Urban Coffee Roaster (Fashion Walk)

營業中

休息中

松葉蟹肉飯配軟殻蟹，個個都點! 軟殼蟹都幾大隻下，脆口又啖啖肉。白飯配有溫泉蛋、松葉蟹肉、青瓜絲、飛魚籽、香蔥等，撈埋一齊愈食愈好味，唔膩。 手打安格斯牛肉漢堡，熱辣辣既包，烤過既包面非常香脆，牛肉漢堡有香濃既牛味除左夾住cheese之外仲有煙肉，好有油香同惹味，整體個包都幾大個漢堡亦厚，個粗薯條都非常不錯。蒜香柚子雞翼，雞翼D肉質超juicy，外皮香脆每隻都沾有清甜既柚子醬，非常鮮美清香。芝麻綠茶批，脆脆既餅底上塗上香濃既芝麻醬，然後再有creamy既綠茶mousse，非常有茶味，唔會太甜。黎到一定要試下佢地既咖啡，iced caramel latte 好味! 鍾意佢地用一粒大冰等佢係杯中慢慢溶化，飲到尾依然香濃。hot Uji Matcha Latte ($54) ，奶同茶既比例好fit，飲完感覺晚上會好好訓。幾鍾意佢既vintage 格局，雖然都多人食，但坐得好舒服空間感夠，可以靜靜地chat 下。

週五下班到銅鑼灣吃晚飯放鬆放鬆。這家Cafe位於鬧中取靜的銅鑼灣名店坊。之前買過他們的咖啡☕覺得很不錯，就決定來一試他們的Dinner。.慢煮豬肋漢堡配薯條（$168-附送指定啤酒ASAHI / KRONENBOURG 1664 BLANC）下午三點之後有Happy hour set，每個set都有送啤酒🍺，銅鑼灣來說，算是挺划算的。豬肋骨軟硬適中，配上蛋香滿滿的軟包，芥末子、茴香沙律和蜜糖啤酒汁，調味酸甜開胃。.油漬黃油雞賓尼迪 （$118）手撕雞份量足，搭配乾蔥、自家製辣醬、水波蛋及酸種多士等，味道層次豐富，尤其麥香突出又軟硬適中的酸種多士，令人印象挺深刻的。.松葉蟹肉軟殼蟹飯（$138）材料有軟殼蟹、松菜蟹肉、温泉蛋、飛魚籽、青瓜絲和蔥花等等，入口味道鮮甜，值得一讚嘅係軟殼蟹好多蟹膏，令整個飯生色不少。.餐廳飲品選擇頗多，有酒有coffee，推薦一戰佢地嘅CHAI LATTE( CHAI MASALA BLEND / HONEY / SOY MILK )，淡淡玉桂及薄荷香氣，飲落好舒服又舒壓，好適合收工飲返杯。.Urban Coffee Roaster 銅鑼灣京士頓街9號Fash

我個人都幾鍾意去唔同cafe坐下食西餐，最近發現呢間一直幾鍾意嘅餐廳原來唔止有咖啡飲，仲有啤酒、cocktail之類，絕對係chill下relax嘅好地方！【$168🍺+漢堡🍔】呢個combo都幾抵，$168就有漢堡+1664 blanc！🍔歡樂時光套餐-慢煮豬肋漢堡配薯條、1664 Blanc- 慢煮豬肋厚厚的，肉質幾好，連薯條配啤酒一流！另外仲點左其他野食，性價比都高🌟 新鮮青囗配蒜香白酒牛油 $118- 青口大大隻，而且好鮮甜，點埋白酒牛油汁，啖啖滋味😋😋🦀️ 松葉蟹肉軟殼蟹飯 $148- 軟殼蟹本身都幾大隻，多肉多膏，再撈上粒粒鮮甜松葉蟹肉同蟹子，好match☕️dirty $78- 好濃濃奶味，配上咖啡濃香，好有層次感下次約朋友來！

- ¨̮♡︎Finally it's friday and could spend some quality time catching up with friends. We were looking for a comfy place to sit down, eat and chat in CWB. One of my friends suggested this place saying it's chill and spacious so we decided to come here Arrived at 7:00pm without reservation, still able to get a seat immediately. We were starving so we made order once sat down. Ordered deep fried soft shell crab on rice, french fries with black truffle mayo and creme brulee pancake. One of my friends

今日放工去咗銅鑼灣開餐，揀咗去呢間人氣Cafe，chill 吓放鬆吓。是日餐湯$38今日係南瓜湯，南瓜蓉打得幼滑，口味清淡，餐湯配兩塊酸種麵包，用嚟沾湯食，不錯。燒虎蝦帶子田園沙律配檸檬油醋汁$128好清新嘅一個沙律，有我鍾意嘅無花果，檸檬味好清爽，虎蝦同帶子燒得幾香，蝦肉爽口鮮味。手打安格斯牛肉漢堡配薯條$138 個包烘得充滿牛油香，口感鬆軟，牛肉非常厚身，好Juicy，好香牛肉味，配埋香脆煙肉，芝士，夠晒邪惡，但係有生菜同埋蕃茄中和返，不會感覺油膩。粗身，薯條新鮮香脆，幾有薯仔味。傳統卡邦尼煙豬腩意粉$138傳統嘅口味，蛋黃好香，醬汁好creamy , 加上煙豬腩嘅咸香，個意粉又夠彈牙，好味。Uji Matcha latte (Hot)$50有靚靚拉花，宇治綠茶甘香，少少回甘，奶比例比較少，感覺較輕盈。85% Chocolate (Hot) $50呢款黑朱古力好香濃，少少甘，多泡，泡沫好細密，甜度屬B B級。

今日行完街，想搵間chill既Cafe 食晚餐飯，剛好遇到呢間Cafe，又有酒飲，就入去試試。🔮南瓜湯又creamy, 又濃滑既南瓜湯，值得試試。🔮卡邦尼意粉意粉有勁，煙肉煎得焦香撲鼻，用料上乘。🔮松葉蟹肉飯配軟殼蟹軟殼蟹香脆，配鮮味既蟹肉飯，yummy!🔮薯條配黑松露醬粗薯條炸得乾身香脆，微微既黑松露味令薯條昇華至另一層次，大愛!🔮蒜蓉牛油藍青口好香蒜香牛油味衝擊味蕾，青口鮮味juicy. 讚!🔮雲尼拿士多啤梨撻酸甜交加，餅底薄脆，好食。🍸Sweet dream呢杯cocktail 好啱女仔，有個青檸汁自行倒入，甜酸既味道，配微微既gin, 酒味不算濃，賣相非常吸引。

今日去左銅鑼灣行街shopping,買到勁瘋狂🤟🏻🤟🏻之後去咗附近嘅餐廳食下野，個朋友話勁肚餓😅叫咗個Big Breakfast-Scrambled Eggs我最鍾意嘅係佢哋嘅炒蛋，好鬆軟好滑嘅口感，真係好正，之後Seafood Salad，有檸檬醬汁，味道清新，跟住我哋仲叫咗個手工安格斯牛肉漢堡同薯條+ 秘魯辣椒青口，真係好辣好好食，如果你鍾意辣嘢，一定要試下呀！最正係有得叫套餐配一支啤酒，整體上，餐廳環境舒適，服務態度好，食物質素高，值得一試。

喺鬧市中行過一兩條街，有間重工業風嘅Cafe，原來有咁多野食！🍴 Handmade Angus Beef Burger w/ Fries ($138) ⭐️⭐️⭐️⭐️💫安格斯牛漢堡比我想像中好食，牛肉唔會話好乾好鞋，個包有烤過，所以個皮好香好脆。薯條就正常質素啦～🍴 Deep Fried Soft Shell Crab on Rice ($148) ⭐️⭐️⭐️⭐️軟殼蟹飯就不過不失，上菜嘅時候已經唔係太脆，不過好在個調味可以，唔會太鹹。🍴 Chicken Wings w/ Yuzu Sauce (5 Pcs) ($88) ⭐️⭐️⭐️⭐️價錢係貴左少少，不過都明點解嘅。好明顯係即叫即炸，雞翼上面仲有d炸蒜，咬開仲要有肉汁流出，肉有少少柚子嘅味道，唔會過甜，係好食嘅！🍴 Ice Mocha ($57) + Ice Uji Matcha Latte ($54) ⭐️⭐️⭐️⭐️💫兩杯都好飲，賣相都吸引，個味都夠濃夠香，係咖啡店嘅質素！.............................. Urban Coffee Roaster (Fashion Walk)地址📍: 銅鑼灣京士頓街9號Fashion Walk地

又到左一個月一次嘅月經飯，今次我哋揀咗間Cafe，可以坐得舒服啲傾耐啲。個環境都好工業風，感覺都幾chill㗎。小食我哋見咗個柚子雞翼，佢喺柚子醬上面會加左一啲炸蒜，所以唔會剩係得個甜味，反而仲會有咸咸地嘅香味。佢啲雞翼都真係做得幾好，出邊夠晒乾身同脆卜卜，但係入邊啲肉真係好滑好多汁。主食方面，朋友叫咗個卡邦尼意粉，佢個卡邦尼真係做得好出色，因為連我呢個唔係好食意粉嘅人都對佢讚口不絕。佢啲芝士同個醬混合得好好，香滑得來又唔會好漏，啲意粉有夠晒彈牙，真係好好食。而我自己就揀咗個安格斯牛漢堡配薯條，佢啲薯條感覺好健康，因為係唔落鹽嘅。而且因為係粗薯條，外脆內軟，熱辣辣真係好好食㗎。而佢個漢堡真係好巨型，而且好足料，女仔個口絕對冇可能拎住嚟咬。我哋都係切開嚟食。可以見到佢嗰啲料真係好多，而係個包都好香。因為佢講安格斯係冇調味嘅，所以係靠個包嘅甜甜地再加埋其他蕃茄生菜同埋少少醬料嘅味道，所以成個包成日都好清㗎新。而佢返安格斯牛扒都好Juicy，一路切一路流晒啲肉汁出嚟。食完晒之後，我哋叫咗個甜品share ，叫咗佢個士多啤梨雲呢拿批。佢個甜品唔好做得太甜，因為一般嘅西式甜品邊嘅感覺都係好漏好甜

為左報答表妹係忙碌中抽左好多時間幫大少溫習數學，所以就同佢去撐枱腳食好嘢，所以就揀左嚟銅鑼灣嘅Urban coffee Roaster，就係鐘意依度環境好清靜好relax，慢慢邊食邊傾夠晒 chill呀~先嚟一份 燒虎蝦帶子田園沙律配檸檬油醋汁 ，大大隻嘅燒虎蝦加上帶子，同埋新鮮嘅沙律菜，再配埋帶點微酸嘅醋汁一齊食，口感清新得嚟又開胃~我嘅85% 黑朱古力奶，佢朱古力味好濃厚，而且唔會太甜，亦冇我想像中咁苦，感覺都唔錯嘅。表妹就來一杯熱薑黃檸檬薑茶，佢話個檸檬同薑味兩者都好夾，而佢帶點點辛辣味，所以飲完成身都暖笠笠~之後我地就叫左兩份主菜齊齊食，先嚟我最期待嘅 松葉蟹肉軟殼蟹飯，因為真係冇諗過係西餐廳可以食到日式菜式。一送到嚟都真係嘩左一聲，竟然有原隻手掌咁軟殼蟹，而佢炸到外脆內軟，入口脆卜卜，再加埋溫泉蛋、蟹肉、蟹籽同青瓜絲一齊食，口感就好豐富，真係好有驚喜呢~另外就叫左 慢煮豬肋漢堡配薯條 ，佢嘅份量都好足，原塊厚身嘅豬肋煎香後仍然好腍，配埋椰菜沙律同埋軟屬嘅包包，好惹味呀~整體上感覺都唔錯，係銅鑼灣都真係比較少又大又坐得舒服而且又唔太貴嘅餐廳，所以我地都話下次要再嚟依度HEA住食

今晚honey 有事要早吃飯， 我們就打算在附近隨便吃一頓 ，honey說這家西餐廳想試試，我看過餐牌， 應該都合胃口，就和honey早早一齊去幫襯。 餐廳地址是京士頓街， 但入口在加寧街 ，門口不大 ，但餐廳裏面卻是寬敞， 裝修簡約 ，有點工業風 ，樓底高 ，座位舒適， 一邊有賣少少貨物 ，主打咖啡 。我們去得早 ，還未到晚餐時間 ，慢慢研究餐牌 ，原本打算簡簡單單吃一餐， 但發覺餐牌裏有很多吸引的菜式 ，所以叫下叫下又變咗好豐富嘅一餐 。首先點了餐湯， 今晚是南瓜甘筍湯 ，煲得好傑， 好香 ，吃得出加了很少調味料，完全是食材的味道，非常健康 。跟住就點了一個虎蝦帶子沙律 ，真材實料 ， 絕不欺場 ，幾個大虎蝦 ，鮮味爽甜 ，兩個帶子 ，煎得鮮香嫩滑 ，沙律菜有兩種， 再加新鮮無花果，車厘茄 ，少少柚子醋調味 ，是一個頂級沙律製作。 跟住係主食， honey本來想揀和牛飯， 點知賣曬 ，所以揀咗煙豬腩肉意粉 ，我喜歡吃魚，所以就揀咗鰻魚滑蛋飯， 餐廳的效率非常高，主菜很快送到 ，鰻魚滑蛋飯賣相好 ，味道正， 厚厚的鰻魚 ，加上好多滑蛋鋪住飯面，吃得很滿足 ，主菜吃完當然不能少甜品 ，

在銅鑼灣都可以寫意坐下來好好喝杯咖啡☕️，實在寫意🪴店內更有一些衣服等產品供賣的！這間滿有歐洲工業風格的設計裝潢的cafe, 使我好像置身在外國街頭餐廳呢！其中難忘手工咖啡☕️類， 另外食物超有水準！松葉蟹肉飯配軟殻蟹🦀這主菜是我認為皇牌主食，軟殼蟹外脆內軟新鮮熱辣出爐，配上啖啖都係松葉蟹肉飯，好creamy ！三重朱古力凍餅🍫甜品中最愛的一款， 用上優質朱古力自家製， 香濃可口！銅鑼灣京士頓街9號Fashion Walk地下D號舖

銅鑼灣人來人往嘅街上都有d旺中帶靜嘅cafe!而呢間urban cafe就係其中之一.休閒又帶點復古風,感覺好放鬆.卡邦尼煙豬腩意粉卡邦尼蛋汁相當濃郁濃郁得黎感覺又唔會好膩卡邦尼汁係我自己鍾意嘅質感意粉沾上蛋汁後更creamy香滑旁邊粒粒煙豬腩粒鹹香中又帶一陣煙燻香氣松葉蟹肉軟殼蟹飯原隻軟殼蟹炸香夠氣勢軟殼蟹香脆鮮味底下以白飯配搭青瓜 l 蟹肉l 獲籽 l 流心蛋做拌飯,配搭炸軟殼蟹都唔會覺得膩呢種拌飯好適合夏天熱辣辣無咩胃口嘅時候食水果蜂蜜穀物乳酪碗All day健康之選Greek yogurt配搭各款新鮮水果絕對唔heavy又夠fresh乳酪底下充滿大量香甜嘅原片果乾燕麥片令整個乳酪碗層次感更豐富紅桑子朱古力批朱古力濃而不膩批內加入紅桑子Jam,酸酸甜甜亦降低朱古批嘅heavy感Ice Caramel Latte焦糖及咖啡同樣香濃入口香滑Ice 85% Chocolate可以免費轉Oat Milk ꜝꜝ85%朱古力甘香不澀帶住陣陣可可nutty香

◤ᴜʀʙᴀɴ ᴄᴏғғᴇᴇ ʀᴏᴀsᴛᴇʀ◢ 餐廳位於人來人往的銅鑼灣區但就在一條相對寧靜的街上感覺是熱鬧得來 帶點平靜平靜得來 又帶點熱鬧🙈店內氛圍舒適坐近窗邊位的話 格外舒服ʟᴜɴᴄʜ sᴇᴛ❥ 松葉蟹肉飯配軟殼蟹 大大隻軟殼蟹✨香脆程度剛剛好 裡面還有很多蟹膏呢配合蟹肉蟹籽青瓜 香口得來又帶點清新不知不覺 就已把整碟吃得一乾二淨🫶🏻❥ 日式燒牛腹肉飯 配溫泉蛋 牛肉肉味頗濃口感是有咬口的那種整體算是不過不失❥ ᴄᴏғғᴇᴇ ᴛᴏɴɪᴄ❥ ᴅɪʀᴛʏʟᴜɴᴄʜ sᴇᴛ加配咖啡類飲品不用加錢感覺很抵飲 加分！❥ ᴛɪʀᴀᴍɪsᴜ +$𝟹𝟾甜品都有小驚喜份量挺多 味道濃濃的這個價錢加配 性價比不俗👏🏻👏🏻

Coffee 唔止得咖啡 ☕️野食都有水準😉西餐之夜主打，手打安格斯牛肉漢堡配薯條（$138）連配菜薯條都非常夠脆，漢堡肉彈牙，麵包亦焗到外皮香脆。松葉蟹肉軟殼蟹飯（$148）大大隻軟殼蟹，再加佢類似日式嘅拌飯，好有驚喜😲西式Crossover日式呢個先係重點，一路都係心思思等緊呢個後上既甜品，法式焦糖班戟（$108）超好味😋鬆軟，熱辣辣嘅pancake，又有啲凍凍地嘅Creamy 醬汁，勁抽配搭💪🏻飲品方面，作為Cafe正常發揮，兩杯嘢飲都唔會好甜，75%凍朱古力（$54）朱古力味濃，唔係平時開粉嗰種朱古力味，凍抹茶🍵Latte（$54）打起咗個泡沫，好滑同濃厚。推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8.5⭐️環境（10⭐️滿）：8.5⭐️賣相（10⭐️滿）：8.5⭐️味道（10⭐️滿）：8.5⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8.5⭐［Urban Coffee Roaster (Fashion Walk) (銅鑼灣)］📍銅鑼灣京士頓街9號Fashion Walk地下D號舖#晚餐#晚市 #食飯 #推介 #美食 #美食推薦 #美食日