且係想再去食嘅!! 估唔到咁偏僻嘅地方有咁高質嘅食物!! 真心推介!!最後仲有個冬蔭功湯忘記咗影相，因為太專注個豬手HAHA，個湯不過不失，仲有進步空間。整體來講真係算唔錯！我諗哩度應該居民為主要的客源，希望大家可以多啲支持小店，拒絕大財團壟斷飲食行業，希望在疫症下餐廳能夠繼續堅持下去，因為我仲好想下次來探朋友時再來食一客「泰式慢煮燒豬頸肉配焦糖菠蘿」咖!!
繼續閱讀