87
4
3
| 餐廳: | 五行 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵中環站 H 出口, 步行約2分鐘
繼續閱讀
電話號碼
35685833
營業時間
今日營業
11:30 - 15:30
17:00 - 22:00
星期一至三
11:30 - 15:30
17:00 - 22:00
星期四至五
11:30 - 15:30
17:00 - 22:30
星期六至日
11:30 - 15:30
17:00 - 22:00
*午餐最後落單時間: 15:00 星期一至三及星期六至日晚餐最後落單時間: 22:00 星期四至五晚餐最後落單時間: 21:30
以上資料只供參考, 請與餐廳確認詳情
餐廳係一間日本過江龍拉麵店，致力將拉麵藝術同高級餐飲文化融合。最近餐廳推出期間限定「濃厚龍蝦沾麵」，以原條龍蝦尾配鮮甜濃厚湯底，濃郁蝦湯令人一試愛上😌另Happy Hour時段更有酒精飲品買一送一及串燒七折優惠，啱晒朋友們邊食邊飲邊傾偈。.🇯🇵濃厚龍蝦沾麵（$248）湯底以蝦同豬骨熬製，香氣撲鼻，將麵條同海老味噌拌勻，再蘸以湯底同食，麵質煙韌彈牙又掛湯，每一啖都帶濃郁蝦味；龍蝦尾以低溫慢煮，肉質爽嫩又彈牙，另配有慢煮叉燒、芝士脆餅、溏心蛋、紫甘藍泡菜、火箭菜及芝士碎，口感層次豐富；最後將芫荽飯加入湯底變成燉飯，又係另一番滋味😌.🇯🇵博多風胡麻油甘魚（$148）油甘魚甘甜，口感肥美爽身，伴沙律菜同胡麻醬，作為前菜好醒胃😌🇯🇵八兵衛串燒6點盛（$178）分別有青豆餅、天婦羅豚腩、免治雞肉棒、雞腿肉、冬菇同青椒，串燒即燒熱辣辣，食落脆口帶焦香，佐酒一流😌🇯🇵鹽味雞翼（$32）無骨雞翼啖啖肉，簡單以鹽燒至外皮焦脆，香口又惹味😌🇯🇵焦香味噌和牛三文治（$248）選用鹿兒島和牛，和牛厚身且中間呈粉紅色，半熟口感唔韌又juicy；三文治烤至金黃焦脆，且帶味噌鹹甜，整個配搭好滋味😌🇯🇵八兵衛名物胡麻布丁（$48）布丁入口綿密，帶濃郁胡麻香，味道清清地唔會太甜😌🇯🇵Frozen Pineapple Highball（$98）含菠蘿汁、Suntory Kakubin Whisky及Tonic，入口菠蘿味香甜，有少少酒味😌🇯🇵WAKAZE The Classic（$288/ glass）果香味重且帶甜潤，感覺清新又易入口，幾啱女仔飲😌
繼續閱讀
位於中環歷山大廈地下的一家日本京都拉麵名店 - ɢᴏɢʏᴏ五行，是一家由日本拉麵大師河原成美創辦的拉麵界冠軍店。.近日ɢᴏɢʏᴏ特別邀請了從日本遠道而來的表演嘉賓 hanah_spring。她曾為世界知名日本歌手 Misia 擔任伴唱，來頭不少。.以時令食材為主打，再將傳統日式居酒屋與現代西式酒吧的元素融合在一起，帶來全新的用餐體驗。餐廳打著「以酒品及佐酒小食開始，以拉麵作結」的概念，讓人在舒適的環境中暢飲，同時享受美食的美好滋味。.ɢᴏɢʏᴏ提供超過40種日式佐酒小食、主菜、甜點和多款手工啤酒等各式飲品。此外，他們還與日本博多地區一家長期排隊人潮不斷的串燒店八兵衛合作，推出琳瑯滿目的日本串燒美食。.Hanah 當天晚上為食客們現場獻唱了不少歌曲，還包括她的新作，氣氛很不錯。與此同時，我們一享用美酒、一邊享用了不少招牌佐酒小吃以及店家的招牌拉麵。.✿ 海老牛油果沙律 ✿ 贅沢卷✿ 欲張卷✿ 鹽燒雞翼✿ 生菜明太子卷 ✿ 焦香味噌和牛三文治 ✿ 淡麗鹽拉麵✿ 五行焦香醬油沾麵✿ 胡麻布甸.全晚最有驚喜的要數餐廳的串燒項目，特別是那外表雖然平平無奇的炭燒雞翼串，鬆化、咸香味十足。那餡料豐富的卷物依然保持水準。日本鹿兒島的焦香味噌和牛三文治，配上以招牌味噌製成的醬汁，多士、和牛及焦香味滿滿。.享用過一眾美酒佳餚後，最後以拉麵作結。選了拉麵、沾麵各一。淡麗鹽拉麵走健康清淡路線，而五行焦香醬油湯底是店家招牌鎮店作，選了沾麵的版本湯頭更加濃厚。以獨特又濃郁的自家製味噌醬調味作湯底，加上高溫熱滾油烘烤。口感濃郁的黑色湯頭帶油感，散發著焦香及煙燻味 。
繼續閱讀
🎏樹熊好鐘意食拉麵🍜，熊妹近排得知中環歷山大廈有間高級拉麵餐廳《GOGYO 五行》，今日特登拉埋佢去試下！📌《GOGYO 五行》位於中環歷山大廈地庫1️⃣樓，其實即係中環地鐵站H出口，一出就係，地理位置超方便！📌《GOGYO 五行》原來好有來頭，係日本京都的拉麵潮界王者👑，由日本拉麵大王河原成美創辦，一直致力將拉麵藝術🎨同高級餐飲文化🍴融合。📌一入到餐廳，就見到一張張木椅🪑整齊地排放在酒吧位置，感覺好高檔次。📌餐廳環境裝潢非常別緻，柔和的燈光💡帶點暗黑的格局，令餐廳光猛得來又帶點神秘。📌仲有個印有《GOGYO 五行》招牌的白光燈籠🏮高高懸掛在酒吧位上，係典型居酒屋的象徵呀！📌原來《GOGYO 五行》有推出Happy Hour 優惠，星期一至日15:00-19:00可以享有買一送一 優惠，有唔同酒類同 Cocktails🍸等等，真係好抵飲！📌見門口大大個餐牌推出全新期間限定「蟹味噌拉麵」，鐘意食蟹的樹熊二話不說，一定食佢！📌另外仲有午餐餐牌📋，有各款日式定食，仲有八兵衛日式串燒🍢同佐酒小食🥡，居酒屋的格局都出哂黎，最喜歡就是在居酒屋小呷一杯酒🍶，配一口小食，再與友人把酒歡談🗣️的感覺。蟹味噌拉麵，248拉麵套餐除了拉麵同配料自家製蟹膏牛油同蟹醋外，仲跟上了一個迷你三文魚籽蟹肉飯，都幾豐富喎！拉麵湯底用上傳統的豚骨湯底再加上香濃秘製蟹味噌，豚骨嘅香醇味道同帶有滿滿鮮香嘅蟹味噌融而為一，濃稠的湯汁掛滿在每條彈牙的極太麵之上🍜，簡直滋味無窮！職員更建議將獨特的蟹膏牛油🧈加入湯底之中，提升更高一層的鮮味精華✨。拉麵配料都幾豐富，有松葉蟹蟹棒🦀、招牌卷腩叉燒🐷、半隻半熟玉子🥚、荀片同香蔥，覆蓋整個拉麵表層。原條鮮嫩松葉蟹蟹肉棒真係鮮味十足，加上自家製蟹醋，微酸嘅味道更吊松葉蟹的鮮味🔝。另外，跟上的壽司飯面頭鋪滿香甜蟹肉同晶瑩剔透的三文魚籽，兩者鮮味交替，絕對係高檔次的美食享受😋！值得一讚，《GOGYO 五行》用上的拉麵瓷碗🥣非常耐熱，樹熊一路食拉麵都一路感受到拉麵的熱度♨️，熱度可以令濃湯同油脂保持流質稠身的形態，令拉麵吃到最後依然條條分明地掛滿湯汁，滋味到極點。提提一點，日本拉麵文化其實蘊藏着一些拉麵禮儀🙇🏻♀️，每碗日本拉麵湯底，其實就是拉麵的精髓，吃完拉麵再把湯喝光就是對師傅的尊重，🈲千萬不要私自加水溝淡湯的濃味，會視為侮辱拉麵師傅的功架💪🏻；吃麵時應該小撮夾起，整條吸啜入口，甚至發出「嗦嗦」吸麵聲，視為對拉麵的讚賞🥳，🈲不要把麵中途咬斷，喜歡食拉麵的香港人相信都會盡量配合吧🤝！八兵衛串燒定食，$198熊妹好鐘意食串燒，見到有呢款串燒定食即刻心心眼，仲要午巿數量限定🔟客，好彩今日仲有熊妹份，真係開心過中六合彩🎊！定食包五款串燒🍢，由右至左，分別係炸綠豆蓉餅、生菜明太子卷、自家製免治雞肉串、鹽燒豬腩肉同鹽燒手羽。當中，熊妹依然最愛自家製免治雞肉串🐥，表面燒得焦焦再點上濃郁的日本蛋黃滋潤一下，啖啖肉真係大🈵足。而炸綠豆蓉餅就大有驚喜🤩，一球炸波表面炸得一啲都唔油膩，咬落去，綠豆蓉磨得好細膩，食落質感綿綿，淡淡綠豆味又唔會過份草青，真係想encore多一球！定食仲跟一碗日本珍珠米🍚同沙律菜🥗，沙律菜用上芥末味柚子醋汁，酸酸地帶點攻鼻的芥辣味，十分開胃又醒神！午餐仲包餐飲，熊妹點左黑咖啡☕️，日式烘焙咖啡豆沖出濃濃的咖啡香味真係令人精神倍增！📌整體來說，《GOGYO 五行》推出的拉麵、定食等食品有體面又有質素👍🏻，絕對配得上中環這片黃金地段，係一間高檔次的日本拉麵居酒屋。聽說會不時推出期間限定的拉麵新菜式，樹熊同熊妹密切期待下一次的新品。
繼續閱讀
日本京都拉麵過江龍【GOGYO五行】由日本拉麵大王河原成美創辦致力將高級餐飲文化同日本拉麵融合🍜拉麵店位置十分方便 一出中環站H出口就會見到店舖燈光昏暗 結合日式居酒屋同西式酒吧嘅裝潢顯得好有格調🥰🍜蟹味噌拉麵 ($248)全新冬季限定拉麵！🤩拉麵除咗有招牌卷腩叉燒之外 仲有主角松葉蟹蟹棒同半熟蛋蟹棒可以蘸少少蟹醋嚟食 蟹醋嘅微酸令到蟹棒更鮮味 同埋啖啖肉真係好正🦀湯底以豚骨湯底加上秘製蟹味噌製成 十分之香濃！❤️放埋蟹膏牛油落去湯底度 會有更濃郁嘅蟹味呢款嘅麵底選用咗極太麵 彈牙得嚟掛湯能力都好高👍🏻食完拉麵 再食埋蟹肉三文魚籽迷你丼飯 真係好滿足🥰🫰🏻🍜 法式烤牛清湯拉麵 ($148)呢款係同美國經典扒房Lawry's The Prime Ribs合作推出嘅拉麵烤牛肉選自美國黑牛安格斯牛肉🐃未有機會拜訪Lawry's嘅我終於有機會一嘗佢地嘅法式烤牛！😍烤牛肉嘅肉味好濃郁 好味！美中不足係只得一塊 有d意猶未盡牛肉清湯加上白松露油 清甜得黎啖啖都充滿松露香☺️🍢味噌豚腩 ($35)豚腩油脂豐富 表面燒到焦脆 味噌好惹味🍢生菜明太子豚腩卷 ($42)以豚腩同生菜包裹住滿滿嘅明太子 不錯👍🏻GOGYO五行除左拉麵同串燒之外 其實仲有個好chill嘅酒吧見到佢哋依家做緊優惠 星期一至日Happy Hour (15:00-19:00)喺酒吧度叫酒精類飲品會有買一送一優惠仲唔快d約埋朋友一齊去飲番杯🍻
繼續閱讀
-𝙂𝙊𝙂𝙔𝙊五行 🍜二訪位於歷山大廈嘅京都拉麵潮界王者今個冬天仲推出期間限定「蟹味噌拉麵」 聽到個名就已經想試 除此之外 由星期一至日係Happy Hour時段去酒吧位置 仲可以享用飲品買一送一優惠 喺附近放工/行街嘅值得試試🍜 蟹味噌拉麵 ($248)以GOGYO五行獨家豚骨湯底為基底 加入香濃秘製蟹味噌 豚骨嘅香醇味道 + 蟹味噌嘅鮮香 + 自家製蟹膏牛油嘅香氣融合於湯底中 成個做法真係將蟹嘅鮮味發揮至淋漓盡致用上彈牙嘅極太麵 非常掛湯 真係會忍唔住一啖又一啖咁接住食 伴有2條原條香甜松葉蟹蟹棒 啖啖蟹肉沾有湯汁都好好味 套餐仲配有蟹肉三文魚籽飯兩者鮮味滿溢 點埋蟹醋 微酸嘅味道令松葉蟹鮮味更突出 🍜 五行焦香味噌拉麵 ($98)以GOGYO五行自家味噌醬整成湯底 湯底散發濃郁嘅焦香同煙燻味四溢 流晒口水 用上熱油高溫烘烤自家秘製味噌醬 食落同一般豚骨/醬油等拉麵湯底唔同食落味帶甘甜 無論係風味定係味道層次都好豐富 正中我心! 另外叉燒同中太扁平麵盡吸湯底精華 真心好好味 不過要趁熱食!🐟 博多風胡麻油甘魚 ($148)厚切嘅油甘魚 肉質肥美新鮮 入口新鮮又帶有濃濃嘅魚油香再配上開胃嘅胡麻醬 完全唔洗點醬油都可以😋🥩 生菜明太子豚腩卷 ($42)個人至愛! 每次必點嘅串燒!好鍾意呢個香脆嘅豚腩肉包住生菜同滿滿嘅明太子交疊嘅味道清爽鹹香 口感清爽 真係啱晒配啤酒🔥 Heroes英雄啤 × GOGYO五行 – PhrasesSaison季節手工啤酒「 Phases」係 Heroes為 GOGYO五行特別調配嘅聯乘產品 主要係由核果、桂花及香辛料混合而成 飲落都好清新 微酸又幾解膩 Aftertaste 會有山椒同柚子帶黎微辣同柑橘香混合埋嘅微妙香氣~🔊 留意番而家由星期一至日係Happy Hour 時段 15:00-19:00 去GOGYO 酒吧位置飲返杯 就可以享HappyHour買一送一優惠 仲有有多款精選飲品俾大家選擇重點係有#Heroes 英雄啤 (包括Heroes為GOGYO五行特別調配嘅Saison季節手工啤酒「Phases 」)亦都有唔同酒類同Cocktails可以揀 啱晒大家可以喺放工/ 行街嚟 chill chill-📍GOGYO五行中環遮打道16-20號歷山大廈地庫B2號舖
繼續閱讀
您可能會有興趣的...