影片
港鐵上環站 A2 出口, 步行約3分鐘
繼續閱讀
營業時間
星期一至六
11:30 - 23:00
星期日
12:00 - 23:00
以上資料只供參考, 請與餐廳確認詳情
位於中上環交界既蘇杭街最近新開既餐廳越黎越多，可能因為位處非核心商業區既關係，食物價錢亦都因此相對中環「最核心既核心」區域較為便宜。經同事介紹，是日光顧左呢間甚有中東feel既「Lhob Lhob」。Soup of the Day （跟餐）︰坦白講，感覺一般，南瓜味唔係太夠，大大個碗只係俾得半碗portion，感覺怪怪的。Wagyu Pineapple Burger ($98)︰和牛漢堡上枱時熱辣辣，非常香噴噴！只可惜既係免治和牛口感一般，食唔出同普通牛肉有乜野分別！而菠蘿方面亦都好似姑寒左D，厚度只係一般罐頭菠蘿既一半厚度左右！Classic Spring Chicken ($98)︰雞入口既感覺好似鞋口左D，想必應該係選材方面既問題。而portion方面亦都好似細左少少，如果細食既OL都可能會夠既，但稍為大食D既朋友仔應該唔夠喉！檸檬茶︰Set-lunch餐飲都俾夠一大pot你，真係誠意十足，最後飲左足足三大杯成肚水！甜品︰好奇怪，整體感覺好似一個未煮熟既fudge，有少少似心太軟！總括黎講，呢度真係夠晒大件夾抵食，$100左右既set-lunch居然有4個course，只可惜既係味道真係好一般。或者，要怪就只好怪地產霸權收佢咁貴租啦！
繼續閱讀
其實這店係我去到已經第三次，但點解都寫係因為真覺得吾錯同價錢合理，最重點係可以帶酒同吾多人，可以慢慢傾計飲酒。但之後會改餐牌，但因本人之後吾係上環返工所以未必可以試到了。今次一行四人去試同當然也帶了2支酒過去。待應好好人記得我吾飲酒幫我整左杯冇酒精飲品比我。 最後叫了一個套餐（和之前寫一樣都有份幾款，意粉加2個沙律加甜品都係二百頭，如改為頭盤大約都係三百落樓）和小食己經好飽地離開。希望之後有時間會再來。這些價錢係分開叫，所以計落數食套餐係最抵！～ Lhod Lhod deluxe ＄119：每款沙律同的醬汁都不同，這個偏酸。而菜都新鮮同多，都有少少三文魚在上面，味道不錯。 Thai chili beef ＄116：每款沙律同的醬汁都不同，這個好有泰式風味，加左少少辣同魚露（我猜），帶出牛肉更香。而菜都新鮮同多，牛肉大約5片，都係偏軟身易咬口但都有肉味。這個牛肉沙律我每次都會叫。 Herh crusted rack of lamh ＄215：黎到己經覺得好精美，羊架比心目中份量多，醬汁都吾係普通平價野，薄荷醬超香係有碎果D而不是JELLY。羊味重但吾覺蘇，肉質好滑吾硬。果條露荀超粗但剛剛熟，十分好味，好新鮮。好味推介！～ Aus rih eye 10oz ＄178：今次薯蓉係亮點，朋友勁喜歡食，好香牛油味同新鮮薯仔整。但牛肉其實都KEEP到水準，軟身而有牛肉味。 Flaming cream brulee ＄42：這是我最愛的甜品，蛋味好重，焦糖味好濃同脆口，酒味今次不多易入口。好味推介！～ Lemon cheese cake ＄45：一般味道，都係偏淡芝士味同個底有少少濕。 Chili beef nachos ＄88：第一次食，偏凍左少少，所以醬汁就太硬比較進食。只可說麻麻。 Chili fries ＄45：第一次食，覺得好一般，偏淋同淡味，有失望。
繼續閱讀
今日是我和女朋友特別紀念日,很煩惱在上環去邊度找地方食晚飯, 在網上找到這間餐廳睇食評不錯就去試試.6:30pm去到餐廳,見環境餐廳雖然唔係好大, 但勝在沒有其他人(附近人流唔多),我和女朋友可以說包了成個場!!當我叫order 時老板好好, 叫安格斯牛柳還比左個discount 我, 還怕我地等得耐送左道小食比我地!!! 叫野飲還有Happy hours ,於是叫了紅酒,我諗住飲一杯都好夠,老板見我就飲完還主動幫我加紅酒!! 真係太好!!!難得晚餐在港島區又可以咁寧靜,食物同服務質素又好,而且又唔貴的地方好難找到!!!
繼續閱讀
今日lunch time要到中環辦點事，從上環的公司走過去，，經過見有一間新開張的餐廳，感覺有點像開設在像是赤柱的度假地方，開放式的門口設計令人沒有一種焗x的感覺，在小巷沒有人來人往的車輛和人群，中上環商業中心一帶帶來一點點的寫意。略略望過餐牌，價錢大概$70-100，在上環吃個午飯也是差不多價錢，在心中默默加入了吃午飯的list內。 辦完正經事後都要吃飯的，不約而同地提議到剛剛經過的Lhod Lhod，就這樣它就成為了今天的午餐地點了。 說真的，上環的餐廳也沒有哪一間是相當闊落得能容納多人呢，Lhod Lhod也不例外，不過這某程度也幫助了上環，使上環有更多不同類型的餐廳。坐下後，店員就隨即遞上餐牌，並介紹今天的Soup of the day和Pasta of the day。所有店員都是外國人，但並不是很熱情的那種，反而他們較為文靜，但言行舉止依然大方斯文。先呈上Soup of the day，當日的Soup of the day是西式Tomato Soup。Tomato Soup 有別於中式的蕃茄薯仔湯，把蕃茄以另一姿態示人，酸酸甜甜的味道甚有蕃茄的特色。湯中央滲的是麵包，可能滲太久，吃一下去像是滲過湯的豆卜，沒有什麼特別的味道。我點的是Pasta of the day，雞肉蒜蓉意粉，不太聽得清楚醬是用什麼製成的。但是醬的質感不像肉醬般的厚份量，反而是像餐湯般稀一點的質感，更顯得意粉的彈性和滑嫩。醬汁的顏色淡黃色，但吃下去鹹鹹地，像XO醬的味道，不過整體上偏鹹了點。若果在味道上稍作調節，應該會更好的。 雞肉切成細件，混入去真的不錯。Set lunch我們二人各點了不同款式，互相分點給對方試試。朋友點的是比目魚，配搭薯蓉和蔬菜。煎的比目魚依然滑嫩，在旁邊的蔬菜有西蘭花和露荀，新鮮爽脆，這樣配搭一個Set Lunch不會有吃不消的感覺。 Set Lunch內包含餐湯或沙律，主菜，飲品或甜品。原本在點飲品後見到店員拿著甜品經過，已經有點後悔錯過了甜品。雖然Menu這樣寫著，列明飲品和甜品任擇其一，但店員在我們選擇飲品後依然送上甜品，作新開張之禮，但最後也命中注定在這頓午餐中獲得甜品。我們也十分感謝店員的慷慨，獲得Brownie，味道超好的。絕對值得一試！濃郁的朱古力味道，加上外層硬硬地內層鬆軟的蛋糕質感，微熱的觸感令人相當享受。 有紅莓醬和雪糕更令這brownie 的味道提升。外國人們都喜歡坐在近門口的位置，陽光照射到餐廳內，享受著溫暖的陽光，喝住啤酒聊天，度過了一個下午，真是優閒。Opss! 我還是回公司繼續工作吧，意外地找到的好餐廳，滿足的午餐令整個下午都充滿力量了！PS： 10% Service Charge
繼續閱讀
最近，我在上環閒逛時，發現了蘇杭街新成員 Lhod Lhod！ 連招牌仍未有，是最近新開！這個舖位原先為 d' Oliva Spanish Takeaway & Tapas，可惜，開了不夠半年便結業！ 前身為西班牙自家製小食店，白色的牆身配合灰色的地下，裝潢以簡約風格為主，較為光猛；現時的 Lhod Lhod 則以紅藍色作主調的小店，與前者形成強烈對比！ 帶有異國色彩的牆畫，獨特見特色！ 同時，也成為店中的亮點！ 此外，店內設有洗手間，相當方便又周到！ 而男女廁的 Logo，男廁的 Logo 以男公仔拿著一把劍，女廁的 Logo 是女公仔坐下來的姿勢，大家也明白啦！相當玩味！ 由於開放式設計，加上近日天氣回暖！難免有烏蠅不請自來！ 起初，我打算星期六前來幫襯，可是，便無機會走到其他地區找尋美食作為午餐嘞！還是新年前平日來幫襯吧！ 當時，我問店員這裡供應什麼食物？供應歐洲西式美食！ 好奇一問店名 Lhod Lhod 的讀音及意思，原來店名 Lhod Lhod 讀作 Loy Loy， 解作 Relax ~ have a good time！ Menu set lunch $68 ~ $108包括：餐湯或沙律、主菜、甜品或咖啡/ 茶 (甜品+咖啡/ 茶:+$15)(設加一服務費)以份量來說，價錢算合理！ Tomato soup鮮橙色的湯，酸香滿載，十分醒胃！ 混合了羅勒，提升獨特的香味與味道； 充滿蕃茄蓉，富有纖維！ 真材實料！放入兩塊麵包，已浸至熱辣辣又濕腍，其鬆軟度完全被破壞！ 如果可以分開上，簡單地放上碟更好！ Lemon sole fillet $88不用 10 分鐘便送上！比預期快！時間亦配合得恰到好處！熱騰騰的比目魚柳配上檸檬牛油汁，散發牛油香，香氣很誘人！ 色彩繽紛的配菜：烤南瓜、烤甘筍、烤茄子、烤露筍作點綴，有畫龍點睛之效！亦豐富了口感層次！視覺與味覺雙重享受！ 比目魚柳煎至金黃色，魚質鮮美滑溜！ 配合檸檬牛油汁，食味輕盈清新不膩！而且很夾！ 至於旁邊一大堆的薯蓉；混合牛油的薯蓉入口軟滑，蘸上一點檸檬牛油汁更開胃！ 食完已填飽肚！ 每樣食材也經過廚師的悉心烹調！整體配合得天衣無縫！食得津津有味！ 熱檸檬茶以透明玻璃茶杯、茶壺盛載的熱檸檬茶，在日光之下，份外透亮動人！ 簡單加上兩片檸檬，已帶出足夠酸度！紅茶的清香配合檸檬的獨特酸味！兩者互相輝映！ 同時，可以提神解膩， 迎接下午的工作！在這裡嚐一頓午餐，總覺得很輕鬆，令我食完好滿足！ 但一想到 2:00 又要回到公司工作，卻有點心急！ 由於趕著返公司，放下 $100 便不用找了！由於店方尚未有信用卡機，兩星期後才接受信用卡付款！
繼續閱讀