影片
港鐵中環站 D2 出口, 步行約3分鐘
繼續閱讀
電話號碼
28902800
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
以上資料只供參考, 請與餐廳確認詳情
平時勁少食御好燒既我上星期去左中環食呢間正宗口味既弁慶🙂↕️係大阪過江龍!店內有好多日本人 由下單到下廚 今次坐喺即席鐵板燒嘅座位 氣氛好好 睇住師傅整嘢食 食落都特別好味😋.愛吃枝豆既我見到有必定要叫🤤加左幼鹽炒香 熱辣辣食就最正.依家做緊肉祭menu 叫左鹿兒島黑毛和牛扒同埋大阪烤牛小腸牛小腸入口爽彈 完全冇腥味 加上洋蔥同椰菜一齊炒香 惹味小菜無誤和牛扒係師傅嘅用心之作 牛扒厚身 牛味非常濃郁 脂肪分布均勻 口感軟嫩 咬落真係好腍身 牛扒中間仲係粉紅色💗😍非常鮮甜伴碟有粟米 茄子 蘆筍同埋紅椒 令到成道菜都好顏色鮮艷🥹見到都想食.最後當然唔少得主打 御好燒💁🏻♀️御好燒係日本一種非常出名嘅鐵板燒小吃小麥粉加水拌成粉漿 加上蔬菜 肉同海鮮 燒成一個個既煎餅🫓我地揀左蠔御好燒 有六隻大嘅新鮮生蠔🦪煎香後再擺係餅底上面切既時候可以好似切蛋糕咁 咁就可以一次過食到咁多種材料 p.s. 中間既煙肉煎到好香脆好好食!!!蠔咬落多汁 juicy !!.雖然我哋叫嘅係冇酒精飲品但呢杯檸檬乳酸的確非常解渴解膩 夏天必須要有一杯!🫡
繼續閱讀
🇭🇰弁慶 御好燒 鐵板燒·呢間餐廳我自己超鐘意 佢係日本人主理既 超有氣氛🥳而且野食味道好好 推介大家一定要book吧枱 咁就可以一路望住師傅整野食🇯🇵😍😍·京都九條蔥燒$98 l 京都味噌生麩$60 l 炙燒油豆腐$78我哋見佢有個期間限定嘅京都祭 所以就試咗🎆佢個九條蔥燒入邊係有海量嘅蔥 比普通既御好燒清爽 口感幾好😈之後個味噌生麩食落係有少少好似年糕咁樣 煙煙韌韌 配埋上面嘅味噌好特別😎最後個油豆腐都好唔錯 佢係中間超有空氣感😍·蘿蔔$19 l 獅子狗$19 l 豪華炒麵$123 l 炒雜菜$78之後佢個蘿蔔關東煮我哋都好鍾意 佢係超甜 完全冇渣 成舊都好好食🤤🤤不過個獅子狗就略嫌煮得耐咗少少🫢個炒麵我地都好鍾意 佢係超有鑊氣 調味剛剛好 麵條質感好好 配料都好好食😋最後個炒雜菜又係好好食 佢啲蔬菜好甜 調味剛剛好🥬·#rbyeat#rby日本菜 #rbycelebrations#rby中環·📍中環士丹利街11號Stanley 11 6樓
繼續閱讀
最近天氣凍，最岩食D熱辣辣既食物。除左火鍋燒烤之外，最推薦鐵板燒，尤其坐係爐邊睇住師傅煮又可以熱住個身。今次就去左位於中環既【弁慶 御好燒 鐵板燒】，地方雖小，但氣氛超級好。師傅同店員都係日本人（有香港人店員同師父），感覺非常正宗。今次除左定番menu之外就試左特色沖繩限定menu。烤白子（沖繩香檸使用）：口感綿密、魚味濃、但唔腥。加左沖繩香檸非常清新。沖繩早摘水雲：非常鮮嫩爽口既水雲海藻，加醋微酸好開胃。八爪魚好鮮甜。沖繩香檸可爾逼思梳打：非常清新解渴，酸酸地唔會太甜。明太子淮山蓉燒：喜出望外、外脆内軟、明太子味道同淮山蓉燒好match，推薦。玉子燒：雖然唔係我個人鍾意既甜口玉子燒，但非常鬆軟、好似舒芙蕾一樣，非常特別。2種自選大阪燒（豬肉、mochi）：超級無敵多椰菜、好清甜，mochi軟軟糯糯、豬肉好香脆。呢個要製作比較長時間，不過等待既時間係值得既。免治鷄肉燒：免治鷄肉裏面加左好多蔬菜，增加其他口感。醬汁甜甜地，加埋流心蛋黃一流。呢個非常推薦。牛舌：肉厚非常juicy，調味非常不錯。推薦。雪見大福：係餐廳自己包而非外面貨色。非常特別，係黑糖黃豆粉味，糯米糍皮煙靭。
繼續閱讀
掛住返鄉下🇯🇵朋友成日都話好想去日本🇯🇵，但湊仔又無時間⌛️！唔洗煩，中環就搵到鄉下味嘅餐廳啦！今次我哋約食飯就搵到呢間由大阪過江龍，由日本人主理嘅 🇯🇵弁慶BENKEI🇯🇵，就可以感受到日本味🤣🤣🤣呢間餐廳主要都係日本人食堂，去到大部分顧客都係日本人，超有氣氛，而且晚餐時間非常火爆💥真係唔訂位都未必有位㗎！去到睇餐牌見到新品肉祭，愛吃肉嘅我哋點可以錯過呢！呢間最出名嘅就係大阪燒，而且仲要係可以望住日籍師傅即場處理！💥鹿兒島黑毛和牛扒💥肉祭點少得最愛嘅牛，呢間嘅牛係選用鹿兒島黑毛和牛，除咗牛味濃之外，師傅唔會烹調到全熟，入口超淋，而家配埋炸蒜一齊食，味道提升！⚡️鹽麴烤利比亞豬⚡️以鐵板燒方式烹煮，配以鹽麴醬汁，能充分保留肉汁香味，有時好怕豬會比較（鞋），呢個豬扒油膩分布平均，入口層層肉+脂肪，香味十足！✨免治雞肉燒✨免治雞肉口感好軟，入口仲有少少雞軟骨，師傅係件免治雞肉上加上生蛋，令成件免治雞肉好滑溜！🔥熱熔芝士大阪燒🔥愛芝士🧀嘅真係必點呢個大阪燒！本身呢間嘅大阪燒係日本🇯🇵已經老字號，呢個熱熔🧀芝士🫣🫣🫣能拉絲之餘，仲要濃厚芝士味，入口陣陣芝士配埋大阪燒個醬汁，大滿足！📍 弁慶御好燒鐵板燒📌 中環士丹利街11號Stanley 11 6樓@benkeicentral@tsunagupro @foodieyanyannn #benkeicentral #弁慶御好燒鐵板燒 #大阪 #中環美食#大阪燒 #日本餐廳 #hkdining #hkfood #hkfoodie
繼續閱讀
大阪過江龍果然唔一樣啊！今次一家人嚟食，我同女仔特別鍾意大阪板燒。唔洗飛去日本都可以隨時嚟食啊，真係方便又滿足！【蠔大阪燒】用料：蠔、蛋口感：蠔大阪燒嘅蠔肉鮮嫩多汁，蛋燒得鬆軟，口感豐富，同時帶有微微的海鮮風味，令人回味無窮。【板燒牛】材料：牛、配菜青筍、茄子、玉米口感：板燒牛肉嘅口感真係好出色。牛肉經過燒烤，外層香脆，入面仲保持住嫩滑多汁嘅質感。配菜嘅青筍、茄子同埋玉米仲增添咗口感嘅層次感。整體嚟講，板燒牛肉同蔬菜嘅組合【海鮮炒麵】用料：蝦、包菜、肉、面口感：海鮮炒麵嘅蝦好鮮甜彈牙，包菜爽脆，肉嫩滑，面條彈牙有嚼勁，一口咬落去好滿足。【牛舌】用料：牛舌口感：牛舌好滑好嫩，咬落去有嚼勁，口感好豐富。【日本玉子燒】用料：蛋口感：日本玉子燒嘅蛋外脆內嫩，口感好綿密，入口即化，帶嚐鮮嘅味道。
繼續閱讀