影片
港鐵旺角站 E2 出口, 步行約4分鐘
繼續閱讀
電話號碼
28092313
開飯介紹
定價親民的韓國菜餐廳，主打的石頭鍋飯提供葷素口味，而首爾秘製豆腐鍋則可轉配麵條，照顧不同口味的食客需要。
繼續閱讀
營業時間
今日營業
12:00 - 21:45
星期一至五
11:30 - 21:45
星期六至日
12:00 - 21:45
公眾假期
12:00 - 21:45
公眾假期前夕
12:00 - 21:45
*最後落單時間: 22:00
以上資料只供參考, 請與餐廳確認詳情
-
網上訂座服務暫停
🐷📌 #豬西食九龍 #豬西食旺角.首爾石鍋燒係旺角通菜街嘅韓式餐廳，小編成日都嚟食，尤其是係下午茶時間，因為好抵食，唔係好貴，而且個質素都唔差！主打石鍋拌飯同家常韓菜～ 價錢親民真係最吸引嘅地方～ .🐷韓式拌飯 - 牛肉粒拌飯石鍋拌飯上枱時香氣四溢，牛肉「粒」大大粒，唔可以叫做「粒」喎大佬！！炒得香口唔乾身，混埋蛋汁、辣醬、蔬菜一齊撈，仲有啲韓國粉絲，層次感夠豐富，每啖都好夾～我哋已經叫咗少飯，但係都仲係好大份量，非常飽足！！.🐷雜菜豬腩片炒烏冬烏冬煙韌彈牙，豬腩片油脂豐富，炒得乾身夠鑊氣，配埋大量雜菜唔油膩，味道偏甜帶微辣，食落夠滋味！！份量都真係超級對得住價錢架！！.🐷韓風雞翼雞翼外層炸到脆卜卜，內裡多汁，淋上韓式甜辣醬，唔會過甜，辣度適中，食落香口惹味，非常開胃。.🐷自家製泡菜泡菜切得大份爽口，辣味中帶微酸，唔嗆喉，味道開胃又解膩，配飯食一流！！！.🐷凍柚子梳打柚子味香甜清新，配梳打水，冰涼又爽口，飲落解膩消暑。.首爾石鍋燒📍旺角通菜街21號地舖.#吃貨日常 #香港 #韓國菜 #石鍋拌飯 #炒烏冬 #雞翼 #泡菜 #飲品 #九龍 #旺角 #旺角美食 #hkfoodie #foodiehk #旺角好去處 #旺角美食
繼續閱讀
旺角一向都係多嘢食，放工時間又同同事去搵食平時我哋都好少食韓國嘢，六點幾未夠七點，見餐廳已經坐滿人，就即管入去坐低食吓石頭鍋飯傳統石鍋飯 (烤豬肉石鍋飯) $76石鍋上枱熱辣辣，石鍋夠熱，飯焦香脆口，烤豬肉唔太肥膩，味道夠濃，配埋泡菜一齊食好夾👍🏻辣味溫和，啱晒唔太食得辣嘅人極上牛肋骨烤豬肉豆腐湯鍋配烏冬 $89 湯底濃郁，牛肋骨夠腍，烤豬肉同豆腐吸晒湯味，勁惹味👍🏻烏冬滑溜唔糊口，成鍋食落暖笠笠，滿足感十足一口雞 $50食韓國嘢點少得炸雞🤣外脆內嫩，調味啱啱好海鮮蔥餅 $60 煎得好香脆，淡淡蔥香味👍🏻唔會冚過蝦仁嘅味道，入口有層次，值得一試👍🏻
繼續閱讀
旺角女人街 開咗好多間餐廳, 今日同老公就行入女人街食韓國菜, 呢間算係一間幾抵食韓國餐廳, 佢比較特別嘅就係石鍋飯 , 我地五點幾入到去都已經有好多人坐係度食緊, 而且呢度仲有下午茶食呀!韓風一口雞 - $50外皮炸得非常香脆, 炸粉落得適中, 內裡啲雞肉多汁嫩滑, 都好有驚喜; 加埋酸辣醬好好食, 真係好正, 呢個真係必食呀!海鮮烤豬肉豆腐鍋配烏冬 - $65叫鍋餐都會跟蘿蔔粟米蛋豆腐羹, 個羹都幾香甜。韓式豆腐鍋, 上枱個鍋係熱辣辣, 滾住上, 韓式辣湯越食越好飲, 辣度適中, 除了非常滑溜嘅豆腐外, 還有其他很豐富嘅材料, 有青口, 蝦球, 日式魚蛋, 烤豬肉片, 仲有一隻蛋, 可以轉煎蛋, 煎完隻蛋更加香口; 烤豬肉片好嫩, 好淋, 本身係配飯但我轉咗做烏冬, 烏冬煮得剛好, 烏冬喺湯內好入味!香辣豬腩片石頭鍋飯 - $60"滋滋滋"聲上枱, 我老公最愛食到超熱辣辣嘅飯呀! 流心雞蛋撈埋韓辣醬, 係傳統拌飯味道, 唔夠嘅話, 枱面仲有一支可以比你加! 辣醬豬腩片加埋香蔥, 甘筍絲, 芽菜, 洋蔥等, 增添左份清爽嘅口感, 飯面上灑上芝麻, 成個賣相都好好; 辣醬豬腩片入口軟腍, 石鍋底下有少許飯焦, 鍾意食飯焦就好啱啦!酸梅梳打- 加$18 / 凍柚子梳打 – 加$10石頭鍋配飲品都係半價, 兩款梳打都幾特別, 甜度仲可以就個人喜好而選擇呀!巴斯克韓式石鍋燒芝士蛋糕 - $38呢度仲有一款好多人都會order嘅巴斯克芝士蛋糕, 但記得落單時就叫定啦, 食完石頭鍋後, 時間啱啱好可以食啦, 軟滑都啱啱好呀!
繼續閱讀
最近好左食依間韓國野，同出面差唔多價，不過QR code落單同出面賣單要比加一，除左加一次水同拎野食過黎之後就冇服務。✿烤豬肉首爾石鍋飯，$76睇餐牌果陣笑左，韓式石鍋飯平時食開都係有泡菜，依個飯係唔包的，要比多$3 order 泡菜石鍋飯先有😂😂😂個飯 首先想講下烤豬肉片，以為係一塊塊煎，但原來係牛肉質地咁…有飯焦，唔算好加底，用羹刮幾下就有👍🏻份量都幾多，好飽。—環境：d位好窄，帶多個袋都冇位擺🙁坐得唔舒服。枱都細，如果order小食未必有位放
繼續閱讀
午餐個價錢粗食可以, 唔好expect 係好正宗既韓國石頭鍋飯, 無左傳統石頭鍋既菜, 飯過左一段時間比較易痴底lunch人多既時候仲要搭位;勝在服務員態度友善呢個價錢有碗湯同野飲
繼續閱讀