第一郡

營業中

休息中

之前已經喺第一郡食過一次仲要係喺佢仲喺深水埗嘅時候搬咗新舖環境大好多因為多位咗嘅關係仲唔使排好耐🫶🏻菜式嘅選擇非常之多雞翼熱辣辣非常之惹味蟹膏蕃茄湯檬用料十足蟹膏嘅味道非常濃郁，整個湯底亦都非常之鮮味而檬粉亦都非常之掛湯鍾意酸酸尾尾嘅人一定要嗌呢一個扎肉軟包啲料就嚟多到爆出嚟蘿蔔同埋青瓜嘅配搭，令到整個包嘅味道都非常之清新軟包亦都非常之酥脆加埋肉鬆同埋扎肉所有嘢加埋嘅口感非常之完美我哋仲要加咗辣醬，呢個辣真係非常之出色，建議食得辣嘅朋友都可以加大蝦米紙卷配搭埋佢嘅秘製醬但有好濃郁嘅花生醬口感值得一試烤豬肉法包亦都非常之出色豬肉肉汁豐富，配搭埋清爽嘅青瓜同埋蘿蔔絲完美中和左豬肉所帶嚟嗰種油膩嘅感覺法包亦都係烤得非常之酥脆而甜品方面我哋亦都叫咗斑斕綠豆糕，芒果糯米卷，紫米糕，榴槤糕，飲品就叫咗牛油果奶昔佢哋嘅甜品都係限定出售賣晒就冇好好彩食到佢哋招牌嘅斑斕綠豆糕，口感非常之煙靭之餘仲有淡淡嘅椰香味其他嘅糕點都發揮得相色牛油果奶昔牛油果味都好出，亦都唔會太甜啱晒唔鍾意太甜嘅朋友仔👍🏻

想品嚐正宗越南街頭風味美食嗎？咁你一定要認識「第一郡」，我就由深水埗路店幫襯到而家油麻地樓上舖，最喜歡佢哋嘅豬骨湯底配越南香料，湯頭極度鮮甜，配搭任何粉麵都超級美味，當然仲有必食嘅即叫即做法包和越南滴漏咖啡，同埋多款手工甜品，完全地道越南風味👍🏻🍜▪️雞絲湯檬粉 $65首先飲一啖湯，一貫美味嘅水準，湯頭相當清甜，材料有雞絲、洋蔥、芽菜、香菜、香葉和香蔥帶有濃濃嘅越南香料味道，配合越南檬粉和香滑既雞絲，就是越南街頭的風味，好美味🥖▪️烤豬肉法包 $ 62即叫即做熱辣辣，超級大份，法包焗得香脆，餡料豐富，有香囗既烤豬肉、爽脆的紅蘿蔔、醃白蘿蔔絲、青瓜、芫荽、蔬菜、肝醬，一口咬下去，就是麵包香脆、烤豬肉的惹味和酸蘿蔔的酸甜味道，真心推薦超級好食☘️▪️斑斕綠豆糕 $ 15長期都會好快賣晒嘅甜品，口感煙韌、味道清甜的班蘭綠豆糕，獨有斑斕嘅清香，而且唔太甜，一場嚟到幾飽都要食☕️▪️越南滴漏咖啡 （熱） $ 32越南黑咖啡加煉奶，咖啡就是獨特的越南風味，用上滴漏嘅方法，味道變得更為濃厚，所以配煉奶就最適合不過，味道又香又醇

看完醫生在繁忙的彌敦道找午飯, 不過每間地舖都非常多人, 抬頭見對面馬路有不少二樓店, 其中一間第一郡是越式食物, 就決定在此落腳雖然過了午飯時間, 客人還是陸續進出; 見到有蟹膏撈檬,  當然即時下單; 還額外多叫一份蟹膏餅; 也點了最愛的牛油果沙冰;   牛油果沙冰非常軟滑 Creamy; 一般沙冰難免會有冰凍刺骨的感覺, 但這個牛油果沙冰打得好像凍忌廉湯一樣軟滑細綿,  而且一直到食完餐, 喝到最底也沒有出水溶化的情況,  是飲過最好味道最好口感的沙冰, 也許其實不應該叫沙冰, 或者可叫牛油果凍湯 (當然是甜甜的) 蟹膏撈檬驚喜的是蕃茄湯底非常突出,  微酸蕃茄鮮味出色,  十分開胃; 主角大大件的蟹膏, 沒有撈勻, 貪心的大口咬下, 香濃味重;  還有扎肉豬紅太多的材料, 即使已經要求少粉還是很多;  最後也忍不住喝了不少湯, 蟹膏跟鮮茄的味道混在一起, 實在鮮味本來已經很飽, 可是見到很多客人都點了班蘭綠豆糕也忍不住叫一件, 非常煙韌之餘, 中間的綠豆蓉非常香口, 很出色的甜點

以前去BC睇戲，夏銘記或者廟街牛雜又或者煲仔飯係開飯首選，過咗一排，唔同嘅舖頭質素都有左變化，幸好開飯有新選擇，竟然發現第一群係BC附近開左新分店。以前深水埗相對坐得冇咁好，呢到就完全唔同，夠大又方便，而且食物menu都一模一樣，價錢差唔多之餘，整個體驗都好咗好多。重點當然係喺蟹膏蕃茄湯檬，如果貪心嘅再加多個蟹膏，入邊仲有好多豆腐豬紅扎肉等等，全部都好好食，檬粉吸汁力很強，呢個係第一群嘅all time favorite ，不過對比1986，我好似鐘意1986多少少。米紙蝦卷有非常薄的米紙外層，包著好豐滿嘅餡料，又係必定點的作品。點了個烤豬肉湯河，佢加上香料嘅烤豬肉令人吃得特別開胃，而且味道好誘人，個人推介如果三心兩意又想食牛丸牛腩湯河嘅話就加牛丸，食到所有嘅名物。太耐冇食，有啲掛住佢嘅越式法包，幾飽都要食多個，呢到嘅法包絕對出色，外層好脆，又係令我諗起全盛時期嘅添記。飲品方面，當然要揀牛油果沙冰同埋滴漏咖啡，好飲足料之餘仲要價錢係佛心價。最尾當然要選擇一個斑蘭綠豆糕做甜品，呢個記得一定要提早叫，因為每日有限量出品。地點好，又唔算太難等位，好食又價錢相宜，如果你去電影中心睇戲，可以嚟開

好耐之前喺深水埗舊鋪已經幫襯過一次嗰陣都係叫左呢個粉食覺得幾好食☺️不過嗰時就賣哂我勁想試嘅斑斕糕😞好彩今次喺好大間嘅新鋪食到姐！😎✨蟹膏蕃茄湯檬✨ $65🍅好大碗超抵食！😱湯頭夠酸幾重蕃茄味👍🏻正啊四方形嗰塊係蟹膏餅🦀質感似淋d嘅蜂巢豆腐😂好有鮮味同索晒d蕃茄湯🥰🥰好味✨烤豬肉法包✨ $62🐷D餡多到笑😂😂😂我好滿意烤豬肉一d都影唔乾調味好好👍🏻配搭其他蔬菜好味道！✨米紙蝦卷✨ $45🍤小清新之選😚有大大隻蝦夾左喺入面個醬超出色！係非常香濃嘅花生醬🥜再加上炸蒜片！好惹味🥰推介！✨紅毛榴連沙冰✨ $50🍒同榴連無關係🤣味道好清香🥰🥰🥰有d荔枝香味甜度岩岩好幾特別幾好飲😳✨斑斕糕✨ $15🍀重頭戲！😂😂😂我表示終於食到勁煙韌（我ig有片睇）😍我好滿意！整體甜度唔高👍🏻👍🏻👍🏻好香斑斕味☘️中層係好smooth嘅綠豆蓉😳好清香必食item❤️

之前 睇社交平台見到有專欄介紹啲間餐廳六點左右已經開始多人 裝修簡潔呢間餐廳食性價比為主當然你坐近玻璃窗邊位可以睇到下面嘅彌敦道甜品想試好耐 但係好彩斑斕綠豆糕賣晒 最想試吓係呢個唯有試吓其他甜品榴槤糕 芋頭糕 芒果糕 馬豆糕 紫米糕$7 有兩舊 價錢幾平 而且都幾多選擇 牛油果沙冰原本想飲菠蘿冰沙 又係賣晒 所以試飲健康嘅脂肪牛油果冰沙少少甜甜地 好重牛油果嗰種油脂口感 建議分開飲如果唔係好快會飽肚蟹膏蕃茄湯檬 雞絲湯檬呢個又係值得一推 蟹膏蕃茄湯聞落去有少少特別配合埋扎肉 炸豆腐 鴨血一齊食 好味 咁大碗都只係$65一碗雞絲雞湯胡椒粉幾特別 好香 清清湯帶有黑椒香味 米紙蝦卷傳統越南製作 一定要試佢哋嘅自家醬少量蘿蔔絲 花生粒 有啲似沙嗲醬 又有酸酸地味道

以前係深水埗食過好幾次，搬左嚟油麻地，餐廳空間大了，具簡約裝修，乾淨企理，都仍然係人山人海，而食物都保持水準，餐牌食物選擇多，又平又正！😋蟹膏蕃茄湯檬🦀 $65香濃蟹膏蕃茄湯底，再配上芫荽香料，酸酸甜甜，好開胃，有充滿蟹膏既泡豆腐、扎肉、豬紅、大大蕃茄、豆卜，檬粉軟硬適中，整體味道鮮甜又好味！越式法包🥖 $55法包外脆內軟，入面有豬肉、酸蘿蔔、青瓜、芫荽等配料，食落清新又有層次感，亦可以選擇切成二或四件，分便食用。越南香茅雞翼🐓 $35雞翼具有香茅香味，食落入味又多汁，肉質嫩滑，反而平平無奇，又特別有驚喜。米紙蝦卷🦐 $45米紙卷一定要預早落單，因為好快賣哂！米紙卷用左香草葉包住米紙皮、蝦、檬粉、香葉，味道青新，再配上必製花生醬，食落有鹹香味。芒果糕🥭 $7芒果味道濃郁，食落好似食緊楊枝甘露咁。紫米糕🍨 $7好足料，入面有好多紫米，再配上香濃椰汁，好味！斑斕綠豆糕🍮 $15必點之選！斑斕咬落煙煙韌韌，中間夾住綠豆溶，甜度適中，唔會太點，每次黎都一定要叫！記得預早留定斑斕綠豆糕，因為好快賣哂。牛油果沙冰🍧 $35好滑好creamy既沙冰，飲落牛油果味濃郁，甜度適中，飲唔停，飲哂成杯！整體

出色越南菜，味道夠正宗！假期去過三次，都要排隊，不過次次都唔洗等好耐，職員好快會幫你安排座位。肉鬆法包 $52越南法包種類多，啱晒想試唔同口味嘅人，今次就試咗肉鬆法包，首先包皮好脆，但係唔會硬同刮口，而且餡料好足，入面有蘿蔔絲、肝醬、肉鬆、青瓜等等，好惹味！雞絲河粉 $65內有雞絲，洋蔥，芽菜，葱，香菜，雞絲唔會嚡口，份量好多，每啖都食到雞絲😆河粉好滑，而且吸晒湯嘅味，好香！斑斕綠豆糕 $15超級推介！唔會死甜，食落淡淡嘅斑斕香，中間夾住綠豆蓉，又煙靭又細滑嘅口感，好好食✨

發掘出來嘅越南菜「第一郡」見都有吾少foodies 寫過，當日去探店正值黃雨，幸好油麻地地鐵站行過去只須1、2 分鐘，更好彩系停咗雨。上到去吾使等位，店員即時為我們安排座位。店舖面積都幾大，客人大概一半，所以上菜速度也挺快。扎肉法包肉鬆軟包滴滴咖啡熱咸檸水紅豆糕兩款包也烘得香脆可口扎肉法包餡料塞得滿滿，大量生蔬菜、酸紅蘿蔔、生洋蔥、芫荽、生菜、青瓜、粉絲、扎肉更底面都有，真材實料，比到足，朋友激讚好味，但如此巨型會令人食得幾麻煩，好彩我揀左軟包。肉鬆軟包走芫荽、青瓜，相對冇咁震撼，對我而言會吃得優雅好多。味道如期發揮，但嫌生洋蔥有點辣，同埋令人留口氣。平時好少飲啡走，不過為咗打咭就點左「滴滴咖啡」睇住佢慢慢滴下杯內，用匙羹將咖啡和練奶二合為一，深烘咖啡如期地苦，加左練奶就啱啱好，不過飲到杯底就超甜。紅豆糕是椰汁底，不吃不可惜。

Ysd去左油麻地依間越南餐廳，價錢實惠又好食，芒果糯米卷正正👍🏻👍🏻👍🏻小食：👉🏻米紙蝦卷：米紙軟綿綿，裡面包著鮮蝦同新鮮蔬菜，再沾上特製麻醬醬汁，正👍🏻👉🏻越南香茅雞翼（5件）：越南香茅雞翼炸得香脆，外脆內多汁🐰主食：👉🏻越式雞扒飯：雞扒飯好大份！有湯同配菜，雞扒煎得香脆多汁，醬汁香濃🐰👉🏻烤豬肉撈檬加扎肉：豬肉烤得有點焦香，搭配新鮮蔬菜同檬汁，酸酸甜甜，非常開胃！甜品：👉🏻芒果糯米卷：正叫左2份就賣哂，luckyyyy糯米皮軟糯，芒果鮮甜多汁❤️👉🏻紫米糕：紫米糕味道濃郁，糯米質感絲滑都唔錯🐰

是日外出油麻地做野，同事推介左依間勁親民既越南菜。位於二樓本身好少會留意到，唔知佢點解會識黎😂點左一個香矛雞扒飯and 一個香矛雞，同事就叫左個米紙蝦卷配自家醬share, 雞扒雞翼都外皮香脆，熱食係脆內里有汁水，炸得岩岩好👍 本人覺得口感滿分，但香矛味唔夠出，少少扣分。有d 可惜係米紙卷太大陣香葉味，吃唔出蝦同埋豬肉，全部都比香葉味蓋住左🥲🥲整體黎講價錢係非常親民，而雞類料理係好出色，（米紙蝦卷可以skip)可以再黎試埋其他野👍😉

唔好俾佢簡約嘅裝修、Menu呃到。社企feel。地方乾淨企理，綠色牆感覺好舒服。枱面4平8穩（唔係講笑，呢個要求真係幾卑微）。落地玻璃窗俯瞰曾經繁華盛世嘅彌敦道蟹膏蕃茄湯檬- 嗰個蟹膏好特別，溝埋啲唔知乜嘢好食嘅嘢，做到一嚿豆腐咁嘅形狀，海綿咁嘅texture，咬落口感鬆軟，蟹味濃郁。- 裏面有豬紅配料，同牛雜檔嗰啲好唔同喎，入口有浸淡淡嘅肉味。滴滴咖啡- 好正宗嘅越南風味。啱唔啱口味一回事，去 越南 隨便搵間地茂館嘅咖啡，就係咁。- 牛油果軟包熟度剛好嘅牛油果，塞滿晒成個包好抌本。牛油果香滑，麵包外脆內軟。推介。- 肉鬆軟包應該係麵包餸肉鬆。肉鬆滿倒瀉。嫌佢乾口一啲。- 芒果沙冰濃郁又滑，芒香味撲鼻。- 班蘭、榴槤糕好好食，好食過 「莫定標娘惹」。呢兩款甜品都好好食。不妨自攜外賣盒買多幾個打包，返到屋企微微打熱佢，齒頰留香。surprise，連沙甸魚法包都有。無奈唔係好啱香港人口味。佢哋用斑斕葉嘅量真係毫不手軟，就算係自助水都係斑斕水。

公眾假期呢間舖頭人頭湧湧因為呢度真係有好地道嘅正宗越南而且價錢實惠我叫咗🥖越式法包 差唔多台台都有嗌一個包可以分兩份三份或者四份好大個 熱辣辣脆卜卜餡料非常豐富,有腩肉，扎肉，肉鬆，酸菜，青瓜，芫荽，蔥，肝醬同喺越南街頭食嘅感覺一模一樣一啖咬落去 有好多配料 好正❤️蟹膏蕃茄湯檬 亦都係差唔多每台都有嗌嘅嘢最特別嘅就係有非常濃郁嘅湯底甜甜酸酸地 有蟹嘅味道亦都有蕃茄嘅味道蕃茄煮到腍晒 好正有好多配料，仲有好多生菜 最正當然就係蟹膏餅，一咬咬落啲汁跌晒出嚟而且仲有扎肉，豬紅班蘭綠豆糕一日限定15個，我叫嘅時候已經得返兩個要食一定要坐低即刻嗌呢個斑斕綠豆糕，非常煙靭 而且又好香嘅斑斕味中間夾煮得起沙溶晒嘅綠豆 非常香好特別嘅口感一個人一定食得晒 因為真係幾好味🤪牛油果沙冰 其實唔係真係沙冰，而係好似奶昔咁樣，唔係好凍，飲得好舒服牛油果味非常濃郁 好似食緊幾個牛油果落肚 甜度啱啱好

記得好幾年前係天后附近食過Q1, 當時同事話哩間食越南河係幾出名，如今原來係油麻地都有分店。蟹膏蕃茄湯檬，湯底濃鮮，蟹膏咬落去咸咸香香好得意，另外仲有豆腐，豬紅同埋扎肉等等，濛粉索哂湯汁好好味👍🏻香茅雞扒飯個雞扒整得好，外脆內嫩。另外再叫左份越式香茅雞翼，煎得乾身香口👍🏻哩度d甜品特別在自家手工製，有d好受歡迎既好似斑斕糕咁一早賣哂，試左件紅豆糕同埋芒果椰汁糕，係幾好味喎又滑又夠味亦唔會過甜，下次要早d黎食斑斕糕芒果奶昔同埋牛油果奶昔都好正，夠濃厚唔會水汪汪✔️✔️

🌿呢間旺角越南小店，難得我一個星期內2️⃣刷，自然有其吸引力。🤭🦀🍅蟹膏蕃茄湯檬🍜最出色當然係蟹膏蕃茄湯濛，湯頭鮮甜，帶有淡淡蝦味，難得。蕃茄大大嚿，咬落去連埋湯汁，瀉出鮮甜湯味，正！豬紅有微微嘅斑蘭味，幾特別。最重要係蟹膏相當大份，好香好好口感。🔔要注意嘅係，我第一次係下晝🕐，去完全無可挑剔；第二次係星期五晚🕖，覺得同下晝嘅出品都有段距離。👓到夜晚，豬紅有少少嚡，芫荽都少咗好多，湯頭都係下晝濃少少。呢方面大家就要留意取捨啦。📣💭💭🥓🥖越式法包🥖法包好多枱都有點，不過因為我好鍾意食法包，就覺得佢只係普通。入面嘅肉醬唔夠多，豬肉都偏乾身，令整體唔夠鮮味多汁🙂‍↔️。暫時屯門法包都係世一。🥒🦐米子蝦卷2件米紙卷就不過不失，冇乜特別。有自家醬同越式魚露二選一揀。我梗係試自家唱啦，有少少沙嗲味，面頭有一啲花生，🙈味道唔算突出。🥠🌱綠豆斑蘭糕好食，用BB綠豆壓碎，斑蘭糕嘅部份非常煙靭，無怪乎要俾兩個叉。雖然斑蘭味唔突出，但係綠豆蓉好清新舒服，只係$15，物超所值。🥳